qcyccc's Profile

今日放工後，黎到位於九龍灣E-max嘅餐廳試吓新野。呢間餐廳主推東南亞fusion菜。裏面嘅間隔坐得好舒服。呢間餐廳係寵物友善餐廳。見到餐廳分咗兩個區域，一邊係專為寵物主人而設嘅用餐室，令一邊則係無寵物餐廳。喺香港唔係好多餐廳可以攜帶寵物入內呢個算係餐廳嘅一大賣點。由於我沒有寵物所以我就坐喺沒有寵物嗰邊。見到餐牌嘅選擇都好多，分別有泰國，馬來西亞，意大利，日本，澳洲菜都有提供。我就揀咗個油封鴨髀配意色茄醬意大利飯，香煎北海道刺身帶子墨汁意粉。另外小食方面就帶咗個泰式生蝦刺身同埋香茅白酒煮鮮蜆。見到餐廳飲啤酒做緊happy hour優惠。所以我哋就點左兩杯試試。首先嚟到嘅係泰式生蝦刺身，泰式生蝦，好新鮮，夠大隻，分量亦多，有成八隻。配上蒜片以及辣椒仔，再點上甜酸汁零舍開胃入味。之後嚟到嘅係香茅白酒煮大蜆，大蜆全部好大隻，完全無沙，好新鮮。香茅汁調得好入味，配上白酒汁，入口好清甜。之後嚟到嘅係主菜。首先嚟到嘅係香煎北海道刺身帶子墨汁意粉。意粉好有咬口，帶子好新鮮，外面煎得香脆，裏面好鮮嫩香甜多汁。墨汁意粉好爽口彈牙配上番茄仔，青瓜，蟹子等配菜完全帶出鮮味。之後嚟到嘅係油封鴨髀配意色茄醬意大利飯。鴨髀有兩大隻，煮既火候啱啱好，唔會太熟或太生，肉質好嫩滑配上醋汁進食好味。意大利飯好煙韌同新鮮番茄醬好夾，分量夠晒大，好味。…Read More

九龍城一向泰菜餐廳都好多。今次行開經過見到泰象館未到七點已經坐滿晒。今次第一次試，好彩早嚟少少如果唔係都要等位。係傳統嘅泰國人開。Menu選擇好多有成10幾版，睇到花多眼亂。我點左個冬陰功，青芒沙律，明爐青檸蒸烏頭魚，見到烏頭魚係佢特別推介，仲有馬拉盞炒通菜。菜嘅份量全部都好大碟個.青芒沙律夠晒入味，酸酸甜甜，芒果好新鮮而且係即刻整，配上番茄，花生等等嘅配料，好開胃，食慾大增。馬拉盞炒通菜亦好香口，通菜夠晒新鮮 。我特別推介蒸烏頭魚，烏頭魚好大條，兩個人食都夠晒飽。烏頭魚嘅佐料，有好多，蕃茄仔，青檸，辣椒仔等。滾左差唔多10分鐘再食。條魚好新鮮一啲都無腥味。湯頭亦好鮮甜。另外冬陰公都好好飲，入邊有好多海鮮，海鮮嘅份量仲多個湯，蝦都有成三隻再加上冬菇仔蕃茄仔等。本身叫埋甜品，但由於飽得滯都試唔到。到走嘅時候見到外面仍然好多人等位，絕對會再返嚟食…Read More

今次嚟到位於金巴利道嘅韓國餐廳。沿途行過來一整條街都係韓國餐廳。黎到時差唔多七點，時間尚早。見其他舖頭𥚃面食客唔多，唯獨是呢間Hanook 已經要開始等位。等咗一陣就好快入得。餐廳好貼心每台都有一支搓手液以及維他命C。之前見到網上介紹，主推冇味精湯。我就點咗人蔘雞湯，原味餃子王，泡菜餃子王仲有個石鍋拌飯。餐廳亦送咗一疊小泡菜蘿蔔蘿蔔好新鮮酸酸甜甜唔會太辣。人蔘雞湯好鮮甜，完全冇加落味精湯里面有好大支人蔘以及成隻雞。雞肉非常之嫩滑，而且一啲都唔肥。所以用黎做湯唔會有油脂浮上面。雞另外仲包住左啲飯。飯吸晒雞以及湯嘅精華非常之好食😋石鍋拌飯配料豐富有羅白絲，紫菜。上枱時石鍋夠晒熱，做到飯焦嘅效果。我當然趁熱食撈埋芝士。以及撈埋另外上既韓國辣汁，可以隨個人口味調整辣度，夠晒貼心。原味餃子王足足有差唔多半個拳頭咁大。裏面好多配料，有雞肉同埋白菜，皮薄餡靚。另外仲點左個泡菜餃子王。好特別，平時好少食得到。裏面嘅配料好豐富，泡菜以及豬肉，泡菜酸酸辣辣，好易入口。喺香港好難搵到啲冇落味精嘅韓國餐廳。有機會一定要再返嚟食。…Read More

今次放工之後來到荃灣想試吓新野。見到呢間外面好似Cafe嘅鋪頭，有盆栽作為裝飾，望真啲先知道係泰式餐廳。我哋被安排坐上樓上嘅位置。六點嚟到已經開始有人喺門口等，入面環境好舒服。餐牌選擇眾多基本上熱門嘅泰菜都可以選擇。👍🏻我就點左鳳爪沙律，炒雜菜，泰式無骨滷水豬手同冬陰功湯。平時食開嘅泰國菜都比較小份，而呢間餐廳嘅所有小菜分量十足，啱晒一群朋友share食。😋首先嚟到嘅係鳳爪沙律，鳳爪好爽口新鮮，而且去咗骨，配上酸甜嘅泰式汁同埋生菜洋蔥非常之開胃。😋另外炒雜菜有好多種類，有南瓜，芥蘭，西蘭花，雞髀菇，蘿蔔再配上炸蒜以及係好香嘅魚露。菜非常之新鮮，炒得好有鑊氣同埋非常入味。而冬陰功湯簡直就係我嘅最愛，冬陰功非常之濃味，飲得出落咗好多料。裏面有成五六隻大蝦，配料非常之多，仲有菇仔。椰汁味非常香濃，亦夠酸甜。大蝦非常新鮮，配上鋪上面既香菜，好夾。另外泰國無骨鹵水豬手亦值得推薦。豬手半肥瘦剛剛好，仲有好香嘅滷水味，底下配上芥蘭食落冇咁肥膩，仲有酸甜汁，呢果餸攞嚟送飯一流👍🏻肉質非常鮮嫩。入口即溶，食完呢幾個餸非常之滿足。三四個人食都絕對冇問題。會再幫襯😋…Read More

今日嚟到尖沙咀搵嘢食。突然想食韓國嘢，就嚟到尖沙咀韓國街見到呢間韓國餐廳大排長龍，等左大約15分鐘就有位 。餐廳非常貼心，係每座桌面上都放上一支酒精搓手液，等客人食得安心。黎到韓國餐廳當然要食炸雞啦，我就揀咗個甜辣炸雞，韓式炒粉絲同埋牛肋骨湯。甜辣炸雞嘅外皮十分鬆脆，而且係即叫即炸，好新鮮。底層配上一層薯條，係食到雞之餘仲有薯條，可以點甜辣醬食。雞肉非常鮮嫩多汁，一啲都唔鞋，亦唔乾，而甜辣醬亦唔會好辣，甜甜辣辣非常開胃。炸雞既份量非常之多，有成十幾件雞件。炸雞亦配有酸蘿蔔讓客人消濟。另外甜辣粉絲，係即叫即炒。配上洋蔥，紅椒，黃椒。粉絲好煙韌，吸晒酸甜味道，好開胃。仲有個牛肋骨湯，飲落似煲制多時。吸收晒牛嘅精華，好香嘅肉汁味。牛肉亦好淋，裏面配有粉絲，十分驚喜！…Read More

今次又來到試吓新嘢先。呢間位於太子附近嘅Cafe，遠離旺角鬧市。地鐵站距離大約10分鐘大約7點零到，估唔到已經差唔多滿。一入到門口見到餐廳好貼心咁提供左消毒搓手液比客人清潔雙手清潔，夠曬衛生值得表揚。點餐屬於自助形式去收銀處先點餐隨後侍應會將食物送上枱，見到選擇種類都有好多。我就一共點左五樣嘢食。法式羊架七成熟，羊架有3條。非常香口，一啲都唔蘇。最特別嘅係煮法，表面鋪上一層芝士粉有焗，所以食落嘅時候有外脆內軟嘅感覺，再配薄荷汁好夾。三條剛剛好夠一個人食。另外點左個黑松露巴馬臣芝士薯條，薯條係即叫即炸好新鮮，而且個份量亦都夠大。薯條上面有沈左一層芝士粉再配上佢哋特製嘅黑松露芝士，夠晒黑松露嘅味道，薯條好香脆一啲都唔乾身而且夠晒熱。比起普通嘅炸薯條更富有層次。法式豬鞍嘅份量好大碟用左紅酒汁來煮味道夠晒特別，同埋酸果做配菜。豬仔骨好淋，有好香嘅香草味。另外亦點咗個滿蜆肉蝴蝶意粉。我見餐牌上有兩個size，一個係正常份量，另一個係雙倍份量蜆肉。我就揀咗正常蜆肉。估唔到正常份量人嘅蜆肉已經好多鋪們晒成個碟，好難想像雙倍嘅份量係幾大。味道方面，蜆肉好新鮮一啲都冇沙，蝴蝶粉亦好新，配上白汁香草個味道好夾。唔會太濃味或淡味，個汁調得啱啱好。另外點左個牛油果三文魚薄餅，第一次試牛油果配薄餅，估唔到味道出奇地夾，唔會太油膩之餘感覺好健康。配上佢嘅三文魚同芝士好好味。…Read More

餐廳主力就係做拉麵 ，離遠望過去已經好有日本拉麵店嘅感覺。餐廳整體作全落地玻璃，十分通透。裝修方面要好日式，用上全木材。餐廳有5個湯底選擇，而飲品方面亦有啤酒汽水可供選擇。我點左個黑豚大蒜豚骨湯底，配料有肩胛肉，半熟蛋，木耳，大蔥，紫菜。另外嗌咗個海老豚骨湯底。蝦味味噌豚骨湯附有肩胛肉，半熟蛋，筍乾，櫻花蝦，大蔥，紫菜。黑豚湯底個味道好濃厚。湯底一啲都唔稀，熬咗十幾個鐘先會有哩種厚度。湯底亦有好香嘅蒜味，整體唔會太淡又唔會太咸。剛剛好。面身係細麵，硬麵身。個人喜歡食硬麵所以好啱我口味，半熟蛋整得啱啱好，係日本溏心蛋，個蛋黃好甜。蛋黃岩岩好.拉麵再配上紫菜嘅等等既配料，好好味。食到最尾再加咗個麵，依然係保持水準夠晒熱同硬。海老湯底有好濃厚嘅蝦味，再配上櫻花蝦做配料。蝦嘅味道更加突出。豚肉本身係薄切，有3塊,半肥瘦啱啱好。唔會好油膩，木耳好爽口夠曬新鮮。好滿足…Read More

泰廚泰國菜館位於旺角嘅鬧市中。距離地鐵站只係5分鐘嘅路程，附近購物設施一應俱全。購物完很行到攰就又想試下泰國嘢就試下。😋係餐廳門口見到火爐炮製串燒，店員非常注意衛生帶上口罩及手套烹煮串燒。👍🏻入餐廳後，餐廳有兩層，裏面掛咗好多泰國嘅鎖匙扣作為裝飾，亦有不少泰國擺設，仿如置身泰國當地一樣。👍🏻既然係門口見到佢個串燒爐咁當然要嗌下串燒啦。😋我就嗌咗個燒雞串同埋燒豬串，另外左嗰個青咖哩雞肉配上薄餅。主食就揀咗個炒金邊粉，再加埋個泰式豬手。見餐廳做緊推廣，惠顧滿兩百蚊就可以加一蚊揀選指定的菜式。咁我就用一蚊加咗個泰式生蝦。好抵啊！😋率先想上臺嘅係泰式生蝦 ，生蝦好新鮮，有四隻，再夾埋辣椒仔同蒜蓉片 再加上特調醬汁，好好味。😋再來的就是泰式炒通菜，份量非常大碟，有微辣，充滿獲氣，菜也夠嫩。泰式青咖哩個咖哩好正宗，甜甜微辣。裏面好多配料，有青豆，小矮瓜，雞肉亦份量多。再配上個薄餅香脆酥化，味道一流！😋之後就到泰式金邊粉，泰式金邊粉裏面，有蝦，雞肉，豬肉，再配上去個青檸汁酸酸甜甜，非常之好味。串燒配上沙爹汁好香口。而串燒係即叫即整，所以夠曬熱。雞肉同豬肉非常嫩口。泰式豬手例牌份量都好大碟配上個酸菜芥蘭。豬手肥瘦適中。個醬汁亦調得好好。餐廳味道正宗而且份量夠曬大碟。相宜嘅價錢食到咁高嘅質素，會再過來光顧👍🏻…Read More

今次嚟到觀塘嘅工業大廈搵嘢食。餐廳位於工業大廈裏面，唔算太難搵。地鐵站行過嚟大約10分鐘。門口裝修得靚起地，掛咗幅壁畫同埋有盆栽。餐廳大約可以坐到20人。一入到門口首先見到個甜品櫃。原來老闆話餐廳內主力係做lunch嘅生意。啱曬附近一眾打工仔黎食lunch。午餐餐單有9個選擇，我點咗個蟹肉西班牙紅蝦汁意大利粉同埋紅酒燴安格斯牛肋條飯。餐飲揀咗個熱柚子蜜同埋凍果茶。食物係即叫即整。蟹肉西班牙紅蝦汁意粉有好濃嘅龍蝦汁味，原來係佢哋自己用新鮮蝦熬制出嚟嘅汁，蝦十分鮮甜，意粉好煙韌。紅酒燴安格斯牛肋條飯有好香既嘅牛肉味。伴菜方面亦有紅蘿蔔，整體感覺有菜有肉。唔會太濟。牛肋條嘅份量夠曬多。個牛肉汁送飯，味道一流。有三個甜品選擇，我點咗流心魔鬼朱古力蛋糕，蛋糕係佢哋自家製嘅，好香嘅朱古力味，亦唔會太甜，睇到蛋糕裏面有大約4層，所以食落充滿口感。…Read More

今次嚟到位於銅鑼灣鬧市中嘅泰國餐廳Sayam Thai bar食飯。呢間係新餐廳，餐廳開咗大約一個月餐廳。係正sogo對面，地鐵站行大約5分鐘就到，位置非常方便。一去到門口 覺得好似spa既感覺，好有泰國特色，有植物作為佈置，採用大量木製餐桌。一入門口就見到有bar枱，仲有調酒師添，就算放工嚟happy hour都得。菜式種類有好多，泰國最出名嘅菜式都有供應。包括湯，燒烤，串燒，沙律，咖哩，海鮮，粉麵飯。飲品除咗有傳統嘅汽水，啤酒外仲會有mocktail cocktail, draft beer！而我就點咗個青木瓜沙律，青咖哩燒雞腿，濕炒海鮮麵，馬拉盞炒椰菜花。青木瓜沙律夠曬新鮮，除咗有青木瓜沙律仲有西式嘅沙律菜配上泰式魚露， 仲有個糯米飯。估唔到叫一個青木瓜沙律就可以享受到三種唔同嘅味道。馬拉盞炒椰菜花，蔬菜好新鮮，馬拉盞汁好香濃，配上乾蒜片，炒得好入味。另外特別推介青咖哩燒雞腿。雞腿燒得好嫩滑，係即叫即燒嘅。就算唔點咖哩汁都已經夠曬香嫩滑，本身雞腿已經醃製過好入味。青咖哩裏面有泰國空運過來嘅小茄子以及蘿蔔蔬菜，仲更有薄餅，配上青咖喱一流。濕炒海鮮麵，呢個麪喺其他餐廳都比較少見到所以點咗嚟試。聽餐廳老闆講麪係泰國空運過既鹹蛋麪。本身已經有好香身。個濕炒汁夠曬份量，入邊亦有好多海鮮，海鮮夠曬新鮮。個麪配上個醬汁係一流嘅配搭。麪身係即叫即炸，好香脆又唔會太熱氣，一啲都唔油膩。食飽曬正餐後最後叫咗個芒果糯米飯先夠滿足，芒果夠曬大個，新鮮香甜。糯米飯亦好香軟，配上椰汁夠曬入味。…Read More

今次嚟到石門附近站搵食。見到呢間兄弟工房，一問之下原來真係幾個識左幾十年好朋友嘅兄弟一齊開嘅。餐廳設計像咖啡室，很舒服亦有不少佈置。餐廳提供多款經典西餐菜式，包括有西班牙黑毛豬，烤羊假， 美國肉眼扒，選擇種類之多總有一款啱你口味。餐廳仲會每星期轉換餐牌，為食客帶來新鮮感。餐廳有二人晚餐，有薯仔忌廉湯， 沙律，主菜方面亦有幾款選擇。我就揀咗燒墨魚圈配墨汁意粉同埋豬肋骨。另外加咗個白酒煮藍青口配多士。率先上枱嘅係薯仔忌廉湯，湯底夠晒濃厚，飲落去有好香嘅薯仔味。之後嘅沙律菜夠晒新鮮配上黑醋夠晒開胃。份量亦夠曬大碟。之後嚟到嘅係白酒煮藍青口配多士。青口好新鮮湯汁亦有好龍濃嘅白酒味好鮮甜配上多士好好味。極力推介燒魷魚配墨魚汁意粉。一上枱伴碟已經好靚，有餅乾條串起一串魷魚圈，賣相夠晒精緻。魷魚夠曬爽口彈牙，而墨魚汁配上嘅意粉好好味。豬肋骨夠晒大份配上新鮮嘅香炸薯條以及燒烤汁。豬肋骨肉質好軟，夠曬juicy。食呢個二人餐非常滿足。…Read More

餐廳氣氛好好，裝修新穎。餐廳主要話氛圍 用餐區以及酒吧區。用餐區有現場樂隊即是表演，食野之餘亦可以享受現場音樂。餐廳嘅座位設計寬敞。特別之處係餐廳嘅中央有一處酒櫃，客人可以進來選購 紅酒，白酒，威士忌各式各樣唔同嘅酒。餐牌選擇種類繁多，我揀左以下嘅菜式。12小時低溫慢煮烤乳豬件烤乳豬好嫩滑，皮好香脆。最特別嘅地方係佢配上無花果蜜糖燒汁。整體個醬汁唔會話太甜太濃味，搶去乳豬本身嘅肉味。伴碟菜亦有沙律，一口乳豬一口沙律，令乳豬嘅油膩感減退。鮮魷魚自家製手造闊條麵。有煙肉，嫩菠菜，芝士忌廉汁。闊條麵食得出係自家手做嘅，特別煙韌有咬口，配上鮮魷魚以及芝士忌廉汁係一流嘅配搭。冷泡烏龍茶蜜糖牛油奶蓋，烏龍茶係無糖嘅配上淡淡糖味嘅牛油奶蓋，消滯嘅配搭，尤其係搭配跟住落嚟嘅甜品拼盤。甜品拼盤 。話就話係 一至兩人份量。基本上兩個人唔會食得曬 ，話四個人分享也絕不為過。拼盤入邊有5款甜品。分別有朱古力心太軟，焗酥皮香蕉卷，法式焦糖燉蛋自家製意大利蛋糕 ，自家製雪糕。所有甜品係即叫即焗，等候時間約為二十分鐘。朱古力心太軟唔會太甜，一食有熱熱嘅朱古力醬流出嚟。焗酥皮香蕉卷好特別，外面比較少機會食得到。酥皮好香脆唔會太厚。自家製雪糕係雲呢拿口味好香滑。食完正餐再食甜品非常滿足:)…Read More

之前行開黃埔見到有呢間泰國餐廳已經想試，餐廳喺大型商場外面，位置十分便利，地鐵站出嚟行幾分鐘左右就到。餐廳設計清新，以綠淺綠色為主調，座位寬闊菜式方面選擇十分多，基本上常食開嘅有名泰菜，都可供食客選擇我揀選咗香葉肉碎生菜包炸蝦餅，泰式蝦炒金邊粉，馬拉盞炒通菜，最後當然唔少得甜品，芒果糯米飯。上菜時間好快，失上臺嘅係馬拉盞炒通菜，好大碟，剛剛炒起夠曬獲氣。而馬拉盞亦夠入味，通菜新鮮。另外炸蝦餅即炸即上枱，外脆內軟，配上泰式香辣醬夠曬惹味。泰式蝦炒金邊粉，賣相十分討好。雞蛋炒成網狀再加上直立嘅韭菜，賣相像一個菠蘿，讓人食慾大增。當然味道亦不比賣相遜色，鮮蝦非常新鮮配上檸檬汁以及辣椒粉既金邊粉，好味！香葉肉碎生菜包肉碎炒得好香口，生菜好新鮮，夠曬爽口。兩者配合一流 又唔會太油膩。雖然食完呢幾個菜式已經夠曬飽。但仍忍不住點咗芒果糯米飯，伴碟非常精緻討好，糯米飯分咗兩隻顏色，紫色嘅係黑糯米，而綠色嘅係斑蘭味糯米。芒果好新鮮夠曬鮮甜多汁，椰漿亦好入味！…Read More

坐落於住宅區，這是一家大有工業風格裝潢的餐廳。看得出來餐廳老闆花了不少心機在餐廳佈置方面。大約一千多呎的餐廳劃分為兩個小區，小的一區為酒吧區，伴有高吧台，供食客觀賞球賽。另一區約占總面積三分二的，為餐廳區。樓底高，很有舒適感，是餐廳給我的第一感覺。被安排就坐於酒吧區既我一抬頭便見到一塊牌匾，寫有Good times for good people，想必這是餐廳的宗旨吧。酒吧區的吧臺酒架所排列的酒琳琅滿目，估算超過兩百枝。亦有專業調酒師。食品方面選擇種類繁多，小食，前菜，意大利粉，薄餅 ，連甜品亦有提供。我點了牛油果蟹肉沙律，法式寶雲蘇羊架，帶子鮮蝦墨魚麵配意大利汁，以及薯條。另外點要一杯雞尾酒，是調酒師為我特製的，裏面有接骨木花和gin。適合女仔口味。聽住餐廳熟悉的背景音樂放輕心情。牛油果蟹肉沙律不愧為餐廳推薦，非常有特色。牛油果沙律帶有檸檬汁，一啲都唔濟，食落好新鮮開胃，亦有新鮮嘅蟹肉鋪在沙律面。法式寶雲蘇羊架點了七成熟，火候剛剛好。甫上枱面便傳出陣陣香味，羊肉亦一啲都唔騷，伴碟配有新鮮嘅焗薯以及燒烤汁。帶子鮮蝦墨魚汁配意大利麵，帶子及同鮮蝦都好新鮮，出色。餐廳老闆娘及侍應非常好客，會不時詢問客人對餐廳 給食物嘅意見。非常熱情好客。亦從中得知原來餐廳設有包場服務。不時會有客人包場來慶祝派對。整體來說，餐廳嘅性價比高，裝修有格調，非常適合三五好友小聚或者包場派對。…Read More

這次試的餐廳是位於北角的高興+。出外用餐除了果腹外，無不希望透過食物的味道獲得快樂 。餐廳名字正正提醒我們。:)餐廳由北角地鐵站步行數分鐘，無需查看手基機地圖，亦會被餐廳啲門外裝潢吸引，與鄰近店舖的佈置有所不同，整塊落地玻璃，清晰地呈現出餐廳內七彩繽紛的佈置。 使餐廳店份外突出。餐廳樓底甚高，沒有壓迫感，空間感十足。餐桌並不擁擠，適合三五成群嘅朋友來小聚一番。菜譜選擇很多，涵蓋小食，沙律，主食，意粉，pizza，甜品。我和友人點了沙拉日式芝麻汁豆腐素菜沙律，主菜慢煮豬肋骨，蒜香車厘茄帶子闊條麵 ，甜品高興鮮果窩夫，及飲品抹茶拿鐵，桂圓紅棗功夫紅茶。日式沙律的份量十足，香滑嘅豆腐磚配上芝麻醬和新鮮既沙律菜，令人倍感開胃。慢煮豬肋骨配有新鮮薯條，配上燒烤汁和茄汁。薯條非常香脆，由新鮮薯仔制作，豬肋骨肉質鬆軟，醃製入味，配上燒烤汁份外惹味蒜香車厘茄帶子闊條麵，在闊條麵當中配有蒜香，帶子很大顆，非常新鮮，闊條麵亦非常煙韌，口感像是手拉意大利粉雖然胃已經有九分飽，但見到個窩夫咁吸引仍然忍唔住嗌。窩夫係即叫即整的，需時15分鐘，有很重嘅蛋香味，同其他窩夫不同既係佢係配上乳酪，而唔係忌廉，一酸一甜，味道意想不到地夾桂圓紅棗工夫紅茶係一壺呈上，茶裏面配有數顆大紅棗，泡幾分鐘後沖出。食完甜品後用來消滯一流。…Read More