Chjann's Profile

今日同朋友慶祝生日🎂收工後就嚟咗金船長食晚餐🤗平時聽同事講呢度嘅黑松露Pizza好正，今次終於試咗！佢個外形似烘三文治，好脆口，同埋佢灑左面包糠係面，加埋本身黑松露同芝士份量好足料，睇得出佢地好用心整，成個菜式係設計過。waiter好細心咁同我介紹pizza三種食法，有原味、提子醋同沙律菜食法，我個人比較鐘意原味同沙律菜，因為咁樣食黑松露既香味好出，諗起都想再食😂提子醋就酸酸甜甜，中和返芝士既油膩感，係一個好細心設計既配搭。另外仲叫左蜜糖燒汁焗豬手，呢個真係要讚！平時我係唔會食豬手，我驚肥同埋d肉唔靚。但係呢到個豬手首先好大件先啦，跟住肥細分佈又均勻，個皮就算厚同有肥膏，食落都唔會膩同成口油，豬手既肉亦都好嫰滑。最重要係佢個蜜糖汁，甜甜地又有燒烤個種香味，同配菜（紫薯、蕃茄、栗米、菠菜）夾埋一齊食個口感同香味都係一流！絕對推介豬手，值得一戰😋😋飲品得揀凍朱古力，大大杯又濃朱古力味❤️小食就叫咗法式焗田螺，蒜蓉味好香加上我覺得田螺啱啱好，麵包浸落去啲蒜油到真係好開胃，做頭盤食既份量係岩岩好。甜品就朱古力心太軟🤗心太軟個朱古力做得好好，唔會太甜，同埋質感唔會「結達達」，加上焗既時間又係配合得好準，做到流心既效果之餘蛋糕亦都好鬆軟！擺盤又靚，配埋雪糕一齊食好正😋😋女人就算食到幾飽都有個胃係留比甜品架😂另外想提一提呢到既服務真係好好，佢哋上菜會因應客人嘅進度，唔會一堆堆晒d食物過黎，又唔會main同甜品一齊上，呢下真係好細心，無得彈👍🏻👍🏻…Read More

其實對美心唔應該有咩期望，我都明既，話晒呢d大型連鎖餐廳，煮得落肚食得落口就係咁上下。今日晚餐粗粗地食左個雜扒餐，本身想叫西冷扒，但佢又無晒。d扒質素普普通通，勝在夠「淋」，易砌。洋蔥汁亦無乜味，只係有幾條洋蔥係面既汁。腸仔同煙肉就唔好食，腸仔既肉無味，劣質腸，好似食緊舊膠咁，肉實但無味，煙肉就又硬又咸。蘇皮湯就好普通，我寧願佢入面唔好加d咩海鮮料，依家加左又唔好食，又好似食緊膠粒咁，栗米又無汁又唔甜，唯一好既可能就係蘇皮幾脆。雖然係連鎖餐廳姐，但唔該都比d心機做好d啦，我細細個食既美心大家樂呢類連鎖餐廳都無咁差，可能依家遊客多做到點差都唔愁無人食啦，唉。…Read More

新香園既蛋牛治一向出名，受多人追捧。但今日突燈去食就令我大失所望了😞最期待既蛋牛治烘底好乾，蛋整得太熟，一d蛋汁都無，加埋本身既牛肉碎都好乾，無肉汁，所以成份蛋牛治根本就勁dry😨諗住飲杯奶茶濕下個口，點知奶茶無味，好似飲熱水咁，比一般屋村茶記既奶茶仲差。我朋友就叫左個西多，反而西多仲好食過蛋牛治，外層炸得幾脆，裡面亦夠軟，亦都易砌，不過份量就小左d。員工效率同態度值得一讚，好快，而且好nice，但環境太迫，坐得唔舒服，食完就即刻走，唔會享受到食野既過程。…Read More

眾所周知呢到就係殯儀館既地方，無必要都唔會想黎呢頭。但咁岩我係紅磡放學，求求其其咁就入左呢間冰室食左個下午茶。豬扒包跟餐送大枝可樂，雖然個包細左d，但整體而言幾好食，佢除左茄汁仲有沙律醬，野食亦都夠熱。炸雞脾餐就麻麻啦，因為肉質好差，又唔係炸得好脆口好香，唔會再食。西多幾好，有花生醬做底，幾香，不過炸得太淋。…Read More

之前係美食展試過朱古力味味雞蛋仔，個陣已經覺得好好味，因為佢d朱古力係一粒粒係晒雞蛋仔入面，口感好紮實！今次再黎食，見佢新出左好多種味，有紫薯、抺茶等等，多到唔知揀邊隻好，仲要每隻我都想食😂最後揀左紫薯！佢入面除左紫薯之外仲有混埋蕃薯蓉，口感好豐富，每一粒雞蛋仔入面都塞滿晒紫薯，皮亦都焗得好脆，夾埋紫薯簡直外脆內軟💕加上紫薯香味好濃郁，我諗佢無乜點落糖，因為紫薯既甜味都已經好足夠！聽老板娘講遲d仲會出埋栗子味！一定要試😋…Read More

食蟹既季節終於到，點都要食返餐正既海鮮餐💕平時去比較出名既酒樓食一定份量又少又貴，所以我事前都認真問下d fd有咩好介紹，最後就揀左金聯！今次同朋友一行五人食左個超豐富既海鮮餐！其實食海鮮一定係去d小店食，呢d地方先足料夠秤又夠鮮。我地叫左海蝦、龍蝦同面包蟹，最後就係海鮮粥。首先緊係講d海鮮先啦，海蝦好大隻，而且夠晒鮮甜，肉質又彈牙，連平時蝦頭蝦膏既部位都可以食，因為平時出面食既蝦係好鮮、有d甚至又臭又苦，但係佢地既海蝦就完全無呢個問題！跟住就係龍蝦，因為佢地既海鮮塔係姐姐親自係我地面前落塔蒸，所以會見到海鮮本身既色水，我見到佢地既龍蝦係好新鮮好靚，d色好鮮豔，蒸熟再食更加發覺佢地既肉質係好鮮甜爽口，加上佢係用同一個塔不斷蒸海鮮，所有鮮味都不斷咁融入去每種食材裡面，所以味道非常濃郁。面包蟹更加唔洗講，平時出面食得好細隻，呢到既面包蟹簡直又大又多肉又多膏！d膏多到係我同朋友輪住食都仲有好多，而且d膏係好有口感，你會感覺到佢係一舊舊既蟹膏，而唔係出面個d一pat pat食完好似無食咁既膏，口感同味道都極次豐富。最後當然唔少得重頭戲海鮮粥！經過一輪輪海鮮蒸出黎既鮮味之後，所有精華都融晒係粥裡面，一打開個蓋，成個海鮮粥既鮮味已經湧晒上黎，就咁睇粥既顏色都變得愈黎愈濃！個粥好煲左咁耐，單單用海鮮既鮮味就已經令個粥生色不少，再加埋本身用既海鮮係又新鮮又靚，煮出黎既粥一定係又鮮又甜，味都唔洗較，純天然海鮮既調味，個粥簡直係無得頂，真係好正。伙記仲好細心幫我地去左層油先再「不」粥比我地食，細心服務👍🏻👍🏻…Read More

朝早九點幾就黎到飲茶，可能閒日黎唔洗排隊。不嬲都聽人講呢間酒樓野食唔錯，今日就同屋企人黎試下！我地四個人叫左8樣點心，首先我最想讚下既就係蝦餃皇、烤芋角同蒸粉果。首先講下個蝦餃皇，佢一粒蝦餃入面至少有兩粒蝦，蝦肉又彈，蒸皮又軟硬適中，整體黎講係足料又好味！平時蝦餃食黎食去都係咁，無乜大分別，但呢到既蝦餃真係又大又靚，唔會好似d度縮酒樓咁得一粒蝦仔🌚根住就輪到烤芋角，呢個芋角一牒雖然得三粒，但因為佢又烤又芋頭既關係，所以我諗住少少地過下口癮就夠。點知佢食落雖然滿口芋蓉，好足料，但因為佢又香又脆，加上佢芋頭唔係好大舊，所以食落無想像中咁膩，反而芋蓉同脆皮既對比就好突出，估唔到咁好食！蒸粉果亦都係好野之一，同蝦餃一樣，大大份又足料，我食到佢粉果有蔥、西芹粒、香蘿蔔、花生，個皮亦都蒸得岩岩好，軟林林但唔痴牙，夾埋一齊口感好豐富😋😋但係我覺得燒賣就普通，因為佢亦都係大大粒，可能其他人會鐘意，但我個陣已經食太飽，所以好膩😂總結黎講，呢間酒樓既點簡直大件足料又抵食！…Read More

家人生日緊係去酒樓食小菜，老少咸宜。今次叫到成枱都係，但因為太好食😂今次食左芝士焗龍蝦e面底，多汁多肉又夠大份。首先佢個龍蝦好彈牙，同埋又夠大隻，一個人一底都可以食到兩三件龍蝦，另外佢個e面底既芝士汁岩岩好，我好驚d芝士汁太濃太漏，但係呢個汁就無呢個問題，因為佢比一般芝士醬稀，好岩送面同送飯，因為易撈。同埋上枱既時候食物味道好香，加上夠熱，所以就食物新鮮同味道黎講真係無得彈！之後亦都叫左個炸子雞，皮脆肉嫰，隻雞本身唔以會太咸，但就更普重係香味方面，因為佢另外配左個醬油比我，可以自己adjust個咸味。佢隻雞炸得好脆，好香口，我覺得唔洗點醬油都好食。飽魚仔都係我覺得唔錯既一碟菜，因為佢處理得好好唔會有鮮味，同埋蒸得唔會太老，食落就好彈牙亦都好新鮮。同埋佢本身飽魚仔夠味又夠鮮，我無點咩醬食都已經覺得好鮮甜，食返佢個原味係最好。雖然酒樓一定又嘈又多人，但係得呢d；地方既食物先夠鑊氣。相比其他酒樓，我覺得呢到衛生程度已經比一般酒樓好，服務態度亦都好好，做野快之餘得閒仲會同我地吹下水。雖然我坐既地方比較近廚房，但地下亦無污水或者垃圾，所以呢間酒樓既環境衛生同服務態度我都滿意既!…Read More

無食一排紅冰，今次去食返已經風光不再😞我照舊叫左個常餐c同雪山朱古力西多。常餐c蛋好炒得都滑，但就無味，自己要再落鹽先食到有味，跟住個撈面唔夠熱，送到黎無耐就凍晒🌚但個豬排就幾好既，夠晒淋。最令我失望既係西多，送到黎見佢個樣都幾靚，點知一食落口就出事，又乾又淋又多油，仲要只不過係多左幾下朱古力拉花就比普通西多收貴好多，係我食過最唔脆又無味既西多，好似食緊一舊舊面包咁🌚🌚…Read More

首先一入到去我係坐高枱既，我發覺呢間bar個環境幾好，因為座位坐得幾舒服，另外佢後牆有一大個mon 去播下mv咁，靚之餘又有音樂聽。加上接近萬聖節，佢地放左好多Halloween 既decorations，好有feel👻👻bar黎講最緊要係個環境好，咁樣我先會想stay係到同fd吹水食野，而呢間bar提供到一個好環境比我。另外最重要既緊係食物方面，我同個fd order左個青口芝士燴飯，炸飯球同bama ham pizza。首先個講下個青口芝士燴飯先，一碟有五件青口，青口係切粒同芝士一齊燴飯，所以好易食到，唔洗扯個青口，加上佢用左好多芝士去整，多到係連芝士絲都拉到出黎，個飯亦都軟硬適中，所以我好鐘意呢道菜，有海鮮得黎又易食又夠味。炸飯球亦都係一個令我喜出望外既小食，我以為佢係普通一個炸物，但點知食落佢係比左好多心機去整，佢入面既飯係有醬汁包住，所以本身已經好香，之後仲要拎去炸，所以係成個味道同香味都昇華左，另外餐廳可能驚炸物太漏太膩，佢地係飯球上面加左少少蕃茄粒同沙拉菜伴碟，食落就更加開胃同中和返炸物既油膩感。Bama ham pizza個底做得岩岩好，唔會太厚，所以食落好脆又香，加埋Bama ham好嫰，佢又配埋磨菇、芝士、茄醬一齊整，食落個口感好豐富，味道亦好夠味，送酒一流。今次佢地見我係女仔，推介左我飲呢杯Pinacolada，有少少酒精但好易入口，我飲到佢係用椰奶同yogut 一齊溝，感覺好新鮮同奶香味都幾濃，我自己都幾鐘意飲，加埋佢地有個小燈飾既杯墊，放上去杯野係會變色，好靚😍同埋可能接近萬聖節，佢係我杯野到放左個蜘蛛公仔😂所以我好鐘意呢間餐廳既細心，無論裝潢或者食物都好用心。…Read More

本身自己好鐘意食濃味又香噴噴既菜，因為個人比較重口味，所以食四川菜就岩晒我。今次終於同朋友食呢間有川菜既餐廳，因為之前經過閒到陣燒烤味同辣味，個陣已經好想試。上菜好快，最鐘意食辣既我連冷盤都要食辣，叫左份麻辣牛展。首先佢送到黎真係好香，因為佢配料都幾多，又芝麻又辣椒又青瓜，加上本身有個醬汁淋上面，所以牛展又香又夠味。同埋我地都叫左牛肉同羊肉串燒，仲有肥牛卷。先講牛肉，呢到食既牛肉真係好正，因為佢用既牛真係好嫰又勁易咬，另外佢燒得好入味，陣孜然味係老遠都閒到，仲有食羊肉既話加埋佢本身少少既蘇味，夾埋一齊個味道真係好濃好香，鐘意食串燒既我係完全食唔停！！肥牛卷又係夠晒味，仲要配埋佢特製既醬料，size又岩岩好放入口，一啖食落肚真係好正，個汁真好夾！💕💕下次黎一定會試個烤魚，見到勁多人食，但我個陣已經飽啦😭…Read More

山長水遠走去馬鞍山做文青。開頭見到雜誌介紹覺得呢間野超靚，因為有個落地大玻璃，透晒自然光入室 內，仲要可以坐！所以老遠都走入去hea下扮下文青🌚野食黎講有點小貴喔，主食質素一般，但野飲同甜品就好正，所以去食下tea又hea下既就岩晒。加上環境真係世界級，所以去relax下係一流💕…Read More

今次走左黎金鐘食。Bricklane食幾多次都係咁正，佢地個Egg Benedict set 同all day breakfast 係我每次都會叫！因為真係好好食😋Egg Benedict既荷蘭醬夠多，滿足晒我呢d食醬怪，仲有all day breakfast 夠晒大份，同朋友share 就唔洗咁貴都試到！不過我個人就比較鐘意尖沙咀呢間，因為裡面個環境係文青風，岩晒我扮野影文青相🌚…Read More

今日試左兩個lunch sets一個係carbonara spaghetti，另一個係gilled chickenSpaghetti好多汁，而且配料份量都岩岩好另外gilded chicken 都好香，不過d肉質木左少少，但配返個汁其實整體試黎講都接受到同埋真係好好，同個fd慢慢食下又傾下咁好relax，所以食野既環境真係好重要😋…Read More