Foodcritic804's Profile

依間餐廳真係幾好，先講滷水紅腸墨魚同鵝片。紅腸同墨魚滷得好入味，口感彈牙，鵝片亦非常嫩滑，每一啖都充滿滷水香味，令人回味無窮。再講咸蛋炸蠔餅，外脆內軟，咸蛋黃同蠔肉完美結合，味道濃郁但又唔會太膩，食落去真係滿足。搭配白飯，將滷水汁淋上飯面，簡單又美味，令人食指大動。飲品方面，凍檸檬利賓納係一個清新選擇，酸酸甜甜，飲完好醒神。而王老吉就正好平衡咗滷水同炸物嘅熱氣，清熱解毒。整體而言，呢餐有傳統風味，味道出眾，性價比高。無論係朋友聚餐定係家庭聚會，都係一個好選擇。下次一定會再嚟試其他菜式！…Read More

最近發現呢間尖沙咀樓上韓式餐廳，淨係環境已經好吸精，嘢食都相當有水準！呢間位於諾士佛臺嘅韓式餐廳，裝潢摩登又時尚，處處都散發著韓國的氛圍，好似去咗轉韓國旅行。一走入去就聽到流行k-pop，大螢幕上仲播著可愛的熊啤啤跳舞，超得意！仲有大型熊啤啤公仔，非常適合嚟打卡。嘢食方面一樣唔輸蝕，應有盡有，真係唔識揀！佢哋menu包括了韓式炸雞、芝士鐵板、各種小食仲有酒精飲品，簡直是韓國美食天堂。我同朋友點咗幾道招牌菜，首先係”大發！芝士鐵板泡菜炒五花肉“。色香味俱全唔洗講啦，鐵板上嘅泡菜同炒五花肉混合得恰到好處，仲有層層熔化嘅芝士，極邪惡！另外一道我們點嘅係”蕃茄韓式辣海鮮湯配中華麵“，個湯辣度啱啱好，湯入面嘅海鮮鮮嫩多汁，加上蕃茄嘅酸甜，絕配。而且中華麵增加咗口感嘅層次感。最後，我們仲點咗”韓式炸餃子“作為小食。餃子外皮炸得酥脆金黃，味道非常地道。每一啖咬落去，都能感受到餡料嘅鮮美同外皮嘅脆口，絕對係飲酒嘅絕佳選擇！…Read More

嚟紅磡探朋友，佢推薦我嚟食沙茶麵。閔南菜我都係第一次試。睇餐牌見到主打都係沙茶都同牛骨湯麵。今次一預試吓招牌沙茶麵$68（魷魚、蝦球、螺片、豆卜、滷蛋）。我係好辣之人，店主仲好好幫我特別調整辣度。佢地嘅秘製辣醬夠味得嚟又唔會遮咗個沙茶湯底嘅味道。個麵果然配菜份量十足，用料新鮮。蝦球同魷魚爽口彈牙，豆卜吸晒湯嘅精華，亦都值得一讚。另外加咗時菜同一個香脆墨魚丸（$20）墨魚丸口感彈牙，入面有墨魚粒。而最外層炸到脆卜卜，一片薄薄嘅炸衣包住，十分香口。…Read More

今日book嘅呢間係位於中環嘅omakase. 平時中午同星期六日都比較多人，今次預先book咗位。坐位數目唔多，比較闊落有私隱。Dinner menu有兩個選擇，我同朋友都揀咗$1980 omakase.前菜呢就係蟹肉配昆布汁，估唔到原來咁夾，配埋一梳梳蟹肉擺入口真係好香前菜二號有子池昆布 鰻魚 希靈魚子 鴨胸 黑豆同栗子main刺身：牡丹蝦 海膽白身魚響螺 紫葉九棍魚昆布 北海道希靈魚拖羅煮物方面呢就比較少見D，第一次食香霜蟹配牛榜真係令人眼前一亮。之後師傅見我地食得咁起勁，就送左個北寄貝配麻油鹽，都幾好食另外仲食左個白金鯛立輪燒，味道就比平時食開既清淡，另有一番風味壽司方面呢：🥢先調味既池魚🥢松皮疊魚 高級比目魚🥢赤身配柚子皮🥢大拖羅🥢昆布漬海膽🥢北海道喜之池 深海魚🥢師傅自家制海鰻壽司甜品：🍸江戶前玉子味增湯🍸小丸子 黑墨 綠茶 tofu🍸清酒sake啫喱香印 依個比較特別，食落好c服…Read More

放工相約朋友去尖沙咀聚舊，今日嚟美麗華呢間burgeroom，十分方便。坐底即刻點個餐前小食，餸一餸酒先🍺。1. 單骨雞翼 (single-bone chicken wings and honey mustard sauce $65)單骨雞翼炸到好香口，微微嘅辣味，朋友話好啱餸酒。點埋芥末醬就更惹味。2. 啤酒 500ml (Asahi $39)🍺飲品方面，見到menu推介特價啤酒。大大杯好抵飲。3. 牛油果醬芝士雞柳漢堡 (Guacamole chicken burger $100)牛油果醬配上芝士嘅味道好夾，另外雞柳事前先剪香。成個burger嘅涵料好健康，有牛油果super food同雞柳豐富嘅蛋白質，啱晒做gym人士。一隻burger 可以夠兩個女仔食，因為呢度每隻burger都好足料，厚身burger約10cm，一啖咬唔晒。…Read More

今次已經唔係第一次嚟，每次有朋友話想食烤魚，都會提議嚟烏蠅館。🤣呢度主打食招牌烤魚，每次嚟水準都keep到。自己鍾意食辣，呢度嘅辣度夠，又夠惹味。首先食咗條烤魚先，4個人嚟嘅話可以叫叫一條。食完烤魚之後再加湯打邊爐。烤魚都好大條，上菜前炸香過，十分惹味。而且大大條、啖啖肉，肉質鮮嫩。邊爐料方面種類繁多，有各種丸類、餃子同肉。鍾意食煙韌口感嘅一定要叫四川寬粉，吸咗湯之後都好濃味。打完邊爐仲可以點埋甜品，紅糖糍粑口感煙韌，外表就炸到卜卜脆，配埋紅糖味道好夾。另外冰粉同酸奶都係必點。飲品方面都有好多選擇，黑糖鮮奶同各種果茶都有。啱晒鍾意食甜品嘅螞蟻人🤣🌸。…Read More

未有假去日本，同朋友係香港食住omakase。今次lunch omakase體驗好驚喜，食材新鮮、師傅好nice 好細心咁介紹每一道菜。overall 環境氣氛好好，食物配搭都好有新鮮感好impressive,係會再嚟嘅一間。Lunch 有兩個唔同嘅set sushi set $680/head, suzuno omakase $980/head.因為我同朋友都鍾意食刺身 就叫咗suzono set.蜆肉清湯有濃濃嘅海水鮮味，而且無落鹽、反而落咗柚子同三葉調味。而刺身方面，總共有長崎縣嘅魴鮄魚、白海老、赤貝、北海道水八瓜魚 （腳及吸盤）。水八瓜魚吸盤好爽口，口感特別。白海老都好鮮甜，我鍾意咩調味料都唔加、食返本身食材嘅鮮味。感覺上呢度師傅真係好熱情，會介紹每種魚有咩唔同嘅特質。壽司方面，有神耐村針魚、甘海老、縞縿魚、熱海嘅金目鯛、青森嘅凡立貝、中拖羅、大拖羅、油漬吞拿魚同海膽手卷。鍾意食吞拿魚一次過食晒3個唔同部位、三種唔同做法，感覺好滿足！我朋友都好滿意其他白身魚，特別係金目鯛，魚味夠濃。手卷好足料，上而有滿滿嘅海膽，好香濃、creamy鮮甜。😍最後仲有熱湯或烏冬，甜品就係日本紅豆羊羹。…Read More

朋友食過話ok, 叫我試下。可能新開所以裝修都好新淨。同埋性價比真係高😂平時起碼1500以上先食到依種質素。廢話唔多講講下d前菜先。前菜有5款瀨尿蝦 自家醃製青瓜 瑩光魷魚 大葉天富羅然後有碗大和胡秋葵，第一次試呢味菜，聽個師博講係淮山果類野黎，響日本係要黎比老人家保護腸胃用，食落少少酸配海膽搞混咁食都幾唔錯。我覺得依度個omakase餐幾有特色，第一次食立輪燒，食既時候師傅有解釋返呢隻係關西既特別做法，用滾油整到層皮脆朴朴，但舊金目鯛肉又唔會老，都幾花心機。另外仲試左沙癲魚，聽店員話係機邊魚整法，意思係魚當飯包紫菜一齊食，食落真係幾特別，食過好幾間omakase都未試過。不過最特別應該係依個了，和牛三文治大家應該食唔少，但中拖羅三文治咁高級既魚柳包唔知大家又試過未呢😂本身以為真係似魚柳包，但食落冇和牛咁油膩，又好重魚既香味，呢個真係全餐既mvp，不過成本咁貴唔知遲下仲有冇得再食漬物蒜頭壽司方面唔講太多，留返大家試下，食落冇腥味，又冇出水，應該有做過脫水。1. 牡丹蝦 陳皮味2. 針魚3. 北寄貝 青檸4. 醬油漬赤身5. 池魚6. 赤鯥魚，貴價深海魚7. 馬糞海膽，呢個要講一講 真係好甜甜品係熊本縣士多啤梨紅爽子雪糕配士多啤梨乾睇落幾靚食落都唔錯，有時omakase得舊雪糕，依間都算有d心思…Read More

一路以黎都對壽喜燒冇乜興趣，覺得同去打邊爐冇咩分別，要食不如去任食邊爐好過。直到今次比女朋友捉去試左人生第一次壽喜燒…..先發現原來大家都係食牛，原來可以分別咁大。一開始個煲會有一大團綿花糖，由店員落壽喜燒汁融左個綿花糖再煮牛。塊A5牛牛由店員幫手煮，可以揀熟D定冇咁熟，我就揀左一半半，入口勁滑勁嫩口，沾埋日本蛋漿另有一番風味！蛋漿可以幫牛肉降溫唔怕燙親嘴仔。食完牛店員幫手落埋個野菜拼盤，成個落冇破壞個擺盤。由綿花糖開始有得食仲有埋視覺享受真係一流。不過鋪頭入口真係難搵D，唔係女朋友個fd講過，想搵到十侍都幾難，所以我放左張相教大家搵路。野飲我地就冇叫喇，畢竟學生哥冇乜錢，不過睇餐牌都覺得幾吸引，好想試！…Read More

好耐冇食放題，印象中殿大喜屋食過唔錯所以揀返依間。但估唔到原來裝修過，環境好過以後好多，成個格局舒服過以前。等左唔係好耐，好快就入到去。落單直接用電話scan QR code落，餐廳有wifi提供。野食有好多唔同種類，比其他餐廳唔同既係，依度既野食比較高級。我就叫左一堆刺身同特色壽司，刺身方面，拖羅入口即融，最緊要係冇筋，好好食。而香港人最常叫既三文魚做到厚切得黎易入口。比得依個價真係要好好享受。壽司方面我叫左鮑魚壽司，鵝肝壽司等等既特色美食，依幾隻壽司其他鋪真係叫唔到。食物方面真係幾好甜品我就試左海燕窩椰汁木瓜，但原來海燕窩同燕窩係兩樣野黎又學到新野，但都幾好食。最後會送每人一杯movenpick/haagen dazs雪糕，食完好滿足…Read More

女朋友一向鍾意食日本野，襯住周年紀念就揀左間好少少既日本餐廳慶祝。餐廳佈置有Ｄ居酒屋feel，睇落幾高級。無食過依間唔知叫咩好，所以就順住前菜，炸物燒物，然後叫左個炒飯，後尾發現原來可以叫少樣都夠飽。海葡萄海草沙律：未食過海葡萄所以叫左個試下，望落好似綠色蟹子咁。沙律酸酸地幾開胃，作為前菜岩岩好。火焰雪山甲羅燒：蟹蓋配cream，然後可以沾餅乾食，特色係個蟹蓋好多膏勁香。日本富山灣冰見海魚鮫：本身我好憎食魚，係女朋友話要試先叫。因為細個食過D魚又多骨又腥，依個魚鮫真係好有驚喜，第一次食魚完全唔洗擔心有骨，放耐左都冇腥味，可能係我唯一肯食既煎魚。特色係大條多肉煎得香。脆炸吉烈廣島蠔：特色係即炸同外面果層面衣做到鬆炸，平時好多鋪都係就咁包住就算，冇依度果種層次感。日本青森縣八戶原隻魷魚：特色係大大條，隻醬幾好味。原本店員有推介我地食佢地隻鰻魚，話係主打，但我地兩個本身都唔食所以叫左魷魚。黑松露松葉蟹親子炒飯：見到廚房炒飯既功力，炒到粒粒飯都分得開，炒過飯都知唔係易事。食完覺得好滿足，仲要唔係貴兩個埋單先800蚊左右，平時食開日本野既朋友真心可以一戰。…Read More

旺角收工一個人唔知食咩好，門口見到環境唔錯，就入左依間中式餐廳。一個人又叫唔到d咩大魚大肉，求其叫左兩個小菜就算。第一個叫左麻辣燻蹄辣辣地幾開胃，麻辣得黎唔算好辣，以咸味為主，但好香口夠味第一次食燻蹄配麻辣汁，送飯一流第二個就食得清淡返D，叫左個生拆蟹粉扒豆苗，豆苗好嫩蟹肉好香，不過真係幾意外會有埋蟹肉，搞手真係只求打個和。大冬天時熱辣辣既蟹肉豆苗食落喉嚨好舒服見到人地仲有好多唔同野食，如果咁冬天氣開住個爐食羊腩煲真係一流享受…Read More

女朋友不嬲都好鍾意食日本野，佢今日話要黎上環呢間新開既omakase。平時我都好少特登去食魚生，估唔到今次食到間令我想encore既日本野。入到黎環境整潔，坐得好舒服。坐係師傅面前，望住佢即場切魚生，即時上菜。保證食才係最新鮮同衛生，即時食到魚生既鮮味。我地今次食既omakase $880，除此以外原來仲有其他lunch set都好抵食。前菜牛舌好好食，燒得好香同無筋。刺身方面有６款，每款都好新鮮。每種魚師傅都落左唔同調味，例如赤貝落左檸汁，石鯛就落柚子帶出佢地既鮮味，每一個操作都好有心思。擺盤精緻，女朋友打卡影到靚相都好開心。壽司有６件，叻外仲有個拖羅三文魚子迷你丼。份量都好足。甜品就係海鹽雪糕，無咩特別。整體黎講都唔錯，依個價錢黎講值得返兜。下次黎想試埋其他set，睇下有咩分別。…Read More

早幾日同女朋友去開觀塘影相打卡，熱辣辣見有商場就入。入到去好多唔同野食，咁岩哈比斯門口有位就坐低叫野食。我地本身食左野唔算好餓，就叫左個咖哩雞拼薯條，等左差唔多15分鐘先有野食。仲以為係快餐店果類，原來薯條同咖哩雞都係即整，勁好食。個雞食落幾juicy，薯條係粗薯條果種，口感幾好。個咖哩味同平時食開果D唔同，淡淡地別有一番風味，可能係清真鋪特別唔同D。鋪頭仲有好多唔同野食，咖哩飯、意粉、Pizza，卡巴之類。見到隔離食得好滋味，最衰本身食左野，唔係就可以試埋…Read More

去完旺角脫毛跟住同男朋友食野，佢話最近旺角開左間良心小店，就帶左我去食。間鋪附近好多其他食肆，咁都比佢搵到依度 叻仔。💛坐落鋪面唔算大，不過感覺乾乾淨淨，小小cafe feel。野食方面有中式有西式有日式乜都有。我地就試左牛牧首選漢堡同埋雞腿漢堡，雞腿漢堡就一般正常水準，但牛牧漢堡就比較有驚喜，食落好juicy又勁重牛味，仲要同其他漿好夾唔會好油膩。 野飲方面就叫左牛牧特色飲品，黑牛系列，叫左杯乳牛落單果陣都驚有d尷尬，但原來冇人理。…Read More