kongchingm的個人專頁

之前試過佢哋lunch嘅鐵板牛舌定食，好有驚喜，所以再嚟試下晚市。豬軟骨拉麵湯底濃郁，豬軟骨煮得夠腍，面條彈牙，每一啖都充滿風味。明太子玉子燒玉子燒嫩滑鬆軟，明太子嘅鹹香提升咗整體層次，食完令人回味。大蝦天婦羅外脆內嫩，蝦肉夠鮮甜，天婦羅嘅炸漿唔會太油膩，炸得夠乾身，保留到食材嘅原味！燒牛舌牛舌厚身，燒得啱啱好，彈牙juicy，調味簡單但突出牛味，必點！燒白鱔串白鱔鮮嫩多汁，燒烤過程中充分吸收咗醬汁，十分美味。燒雞肉串同雞軟骨串雞肉串多汁，雞軟骨串香脆可口，兩款串燒都係必試。老闆夫婦服務親切，令整個用餐體驗更加愉快，呢間絕對值得一試！…查看更多

今晚去咗九龍城嘅新潮城試咗幾款潮州菜，整體嚟講都幾唔錯。🥢韭菜豬紅豬紅嫩滑，配上韭菜嘅香氣，味道非常配合。整體調味唔會過重，保持住食材嘅原味。🥢潮州春菜炆腩肉腩肉炆得非常入味，肥瘦比例適中，入口即化。春菜帶出一陣清新嘅感覺，令到整道菜唔會太油膩。🥢滷水鵝拼豆腐鵝肉滷得入味又唔會過鹹，豆腐吸晒滷水嘅精華，口感嫩滑👍🏻🥢胡椒豬肚湯用咗人蔘煲，湯底濃郁又唔會太辣，胡椒味同人蔘味互相平衡，豬肚煲得軟腍唔會韌，係一道非常暖胃嘅好湯。🥢炸蠔餅外脆內軟，蠔仔鮮甜，配埋魚露更加提味。總括嚟講，新潮城係一個值得再訪嘅地方，食物水準高，價錢亦合理。下次有機會一定會再試其他菜式！…查看更多

這家牛腩麵開業不久，每次經過都見到生意很好。這天我們來到，無論是堂食還是等外賣的人都不少，我們仍很快便能入座。我們點了清湯牛三寶麵和牛腩撈麵，餐點很快就送上來了。🥢清湯牛三寶麵（拼雲吞）牛三寶是牛腩、牛腱和牛筋，我們還額外加了雲吞。牛腱和牛筋的份量很多，把牛腩都遮蓋住了😂其實下面很有一層牛腩，份量也是不少的。清湯湯底清甜，不會死鹹；牛腱和牛筋口感是柔軟中帶點靭勁，煮得非常入味😋牛腩肉質軟腍，牛味濃郁🤤🥢牛腩撈麵牛腩份量大方，一碗有八件，轉撈麵底比湯麵會有更多麵條。很喜歡這裡的幼麵，爽口彈牙👍🏻牛腩賣相對辦，肉質豐滿，牛味香濃，蘸點辣醬吃更添惹味。…查看更多

之前都嚟過打邊爐，覺得整體都唔錯，所以再嚟幫襯。今次揀咗經典嘅皮蛋芫茜湯底，都有唔少皮蛋喺入面，一上檯已經勁香芫茜味，令人食慾大增。配料方面我哋兩個人點咗蒜香滑牛肉、雪花肥牛片、皇帝菜、手打鮮蝦滑、牛筋丸、韭菜餃同烏冬。好鍾意呢度嘅蒜香滑牛，醃得好入味，肉質嫩滑彈牙；雪花牛肉份量都多，牛味都幾濃；鮮蝦滑口感細緻綿密，有蝦嘅鮮味；韭菜餃餡料飽滿多汁，餃子皮薄吸汁；整體上啲配料都新鮮又大份，抵食又坐得舒服，值得encore👍🏻…查看更多

第二次幫襯hoo ，幾鍾意呢度韓國包車嘅裝修同氣氛，而且食物質素同價錢都唔錯。🥢火山熔岩辣牛肉湯鍋見到佢係限定餐牌，梗係嗌個嚟試吓，配料有牛肉、豆腐、雜菇、娃娃菜同大蔥等，都幾豐富。原本見到係火山熔岩辣都驚會太辣，但食落又OK喎，唔算好辣，越食越過癮😋牛肉嘅份量都幾多，肥瘦適中；職員好細心咁提醒我哋個湯一滾就盡快食啲牛肉，我哋根據佢嘅指示去食，牛肉生熟嘅程度啱啱好，辣辣地噉好開胃😋🥢卜卜脆炒豬脆骨拼拳頭飯第一次食呢種豬脆骨，真係卜卜脆㗎喎😆口感幾得意，調味都幾惹味，連埋拳頭飯一齊食啱啱好。🥢拉絲芝士韓式炒雞次次嚟都一定會點呢個，勁多芝士，香濃拉絲😍啲雞本身都調得好入味，撈埋洋蔥同軟綿綿嘅芝士一齊食，正到停唔到口。🥢熱情果梳打、甜米漿熱情果梳打酸酸甜甜，好Refreshing👍🏻…查看更多

屋企附近開咗間新嘅Cafe，經過見到裝修都幾簡潔型格，餐牌亦都吸引，就同老公去試吓。餐牌主要有熱狗、pizza、意粉同burger等，我哋點咗一份招牌辣牛肉醬熱狗、芝士蕃茄墨西哥pizza、櫻花蝦芝士焗薯條同兩杯飲品。🥢櫻花蝦芝士焗薯薯條坊間好少見到呢個配搭，櫻花蝦好香口，同芝士好夾，重食到香濃嘅美乃滋，撈埋一齊嘅口感同味道都好豐富。🥢招牌辣牛肉醬熱狗見佢係招牌梗係要點嚟試吓😆個包烘得幾好，香脆得嚟又鬆軟😋辣牛肉肉醬唔會太辣，惹味開胃；條腸都大條，外皮脆口，一咬落去就有肉汁流出，juicy！配菜揀咗薯角，份量都多，粗身連皮，熱焫焫噉梗係好食🤤🥢芝士番茄墨西哥pizza睇賣相都知正，pizza上面平均鋪上芝士、車厘茄、羅勒同茄醬，簡簡單單嘅配料已經好好食。🥢Matcha latte既有抹茶嘅甘香，又牛奶嘅幼滑，茶奶比例恰當，拉花亦都好有心機。🥢White peach & lemon soda酸酸甜甜，好refreshing👍🏻…查看更多

琴晚去咗位於太子嘅東京街食飯，壽司嘅款式都幾多，我同朋友一份壽司定食同一份丼飯。每份定食會配埋茶豌蒸、沙律菜同麵豉湯。茶豌蒸滑順到爆，散發出濃濃嘅蛋香；沙律菜新鮮脆口，為整餐增添咗一份清新嘅口感；至於麵豉湯，就熱辣辣嘅，暖胃又開胃。壽司定食啦有12件壽司，有帶子、油甘魚、火灸左口魚裙邊、火灸三文魚、火灸美乃滋皇帝蟹、火灸辣味魷魚、火灸三文魚醬油潰、鰻魚同加洲卷。特別推薦帶子壽司，口感鮮甜彈牙；油甘魚肉質鮮嫩，帶有一絲絲的油香；火灸左口魚裙邊略帶燒香，咬落去都幾多汁；火灸辣味魷魚辣辣地又脆口，火灸美乃滋皇帝蟹好粗好大條，食完真係好滿足。另外一份定食係蒲燒鰻魚＋汁燒牛肉飯，蒲燒鰻魚嘅醬汁經過特別調配，散發出誘人嘅香氣，每一口都帶嚟飽滿嘅滿足感；加埋甜甜地嘅汁燒牛肉飯，口感同味道都咁豐富。我哋另外叫咗個蟹籽沙律，有勁多蟹籽、蟹柳同青瓜絲，好refreshing。…查看更多

之前同朋友嚟食大君set覺得幾好，今次我哋再嚟試，揀高一級嘅世子set。食物選擇好多，連醬油蟹都有得叫😋簡單推薦幾款食物畀大家：首先係燒肉配料方面，有生蠔同半殼青口，新鮮嘅海鮮味道真係好鮮甜，每一口都好juicy！仲有辣調味烤牛肉同LA牛排，個個都係牛肉愛好者嘅必試選擇，食落去肉質鮮嫩多汁，好滋味！另外仲有調味牛舌同鰻魚，牛舌軟滑嫩口，鰻魚香口入味，真係一級棒！而熟食方面，無骨原味炸雞同炸紫菜卷都好有驚喜；無骨原味炸雞外脆內嫩，鮮嫩多汁，每一口都好滿足！炸紫菜卷則係個個都愛嘅小食，炸到金黃酥脆，彈牙味道十足，好開胃！整體而言，平昌燒肉嘅食物真係好豐富，職員服務都幾好，上菜同換網都好快手👍🏻…查看更多

餐廳坐落喺金雞廣場25樓，坐位闊落舒適，最正嘅係可以一邊食飯一邊玩Boardgame👍🏻⭐️黑松露帶子鮮菌燴意大利飯意大利飯煮得啱啱好，帶子同黑松露嘅香味互相襯托，味道豐富濃郁。⭐️三文魚忌廉番茄醬扁意粉煙三文魚捲成玫瑰花噉，扁意粉彈牙，忌廉番茄醬酸甜醒胃。⭐️墨西哥雞翼必點！勁鍾意佢隻醬，香辣惹味，相信無論撈咩煮都咁正😋⭐️曲奇奶昔、藍莓乳酪曲奇奶昔濃郁順滑，加埋啲酥脆嘅曲奇碎，好好飲；藍莓乳酪飲品清新爽口，都幾refreshing👍🏻呢度嘅服務同食物質素都唔錯，而且價錢合理。如果你鍾意玩桌遊同埋食好西嘅話，絕對值得一試。…查看更多

🥢Lamb Rogan JoshThe boneless lamb was cooked to perfection, tender and succulent, infused with a harmonious blend of onions, garlic, ginger, tomatoes, and aromatic spices. Each bite was a burst of rich, aromatic flavors that danced on my palate.🥢Garlic Naan Perfect accompaniment to the lamb curry. Soft and fluffy, with just the right amount of garlic flavor, it was the ideal bread to soak up the delicious gravy.🥢Kung Pao Chicken Quinoa BowlThis fusion dish combined tender chicken, quinoa, and a medley of fresh vegetables in a Chinese-style preparation. The flavors were vibrant, with a delightful balance of sweet, spicy, and savory notes. The quinoa added a healthy twist to the dish, making it a satisfying and wholesome choice.🥢 Double the Fun dessertThis delightful creation featured a combination of a rich chocolate tart and a tangy lemon tart, accompanied by delicate macarons. The contrasting flavors and textures were a treat for the senses, leaving us with a satisfied smile.Overall, the dining experience at Tagline Restaurant and Bar was exceptional. The attentive service, inviting atmosphere, and exceptional flavors made for a truly memorable evening. Whether you're looking for traditional Indian cuisine or innovative fusion dishes, this restaurant is a must-visit. I highly recommend it for a delightful dining experience.…查看更多

🥢拖羅海鮮豪華太卷一次過有齊海膽、拖羅同三文魚子，夠曬豪華；入口鮮甜得嚟又充滿海水味🤤🥢海鮮包菜手卷三點盛分別係炙燒拖羅、海膽左口魚同蟹肉三文魚子手卷，用爽脆生菜代替紫菜，更加refreshing！🥢（左起）豚肉蒜心卷、青椒蝦滑串、五花腩、自家製醬燒豆腐、明太子醬燒翠肉瓜首先要推薦青椒蝦滑串同五花腩串燒，前者嘅蝦滑同青椒嘅結合帶出嚟嘅味道好鮮甜爽脆；後者肉質嫩滑，一口咬落去，肉汁都逼迸出嚟！明太子醬燒翠肉瓜口感清脆，明太子嘅鹹香同翠肉瓜嘅鮮甜完美結合；自家製醬燒豆腐外層燒得香脆，個醬係甜甜地嘅，都幾好食。🥢香辣牛肉新菜色嚟，辣味適中，肉質鮮嫩多汁。🥢虎蝦天婦羅勁大隻勁多肉，蝦肉鮮美，外層炸得金黃酥脆！🥢子の迷你壽司盛迷你壽司盛入面有幾款迷你壽司，包括三文魚、鰻魚、甜蝦同玉子壽司，擺盤精緻😆…查看更多

喺社交平台見到好多人嚟呢間Y2K風嘅餐廳打卡，就拉埋朋友嚟試吓。🥢大發！芝士鐵板泡菜炒五花肉職員好貼心噉提醒啲芝士熔咗之後就要熄爐，芝士勁足料，口感軟綿綿😍撈埋啲五花肉同泡菜一齊食，係令人上癮嘅邪惡美味。🥢番茄韓式辣海鮮湯配中華麵個番茄海鮮湯底酸酸辣辣，惹味醒胃👍🏻海鮮配料份量都幾多，有青口、蜆、墨魚仔同大蝦等；好鍾意中華麵質，軟滑得嚟又有幾分彈牙，而且都幾索湯😋　🥢泡菜海鮮煎餅煎得幾香口，唔會油淋淋噉，點埋佢個甜甜地嘅汁一齊食，都唔錯。🥢Drink Me! + 真露水蜜桃汽泡燒酒右邊嗰杯係粉紅西柚特飲，無酒精飲品嚟，酸酸甜甜，好refreshing🍹…查看更多

秋風起，又係食羊肉嘅好時節🍲🥢炆羊蹄炆得非常之入味，羊蹄口感彈牙，每一啖都係骨膠原😋🥢滋補羊肉湯底非常推薦呢個湯底，入面有唔少羊肉，淨係飲湯已經好濃羊味；湯底啲料索滿湯汁，令到啲蘿蔔、粟米都好香👍🏻🥢鮮羊肉睇樣都知靚，係手切嘅，特別有咬口！羊肉本身已經醃得好入味，肉質鮮嫩，一啲都唔羶，大份抵食👍🏻👍🏻🥢鮮羊雜錦有羊腩、羊皮同羊筋，羊腩嘅羊脂豐富，脂香濃郁；羊皮好似牛栢葉噉，入口爽彈。…查看更多

終於等到友誼泰國菜重新開業，梗係同朋友嚟支持吓呢間老店。🥢鐵板蠔仔蛋蠔仔蛋用鐵板上，夠曬熱焫焫👍🏻啲蠔仔飽滿大粒，份量大方；煎蛋有濃濃嘅胡椒香味，點埋啲泰式辣椒醬一齊食，好惹味。🥢檸檬汁蒸烏頭每次都一定會點檸檬汁蒸烏頭，檸檬汁酸酸辣辣，非常開胃；烏頭好大條，肥美多肉，冇咩細骨，啱曬我呢啲懶人。🥢馬拉盞炒芥蘭呢度嘅馬拉盞真材實料，食到粒粒蝦米，好香口。🥢蒜蓉包冇叫到飯，叫咗份蒜蓉包，外層夠脆，蒜味濃郁。🥢椰青食泰國菜梗係要配椰青～椰汁清新，椰肉嫩滑😋…查看更多

點咗兩杯House Wine，一紅一白，幾易入口，Fruity同埋偏酸，唔會好重單寧 脆炸原隻魷魚配香辣蛋黃醬好有心思，將成條魷魚𠝹開再炸，出到嚟個形狀好似花球咁靚～切開熱焫焫出曬煙，外層香脆，入面嘅魷魚彈牙爽口香煎鵝肝牛肝菌闊蛋麵鵝肝都幾大塊，煎得好靚，外層微焦，內裡軟嫩一咬落去啲鵝油標曬出嚟，香而不膩；闊蛋麵口感煙韌，帶有蛋香，夾埋鵝肝同牛肝菌一齊食，非常好味。蟶子皇海膽意大利飯蟶子新鮮彈牙，帶有淡淡嘅海水味；意大利飯軟硬適中，海膽嘅鮮甜融入曬落個飯度，每一啖都好濃郁好creamy…查看更多