sam915's Profile

中午同同事，一起叫外賣，叫左 一個蒸排骨，陳皮鴨腿湯飯，重有福建炒飯。個蒸排骨同陳皮鴨腿湯飯都係午餐，包飲品同例湯，都係五十幾蚊，個湯飯係有一隻鴨脾，今時今日都叫平，份量十足，食物味道都唔錯，飯送又熱辣辣，正，最正得一提係個褔建炒飯，因為同事想食我地散叫，好似六十幾，勁大盒，又好味，最後食唔晒，雖然佢地冇豪華的裝修，係殘舊D，但係用心制作，今時今日所有物價上升，呢d舊式茶記真係買少見少，真係要好好珍惜…Read More

7月25日去將軍澳美中鴨子用膳，服務差到不得了，待應上菜，用盤打到我屋企人，唔好意思都冇，問佢地烤鴨要等幾耐，個待應話自己新黎唔清楚，其實你可以問下其他員工，最後埋單，payme 有折扣，問員工又話冇，但門口有放牌，話比payme有折，個員工先話問下，都唔知佢地做咩，樣樣都唔知，呢d服務真係冇得輸，咕嚕肉同松子魚我都唔建議大家叫黎食，個汁煮得好難食，其他係可以，但唔使錢都唔會再去，真係好冇禮貌，比錢貼難受…Read More

食物一般，2年都冇點改過餐牌，冇加入新菜式，咕嚕肉唔夠脆口，炒蛋個樣麻麻，但係最好食，有個火灸黑松露豚肉，唔記得影相，平時都有叫開，但今次豚肉太乾，好鞋，個蔬菜都可以…Read More

今晚食鐵板餐，餐湯同餐包都ok 叫左招牌牛柳夠淋又juice ，叫左一份什扒，份量十足，可惜第三份西冷牛扒，黎到個鐵板都唔熱，又有筋，餐飲就最差，d飲品好甜又冇味，晚市又趕住做生意，未食完就問係唔係唔要，趕住收起…Read More

今日放假同朋友去左鰂漁涌，經過見到一間裝修靚，環境舒適，入去試下，叫左2份下午茶我叫左一份公司三文治，50蚊大件抵食，即叫即烘，麵包超脆，正，料又十足，朋友叫左個花生醬西多士35蚊，超大份，花生醬超夾 又平，重要包野飲，我地食唔晒要打包…Read More

食材新鮮，環境舒適，雞煲因為要遷就小朋友，叫左唔辣，雖然唔辣都好惹味，好正，小食真心推介黃金炸魚皮，香口，又唔太鹽，重有個深海龍躉魚扣一定要試麻辣，正，又可以自己買海鮮比廚房加工…Read More