malug.OL's Profile

今次食位於1881既王子飯店，坐戶外枱，雖然天氣有啲凍， 但開左火爐之後就暖笠笠喇！！！！每一次都必食佢既黑毛豬叉燒，二百幾蚊一碟，真係貴既🙈 但又真心好好食喎！！ 叉燒唔會太肥， 脂肪比例啱啱好， 外層燒到好香，仲有少少脆，裡面肉質好嫩， 恰到好處！另外個炒花枝片，同豆腐煲都好好味，食材新鮮，而且每一樣餸都係熱辣辣，出哂煙咁送上枱！！！服務方面，高級餐廳果然係唔同d，員工既態度好好，即使我坐戶外好偏僻，佢地會成日留意住你有咩需要…Read More

喜遇兩餸麵😇一碗牛展加招牌叉燒，配擔擔麵湯底！牛展幾爽口又入味，不過叉燒就好一般喇…無乜蜜汁味，而且唔夠林。另一碗有少少中伏。。。 一個餸要左叉燒，不過不失啦，另一個餸要左時菜，點知佢就係俾多左幾條本身已經會送既小棠菜XDDD由於我坐係二樓，有四五張枱，但得一個侍應，所以服務有d慢。我見佢一個人做到踢哂腳都唔好意思chur佢喇呢度最值得讚既就係裝修，好有feel，入到黎一定要記得影多幾張相同打卡呀！！！…Read More

分韓燒放題同雞煲火鍋放題兩種，一次過可以滿足到貪心既我👍🏻 雞煲火鍋既雞可以不斷refill，足料又惹味!!!!韓燒食物選擇好多，豬牛羊各種肉類，海鮮有三文魚，蝦，扇貝！熟食冷盤都有不少選擇，有拍青瓜，鳳爪，雞翼等。 韓燒個爐會有張紙墊住，一黎可以吸油，二黎唔會咁易黐鑊！店員又好勤力，keep住幫我地換爐，同埋收碟換碟，而且服務態度又好。 環境方面，成間餐廳好闊落，好光猛 。而且抽風系統做得好好，食完唔會成身都係韓燒味😜值得推薦 =]…Read More

次次食lunch經過， 都見到門口排曬長龍， 趁今日得閒就試試佢👍 未夠一點就去到， 都排咗三個字先至有位。食物種類唔算多， 不過質素呢啲嘢梗係貴精不貴多啦。 叫咗個綜合粉，即係有牛丸牛肉🐮 啱哂有選擇困難症嘅人！牛肉同個粉都冇乜特別， 正常質素， 湯底都普通， 不過一食粒牛丸真係覺得驚為天人😱 好！好！味！呀！ 唔係講笑， 我真係未食過咁好食牛丸， 嗰種口感， 濃沃嘅牛味，我到依家都忘記唔到，所以我決定，下次直接叫牛丸粉就可以了😇一生人一定要試一次！！！…Read More

心血來潮揸車去咗大圍食宵夜， 行下行下聞到好香嘅串燒香味， 又見到好多人食燒海鮮， 咁就畀佢吸引咗入去啦！店內嘅位置好少， 由於凌晨嘅關係， 餐廳門口同後巷都開滿左檯， 衛生環境比較一般， 不過就比較有風味！食左燒蠔， 象拔蚌， 司華力腸， 同埋我最愛嘅燒茄子。 海鮮夠新鮮， 笑得都好夠火喉， 不過上菜時間真係太慢， 等咗成三十分鐘先有得食😟😟😟 另外可能因為我坐係後巷，對住餐廳個抽風位，d油煙好大，對眼俾佢攻到好辛苦😵…Read More

黑布街呢頭真係開咗好多新餐廳， 咁岩上網見到呢間意大利餐廳新開張， 而且仲有優惠， 即刻訂枱試試佢先啦😍😍😍侍應都係外國人，講英文嘅。 一坐低已經好熱情咁請我地飲welcome drink， 又好熱情咁介紹佢哋嘅菜式。 最後叫咗一個pizza一個pasta 同埋兩杯house wine😄 pizza有d普通， 我個人比較喜歡食pizza express嗰種質地。 黑松露pasta超好食， 可能因為肚餓， 一上枱聞到超香已經忍唔住要食， 所以最後冇影到相值得一提嘅係甜品， 招牌tiramisu， 質感同一般食開嘅好唔同，好creamy而且酒味較濃，值得一試…Read More

聽concert所以黎左e max，無乜特別平時真係唔會去到咁偏僻😑天氣開始轉涼，所以想食下熱野。“武士拉麵，食完就會無事”，我係門口聽到有人咁講😂 見佢客人不多，唔洗排隊，就即刻試試佢。有幾款湯底選擇，仲可以揀濃唔濃，而拉麵亦可以揀軟硬度，感覺都幾專業👍 其實我對拉麵無乜研究，亦無乜偏好，所以全部都揀咗正常分量正常， 加埋拉麵胡椒，成個湯超濃超好味 (個人認為日式拉麵最重要係個湯底)，最後我成碟湯都飲哂 正！！！…Read More

Towngas開既餐廳，難得有600蚊coupon，即管好試試！依家先知原來中港城有個咁既位置😂 門口好靚，仲有d戶外座位，感覺幾chill。不過室內就差d喇，樓底好矮，座位有少少迫，隔離傾偈都聽得好清楚🙉叫左蜆肉意粉，豬脾，同粗薯條。老老實實，賣相同味道都好一般，唔係唔好食，不過真係唔太吸引⋯⋯特色d既係火焰雪山，超大個，著哂火咁好勁🔥 不過味道都係一般。所有食物價錢真係幾貴🤑 無叫飲品都食左八百幾蚊😵😵 無coupon的話，都應該唔會再黎了🙇🏻…Read More

大埔超級城雖然食肆多， 不過人仲多， 食飯時間要搵到位真係一啲都唔容易… 可能因為位置比較偏少少，Beans 唔使等位就有喇外賣叫得多，第一次Beans堂食，裝修好靚好舒服🤗必食蜜糖單骨雞翼：食雞翼最煩就係食唔到兩條骨中間d肉😂 幫你拆埋骨，咁就食得好easy啦，而且能令隻雞翼咁入味蜆肉意粉：超多蜆，大隻多汁，味道一流👍🏻Pizza就一般喇，感覺薄餅底只係嘉頓麵包果d，太厚而且似食緊麵包咁🙈熱朱古好濃好滑，加埋個拉花，更加錦上添花👯‍♀…Read More

電視成日見到鼎爺煮餸，今日就黎試一試佢👍🏻 叉燒先燒到8,9成熟，再係你面前加酒，即刻燒俾你食，視覺加味覺的雙重享受！叉燒面少少焦焦的，脆脆地好好味！個燒肉就好普通，同平時出面食既一樣。椒鹽鮑魚，好大隻🤤 冇諗過炸完都仲可以保持到鮮嫩，同埋煙銀嘅口感，一個字 正呀！乞兒雞，以前食過嘅乞兒雞，雞肉都比較乾身。但呢隻雞非常鮮嫩多汁，啲雞汁直頭多到可以當湯咁飲🤣 上枱時成隻上，比客人親自扑開去，有得玩有得食。牛膝，燜得超林超入味，食到唔停口過橋東昇斑，魚肉超滑，上湯有超濃，忍唔住食咗三四舊用紅肉火龍果整嘅咕嚕肉，有別於其他用山楂，呢碟咕嚕肉嘅酸甜味合到好處👍🏻總結，十分好味道，但價錢偏貴，不過勝在整個用餐體驗都好好，每一碟菜式嘅賣相都好靚，而且服務又非常貼心☺…Read More

係信和行完街，行過兩步就黎到Nardo's Cafe!雖然個名叫Cafe，對佢食物嘅質素絕對可以媲美不少西餐廳😋 價錢又抵，食物份量超大，又冇限時，仲有埋board game俾你玩，CP值極高👍🏻長通粉 - 好足料，食到最後竟然仲好多三文魚淨😂 醬汁食到有打碎左啲菠菜喺入面，味道夠濃，質感又唔會太稀，每一條通粉都吸到好多汁沙律 - 又係大份到嚇死人😱 鴨胸同菜都好多，而且蔬菜好新鮮，仲有蕃茄仔同三色椒，夠哂誠意，絕對係健康之選特式小食拼盤 - 有餃子，麥樂雞，春卷，咖哩角，蜜糖雞翼，薯角！蜜糖雞翼係老闆娘大力推介，食落真係幾好食，外面脆卜卜，入面都夠味，其他係新鮮即炸，唔會好油膩薯條 - 叫小食加$16就有一份🍟 黎到點知咁大份，超抵食Oreo奶昔 - 就係一杯溶左嘅oreo麥旋風🤣都好飲既花茶 - 叫戴安娜，好香☺ 依家天氣凍，飲番杯暖暖既花茶真係舒服😌…Read More

蟶子專門店莆田嘅蟶子同我哋平時出面食嗰啲比， 比較短身， 但係啲肉全部都超級肥美 我成日諗， 咁多人食聖子 會唔會食到佢絕種㗎叫咗蒜蓉蒸蟶子， 炒蜆， 同埋荔芋鴨( 好似好唔關事㖭，不過我鍾意食) 蟶子同蜆嘅肉都超肥美， 味道惹味得嚟唔會太濃烈， 仲保留到佢嘅鮮味！！！ 而且份量真係好多， 好似食極都食唔完咁， 超抵食！荔芋係我近期好鍾意食嘅嘢， 任何加咗芋頭嘅嘢都好好味 呢隻荔芋鴨， 炸得非常鬆脆， 但係一啲都唔油膩， 食哂成碟都冇問題！ 下次要試埋佢個招牌麵先…Read More

其實我真係好鍾意飲台式飲品， 特別係近期嘅黑糖鮮奶真係冇得頂The Alley 都係近期比較hit 嘅飲品店， 難得今日路過見到冇乜人排隊， 梗係即刻買嚟試試啦！！！！ 雖然就話唔多人排隊，不過我都排咗15分鐘先至買到飛， 買完飛之後仲要等多十分鐘先可以攞到杯嘢飲 熱辣辣企喺條街度咁等真係幾辛苦， 不過係值得嘅珍珠俾黑糖煮完之後，每一粒呢都變得好煙韌，同埋帶有黑糖嘅甜味， 配埋鮮奶簡直就係絕配！ 佢唔係好大杯， 不過我就覺得呢個大細啱啱好， 飲完唔會太飽， 但你又會覺得好幸福好滿足…Read More

仲記得啱啱開嘅時候， 要上網預約先有得食，紅極一時！！！ 當時都有幸食過一次， 唔知係咪受氣氛影響， 我都覺得 超好味但今次真係大失所望 放工大概七點鐘去到， 除咗職員之外想搵個人睇下都冇… 啲裝修以前覺得好靚好有日本feel， 依家殘曬有冇保養， 感覺只係一間好舊嘅日本餐廳。食物方面， 二百幾三百蚊食一個魚生丼， 全部都係魚生粒粒， 想搵嚿大小小嘅都冇。 而且刺身又唔新鮮， 有啲魚淋到好似霉咗咁， 有啲有硬到好似未解凍咁。 大佬呀， 我真係唔expect畀呢個價錢食咩種水準嘅嘢囉， 唔怪得知你無客啦其實灣仔築地呢一個位真係好靚， 好有特色， 希望餐廳可以好好改善， 令呢度變成一個每個遊客都必會嚟嘅打卡景點啦…Read More

新城市廣場三期裝修咗咁耐，終於慢慢開返喇， 即刻就要試試我最鍾意食嘅壽司啦 呢間九州市場裝修得幾有日本feel，採用先進既電子點餐，係tablet度睇餐牌，圖文並荗！送餐好似元氣高速線咁用運輸帶，效率超高 五分鐘之內就送到喇，哈哈食物質素都幾高，最特別係可以自己燒海鮮食！勁大隻勁新鮮，一路燒佢一路仲喐喐下 (其實都幾殘忍) 另外個蟹蓋都超好味，自己燒出黎係特別好味既價錢合理，值得推薦！！！下次再試下其他先！…Read More