or#Tm66162557's Profile

今日同朋友嚟食晚餐，叫咗一個豬鞍同帶子煙三文魚南瓜意大利飯，仲叫咗水牛城雞翼同嘢飲。豬鞍都幾厚身，邊邊位較為肥美中間略嫌有啲瘦，用嚟點薯條嘅蕃茄醬有淡淡的蜂蜜味，個意大利飯冇咩南瓜味，但係幾香忌廉味。水牛城雞翼炸得幾脆，調味適中。飲品方面叫咗個求其特飲，就係一杯普通嘅雜果汁。甜品係朱古力蛋糕，蛋糕都幾鬆軟。…Read More

今日同朋友去左食晚餐，叫左兩個一人餐，有吉列豚鞍白咖喱烏冬、南蠻炸雞白咖喱烏冬，小食配咗蟹籽沙律、明太子玉子燒、芝麻雞翼。朋友覺得豬鞍有啲羶，但我覺得整體都幾有肉汁，南蠻炸雞都唔錯，百咖喱烏冬有驚喜，上面一層忌廉好似芝士奶蓋咁係上面，但好快就好飽。甜品係吉士忌廉撻，冇咩特別。野飲方面叫左mocha同百香果烏龍茶，不過不失。…Read More

今日同朋友嚟食午茶，我哋叫咗蝦餃、燒賣、粉果、叉燒酥、蝦腸、灌湯餃、馬拉糕、棉花雞。蝦餃燒賣都唔錯，大粒彈牙爽口。粉果略嫌菇味唔夠，但勝在皮薄。蝦腸蝦肉彈牙但略嫌蝦味唔夠。灌湯餃皮好快林左，但有隻鮑叫魚，湯都好鮮甜。馬拉糕唔係好甜果種，整體鬆軟但唔夠香。棉花雞就得雞有味，其他都冇乜味，賣相都唔係好吸引。叉燒酥，叉燒多汁，酥皮好香，但酥皮味蓋過左叉燒味。整體而言試一次就夠。…Read More

今日同朋友黎左叫兩個餐，叫左紫蘇葉青瓜、醬燒茄子、海老西蘭花， Masala雞扒、黑豚肉薯餅、紫薯沙律。紫蘇葉青瓜醃得幾有味，醬燒茄子冇咩特別，海老西蘭花都配明太子唔錯，雞扒都幾嫩，黑豚肉薯餅略嫌薯餅嘅味蓋過黑豚肉嘅味，紫薯沙律都帶點蜂蜜味但有啲乾，粟米湯冇咩味，整體而言覺得以前好食啲。…Read More

今日同朋友嚟午餐食御·家上海，我哋叫咗個二人餐，前菜係四季烤麩、煙燻糖心蛋同埋糖醋排骨，煙燻糖心蛋煙熏味有啲重有啲似煙灰缸，四季烤麩味道唔錯，糖醋排骨個汁都酸酸甜甜幾開胃，略嫌啲肉有啲柴。小菜方面我哋叫咗回鍋肉同埋荔枝菠蘿魚柳，回鍋肉炒得唔錯，肉嘅份量都好好，調味略嫌有點鹹，餸飯應該唔錯，最有驚喜係荔枝菠蘿魚柳，酸酸甜甜幾開胃，個皮都炸得幾脆。另外主食方面我哋叫咗招牌蝦蟹炒飯同埋小籠包。個炒飯略嫌有點普通，小籠包個皮有啲厚，唔係好夠熱甜品方面係高力豆沙香蕉，本人唔太食香蕉，但係覺得香蕉同紅豆唔係好夾，但高力豆沙個皮係幾軟熟，有啲試食嘅疏乎厘。整體嚟講性價比唔錯，值得同朋友再嚟。…Read More

今日同朋友用Apps訂咗有五折優惠食晚餐，燒三文魚南瓜沙律配法式紅莓醋汁、炸軟殼蟹配冬陰功闊條麵栗子柚子忌廉汁、煎三文魚配帶子加柚子忌廉汁。個沙律就略嫌個三文魚份量比較少，南瓜食落去有煙熏味道，上面鋪陳嘅炸南瓜條略嫌硬，正體都清新。炸軟殼蟹都Juicy，略嫌意粉比較腍身，個汁都幾Creamy惹味，但食落就有啲膩，雖然配咗啲芽菜。三文魚方面都煎得幾香口，都有肉汁鮮嫩，個柚子忌廉汁都幾特別，但係上盤嘅時候就水汁分離，整體都OK，係有優惠先會考慮。…Read More

本身同朋友想食隔離排長龍間泰菜，但太多人所以轉戰黎依間，見食評同裝修都好似唔錯，叫左個二人餐（酸辣扎肉、炸蝦餅、燒豬頸肉、炒河粉-雞）同生菜包，整體嚟講個調味都比較普通，偏淡味，唯一唔錯嘅係個燒豬頸肉，但係就筋太多，嘢飲叫咗個青檸梳打，但係冇咩青檸味，個炒粉冇咩鑊氣同埋啲雞肉都冇咩味。生菜包剩係得酸味同本身嘅豬肉味，蝦餅都似現成買返嚟。整體嚟講就係一般。…Read More

今日係平日都要排45分鐘左右先入到去食，我地叫左個自選既all day breakfast，叫左牛柳同煙肉，芝士奄列，薯仔粒，仲有一個印度masala炸雞配waffle，再叫左伯爵茶鮮奶同鐵觀音朱古力，野飲方面冇乜驚喜略嫌唔夠濃，煙肉係最有驚喜，肉汁鮮嫩，帶點甜味，薯仔粒又唔算乾，炒菠菜菇都ok，係芝士奄列有啲普通，炸雞同waffle加個汁有啲9唔搭8，整體黎講都ok但試一次就夠。…Read More

今日同朋友三個人去咗依間餐廳食飯，三個人叫咗一個冬陰功雞pizza，一個白松露野菌忌廉卷卷意粉仲有一個小食拼盤，但個冬陰功雞pizza係冇冬陰功味，個意粉聞落去好香，但係味道有啲淡，唯一比較有啲味嘅係個小食拼盤，朋友覺得個四川口水雞炸雞唔錯，但我略嫌有點乾，佢自家製嘅醬汁都比較淡味，點咗醬汁都唔覺得有啲咩分別咁，連平日朋友都覺得出邊嘢食比較鹹嘅，佢都覺得有啲淡味，平均人均消費$150，對間餐廳有少少失望。…Read More