maniyip's Profile

屋企人book左2圍纓紅宴，到達時職員比左張菜單我地。我地揀左$2050果圍，落左單，過左一輪。有個操鄉音著西裝既女職員過黎，話個價唔岩，係$2350。本身呢件事好小事，但佢行過黎態度勁差咁：張菜單唔係我比你地！機價$2350就收$2350！ 而家係我地欠左你？ 定我地無錢比？食纓紅宴已經成枱都心情差😡仲要黎撩交嗌？跟住就同佢講，咁無菜單$2050，你話機價$2350，咁你係咪應該態度好d,佢話唔關佢事，佢無比過菜單！ 跟住問佢你知唔知你比左菜單個價同你最後收個價唔同係違反商品說明條例？ 佢就不例反駛話我地咁野蠻 咩人黎😡 跟住當我地想影低菜單，佢就推開我屋企人搶返張菜單（如圖）我地黎食飯定打交？咩事要比你推？跟住追住佢出cashier 佢死都唔肯比返我地 跟住嘈左一輪 佢d同事推走佢講sorry，有個cashier女人認左係佢比菜單我地，唔係佢講既：無人比過你地！ 我地住附近其實之前成日黎食，男經理同野食都好好。係呢個女職員真係態度超惡劣。 …Read More

其實本身就唔想幫襯.. 但對面馬路果間歇腳亭同圓圓都執咗..就上左黎買.. 個男店員無禮貌都算.. 叫左微糖少冰.. 個糖無微過.. d糖水唔洗錢咁.. 冰更加見佢狂倒落去，最後仲要再塞滿再封膠.. 中間見佢瘋狂加冰問佢係咪少冰？ 佢都懶得理我，無應過就轉身行番去入面.. 半杯都係冰. 凍到飲唔到之餘.. 佢塞得太滿. 一篤就標曬出黎 飲落仲要又甜又凍.. 難飲服務又差. 真係無下次飲過好多間歇腳亭，最差真係呢間真係想問佢幾時執…Read More

本身睇左comment同相都覺得好吸引，就同男朋友去左食，而家已經無最平果個，我地諗住燒野都要時間，就揀左90分鐘/198蚊.. 入去本身覺得無乜野，但一坐低. 成台面都係油.. (都算？好多都係咁） 但個冷氣真係好弱.. 未燒都熱到出曬汗.. 坐低就開始睇下有咩食.. 本身揀呢間係因為有我鐘意既豬皮同男友鐘意既護心肉.. 一望個menu.. 兩樣都無左！！ 咁我黎做咩？！ 都算啦.. 坐低左照食啦.. 可能其他都好好食呢？成個menu叫曬，得牛仔骨，牛五花同韓式牛肉係ok.. 豬五花我地都好鐘意食，但佢個五花肉上果時係成舊冰黎，無解凍，亦都無醃過，鹽都無粒，食落口係得陣雪味. 牛仔骨，牛五花同韓式牛肉好食係因為佢醃過，真係無諗過咁差.. 一半既食物都係未解凍就上台.. 其中7成食物係無味/有雪味.. 點個汁，麻油鹽果邊ok.. 辣醬果邊係酸酸地好怪..另外，野飲方面係太貴，一罐20蚊+1，但拎黎個可樂都唔係話好凍，水方面係10蚊+1，細水。配菜再加要錢，生菜要錢，盤邊蛋係無既。服務方面，係無服務可言，叫人起碼叫5分鐘先有人應你，換盤同落單係唯一可以讚，幾快！環境方面，周圍都油，抹得唔乾淨都算，冷氣弱都算.. 餐廳係無抽風，佢爐上面個抽風只係裝飾用，完全無開過，燒燒下成間餐廳白濛濛一片，然後成身超級臭咁出番黎。好老實講，我地都飲左2罐野飲1支水，最後埋單係49x。500蚊食呢餐係唔開心既，野食差，環境差，服務差。2個人比多少少去其他單點既韓燒會好好多。唔知點解d相up唔到!!!…Read More