siumojai's Profile

正餐牌上有一個「地獄豚肉鍋」$58另外有張餐牌話「豚肉鍋」震撼價$80.我落柯抵時有位著灰色制服的女職員話正餐牌上既果個豚肉鍋暫停，我問點解餐牌無mark暫停既？佢就頭也不回地走開左.我局住叫果個震撼價$80既豚肉鍋.之後我向一位貌似較高級，多數企收銀既女職員查詢，佢話「暫停左，但因為經理唔比痴紙」我再查詢點解唔比痴，佢答「因為公司規定架喎」態度極之惡劣。.我理解係「你入左黎，坐低左，你想食就食個貴啲架啦」認真想問：咁算唔算係違反左商品說明條例既「先誘後轉銷售行為」呢？…Read More

收咁貴 予其將錢買啲得個靚字既餐具不如真係做返好啲食物啦🙄$40兩送一麵+熱飲（豬大腸、雞翼尖、油麵、熱菜蜜）1. 湯頭唔夠濃2. 啲麵完全無味3. 魯水叫做過得去 但都係偏淡口4. 杯熱飲細杯到兩啖飲完5. 我係唯一一個客都等左兩三個字先有得食 （可能真係11點先開門而我10點9就行過 佢就叫我入黎坐... 所以未準備好？）但有樣野好 店內果個靚姐真係好好禮貌！話說因為我10點9已經係門口想睇有咩食，佢叫我入黎睇，見到有車仔麵就諗住食個快（點知真係等左好耐），途中靚姐拖梗地，佢好好咁話：唔好介意有陣味，因為我地開11點，而家要拖地先啊～但你可以照嗌架～除此之外，我真係無野想讚…Read More

行過想食杯粟米，佢話無。我話咁要咖哩魷魚鬚，一串魚蛋，撈麵。佢話撈麵要過隔黎（係佢既兩步隔黎有個阿姨煮梗）我話我係度叫擺埋一齊唔得嗎？佢話我呢度無滾水，淥唔到。我話咁我唔要撈麵啦。我其實唔係想佢係度淥，佢叫個阿姨煮個撈麵，放埋啲魷魚鬚同魚蛋落去有幾難？接過杯野食，發現佢比左魷魚肉我，我好肯定我係叫鬚。算，我都食。點知我行開兩步一擰轉頭就聽到佢話我港女，問我係咪講我，我話「我係港女啊！香港出世土生土長」，佢無理我。我行完一輪返轉頭仲聽到佢同兩個阿姨討論梗我同男朋友當時既對話，大概係當時我叫男朋友唔好嘈我，我唔想發脾氣，佢就同啲阿姨講話我話「你再嘈我發脾氣比你睇」，個阿姨回覆佢：「佢返轉頭同你講佢係港女添啊」我再問佢係咪講我，佢望一望我，唔理我。男朋友一聽就講「係啊個港女係度啊！」個男人再望住我地，我就話「我想話返比你知我句發脾氣唔係同你講囉」佢答我：咁你中意啦我唔明，我同男朋友講野，又關你事？…Read More

老實講，呢度開左幾年，我作為Hello Kitty死忠都未黎過。可能因為我路痴，我諗唔係渣車黎我會唔識路😂唔洗等，一黎到就有位，仲有卡位坐✌🏻一坐低發現餐具有啲黑色一點點，抹得甩就算啦...點知個茶壺都大量茶跡，安慰自己，唔會放個茶壺入口.....杏汁白肺湯 湯底杏汁味夠，但可以咸少少，豬肺好正，白菜黎講好明顯係岩岩滾左陣，因為好翠綠色，唔係煲湯果種暗綠色...蝦餃皇 皮薄，蝦肉爽口，推介！👍🏻流沙包 唔夠流沙，不過味道同出面比多左一份講唔出既味道，幾得意既味道啫啫蝦乾芥蘭煲 唔夠獲氣，不過味道都搭夠（點知食到底發現濃底...）小炒王 正常，唔難食糯米飯 好靚，影相呃like一流，炒得好香，但糯米都係太濕身，同埋好淡茂茂最最最唔開心既事就係落單時，我地一行三人已經表明我地叫既野食已經足夠，侍應好似迫我地叫多樣先肯放過我地咁：「有無點心未叫？嗌左兩個咋喎？要唔要試下牛柳？（我地唔食牛架喎）肉餅呢？（琴晚食左...）鮑魚撈飯？（Er...試下囉橫掂特價）」鮑魚撈飯 聞落好香，但食落無乜味，而且飯太淋我地由大概8點半入座，坐低都無人比餐牌我地，都係要問先比。食到半路茶壺無晒水，想叫侍應加水時，等左十令分鐘，成個鋪面包括收銀位置都無人...先忍唔住要大大聲「唔該，加一加茶呀」埋單七百幾蚊，其實我地三個都覺得咁既價錢係完全唔值... 唔會再黎第二次！…Read More