fg_yoyo's Profile

呢間既薯粉，無論係粗、幼、湯定係撈都好好食，個湯底/撈底都係好香，好開胃。但唔知點解佢啲餸真係好難食，至少我未食過好食既餸。因為呢間鋪我都係由佢開食到依家，水準都keep得好好，好既依然好，差既都從來無改善過。不過唔加餸黎食，其實都好抵食🤣🤣🤣👍🏻👍🏻👍🏻…Read More

黎得雲來客棧，緊係要講下佢啲cosplay衫啦，雖然啲3款式唔係真係好多，但我覺得啲配飾好夠，款款3都有番相應既配飾，要比個like先得啦間鋪啲野食選擇都幾多，除左甜品，重有點心同串燒，我地今次主要係點左啲串燒。啲串燒真係比到驚喜我地，特別係個牛舌！！完全有入口即溶既感覺，必食呀！其他串燒都好好味，個雞脾菇都好juice 😍點心都ok, 但我原本仲以為個腸粉會係酒樓食個款，點知係小食款，仲要得醬油，呢度就扣少少分啦。另外仲點左好多人都必點既麻雀椰汁糕，係十三么啊！做得好精緻，味道都唔錯，椰味都夠，重點唔會太甜，食多幾舊都唔會濟😋😋…Read More

本身見到一人一鍋都剩係想去打個邊爐，點知仲可以食串燒同埋台式野飲，爽yy 🥰同男朋友2個去食，因為我地驚點2個鍋會食唔哂，而且都想食下啲串燒，所以剩係簡左一個藥膳鍋同串燒share。藥膳鍋一黎就即係聞到勁香藥膳味，而且啲料都好足！都幾surprise 有炸魚皮同鵪鶉蛋食，好好味呀。除咗個鍋，我哋仲追加咗滷肉飯同埋粉絲。個滷肉飯真係好好食呀，好香，一黎邊爐都未開始打就忍唔住食晒。串燒就點左牛舌，台式小食拼盤同蒜蓉燒茄子，個茄子真係超級好食，入口啖啖蒜香味。牛舌都唔錯，小食拼盤男朋友就略嫌乾左啲，但都ok既。…Read More

個人好鍾意食米線，呢間上網睇講到超好食，必食咁，咁就去試下啦。真係希望愈大，失望愈大。個米線真係好普通，根本講唔出有咩特別，你唔可以話佢唔好食，但真係冇去到必食/特登要去食既階段。一句講哂，同出面周街都係係雲南米線冇分別🤷🏻‍♀️…Read More

PHD真係好抵食，我地5個女仔叫個3個餐已經好夠，佢買滿$220仲可以加$1買個蒜蓉包，個包都好好味。同埋訂過幾次都好準時，今次臨時訂，佢半個鐘內就送到，好快手。…Read More

食過幾間傷心酸辣粉，旺角、元朗、銅鑼灣分店，其實大家分別唔大，但叫小辣都超級辣，辣過哂平時出街食普通米線/酸辣粉既小辣，我真係試過食左1/3已經食唔到，太誇張，我覺得應該有中辣，但天水圍呢間反而冇咁辣，小辣都食到，水準都差唔多，不過間唔中啲薯粉會煮得太淋，一夾就斷😣最中意食夫妻肺片，麻辣肚絲，同紅油脆耳。傷心酸辣粉既小食真係好好食，好食過普通出面食川菜個啲😋😋😋反而個粉就一時時啦，同當埋佢地轉左個炸菜，幾好食。不過愈來愈貴😣😣😣…Read More

成個天水圍，最好食一定係麗江！由中學開始食，食到依家出左黎做野，定時定候都要去食，個湯底真係不得了，超級正，最中意就係食窩小麻辣，黎麗江一定要食辣！真係好好味！必食蘿蔔腩肉雞翼，最中意佢啲腩肉一啲都唔肥，又入味。不過麗江既小食，我又覺得一般，出面普通都食到，冇咩特別，所以通常都唔會叫小食食。同埋佢啲位真係超級迫，個鋪位真係太細啦，同埋長期都超級多人，試過晏就唔記得打去book, 等左成個鐘先有得入😣😣😣不過都值得既，因為真係好好食！…Read More

前2日同朋友仔一齊去韓燒，任食，簡呢間係因為朋友仔話識人食過話ok, 地點又比較就腳，算平，點知就賴嘢啦，啲質素真係好差，本身款式已經唔係多，好食既真係得個1/2款，熟食個海鮮餅係唔錯既，其他真係up唔出有咩值得食，伏味濃…Read More

食過好多間既芋圓，最好食一定係呢間。真係超好食，成日都同frd子講要去呢間食。記得一開始食個陣呢間鋪都仲係中醫鋪，個中醫一邊睇症，我地就係度食糖水，都幾特別，依家轉哂成間做甜品鋪，都保持到水準，仲係超好食😋😋食過其他鋪個啲芋圓糖水都好甜，係超級甜，但呢間我就覺得岩岩好，超難得！最緊要凍食啲芋圓都唔會硬，試過出面啲芋圓凍食要分開上，撈埋落碗凍糖水，即刻硬哂，勁難食😔所以去親深水埗一定會去康瑞甜品！真係超正，又平wor, 最推薦食1號🤗🤗🤗…Read More