fiona_811f's Profile

味道係好食但啲蝦最好剝埋殼，首先係因為佢係用碗唔係用碟，冇一個平既位置去處理啲蝦，焗住用佢畀黎放蝦殼既細碟去處理但其實隻蝦充滿醬汁連切都要好小心，但結果都係彈到件衫，搞啲蝦搞到碟野都凍晒…Read More

我平時係出面啲分店都係買開一人餐加五配菜總共$87定$89，分量係好足料既，對得住個價錢，點知係屯門呢間分店就真係差到我點都唔會再食同推薦人食呢間分店。一買完攞起個袋就心感唔對路，好輕，即刻搵地方攞盒野出黎睇睇，冇打開都睇到唔滿既盒野。番到屋企一打開就心諗：下，個份量點解同我係其他分店買差咁遠，同係出面分店買個一人餐差唔多，一夾起啲餸全部薄到唔望下擺入口都唔知自己識緊乜，除左薄，青瓜唔爽脆、薯仔又粉、豬耳就太脆、蘋果又稔。料真心差，份量又對唔住個價錢，連味道都唔得，而且明明可以揀雞腿定雞胸又話冇得揀，話之後所有分店都係咁，係咁就應該出番張新既點餐紙啦！餐紙寫左有架嘛！我真心唔想畀劣評，但我真係未試過食唔同分店質素可以差到咁。…Read More

抵食，大份，炸物炸得金黃，係大興真係冇咩好食，難得有間食日本野，係老舊既公共屋邨見到真係好開心，唔駛成日食果幾間連鎖餐廳。份量真係好足，賣相都幾好，我凍左食都唔油，炸得乾身但略有油味，可能轉下另一種油炸會好啲…Read More

第一次寫食評，但outback 好值得寫👍🏻外賣同堂食份量同質素一樣咁足咁好，依家好多堂食價錢偏中高或以上既餐廳，外賣都做得好差，份量好似減少左唔再講，連質素都差左，完全係唔會想再食，但outback 真係令我好滿意👍🏻👍🏻👍🏻如果網上外賣平台 or 網上外賣平台 可以送大興，我一定會成日訂，因為真心好過好多外送外賣好多喇。我依家係外賣自取，價錢平堂食一半又送湯同黑糖麵包，真心抵，雖然我對佢個包冇乜好感（個人中意食鹹包），但佢係每份餐都送原條喔！一直以來outback 算係我堂食都會覺得佢不論價錢，食物質同量都算成正比既餐廳。依家因爲疫情，餐飲業者都承受好大壓力，要應付既轉變奇多，但佢地都保持到質素實在唔易，值得捧場！😋😋😋…Read More