duckduck food's Profile

朋友生日，當然要賀一賀佢，見ig post 介紹銅鑼灣有間佈置好靚嘅餐廳好適合慶祝生日，咁當然要去試下。入到去，見到好多靚靚打卡位，全部都係花花🌹🥀🌺🌼💐🌻﹑蝴蝶🦋🦋🦋﹑羽毛，粉嫩粉嫩，好少女，即刻同朋友影返2張相先。聽侍應講，原來生日有免費生日禮物(永生花禮盒🎉🎉🎊)、免費 Magic Cocktail、6-8pm / 8-10pm 前慶祝生日晚餐，生日壽星免費任飲，同行其他人+$158/2小時任飲，只可惜我同朋友都唔飲酒，晒左添!餐廳有好多唔同嘅飲品供應，鍾意飲返兩杯嘅朋友真係唔可以錯過，佢有個mini 酒吧，專門調製不同嘅cocktail;唔飲得酒嘅朋友亦有mocktail供應，選擇亦好多。見佢餐牌寫近日餐廳有festival dinner set 同埋tea set, 價錢唔貴，下次可以嚟試試。我地order左2款mocktail:🔮Sun of the peach: 入面有peach🍑🍑、lemon🍋🍋加埋blacktea, 飲落酸酸甜甜，又幾fresh 。🔮smiling: 呢款入面好豐富，有pistachio、hazelnut,加埋matcha同牛奶，好creamy ,上面仲有啲Cream, 好好飲吖!🔮前菜我地叫左香茅椰子濃湯伴青口，有少少泰式fushion嘅感覺，椰汁🥥🥥好濃，少少辣，配上平時覺得佢無咩味嘅青口，竟然出奇地夾，我覺得係全晚最驚喜嘅菜式!😋😋🥰🥰🥰主菜我地叫左2款:🔮澳洲m3和牛肉眼扒：牛扒好juicy, 我地叫7成熟都唔會覺得韌，加上有少少油脂，更香更帶出牛嘅肉味，伴上薯蓉，好滿足。😚😚🔮香烤原條歐洲海鱸魚：一拎上枱，真係嚇左一跳，條鱸魚🐟🐟🐟有我隻前臂咁長，上面鋪左幾塊檸檬，用嚟提味。鱸魚無過多嘅調味，食到食物嘅原味，廚師功夫亦到家，火候啱啱好，唔會令魚肉好鞋，係健康之選。🤩🤩🔮甜品我地叫左朱古力新地，cream包裹住2球雪糕，食落又凍又滑，口感好豐富; 加上有4件brownie同埋啲水果，真係超級抵食。而芒果🥭🥭雲呢拿意大利奶凍亦唔錯，朋友表示好滑，仲要食到雲呢拿籽嘅味道，唔係普通嘅香精。本身我地想去影海景，只可惜當晚有幾枱客坐左海景位，我地唔好意思阻住人，就無影到。餐廳特別之處係有個小舞台，聽講星期六會有band show, 有靚佈置，又有美食，又有歌聽，真係聲色味俱到，感官嘅盛宴享受吖!😝😝…Read More

係北角匯行街，見時間差唔多lunch ,就打算食埋lunch先返屋企。見到一期有間多國菜的西餐廳，環境唔錯，仲望到海景🐚🐚，就一於試試。餐廳環境真係一流，望到維港🏝🏝，加上今日天氣好，望住咁靚嘅view食飯真係一流! 我地係度影相時，侍應仲好好咁介紹我地去影打卡位🌌🌌🌌，話如果夜晚嚟，可以影到餐廳嘅招牌倒影係橋上嘅美景，佢仲話原來馬灣🌉🌉都有一間分店，都係主打海景，有機會可以去試試。呢度更係動物友善餐廳，餐廳外面有個位係俾客人外賣後，同狗狗🐶🐶一齊享用(因為牌照問題只可提供外賣), 幾貼心。我地叫左2個lunch set, 包湯/沙律﹑主菜﹑甜品﹑飲品。黑松露雜菌意大利燴飯🍄🍄燴飯一上枱就聞到好香嘅黑松露味，用料亦好豐富，有好多雜菌，而且啲飯軟硬適中，適合香港人嘅口味。Creamy中帶有黑松露嘅香味，食落好滿足!😋😋低温煮原隻法國黃油春雞🐔🐔用低温煮嘅春雞，既保留左肉汁，亦令到雞肉更嫩更滑。春雞嘅特點係多肉地，所以如果處理得唔好一定會好「鞋」，但好彩廚師手勢了得，完全無呢個問題。配埋啲時令蔬菜，真係又健康又有營養。🥰🥰🥰餐湯係椰菜花🥦🥦忌廉湯，幾特別，通常餐廳都係南瓜或者蘑菇忌廉湯。但佢用椰菜花做材料，我覺得無咁膩之餘，食落更有一種健康嘅感覺!甜品就係cheese cake🍰🍰， 細細件但質素唔錯，可以媲美出面甜品店賣嘅蛋糕。靚景加上美食，真係值得推薦!!…Read More

見朋友食過幾次都話好食，終於到我去試下。平日夜晚去都唔少食客，多數係啲年青人，餐廳面積唔算大，但熱熱鬧鬧，氣氛幾好!葱油豬扒蛋飯🍖🍖見好多食客都叫呢個飯，我地都覺得要試下，見識下佢嘅魅力所在。一上枱，非常震撼，因為塊豬扒好大塊，佔左隻碟嘅一半面積，仲要好貼心咁幫你切到適當嘅大小，等你一啖一嚿! 😘😘豬扒肉質嫩，肥瘦適中，加上流心蛋撈飯，難怪人人食過都讚好!🐷🐷🐖🐖🐽🐽🐗炸雞脾冬陰公金邊粉🍗🍗🍗雞脾炸得香脆又juicy, 最重要係份量大大隻，仲要同碗粉分開上，唔會影響炸雞脾嘅口感。冬陰公金邊粉味道好正宗，集酸﹑咸﹑辣於一身，仲要有超多嘅芽菜，食落更爽口。夏天食啲酸酸辣辣嘅嘢，特別醒胃!🍜🍜🍜泰式炭燒豬肉串🍢🍢豬肉串好嫩，而且充滿炭香，加埋佢嘅沙爹汁，係唔錯嘅小食。😋😋同時跟餐加左2杯飲品：青檸檬梳打🍹🍹﹑泰式奶茶🍸🍸，前者好fresh, 後者唔甜有茶味，係解渴佳品!🥳🥳🤩…Read More

係鵝頸橋行過少少有間韓國菜嘅店鋪，主打刀削麵，見平時少食韓國嘅面食，加上價錢唔貴，一於去試下。我地每人叫左一碗刀削麵，再加一客煎餅，味道唔錯!😍😍花蛤刀削麵有成10幾20隻花蛤，🐚🐚仲要每隻都係有蜆肉，唔係得堆殼。湯底清甜中帶有鮮味，應該係用左啲海鮮去熬制，總之一個字：鮮! 加上紫菜﹑鮮冬菇﹑蛋絲🍳🍳作配菜，非常豐富。而刀削麵Q彈有咬口，同我地平時食嘅港式粉面唔同，更有飽足感!😋😋牛骨湯刀削麵湯底熬到雪白，應該係用左唔少牛骨熬制，朋友邊食邊飲湯底，話唔咸之餘仲似足媽媽煲嘅湯，真係要連湯底都飲埋🤗🤗🤗。佢嘅牛腱亦好淋好入味，唔錯!海鮮韭菜煎餅呢個海鮮煎餅雖然唔係好大塊，但2個人share係啱啱好。😚😚煎得香脆，甚至係有少少脆邊，餡料方面就有魷魚鬚﹑韭菜。香脆得嚟唔會咸，真係令人一口接一口。😋之前見其他食評話食物唔夠味，我真係要為鋪頭平反，雖然味道嘅嘢好個人，但絕對唔係無味，只係唔係食開嗰啲大咸大甜嘅味道，而係一種温馨且細水長流嘅家的味道，係平凡中難得一見嘅鮮味!🤩🤩…Read More

呢排無假去唔到日本🎎🎎，惟有食下日本嘢解一解鄉愁! 放工嚟到北角匯，見到有間日式餐廳，選擇多而且價錢親民，仲要見到一大班日本遊客幫襯，咁當然要去試試。 我地叫左個二人套餐，有2款主食，三款小食。主食我地揀左白豚拉面🐽🐽🍜🍜同埋滑蛋豬扒丼🐷🐷🍛🍛。白豚拉面份量啱啱好，最重要佢唔似日本正宗拉面嗰種又濃又咸又油膩嘅味道，我覺得更啱香港人比較健康嘅口味。面係幼面，似一蘭，仲有啲木耳同筍絲作為配菜。😋😋豚肉大大塊，但唔會好厚，食落唔痴牙，唔錯! 至於滑蛋豬扒丼份量相當足夠，大大塊嘅吉列豬排，又酥又脆，加上澆上甜甜地燒汁嘅滑蛋🥚🥚，食完相當滿足!😍😍小食我地叫左自家製餃子，餃子🥟🥟真係唔似預製，餡料好飽滿，唔會用太多肥肉，我覺得好食!而天婦羅魷魚係好典型嘅下酒佳品，酥脆嘅脆皮包住魷魚，好香口但唔會油膩，一上枱就俾個fd食左大半，真係好吸引! 芝士雞翼🍗🍗就不過不失，芝士味唔算好突出，鍾意食雞翼嘅朋友仔可以試試!最驚喜係叫二人套餐，送一件蛋糕🍰🍰，我地揀左梳乎厘芝士蛋糕，估唔到佢嘅蛋糕同樣出色，蛋糕芝士味濃，綿綿軟軟，真係想俾錢再order多一件!😘😘😘侍應貼心服務好，食物質素好又抵食，難怪星期一晚都唔少食客!😌😌…Read More

香港嘅新加坡餐廳買少見少，咁啱係銅鑼灣行街，見到呢間正宗新加坡餐廳，當然要去試試。我地每人叫左1個main dish, 🥘🥘1杯飲品🍹🍹，再share一個甜品🍮🍮，份量啱啱好。新加坡海南雞飯🐥🐤🐣🐤🐣食新加坡菜又點可以唔食佢嘅名物：海南雞飯! 海南雞味道唔錯，雞皮仲要係脆口爽口嘅口感，唔似坊間嗰種『淋』嘅皮，雞嘅肉質亦唔『鞋』，尤其係雞翼同雞脾，又嫩又滑😍😍。油飯又唔會好油好heavy, 我覺得係有香味得嚟又偏健康。😋😋😋辣椒蟹忌廉醬意大利蛋面🍤🍤呢個完全係新式新加坡菜，味道甜中帶辣，仲要好creamy, 啲蟹肉掛晒係啲意大利面上面，真係啖啖都食到有蟹肉!而佢嘅意大利蛋面亦超乎我嘅想像，似闊條面🍝🍝，更掛汁，好好食!榴槤爆醬店員推介呢款甜品，話好多客人點，我地都趁榴槤旺季試試! 其實佢係由3塊烤到好脆嘅多士🍞🍞🍞組成，每層都搽左榴槤蓉﹑牛油﹑糖漿，最上面就鋪左一層勁厚嘅榴槤蓉+開心果碎🥞🥞🥞。啲榴槤蓉係用新鮮榴槤打成蓉，好香好creamy , 鍾意食榴槤嘅朋友真係唔可以錯過🤩🤩🤩。斑蘭薏米水﹑斑蘭奶茶🍹🍸香港較少見嘅飲品，斑蘭味唔算出，但勝在可以揀甜度，更健康!整體食物質素唔錯，最緊要坐得舒服，店員又好熱心好有禮貌，加分!!!🤗🤗…Read More

上環的大街小巷有唔少美食，間唔中仲會發掘到驚喜。🤩🤩今次試左呢間日本丼飯店🍱🍱🍱，味道唔錯呢!店面面積唔大，大概坐到7,8個人，我見都幾乎滿座，就直接買外賣算。丼造牛🐂🐂牛嘅份量足，牛肉質素好好，食得出唔係普通連鎖集團嗰種肥牛片，其實好驚食太肥嘅牛丼，食完滿嘴油，呢盒丼飯嘅牛肉瘦多肥少，但肉質又唔鞋，係健康嘅感覺。😍😍燒雞扒丼雞扒燒到微焦，食落仲有少少脆口，😋😋照燒汁嘅味道亦唔會太咸，大大塊雞扒，真係餸多過飯吖。😎😎串燒雞肉大葱🐤🐤其實我平時就唔好食大葱，但呢個串燒嘅大葱可以接受，唔會辣口，仲要沾上左燒雞肉時嘅肉汁同油脂，好香口，有得同日本嘅居酒屋質素比。魚湯🥣🥣+沙律🥗🥗魚湯就正正常常，好彩佢唔咸，又唔會太腥，因為本人鍾意飲魚湯，我覺得唔錯。😚😚其實店內仲有好多魚生丼飯，但始終天口熱唔敢外賣返屋企，如果下次堂食，一定要試下佢啲魚生，因為我見有其他食客食緊，睇落唔錯。😊😊…Read More

上環街市附近有間不起眼的小店，行近啲一望，竟然連發哥都曾經光顧，咁一定要試下。小店主打上海菜，只有外賣，即叫即煮，風味十足。😋😋糖醋小排骨湯面🍜🍜🍜糖醋小排骨另外用盒裝，保存其酥脆口感，酸中帶甜嘅味道，啱晒咁熱嘅天氣，好開胃。排骨唔會只得骨，都幾好肉，而且份量唔少。而面就係用上湯煮，係正宗嘅上海面，唔油得嚟又掛湯，唔錯。🍖🍖皇牌生煎包+頂級黑松露生煎包🥰🥰每樣叫左2個試試，一咬落去，勁多汁，真係要用匙羹輔助先唔會食到周圍都係，生煎包個皮好脆好好食，唔會太厚。而黑松露生煎就更加係嗅覺+味覺嘅享受，鍾意黑松露嘅朋友千祈唔好錯過。😋🤩手工豆沙鍋餅🥠🥠啲豆沙唔會太甜，同個外皮好夾，食落亦唔油，食多2件都唔會有罪惡感。係等外賣嘅過程中，聽到店鋪有唔少外賣單，估唔到鋪仔細細都幾好生意。💕💕💕💕😚…Read More

行經銅鑼灣，突然間落大雨，只好揾間食肆避下雨。見到白沙道有間台灣甜品店，主打芋頭甜品，一於去試下。小芋圓Q奶入面有紅豆﹑芋頭泥﹑芋圓﹑西米﹑珍珠，份量足，每啖都有唔同嘅料，最重要嘅係芋圓係食到有芋頭味同紫薯味，感覺係真材實料做出嚟。😋😋 紫薯串串🍡🍡🍡🍢🍢🍢呢個好好食，上面有啲芝士🧀🧀奶蓋，咸咸地，配上啲麻糬丸子，真係味蕾的盛宴。啲麻糬好Q彈，好有咬口，食完真係想再食多一次。鋪頭環境好舒服，望住大街嘅人行過，有要種鬧市綠洲嘅感覺。😎😎…Read More

行過銅鑼灣，見到聖保祿中學對面有間泰國菜小店，價錢唔貴，一於外賣返屋企試下。我地叫左3個外賣，見到師傅即炒，所以返到屋企食仲keep到温度。🥰🥰豬頸肉飯🐷🐷🍚🍚豬頸肉份量好多，鋪滿成個飯盒。豬頸肉煎到燶邊，所以有少少脆口，食落好正。肉質方面，唔會太肥，佢瘦嘅比例相對一般嘅豬頸肉多，所以唔膩，加埋啲泰式豬頸肉醬，好食!👍泰式炒金邊粉呢個真係好夠鑊氣，但佢又唔算好油。配料都幾多，有蝦🍤﹑蛋🍳﹑芽菜﹑花生碎🥜﹑炸蒜碎，佢嘅味道有少少甜，好正宗泰國菜嘅味道。聞落仲有少少蝦醬嘅味，但食落蝦醬味又唔重。最緊要係份量好多，1盒有2隻食飯碗嘅份量。芒果糯米飯🥭🥭🍚🍚芒果夠甜，糯米飯配埋啲椰漿，作為甜品，為呢餐畫上完美句號。🥰雖然佢係外賣店，但老闆娘好好人，係等候區加左張櫈同枱，等外賣時都可以坐係度等唔使咁辛苦!🤗🤗…Read More

復活長假正式開始😚😚，當然要同朋友出嚟聚下食餐好嘅。今次試左想試好耐嘅日式西餐廳ufufu, 真係唔錯wow!吉列千層豬柳炸蝦蛋包飯(咖哩汁)🍛🍛🍛蛋包飯可以話係日式西餐嘅名物，嫩滑嘅蛋包住加左蕃茄汁炒過嘅飯，層次及口感都相當豐富。吉列豬柳🐷🐷同炸蝦🍤🍤亦到好脆好香口，唔會有油益味，伴埋啲咖哩汁食，好正! 餐廳亦好貼心，隨蛋包飯上嘅仲有提子乾，酸薑，椰絲同炸蒜等你伴咖哩食，咁樣食落會更加fresh。芒果派對多士🥭🥭🥖🥖見到好多食客都order多士呢款甜品，我地都唔執輸，一於order返件試下。甜品除左有牛乳軟雪糕外，更有3件大大件啲多士🥖🥖，上面鋪滿芒果同忌廉，多士好脆好有牛油味，一面食多士，一面配埋啲忌廉一齊食，令到多士又脆又creamy, 口感好正。😋😋抹茶軟雪糕配抹茶巴斯克芝士蛋糕🍦🍦🍰🍰🍵🍵巴斯克芝士蛋糕份量好足夠，擺盤亦好精緻，芝士蛋糕有濃濃的抹茶味，完全唔甜，亦唔會雪得過硬，口感軟滑，唔錯。👍👍甜品份量唔細，真係要多1,2個人share先食得晒，☺️☺️見在場都有唔少女士食芭菲，睇落都好吸引，下次要去試下先得。🥰🥰🥰…Read More

之前食過呢間港式糖水鋪，一直回味無窮，難得今日放假行過見到唔算多人排隊，一於去食返個靚糖水先。今次我地幾個人叫左4款嚟share:榴槤水晶珠🤩🤩呢個係encore同每次都必食嘅甜品，厚厚嘅榴槤蓉下面係由榴槤肉打成嘅沙冰，成口都係榴槤味，仲要有啲水晶珠增加口感，難怪一直長踞榜首，成為鎮店名物。榴槤黑糯米🍡🍡今次同行嘅朋友太多榴槤愛好者，所以又叫多個榴槤糖水，呢個同榴槤水晶珠最大嘅分別就係多左對黑糯米。黑糯米好糯，甜甜的，仲加左啲粟米，令到口感更豐富。麻糬紅豆抹茶🍵🍵雪糕🍦🍦牛角窩夫🥐🥐呢個甜品真係打卡一流，擺盤好靚。抹茶雪糕下面係微熱嘅牛角窩夫，牛角窩夫好脆好香牛油味，夾埋啲抹茶雪糕食，真係一絕。鮮什果椰汁仙草凍🥭🍉🍈🍌🍓呢個甜品一拎上嚟真係好震撼，成座山咁高，什果包括西瓜🍉🍉﹑哈密瓜﹑密瓜🍈🍈﹑香蕉🍌🍌﹑士多啤梨🍓🍓﹑芒果🥭🥭。下面係椰汁仙草凍加啲水晶珠，呢個甜品食完係完全無罪惡感，因為啲生果係新鮮嘅生果，唔會浸左糖水，夏天食最啱。食完糖水，人都心情靚啲😋😋😋…Read More

放假同屋企人行經筲箕灣，見呢間西餐廳好多人排隊，感覺應該唔錯，就一於去試試。店員服務態度好好，佢推薦我地食法瑯鍋系列，話係佢地嘅招牌菜，既然叫得招牌菜，就一定有返咁上下嘅水準。🥰🥰琺瑯鍋🥘牛面珠墩肉🍖🍖 配雜菜加意粉真係無諗過啲牛面珠墩咁『淋』，真係一入口就化開，我估係連長者都食到嘅程度。牛面珠墩仲要肥瘦相間，燉得好入味，兩嚿份量啱啱好。以呢個價錢，食到呢個質素，真係好驚喜。😋😋鐵板豬梅扒肉 配糙米飯🍚🍚豬梅扒肉拎上嚟仲熱氣騰騰，配上燒汁，唔會咸但又食到肉味。因為係一個lunch set ,所以仲包沙律﹑南瓜忌廉湯﹑飲品同巴斯克焦糖芝士蛋糕。成個set都係80,已經可以食到鐵板燒，真心呢個價錢邊度揾，難怪咁多人排隊。巴士克焦糖芝士蛋糕都唔錯🍰🍰，唔會太甜，仲有香濃嘅芝士味，好食。食緊飯時見到啲侍應同食客傾計，應該係啲時常光顧嘅街坊。街坊嘅眼光係最厲害嘅，唔抵食點會返轉頭幫襯吖! 2個人埋單唔使200元，仲要有前菜🥗有湯🍲有飲🍵有甜品🍰，真係深圳都未必得!🤩🤩…Read More

放假想食下啲平時少食嘅菜式，行經旺角，見到劉興記，主打上海生煎包小籠包，就打算去試下。入到去，侍應話今日小籠包已經售罄，咁就唯有試其他：招牌生煎包🥰：一送上嚟仲熱辣辣，一咬落去，真係要小心熱，啲湯汁係多到「咇」出嚟，個皮又酥又脆，真心好食!其實之前都食過其他嘅生煎包，對比之下，覺得佢做得幾出色，一次食多2,3個都得吖!上海排骨湯面：🍜🍜🍜排骨其實即係我地南方人嘅豬扒🐽🐽，豬扒腌得入味，肉身又淋，仲要炸得香脆咸香，配面食啱啱好。面係粗身嘅上海面，有嚼頭，比一般粤式粉面有咬口，仲要掛湯啲，唔錯!雞湯小雲吞🥟🥟：小雲吞細細粒，仲要用上湯煮，即使唔額外加任何醬汁都夠味。湯入面仲有雞蛋絲🍳🍳🍳同炸葱頭碎，更加惹味。手工豆沙窩餅🥧🥧：呢個要推薦，豆沙唔會太甜，用啲面粉包住嚟煎炸，好好食，係一道唔錯嘅飯後甜品。值得一讚嘅係食滿60元，送無限豆漿🥛🥛任飲，仲要唔使自己出去斟，而且放一大樽係枱上面任飲!豆漿有豆味，仲要唔係稀到水咁應酬大家，飲得出幾真材實料!😘😘😘😍😍😍…Read More

放假行經尖沙咀，見到餐廳門口以天婦羅為主打菜式，做得咁專精，覺得應該會有一定水平，就入去試試。🥰🥰兩個人叫了兩個主食和兩份小食，味道挺不錯：🍡鴛鴦鰻魚丼🐡🐡🦈🦈叫得鴛鴦，當然就唔會獨沽一味只有鰻魚，仲有一嚿鰻魚天婦羅+金針菇天婦羅🍄🍄。先講鰻魚，好肥美，雖然有少少細骨，但絕對唔影響佢細膩嫩滑嘅口感。而鰻魚天婦羅就更加脆皮，真係一啖接一啖停唔到口。丼飯上面仲有啲心裡美蘿蔔﹑紫菜同蛋絲，相當豐富。🍡天婦羅自選定食呢款定食包一款主食：有飯﹑烏冬🍜🍜﹑蕎麥面揀，我們選了烏冬(海老味噌湯底), 烏冬彈牙，有少少咸香味，上面鋪左唔少櫻花蝦🦐，唔錯。而天婦羅方面就選左原條穴子🐟﹑鱚魚﹑蕃薯🍠🍠，原條穴子相當夠份量，真係有一把間尺咁長，而鱚魚亦係原條上，絕不欺場! 魚肉嫩，雖然無太多調味，但就更食得出魚嘅味道，唔錯! 最重要係佢啲天婦羅雖然係油炸，但唔會好油，食多兩件都唔膩!🍡芝士年糕🧀🧀呢個大推，雖然食左一段時間主食先食佢，但仍然好脆口，咸咸甜甜，又香糯，中間仲有流心嘅芝士，讚!🍡唐揚魷魚鬚🦑🦑朋友覺得呢個好有水準，話佢完全唔油，係唔錯嘅佐酒小吃，而且份量好多，好有咬口，唔錯!🍡炸菠蘿伴雪糕🍍🍍🍦🍦好特別的組合，食落有冰火七重天嘅感覺，有雪糕的甜，配上菠蘿的酸甜，又凍又熱，幾過癮!食完真係要捧住個肚走，因為食物價錢唔貴，但份量十足，而且仲見到唔少日本人幫襯，應該真係幾地道嘅味道先造到呢個效果，值得一試!😋😋…Read More