第二次去食，早四日打電話訂枱， 去到竟然話我冇訂過， 跟住死死地氣懶係執張枱畀我， 真係多謝你喎。一入到枱， 西口西面問我哋食咩餐， 你而家人多，爆場，就大曬。 揀咗b餐398 ， 仲要問我一個人食b 餐？ 我幾個人咁唔係應該幾個人都係同一個餐嚟㗎？ 咁即係可以一個人a餐一個人b餐一個人c餐咁揀？ 輪到食物質素， 所有食材 都非常唔錯， 任食手切肥牛， 海蝦又夠大隻， 包一隻刺身船都唔錯， 衰在有少少漏單情況， 又唔話畀人聽夠鐘喇截單， 到要追單又話冇得追！ 你話十分鐘要交枱即刻有人等緊， 到走喇出去 唔見有人囉 前後左右 都有枱嘅 唔畀人坐㗎？ 係得呢張枱興香啲？第一次嚟食嗰時成個場， 得三台人， 啲禮貌好到加01， 截單會同我地講， 問我哋仲叫唔叫嘢食， 今次嚟到， 野食係好， 但食左成肚氣！ 尤其是阿叔個經理， 冇禮貌到嘅一個點！…查看更多
