Monchhichi 88's Profile

同朋友去左帝都酒店新開既日本餐廳 「山• YAMA」餐廳環境簡潔，空間感足夠，坐得舒服。「季節生蠔」配酸汁果凍Waiter 很有耐心介紹，可惜美食當前，令我分心了😅生蠔非常大隻肥美，蠔肉鮮甜，生蠔味道濃郁，口感絲滑有彈性，好新鮮，豐富既味道令人回味！極度推介！ 「 “山” 和牛吉列三文冶」有別於一般三文冶，餐廳改用矜貴和牛做餡。經過輕微烘烤略呈金黃色既麵包，中間夾上吉列和牛，光看賣相，已經吸引！叫人忍不住流口水！和牛扒熟度剛好，肉質鮮嫩，好juicy!外脆肉嫩，確實好味！「海膽茶碗蒸蛋」喜歡吃海膽既朋友絕對絕對不能錯過！海膽非常新鮮，而且餐廳絕不吝嗇，海膽分量真的很多！茶碗蒸蛋很滑溜，本身味道已經很鮮甜，每一啖再加上海膽一同入口，果種口感同味道真係天衣無縫！真的非常非常好吃 ！「自家制免冶雞肉 」串鷄肉嫩滑惹味，幾有咬口，燒得很香口！配上溫泉生鷄蛋加醬油做沾醬有驚喜，有蛋香之餘肉質更嫩滑。 Desert 「南瓜糯米糍」賣相又係非常吸引，糯米糍好煙靭，再加上紅豆，口感豐富！再配以南瓜汁一同食，味道好match, 唔會太甜！重有雪糕襯托，好清涼，好fresh, 消暑一流，好喜歡！食物水準高，服務態度認真！食得很滿足既一餐！…Read More

多謝家姐book 左呢度既lunch buffet 同我慶祝生日。第一次嚟, 感覺環境有點似foodcourt 不過地方夠大, 食物選擇也很多, 尤其係我最愛既海鮮。以Lunch buffet 嚟講, 呢度相當多豐富, 連生蠔同蟹都有 !!生蠔係即開, 非常新鮮, 好肥美, 我 encore 左好多round, 係必食!!!蟹都有2種, 重要好大隻 !!! 肉質鮮嫰 !!其他刺身, 熱食, 甜品, 雪榚都有, 不過我都係主攻海鮮, 哈哈! 如果主打食海鮮既，相信呢度很啱你。…Read More

小妹生日, 多謝一班朋友為我慶祝, 熱辣辣都陪我呢個火鍋控打邊爐據聞呢間火鍋人氣好高, 難怪接待處水洩不通, 人頭湧湧, 好彩朋友一早book左位啫. 除左order 既食物之外, 呢度都有唔少食物係自助形式, 最推介係凍蝦同咸蛋炸魚皮.咸蛋炸魚皮可謂不得不食, 好脆口, 沾滿咸蛋香, 正 !! 入番正題, 打邊爐最緊要選擇多, 食材新鮮, 係呢方面, 呢度完全無問題, 可以好滿足. 唯獨略嫌座位較逼, 要坐得好親密, 同埋人行路比較窄, 要較為小心, 不過, 整體CP 值好高, 值得encore   !…Read More

之前已經好想食, 但book 過 2 次都book 唔到. 今次尊登早2個星期book 定枱, 終於食到啦. 果然, 食完沒有失望, HK$2XX / 位, 海鮮豐富, 夠新鮮, CP 值好高 !!首先, 一人一盅足料燉湯, 之后輪到主菜逐樣登場 !套餐包左2款必然之選--- 龍蝦 + 白蜆, 另外再可以8款海鮮揀6款, 再加八寶飯, 好豐盛!!龍蝦 (清蒸) -- 都唔細架, 啖啖肉, 有鮮味, 正!鮑魚 (果皮蒸) --- 有果皮香, 鮮甜, 爽口彈牙 ! 肉蟹 (清蒸) -- 保留肉蟹鮮味 !海蝦 (金銀蒜開邊蒸) -- 唔算大隻, 不過份量都幾多蠔 (金銀蒜蒸) --  唔算大隻, 味道OK元貝(金銀蒜蒸) -- 正, 惹味 !!白蜆 同 花甲 -- 份量唔少, 無咩沙. 八寶飯~ 基本上食完海鮮, 已經好飽, 不過呢個八寶飯, 好香口惹味, 結果都食光光。最後重有湯水送，真係又飽又滿足！以后食蒸海鮮, 呢度會係首選! …Read More

呢間鋪係天后開左無耐, 我已經食左2 次😋第一次, 自己一個人嚟食晚餐, 叫左 「姬松茸農場雞湯米線」，淨聽個名都已經覺得好滋補! 一大碗米線鋪得滿滿,  有姬松茸, 木耳, 紅棗, 杞子, 幾舊雞, 賣相吸引!先試下個湯底, 有驚喜, 個湯底好清甜, 一d都唔油, 而且雞肉嫰滑, 好味 !!相隔無耐, 我尊登帶埋老公再嚟encore.老公叫左「田園蕃茄湯農場雞湯米線」，而我就叫左「椰子雞湯米線」蕃茄雞湯 -- 蕃茄湯底很濃郁, 酸酸甜甜很開胃. 椰子雞湯 -- 好好食, 好香，濃濃既椰子雞湯，完全可以當湯飲, 個人好鐘意, 值得推介!!!食完我老公都話要encore !!雖然價錢較一般米線貴少少，不過真材實料，味道好，很值得支持！…Read More

同事話呢間自助餐好抵食, 咁啱見到有個網站又做緊優惠, 只需HK$2xx.(包加一), 咁抵點忍呀! 餐廳唔算大, 食物種類亦唔算好多, 不過2百零蚊絕對可以回本龍蝦無限refill, 雖然無咩鮮味, 不過幾大隻, 而且肉質都唔錯, 呢個價錢有龍蝦食, 已經超值!另一大亮點係帶子刺身, 其他buffet 較少見, 而且呢度重要係大大隻, yummy !!!重有2款燉湯, 鵝肝多士, Movenpick 雪榚, 自製雞蛋仔同格仔餅, 支裝汽水..當然都有基本既熱食 (約10款), 粉麵, 甜品生果呢個價錢絕對超值!!…Read More

係銅鑼灣行完街, 經過 「 8鍋臭臭鍋 」，正值晩飯時間，見到店內都幾多人，本身又未食過，亦好少食台式火鍋，所以入去試下。Menu 有 9 款火鍋，唔同湯底、唔同配料，形式係一人一鍋。因為係第一次食「 8鍋臭臭鍋 」，所以叫左餐廳既人氣火鍋 「 招牌臭臭鍋 」同 獨家既 「 沙茶牛肉鍋 」，同朋友SHARE 食。看似細細鍋，不過食完都幾飽。臭臭鍋上枱后，係有少少臭，但食落又唔覺喎。相對沙茶牛肉鍋，臭臭鍋較有特式，但個人還是較喜歡港式邊爐…Read More

今日返工返到倦倦地, 收工去嘆番個靚湯水獎勵下自己, 兼且補一補。「 澳洲野生黑邊鮑魚燉雞 」HK$78雖然隻鮑魚唔算太大隻, 但肉質都OK, 而且重有 2 隻。個湯味道偏淡, 不過都幾多料, 以價錢呢講算係唔錯。加多碟菜，簡簡單單，又健康…Read More

今日突然好想食韓國野, 走左去天后7080 食個lunch.Lunch set 都幾抵食, HK$68 有前菜3碟+餐湯+拉麵+6件Kimbab, 好豐富 !牛肉拉麵用鐵盆上, 可以keep 住溫度, very good ! 拉麵有彈性, 夠爽口, 重加左d蛋花, 好味道!Kimbab 就普普通通, 勝在大大件, 用料足.環境同食物都唔錯! …Read More

Sat 同老公搵tea 食，揾搵下就去左Chop Chop。因為第一次嚟，事前又無search 過，所以唔知餐廳既黯然銷魂飯咁出名，我地只係随意order 左是日set lunch。係等餐既時候，才為意店內牆上燒味menu，繼而再留意每枱食物，燒味賣相相當吸引，好后悔太遲發現😭好彩我地既set lunch 都有炒蛋叉燒飯，都叫試過下呢度既叉燒😅炒蛋都幾滑溜，叉燒香嫰有肉味，有咬口。下次一定會再試下呢度最出名既黯然銷魂飯。…Read More

有日無意中行過，見到餐廳裝修幾別緻，確係帶點台灣地道風味，見有位就同老公入去試下。整間店店員應該都是台灣人，落單都係講國語，加埋店內裝潢，感覺頓時真的有點像置身於台灣😂點餐紙非常簡單，一張過有哂主食、小食、飲品，都係大路野，唔算多款。可能餐廳開業不久，上菜時有少少錯灟。價錢非常實惠，最貴的都只不過係牛肉麵$45。首先，魯肉飯（小），味道中規中矩，用料同份量都ok。接著，係牛肉麵，相當失望！湯底唔夠香濃，麵條黏著晒，煮得太過火，入口好糊！台灣香腸，油左d..起司蛋餅，略嫌cheese 太少。整體，喜歡餐廳充滿台灣小店風味，下次會試下其他小食，希望食物味道可以更進步！…Read More

呢間拉麵店响網上既評語相當不錯，最近响天后開新店，當然要試下啦。環境舒適，有格調！第一次嚟食，我選擇左「金鶴·鷄白湯拉麵」$98賣相非常吸引，插上高高既炸牛蒡，別樹一格！餐廳標榜湯底熬製6小時，果然非常濃郁，確實濃而不膩，食完完全無口乾或黏口感覺，確係不錯！第一次食炸牛蒡，脆脆的，感覺幾新鮮！不過食得多都幾油⋯⋯溏心蛋，滑留入味，好味！至於鷄肉，肉質鮮嫩，不過無味。麵條唔算彈牙。不過湯底真係好出色，值得一試！…Read More

用積分加錢換2張The Place 既宵夜Buffet，主題係---生蠔 !Buffet 由 10:15pm 開始，10pm 已經有人龍排隊，之后人龍越來越長，食客都幾多。生蠔唔係即開，只有1款，唔算太肥美，普普通通。基本壽司同三文魚刺身都有。熱盤就大概有十多款，既然係生蠔做主題，當然少不了蠔餅同蠔仔粥，不過驚喜唔算太大。除左甜品、生果，重有Movenpick 雪榚。以2百零蚊宵夜算ok，食多幾隻生蠔同幾球雪榚都足以回本。…Read More

成日聽人講天仁茗茶既奶茶好飲，茶㡳靚，茶味濃，不過一直都無飲過。今日同朋友飲茶，朋友再極力推介天仁茗茶，不過今次唔係奶茶，而係雪榚，重要係鐵觀音味道。未食之前都幾難想像有幾好食，鐵觀音一向茶味很濃，個人覺得帶點苦澀，較難想像用嚟做雪榚🤔响完全無期望既情況下食左第一啖，第一個感覺係 —- 好好味喎！！味道好香，入口軟滑，充滿陣陣清淡茶香，甜度剛好，唔似一般雪榚，食完會好口渴，相反幾有消暑效果！非常適合炎夏品嚐！而且只係$25/支，好抵食！…Read More

忙左成日，收工返屋企，又唔想食嚟食去果幾樣。諗起附近有間越南餐廳又未食過，最啱趁著今晚試下。雖然餐廳唔係大街，不過都有唔少食客，相信應該都唔錯。餐廳同餐牌都簡簡單單，不過食物款式都唔少，就連比較少見既越南小食「濱海」都有！呢排天氣咁熱，就最啱食撈檬，酸酸微微，夠哂開胃！我叫左碗香燒豬頸肉撈檬$50，分量足，用料多，有好多塊豬頸肉，而且味道都唔錯！豬頸肉幾惹味，厚薄適中，又夠腍，唔會乾淨淨，幾好！鮮蝦米紙卷$42，一碟有4 大件，紙米卷晶瑩剔透，口感煙韌，同樣足料，大大隻鮮蝦，彈牙爽口，再沾上酸酸的醬汁，入口酸味又清爽！最后加埋我最愛既凍鹹檸七，非常消暑！PS. 好耐無見過呢款七喜小子 logo 既罐裝7 Up, 令人好懷念喔！…Read More