hellobowie's Profile

之前喺細舖嘅時候都已經見到好多人排隊㗎啦，搬咗過去大鋪之後終於扚起心肝去試下。雞鴨鵝豬牛都有齊。唔中意食滷水嘅，都仲有醉雞口水雞沙薑雞，滷肉飯。綜合牛肉都幾吸引，分別有牛腱牛筋牛肚，睇到隔離枱個賣相都好靚！坐低先揀好主食，款款都好吸引，先試最受歡迎嘅滷水鵝滷水鴨，可配搭白粥白飯、鵝油拌麵、雞湯麵。。。我仲以為鵝油拌麵唔會辣，但原來唔係，而且仲有「麻」。。。麻辣我真係唔啱。。。個滷水汁其實都幾入味，但相比元朗新順興嗰種滷水就真係差啲。榕基冇嗰種香。。。。。…Read More

位置好易揾，就係潮豐隔離。家庭式小店，店仔細細都有幾個阿姨喺度。有名你叫，除咗煲仔飯之外，仲有湯麵及自家老闆娘餃子等。煲仔飯有基本款式外，仲好特別嘅海蝦青蟹煲仔飯、白鱔煲仔飯、龍蝦煲仔飯，羊腩煲仔飯等等。。。。臘腸排骨煲仔飯，臘腸好食，但真係好少見到已經切好咗嘅臘腸咁樣上，我係咪應該提醒下佢？煲仔飯有飯焦嘅，不過得好少，而且唔夠燶。其實佢都有問過我㗎，我答正常，但就唔係咁啱比例。整體唔係話唔好食，但就冇咩飯香。。。爭啲。。。。呢碟餃子係煎㗎！不過唔知點解煎得唔夠香。望落去好似係烚咁，Size就好似灣仔碼頭咁大細。。。最後，老闆你好細心幫我篤埋檸檬，送上兩杯鴨屎香檸檬茶。。。呢度食物唔好唔差嘅，但幾位姨姨服務態度真係好友善，加分…Read More

台灣郎✖️原本想去西環坤記食煲仔飯，但真係好長龍呀。即刻轉戰去下條街食台菜，呢間餐廳位置好好，隔離就係地鐵站，夠方便。餐廳好大，座位好闊落，坐得舒服，幾位顆計都係講國語，好有親切感。叫個晚餐一款飯或麵都係七十幾蚊，仲有杯冬瓜茶。另加15蚊有一款小食。鹽酥雞真係一般般，豪大大仲整得仲好食啲添！台灣魯肉飯，賣相好，但唔夠香。始終都係甜圓坊嘅最啱食。台灣紅燒牛肉麵，嗰湯好香好好飲。台灣手工麵煮得剛剛好，仲彈㗎，牛肉份量都唔少，但唔係半筋半肉。總之就有得讚冇得彈！仲有好多其他台灣嘢食。總有一款合你口味！…Read More

工作繁忙惰性強，嘩！連續兩日去荃灣廣場，只得呢間爆場。只可以話新屎坑更係香啲。。。環境走小清新風，座位闊落唔使迫。餐廳外專設外賣快線，買泰飲買泰甜品，隨手可得。門口呢個泰式奶茶泡冰真係好吸引，諗住食完飯先叫喇！點知未到8點已經話賣晒。。。海南雞🍤炸蝦餅🍛咖喱軟殻蟹全部都係泰常菜，估唔到全部都整得唔差，唔係得個殻，隻海南雞係幾滑溜。。。斑蘭生椰🧉芒果糯米飯雪糕。。。飲品就偏甜少少。。。照足泰國人口味。。。…Read More

可能係我對「旺角」有偏見，亦都可能係我「麻煩」，我以為「韓日燒」已經係我人生中遇到嘅極限。但喺我嘅生日週嘅時間又有一新突破。我估每個人去得呢到食飯，都係因為個『抵』字，及所謂個嘅Openrice嘅Like。坐低冇幾分鐘，後面枱嘅情侶已經話好難食，即埋單走人，而我後來亦相當有同感。。價錢真係平得恐怖，牛舌$27-封門柳$48-牛五花及千本筋$48- ，豬頸肉及牛五花都係$28-。我想知道肉嘅出處。。。可以咁紅潤、價錢又咁平，但係每一份都冇肉味。我好肯定咁講肉冇肉味，豬五花肥到只有肥膏。伙計見到即刻換個一碟俾我，但係真係唔得。。。睇個樣個飯係咪好靚，但味道就。。。所有嘢都唔得。。。我唔知點解兩間分店咁多人讚好。。。完…Read More

元朗出名多嘢食，高中低價位嘅都有齊。除咗『永恆豬雜粉』喺大埔過咗嚟元朗插咗旗之外，而家呢間『大埔郭仔記車仔麵』位置好方便，就喺元朗廣場巴士站。無論自己友定外來人都好易揾到間鋪嘅位置。門口個好抵食嘅車仔麵三餸套餐💲40怕唔夠食？又有選擇困難症嘅朋友，呢到仲有幾個套餐俾你揀！另一半唔中意食車仔麵嘅話，呢到仲有飯食我要快啲叫嘢食先！豬紅豬腸雞翼油麵+腩汁豬腸肥嘟嘟豬皮豬紅豬腸陳皮魚蛋+腩汁，份量真係好足，啲餸打爆咗個碗。雖然元朗都有好多間車仔麵檔，撇除藍店『永年』叫做乾淨企理外。呢間空間又大，坐得舒服，唔怕人貼人！…Read More

銀山泰菜 ร้าน ภูเงิน✖️湊巧經過，荒源百里都冇嘢食。燈火通明唯有此家。平民街坊小店，價錢十分經濟實惠。一個晚餐價錢只係💲58-，冇寫錯，平過茶記。海南雞飯豬手飯、湯河炒金邊粉、仲有炒通菜、一律都係💲58-連杯牛油果沙冰都只係💲30-，平過深水埗。今日晚餐分別點咗海南雞飯，油飯冇咩香味，雞都係唔重香雞味。泰式炒金邊粉，色水唔靚仔囉，但料多夠味。炒通菜，好大份，晚餐價錢一啲都唔貴！豬牛羊串燒各一，即叫即燒，一啲都唔『鞋』好好食晚市有兩大頁款式，總有你喜歡的！全店泰國人『及及及』『卡卡卡』招呼，返鄉下感覺，親切感十足！唔好要求有5星級味道，呢個單價係香港好難立足！…Read More

今非昔比，疫情關係，蘇豪區已經好多餐廳都已經易手。呢間餐廳其實係好多次嘅Restaurant Week都見到。但係最後都冇揀到，今次真係機緣巧合，見到價錢唔使三舊水，餐牌又有咁多嘢食，先至有機會試。有吧枱坐，有近窗邊玻璃大窗位。我哋嗰日雖然係第一個客入場，但都係得返幾張望住廚房嘅枱仔咋。再肥啲就坐唔落呢個枱仔位。。$298有Welcome Dish，前菜、主菜、拌菜、甜品or咖啡。比起其他餐廳平咗成舊水呀！咪話唔吸引！Welcome Dish 🌮Fish Tacos墨西哥軟餅上鋪滿紫椰菜洋蔥+炸魚塊香脆，加上莎莎青醬，酸酸地，開胃先。Starter🍖Smoked Pork Spare Ribs(+25)詞窮，我淨係覺得幾好食，仲好食過主菜。Starter🫙Chicken Liver Pate雞肝醬好滑好香，酸種麵包可以俾多啲我就好啦。我忍唔到口不停食，真係好正吖！表姐話我梗係飽啦，淨係食包都爆曬。Main🐷The Works邪惡焗烤豬腩肉，不過只有兩片薄薄都覺得有啲硬。做法好似班尼迪蛋咁上面有隻糖心蛋。但同網友之前介紹嘅烤豬腩肉卷係有所分別，可能餐單改咗啦！Main🐔 ½Rotisserie Chicken因為食肉眼加錢$120-，食威靈頓又要加$110-，唔合乎經濟原則下就揀咗半隻雞。不過我同表姐都好飽所以我哋連部份伴菜都外賣返屋企。返到屋企同表姐兩個人食，我食咗隻雞脾係好滑，有好香嘅Rosemary。不過表姐食雞胸就話啲肉好柴，冇上次Rosewood食嘅雞咁好食。Sidedish🥦Grilled Broccoli 就係菜一碟，冇乜特別唔講。Sidedish🧀Truffle Mac & Cheese不得了呀！我同表姐食得好滋味，好重嘅黑松露呀好香嘅芝士呀，同通粉焗埋一齊真係好好食。真係好飽吖，但係又忍唔住口。Dessert🍫Chocolate Brownie朱古力Brownie係細細舊嘅，一啲都唔甜只有朱古力香。正正常常。Dessert🥥Coconut Lime Pie雪榚下有椰絲及檸檬雪葩，係好開胃。但係我真係好飽囉，我已經食唔落。…Read More

燃Yakiniku Sashimi Oyster✖️大圍站附近的確好多嘢食，為咗避雨，揀咗一間唔係連鎖嘅餐廳幫襯一下。座位又大又舒服滑蛋豬扒定食$78 ，賣相係唔錯，不過個沙律係乾嘅，冇沙律汁，我同隻牛一樣乾俾住食入肚。滑蛋豬扒正正常常，呢樣美食，令我諗起細細個八佰伴food court嗰個鐵板滑蛋豬扒定食。我仲好記得我阿媽好鍾意嗌個碗大碗麵，最正就係嗰個人手即製嘅粟米班戟‼️還我八佰伴‼️牛舌燒肉定食$108，呢個就真係麻麻哋啦，有啲韌。平時韓燒都係薄切啫，佢明明冇厚度，但係都冇味道。可追加嘅就係呢間嘅冷泡茶好入味，細細支但精華齊全。同坊間嗰啲冇得比！…Read More

餐廳係洪水橋坐立好耐，Live Band、室外座位、篤篤、燒烤爐，複製哂泰國風！未有得✈️都可以感受到好想食完去按摩😂餐廳除有單店外，仲有供應自助餐，晚市$428/位，壽星仔生日月仲有四送一。自助餐除一般泰菜及泰國甜品外，仲有燒豬手、青口長腳蟹海蝦螺及剌身。首先侍應們十分熱情sell你食自助餐，但咁大間集團式嘅餐廳，唔叫多幾聲，都唔會俾杯水你。扣分！餐牌上第一頁所有嘅泰國小食都好貴。炸春卷炸魚餅咁都差唔多要$100-，泰式生蝦仲要成$200-都幾貴下。今餐係我精打細算下，5碼菜埋單$900-，冇超標。蒜蓉炒雜菜🙅🏻‍♀️完全唔掂，冇鑊氣冇味。成個醫院營養餐咁白烚菜。泰式金邊粉🙆🏻‍♀️好正！夠入味，又冇炒到啲粉一PATPAT，食完簡直好似去咗泰國咁。青木瓜沙律🙆🏻‍♀️正正常常，如果有加蝦仔魚仔就更出色！大蝦粉絲煲🙆🏻‍♀️隻蝦真係好大隻，成隻大頭蝦咁大碌。粉絲底有好香嘅九層塔及胡椒味，正！滷水豬手🙆🏻‍♀️好叉大隻呢隻應該係元蹄，呢個拼盤有齊青菜豆腐同埋雞蛋。滷得好入味，餐廳仲好細心將豬手拆肉切件，食得好方便。…Read More

懷舊色上海舖真係少之又少，講咗幾年終於有機會幫襯下。見到個門口有嗰個透明窗，喺度蒸小籠包吖煎鍋貼。就好懷念細細個小學喺蝴蝶邨商場嗰間上海舖，葵芳嗰間369。。。講起中菜，我真係勁鍾意食上海嘢。我阿媽成日都話我似我老豆中意食呢。炒鱔糊 炒年糕 排骨炒粗 蔥油撈麵京蔥牛肉 鹹肉津白 回鍋肉酸辣湯 小籠包 鍋貼 獅子頭樣樣嘢都好想食吖🤦🏻‍♀️但兩個人又食唔到咁多。呢度地方又唔大，唔可以約多啲人一齊食，四位都已經好盡。呢度一張大枱，當日就有一班老伯伯，成班朋友仔喺度吹水食飯幾開心！三鮮炒年糕▪️上海炒粗 ▪️鍋貼 ▪️豆沙鍋餅哎呀，佢呢度又有奶黃窩餅，又有芝麻窩餅，真係好難揀！今次食啲基本嘢先下次再試下啲新嘢。味道就唔係話『好好食』，又有啲油煙。但呢到嘅情懷喺香港已經少之有少。希望呢間鋪可以好好喺呢個城市生存。。。…Read More

每次經過都會見到呢間舖頭大排長龍，開咗咁耐，終於有機會喺6:30入場攞到最後一張枱。食物選擇唔多，全場只有12款便當，外加3款台式小火鍋。嚟得呢到，火鍋冇乜興趣㗎喇，可以跳過直接叫便當。我點咗滷排骨及香酥脆雞。件滷排骨真係好鬼大塊，大過隻手掌，仲要厚厚地身。表面好似燶燶哋咁樣，但原來係個汁滷到有咁嘅效果。 一咬落去，件排骨都好有肉汁噃。雖然店家好有心幫我切開幾件，不過實在太大啦，我食咗一件已經飽咗。拎開舊排骨之後，會見到個飯底有好多配料。有玉子燒、豆腐、洋蔥、粉絲、冬菇、蛋絲、滷水汁，真係好豐盛！食完滷排骨，相比香酥脆雞真係遜色咗，係乾咗少少。。。最後嚟但夜市小吃拼盤，有番薯條、甜不辣、台式香腸、台南蝦卷。小食一般般，冇話特別好。不過個番薯條放咗好耐都仲keep到脆卜卜。最後要講多聲，呢間係有『年豬』加持下嘅好食黃店，只收現金，完！…Read More

因為『糖醋麵』，所以近近地係長沙灣嚟個打冷。時日夜晚爆晒場，唯有坐係街邊慢慢嘆，門口就可以停車，勁方便。望下餐牌先今晚嘅主食，糖醋麵仲整緊！潮洲滷水什拼💲148▪️紅腸、豬頭肉、墨魚、鵝腸、豬耳、生腸頭、雞腎，仲多咗隻雞蛋，少有噃。滷水味唔重，所以少咸人仕啱。但中意食潮州滷水者可能未必能滿足，因為滷得唔夠入味。蠔餅例牌💲75▪️呢個完全唔掂，勁多粉又少蠔，蠔仔又細粒。所以話好食嘅蠔餅，真係唔易揾！韭菜豬紅💲65▪️正正常常，份糧足。呢間嘅豬紅好食過嗰間『潮味苑』多多聲，嗰間潮味苑嘅韭菜豬紅得嗰幾舊，呃錢。糖醋麵💲108▪️雖然要等20分鐘，但都值得，因為呢個情懷好多地方都冇。如再煎多陣，再脆卜卜啲就更好。唔講味道，因為已經完全忘記咗細嗰個種味。。要一讚係呢間打冷鋪個廁所好好好乾淨之外，味道仲好清新。呢間菜館斜對面都係打冷鋪，其實都幾好食，但環境就爭啲喇！…Read More

對上一次幫襯已經係2021年5月嘅事，直到今時今日一樣，唔早訂定位嘅話，Walk in等位真係有排等。餐牌冇咩大改變，冇咗划包及肉骨茶飯，但多咗2款扒餐。以為扒餐會伏伏地，點知一如既往，所以飲品嘢嘢食都超有水準！呢間係唯一一間黃店，我認為係好好食！原粒青蘋果沙冰▪️酸酸地，市面少有抹茶鮮奶▪️超大支，勁濃郁，抵飲洛神花柚子梳打▪️ 呢度啲嘢飲個杯真係好巨大和風油醋汁虎蝦蟹肉沙律▪️平時去餐廳我最少就係叫沙律，因為好似唔係好抵！但係估唔到呢度個沙律幾大堆頭，成盤咁大個碟咩嘢都齊，正吖！三級風暴薯條(黑松露、青瓜、明太子)▪️如果個薯條可以炸得再脆卜卜啲就仲好白酒藍青口配包▪️兩位靚女一味話個湯汁好好飲，啜啜啜，好快清晒！豬鞍架配酸梅蛋黃醬▪️灑咗嗰啲好似玫瑰咁嘅嘢喺上面，個賣相好有少女心。價錢都係百幾蚊，但係唔會差過中環嗰啲午餐質素。芥末洋蔥醬炸雞窩夫▪️炸雞唔止賣相靚，仲要啲肉好滑溜，配埋個窩夫真係一流！…Read More

經過MM嘅加持，我即刻去荃灣試下所謂有可能係全香港最好食嘅鹽酥雞。是日未到7點未有人龍，但滿座，只淨一張二人枱。特色滷肉飯套餐，可選以下其中一款搭配：鹽水雞、 藥膳排骨湯、花雕麻油雞湯及鹽酥雞。有冇台灣人話我知，點解要放啲辣榨菜喺啲滷肉飯上呢？我唔食得辣㗎嘛食咗一啖我搬走咗佢啦。呢間嘅滷肉飯都幾肥肉，三高及要減肥嘅人士真係要諗諗。味道都唔差，但就冇大角咀嘅『好吃吃光』及『深水埗嘅甜圓方』咁好啦。以上兩間啲滷肉飯嘅汁香啲，肉粒大細差唔多，肥肉瘦肉平均啲。 藥膳排骨真係麻麻哋！雖然話晒主廚都係正宗台灣人，但都唔嘅。對面嗰條友仔食開重口味嘢，佢飲完之後佢覺得直程係冇味。我就覺得好淡，飲飲下仲覺得有啲苦添！鹽酥雞就正正常常，無炸到乾有肉汁。冇網友講到咁驚喜，但絕對好食！成晚最驚喜嘅就係兩杯台式飲品，仙草奶茶🥤抺香珍珠奶茶，唔甜之餘，仲有好香茶味。讚！…Read More