Allwhite's Profile

當歸味好濃，藥材料都夠足，個湯好甜，雞件大大件有成5、6件。我覺得好正。嘢飲有羅漢果茶提供。喺附近食到最好食嘅藥膳雞湯米線。自助落單。如果食厭咗呢個藥膳雞湯米線會試吓佢其他嘢。…Read More

聽聞呢間米線舖幾好食，叫咗碗椒麻小辣湯的雞肉鮮支竹花雕酒溏心蛋同埋香草雞翼試吓。嗰椒麻湯底嘅花椒味幾香，不過整碗湯底鹹咗啲，椒麻味比較片面，對我來講只係湯包開出嚟咁。鮮枝竹正常，雞肉有皮亦都有啲腥，浸唔到湯底味，茶餐廳食到嘅雞肉絲，而嗰隻花雕酒溏心蛋唔知係咪因為擺喺湯上面，冇乜花雕酒味，而入面完全冇浸到酒嘅香味入去。成餐最難食就係香草雞翼，衰過我喺屋企自己煮，又唔脆又冇肉汁，似擺喺氣炸鍋整熱三次拎出嚟俾我食咁，佢香草係煮完就咁痴上去，食落去就好似就咁食咗一啖香草碎，香草同雞翼係大家唔識大家咁。係咪我咁識揀揀中唔好食嘅嘢:)…Read More

慕名而久的鯛魚拉麵，有陣時食飯時間經過一定會見到大排長龍，今日終於下定決心去食。企喺外面的店員會一步步指引買咗飛先入坐，店內店外整體服務都OK。今次叫咗鯛清湯拉麵同燻蛋，拉麵上枱時嘅湯底都清澈，不過面果度就有油浮起度，同我想像中的清湯有啲出入。湯第一啖飲落去都覺得幾鮮，但係同中式的魚湯完全唔同。我一路食落去就覺得越嚟越鹹，而燻蛋亦食唔出有咩煙燻味。炸魚皮、荀同叉燒都係正常水準。對於我嚟講試過一次就夠。…Read More

沒想到這一間樓上咖啡室令我大失所望。週末的午餐時間去到，沒什麼客人，我應該是頭一輪的客人吧，但是仍然可見到地上有未清理的垃圾，例如各種紙團和紙屑。空氣也比較侷促，好像聞到煙味。食物質素是還可接受的但是飲品實在太差了，不論朱古力還是咖啡都是非常水，就算是用朱古力粉咖啡粉溝出來的，那也是太差了吧。同水一樣…Read More

甜品有質素而且價錢相宜，都是大約＄40左右，款式選擇足夠多，讓人眼花繚亂。海鹽千層的custard好夠軟滑，但千層略嫌不夠脆身，甜度適中。焦糖燉蛋的焦糖不是死甜，底下的燉蛋很滑而且還有濃郁的雲呢拿香味，大推！朱古力開心果蛋糕賣相吸引有趣，朱古力味同開心果味也很突出，底下的脆脆更是錦上添花。員工態度好，餐廳給人整齊乾淨的感覺。…Read More

週末晚餐時間上到去，等位等咗差吾多成粒鐘終於有得食，真係好旺呀呢間野。因為吾想食得咁辣，叫咗個韓式甜辣烤雞，甜味夠哂，一點兒都不辣，個醬汁好粘，第一舊覺得好好食，但係食下食下就覺得得個甜字。OK la……呢個蛋卷真然係好好食，夠軟夠滑，上面嘅sauce好開胃，不過價錢就真係貴咗d, 同個烤雞差吾多。齊哂年糕、拉麵、魚糕俾你揀，滿足哂所有人，芝士落得好足，亦唔辣，幾好食。食呢間野真係要多d人去食先好，因為對於女仔黎講真係好易飽，四個女仔食三樣野就夠哂，要試多d野就要叫多d人去啦。同埋d食物真係要趁熱食，涼咗就黏膩膩的，食得好麻煩同辛苦。…Read More

呢個抹茶芝士蛋糕set除咗有芝士蛋糕之外仲有自己最鍾意嘅白玉同雪糕。抹茶雪糕好濃郁嘅抹茶味，而舊芝士蛋糕雖然夠滑夠奶但係抹茶味就吾係好夠。跟set嘅玫瑰蘋果茶真係好好飲！！聞落好香玫瑰味，飲落少少蘋果香，飲完仲回甘添。中和番食完芝士蛋糕嘅甜膩，成個人清新哂。…Read More

特意選擇早上的時間去堂食避開人潮，去到不用等位就可入坐，終於可以嘗試期待已久的蛋糕。揀咗3件蛋糕，分別是原味千層、earl grey千層和香蕉千層酥。在3款之中，覺得原味是最好的。層次分明，入口軟綿，甜度剛好，忌廉分量適中。Earl grey千層帶有淡淡茶香，不俗。仍是覺得原味較好。香蕉千層酥，香蕉果肉很多，中間全是cream,幸好我是喜愛吃的而且忌廉質素好，不過如果酥是脆的就更好了。好吃是好吃，但是價錢頗高，試過就可以了，自己覺得沒有坊間相傳的那麼好吃，相信不會再食。…Read More

抹茶甜品一向受大眾歡迎，今次黎到御前上茶試咗抹茶聖代同抹茶雪糕蜜瓜包。坐位不算寬闊，不過椅子下可擺放隨身物品倒是不錯的。兩款抹茶甜品嘅賣相不過不失，抹茶雪糕食落都ok但係好快溶，容易整污糟，希望店家能隨甜品附上一張紙巾抹菜聖代材料豐富，甜度適宜。外脆內軟，雪糕好容易溶。…Read More

周圍都係鴨仔裝飾好得意又同餐廳主題一致。坐得舒服，不過燈光不均勻，一些位置好暗，一些位置好刺眼，影響觀感。服務生會主動添水，不錯。與其他餐廳一樣為了提高翻桌率會非常主動收枱。食物總體很不錯。…Read More

之前已經試過佢地嘅signature favour 覺得好得別又幾好食。今次試下strawberry味，賣相好靚，淡粉紅色，食落甜甜地小小士多啤梨味咁，都吾錯！下次試埋其他先…Read More

期待去中村藤吉已久，今日終於下定決心去排隊，選擇星期六去就預咗要排長龍架啦，十點鐘左右去到商場UG2，姐係排隊搭電梯嘅果層，果然好多人，不過職員會係呢度派定少量籌先，等到上到去會再係11點派QR code飛仔。如果冇係UG2果層攞到籌，就要上到去店舖門口排隊等到十一點，等排哂飛仔俾攞到籌嘅人先有飛派。十點鐘左右去到攞到三十幾號嘅籌，係附近行下，大約一點就可以入到去了！！！☺店內環境舒適，不會安排太過多的桌椅令人覺得侷促，每枱都會有一壺茶提供，茶壺造型古樸亦很有份量，要小心輕放呢～叫咗個抹茶烏冬冷麵定食，抹茶麵條很清爽，旁邊附有咸咸的漬物正好配就着灑了芝麻和紫菜的珍珠飯，加上一人份的丸子紅豆抹茶啫喱剛好是女生不會浪費的份量。👍👍另外還叫了個抹茶芭菲，內有抹茶蛋糕、啫喱和同埋雪糕，仲有紅豆、丸子、脆米。內容豐富，抹茶味特出，不會太甜。總括黎講中村藤吉是值得一去的店舖，抹茶迷必去哦。😉…Read More