野田妹妹's Profile

得知一蘭喺旺角開分店，就係以前太興個位，喺星期六下晝5點，趁未多人過來朝聖。好耐無去另外兩間一蘭，唔知係咪都一樣已經轉做電話scan QRcode落單，仲要先付款才有得食。又好耐都冇食過，原來而家一碗麵要98蚊，不過味道依然，當然指定動作喺飲哂啲湯，影個換底😍。叉燒雖然好淋好入味，不過比以前薄咗好多。叫多左個燉煑豚肉燒，呢個68蚊感覺就比較普通。最後叫埋個49蚊嘅特濃抹茶布甸，抹茶味好濃👍最後有一個疑問就係點解要加一😅，單自己電話落，比錢又電話俾，水又自己出去斟，除左帶位同15秒內送麵來（我估係卦）之外，仲提供咗乜嘢服務呢🤣食完影完剛好6點，出面已經有10幾個等位，總算完成新的一蘭朝聖。…Read More

少見，竟然會有搭枱同不搭枱茶錢唔同，不過都合理，亦可接受。點心品質不錯，特別推介流心椰汁球，夠熱，入面真係有椰汁西米流心👍。另外，蝦米腸粉亦唔會好好似其他咁煎到咁硬。…Read More

經常在網上睇到呢間新華茶餐廳嘅蛋撻出名，咁啱在附近，於是過來慕名一試。星期六下晝兩點幾，等幾張飛就可以入坐，咁啱安排樓上雅座，一流👍，因為舊式茶餐廳已經越來越少，有樓上雅座嘅舊式茶餐廳就更加少上加少，所以有得行上樓上雅座樓梯都幾特別。酥皮蛋撻果然好食，尤其是啲蛋漿夠滑，又唔會太甜。另外奶茶同咖啡都好飲，特別係杯熱咖啡夠香，亦唔似其他茶餐廳咁有種苦味。另外，值得一讚係員工態度好，有禮貌，唔會好似其他嗰啲多人幫襯就唔志在，更加估唔到亦乾淨企理。…Read More

港灣豪庭新開食店~樂越，午市時間路過，便入去一試，店內裝修簡單，感覺舒服。點了限定~西班牙安格斯牛肉河，湯底有濃郁牛肉味，不會太咸，很香甜，好味，吃後亦沒有口渴的感覺。另外還點了香脆牛油雞翼撈檬，可以轉白飯，牛油雞翼炸得很香很脆，沒有油膩的感覺，味道很好。見到餐牌亦有很多款式食物，希望遲些日子可以慢慢試。另外一題，午飯時間可加$4跟奶茶/檸檬茶/咖啡。收銀處擺放了外賣單張，寫住外賣自取，全單95折。…Read More

港灣千色店自從搬咗上樓上後，地下嗰層騰空咗不少舖位出嚟，不少新的食店都進駐了，今次就試呢間新食店-譚仔。我地二人叫咗:過橋米線-份量都算大碗，清湯底夠熱，清甜，餸料豐富。土匪雞翼(大)-熱辣辣，上檯傳來陣陣香草的味道，很香。新鮮油菜(生菜)-普普通通。…Read More

要揾嘢食，諗住平平地，入到去都有唔少嘅選擇，我揀咗呢個，有餐蛋麵加雞肶(可選油肶或炸肶)👍，攞到埋位，隻雞肶還是熱的👍，肉質嫩滑，餐蛋麵只是一般，但麵質尚算可以，不會過淋。:)…Read More

今日一個人食Lunch,突然想食壽司，又想食海膽，見到附近有間千両，一向都知佢質素有保證，所以便決定走去睇下有無位。上到去取票，等咗大約5分鐘，有半邊卡位，算是搭檯吧！點了海膽軍膽，三文魚拖羅，油甘魚拖羅，燒芝士三文魚，厚燒甜蛋。海膽算新鮮，好好味，海膽份量算多，食完很滿足，有種齒夾留香的感覺。三文魚拖羅可說是肥美，但欠缺鮮甜。油甘魚肉質爽口，很清，不錯。燒芝士三文魚普普通通。厚燒甜蛋，可能不是即整，不夠熱，但很甜，尚可食到以前的味道。…Read More

下午兩點幾，一個人去新開T.O.P地庫揾飯食 ，行過突然想食拉麵，於是乎就去試呢間號稱北海道過江龍。點咗個普通的豬骨醬油拉麵，剔了走蔥及走筍，到想落單時，等了半分鐘，附近都唔見有侍應，要揚手叫侍應從門口行入嚟。明明張單打咗走蔥及走筍，但嚟到並沒有走，這點都算數，費事換，但最離普是個侍應攞住我碗麵同人講嘢，講完先攞過嚟。講返碗麵，質數真係有保證，個人覺得叉燒肥瘦適中，湯底夠味得來不太咸，醇卒食拉麵的角度睇，絕對值得再去。…Read More

食開香港區嗰兩間，嚟到T.O.P，呢度除了有點心，蒸飯，仲有小菜客飯。揀咗咕嚕肉，味道不錯，肉身都林，亦夠入味，飯的份量亦ok，加多6蚊，有杯茶包中國茶，共$62也不會覺得不值。…Read More

今日同同事午飯，坐低見對面位姐姐仔將食過的叉燒飯要求更換，原因是叉燒太肥，待應問她有否食過，她說沒有，待應攞走後她偷笑，之後比返碗新的給她。之後我和同事落單叫了2碗叉燒飯走汁，來到只有1碗走汁，心知不妙，很可能是那位無品的姐姐仔食過那碗，我同事要求更換，回來的只是將汁撥走，我同事再三要求飯同叉燒都走汁，雖然最後都有換，但那些待應態度非常差，還發惡，其實食物方面已不及以前，所以應該不會再去了。…Read More

經常在蛇店買蛇羹,都未試過坐低食,今年聖誕就一行四人到來一嘗這裡的套餐;太史五蛇羹 -- 雖然係四人餐,但都可以分到六碗,但蛇肉比例明顯比以前減少,但其他料算多.龍鳳煲 -- 雞肉滑,蛇碌亦不錯,份量亦多.手切肥牛 -- 肥牛很淋,雪花肥牛,份量亦算多,有牛味.炆蛤蚧 -- 咁大個人第一次食蛤蚧,於是將牠勉強砌成一條,肉質煙煙靱靱,但不知是否心理作用,感覺好像苦苦的,尢幸還有燒肉及什菇一齊炆,燒肉亦不錯.椒鹽蛇 -- 幾惹味,不過偏辣.水魚 -- 很滑.翠綠什菜 -- 唐生菜,很大條. 是晚最好食的,可以說是另外叫的東山羊(半斤),上枱時並沒有其他配菜,羊肉質鮮嫩,亦非常有羊味,可算是直止目前為止吃過最好味的羊.…Read More

身為pizza hut的副線,出品必定有保證,再加上呢度有幾個位可以坐低堂食,故此晚上早點過嚟.叫了兩個$35餐,一份是燒烤雞肉迷你批配汽水,另一份是芝士配滑豆腐雞皇飯配粟米忌廉湯.迷你批的大細和pizza hut的下午茶pizza差不多,但雖然是即叫即做,而味道則比較遜色,pizza皮不夠厚,尤幸饀料相對較多.至於個豆腐雞皇飯,有點喜出望外,芝士味不太濃,豆腐很滑,加上適量的雞肉,配合得很好,而且味道亦不會鹹.加$22有四隻蜜糖BBQ雞翼,雞翼比pizza hut大隻點,味道亦夠甜.$35有個焗飯+一罐汽水做晚餐,還有pizza hut風味,值得推介.…Read More

之前做燒烤,現在用相同隔局轉咗間魚湯米線,見新開便試下.叫咗呢度兩個招牌菜,一個魚湯飯皇和一個煲仔飯.魚湯飯皇 -- 有兩個餸可以揀,我地叫了豬肚和魚滑,仲有個菜,我地要咗白菜仔,白菜仔算鮮甜,份量也不少,魚湯味夠濃,也很大碗,仲有飯/粥/米線,我地選擇了粥,粥很綿.至於煲仔飯,叫了咸魚肉餅,咸魚不錯,肉餅亦不靱,飯可以,不過太黏底,括不到飯焦.…Read More

前身是快餐店,經過一輪裝潢,現在變成了社會企業,試過這裡的早餐,勝在坐位舒服,亦有互動新聞台睇,今晚便一試這裡的晚餐.這裡的晚餐有兩種,一款是$30的碟頭飯,另一款是$38的小菜套餐,我們選了兩款小菜,分別是無骨海南雞和清蒸黃立倉.先講海南雞,算大碟,肉很多,皮很滑,相信比一般泰國菜館的還多,幾抵食.比較有驚喜的可說是黃立倉,雖然不算大條,但也算價錢合理,蒸得很熟,亦很滑.小菜套餐包一碗很大的飯和一碗中湯,還有熱飲.我們還用了$8加多一碟油菜,菜亦算新鮮.整體上$38很抵食,唯一美中不足的是主菜未上枱時,飯已裝好,食的時候有點攤凍了.…Read More

在雜誌睇過好多有關這間隱世拉麵店的報導,對這間店非常感興趣,今天星期六一早起身,十一點鬆d就嚟到此店.一坐低,便有侍應招待及介紹,很詳細,叫了一碗白伝及一碗赤伝.不嬲食開的拉麵都是湯連餸一齊的,但這裡很特別,這裡的食法是一碗淨麵及一碗湯連餸上的,好像食冷麵一樣,夾一小量麵放在湯裡浸住食.白伝湯底的鰹魚味很濃,赤伝湯底的蕃茄味很鮮甜,而餸料方面亦非常好,有我最喜愛的温泉蛋,蛋汁很美味,而叉燒也有兩至三塊,而且很大塊,肥瘦適中,而麵身亦很彈牙,有咬口,份量也算多,很滿足.正所謂好戲在後頭,當你食完麵後,剩餘的湯底才是寶,你可以通知侍應幫你加湯,將本身的湯底溝淡,這個時候當你雙手拿起湯來喝,一份温暖的感覺隨即湧出來,十分滿足.…Read More