R.A.W's Profile

一見到壽司源開已經好想去食，今日終於同朋友去食了前菜螢烏賊酢味噌，第一次食螢光烏賊，係季節嘢嚟，加埋啲個麵豉蛋黃醬對胃九州小長井蠔，一口即溶，鮮味十足春子鯛，加咗紫蘇花賣相確係一流，味道都係平目昆布漬，平目配昆布真係第一次，鮮味更加提升牡丹海老，重點係炙咗嘅蝦膏，真係又香又好味子持鎗烏賊煮，呢個好特別呀大拖羅，呢個都唔洗介紹點好味啦，你懂的天然大拖羅，幾片薄切嘅天然大拖羅又去咗另一個層次毛蟹，毛蟹肉加蟹膏，話唔好味你都唔信啦，諗返起都好回味環境服務都非常好嘅一餐…Read More

忽然好想食鐵板燒,朋友介紹就一於嚟食晚餐了鐵板餐有分幾個,因為想食蟹就點左A5日本產和牛鱈場蟹二人前見到呢度既廚師發辦都好吸引呀,下次要再黎食先得第一度菜係銀鱈魚,嫩滑既肉質入口即溶感覺好幸福呀北海道鱈場蟹,為左食蟹而叫呢個餐絕對唔會失望,隻隻蟹腳都大大隻啖啖肉,燒得好香好好味呀A5日本黑毛和牛,真係樣樣都咁吸引,和牛點好味法都唔洗多講,個蒜片更加係畫龍點精,又薄又脆真係小啲技術都唔得湯係白魚湯,味道鮮甜,次次食鐵板燒去到炒飯呢個位已經飽左九成,不過呢度既炒飯我竟然都可以食晒,飯粒炒得粒粒分明,煙韌又飽滿可惜Bar檯full左欣賞唔到師傅既手勢,有機會一定要再黎…Read More

之前已經見到歌賦街有間食Omakase既燒肉店,一直都好想食呀今日終於搵到機會平時食燒肉都係食牛,不過咁岩撞正朋友今日話唔食得牛咁我陪佢食雞豚王晚餐啦,其實同精選晚餐一樣價錢架,點都係覺得食牛抵啲咁個餐都有好多野,有沙律,燒豚肉,雞肉,自家製雞肉丸,廚師推介,帶子同腸仔不過一食就唔同晒諗法,個豬肉係好好味架,同埋腸仔!!腸仔係超級好味帶子唔小心過左龍,不過食落都唔會死死實實喎,係熟左小小啫,都好味既呢個雞肉丸都好好味,味道好肉丸又夠鬆軟食完仲有海鹽雪糕呀下次一定要再黎食和牛…Read More

炸雞開個不停,旺角都有新成員加入,地點仲要係人流好旺既兆萬添第一時間緊係揀野飲啦,同朋友一致決定要芒果菠蘿特飲芒果同菠蘿都係我最愛既生果之一,緊係覺得佢好味啦魷魚堅果,同朋友都有魷魚迷,見到又係一致決定食佢影完相店員好細心咁幫我哋剪開,細細塊易入口好多,食落煙煙韌韌咁都幾好味炸雞心大心細好多款都想食,不過眼闊肚窄又食唔到咁多,最尾同朋友揀左蜂蜜芝士粉炸雞真係冇揀錯呀,蜂蜜配埋微微既芝士味真係幾新鮮，好鍾意呀另外仲有嗌到甜品架,食得太開心唔記得影相同朋友食飯揀到大家都鍾意食既野感覺真係特別開心…Read More

一直聽聞天后既蜆殼街有間唔錯嘅西餐，有幾次經過都爆場今次同朋友一早book定位先,終於可以黎食餐飯了先嚟食個前菜先─黑松露意大利雲吞，忌朮汁好Creamy，配埋黑松露真係好香呀沙樂美腸竹炭薄餅,,黑色薄餅睇落已經夠特別,雖然食落冇乜特別不過真係好特色羊架，平時唔係太鍾意食羊架，不過朋友想就食捨命陪君子啦但係食落都幾驚喜,口感幼嫩,肉味濃厚香甜又唔會太羶無骨雞胸肉風乾火腿意粉，雞胸肉配埋風乾火腿食落又幾得意味道都幾濃,配返個清清地既意粉感覺不俗環境細細又有情調價錢又合理,得閒都可以再同朋友黎食下飯啦…Read More

同朋友食餐便飯,去左黑布街既Lab 66鋪面同裝修都好有工業風喔晚餐都幾得意,可以揀A+C+D或者B+D再唔係加40蚊又可能A+B+D見到個薑汁芥蘭忌廉湯咁得意就試下先味道感覺都幾似西蘭花忌廉湯,都幾好味就係啦芝士蕃茄醬黑豚肉柳,呢個酸酸地幾開胃,個黑豚肉柳好似漢堡扒咁,都幾得意炸物拼盤, 裡面有炸蝦,炸雞翼,炸芝士波,炸春卷同埋炸墨魚棒飲品揀左鮮搾果汁既Green綠,樣樣生果我都岩食,有青蘋果,奇異果,橙,提子,檸檬味道又幾清新旺角黎講價錢同環境都算係唔錯呀,同朋友食下飯都可以揀佢…Read More

朋友生日,揀咗朋友最鍾意既日本菜,地點又要就腳都有D頭痛不過最尾比我揀到呢間係尖沙咀旺段既浜焼き,食飯前可以行陣街添,岩晒兩個女仔去食飯地點好易搵,係海港城對面既流尚店4樓,朋友係路痴都搵到兩個細食既女仔都唔會揀太多嘢,一開始就整個蟹肉沙律清下個口先蟹肉份量好多呀!!菜又夠新鮮爽脆,好讚既一個飯前沙律刺身五點,吞拿魚,三文魚,油甘魚,樣樣都肥美鮮甜,加埋厚切真係回味無窮呀樣樣都想食小小,呢度就岩晒我地,串燒又嗌幾串黎食下先揀左豚肉車厘茄卷,大蔥輕井澤雞肉串仲有一串係雞肉串雞味好香濃又夠滑同夠juicy，豬肉薄薄地咸咸地配埋車厘茄滿分仲好細心咁有個小燒爐,唔怕傾偈攤到凍晒,岩晒我地d吹水怪 黎得浜焼き又點小得食海鮮呢點左特上濱燒盛合,北海道帆立貝,松葉蟹肉蟹膏,長崎室津生蠔,花竹蝦,南非活鮑魚同魷魚睇見都流晒口水呀,新鮮就一定好食啦,除左好新鮮好鮮甜我都諗唔到其他形容詞了朋友好滿意呢餐生日飯,我見到朋友開心我都一樣咁開心…Read More

同朋友去沙田搵食,沙角邨既冬菇亭就食得多今次走左去博康邨,原本係想食燒烤架,不過發現佢有蒸鍋天氣涼涼地一於食蒸鍋啦,價錢仲好抵添,鮑魚套餐$188一位,另外龍蝦套餐$218一位套餐同朋友要鮑魚套餐，個餐有海蝦,花蟹,魚,肥牛,雞,蜆,魷魚,生蠔,油炸鬼,什菜盤同牛丸拼墨丸200蚊唔洗有齊魚蝦蟹真係唔錯喎,樣樣都算新鮮個粥底吸收晒所有精華真係好正呀,估唔到屋邨都有好野食…Read More

今日同朋友食放題,要食就食好d,揀左呢間極尚大瀛喜,叫得極尚感覺都正啲果然食物選擇非常多,由刺身、壽司、卷物、迷你手卷、火炙壽司、軍艦、串燒、天婦羅、炸物到燒物真係多到怕擺唔晒入肚呀首先有鵝肝北海道帶子同龍蝦膏甜蝦,就咁聽個名都吸引呀一啖一粒好易食,帶子同甜蝦都鮮甜美味刺身有甜蝦、虎蝦、劍魚腩、帶子、油甘魚、三文魚上菜猶如仙境一樣,估唔到放題都咁有心思食落都好鮮味,唔錯唔錯壽司差唔多每款都有食,其實款款都唔錯,不過比較鍾意既有極品和牛同海膽黃金蝦,食完繼續encore另外熟食都係樣樣有嗌,無論燒蝦定天婦羅樣樣都唔錯呀,真係值得食飲品款式都好多,又有雪糕同甜品地方闊落唔會迫,食放題既一個好選擇…Read More

我住美食荒凉的馬鞍山!星期日想找個冇咁迫人，又有好嘢食嘅地方!又想帶阿仔可走動吓! 就突然想起科學園! 入去玩，當然順便搵嘢食! 路經都有好多寬敞的食肆! 無意中就發現咗有間Club One!咁就入左去試吓!叫左我最愛嘅瑤柱蛋白炒飯!超級好送口濃湯花膠燴翅! 黏口好濃呀! 落足材料 正!再來多一個綠野禪菜! 露筍百合翡翠瓜炒黑木耳! 健康好選擇!最正係可以舒舒服服食餐飯! 空間感超寬敞!冷氣有點大! 有小朋友的建議帶件外套呀! …Read More

貓咪貓咪HOME系一间好有爱心嘅主题餐厅餐厅入面嘅猫咪都系流浪猫来嘅。小食、主菜方面都好有心思，味道都唔错，价钱又唔贵。一边同猫咪玩，一边食美食，又可以帮到猫咪真系唔错。我点左个蜜桃茶，甜甜地蜜桃味好香甜。意大利面放系个猫猫碟食得特别开胃。餐厅系旺角，地点方便，最岩爱猫人事去tea tea^_^…Read More

今次三五知己去任食十十吓! 無諗過自助式任食都乾淨企理又好坐!醬汁係自助形式, 中日式都有牛肉同豚肉都任叫任食, 牛肉好淋好好味, 豬肉都唔錯喎,encore左幾碟都keep到水準下次可以再揀貴一級既牛肉以外就要自取, 有D日式魚蛋同菜類, 魚蛋都幾好味, 食左幾轉飲品冷熱都有得揀,選擇都有汽水、沙冰同茶，實有一款岩你甜品都幾好, 有乳酪任食, 仲有好多topping揀添~一個價錢又有新鲜沙律吧，又有乳酪食! 更加沒想過有銀牙! 湯底仲有七款咁多! 下次可以去試另外款式先!…Read More

今次三五知己去任食十十吓! 無諗過自助式任食都乾淨企理又好坐!醬汁係自助形式, 中日式都有牛肉同豚肉都任叫任食, 牛肉好淋好好味, 豬肉都唔錯喎肉以外就要自取, 有D日式魚蛋同菜類, 魚蛋都幾好味, 食左幾轉甜品都幾好, 有乳酪任食, 仲有好多topping揀添~一個價錢又有新鲜沙律吧，又有乳酪食! 更加沒想過有銀牙! 湯底仲有七款咁多! 下次可以去試另外款式先!…Read More

今日去開火炭工作,就選一間就腳既餐廳Search有間私房菜,一於去食返餐地點都尚算易搵,睇名以為食日本野,食落先知係西餐?!首先有沙律，之後有條腸...係前菜?小食?不過又幾好食主菜係美國西冷牛扒,食落都幾多筋,不過味道都不錯的價錢略貴,如果平d就好了…Read More

成日都去大坑搵食，今日就去咗The Socialhouse地點係偏小小，加上天黑好容易走漏眼不過靜靜哋既環境我就最鍾意主菜揀咗虎蝦天使麵天使麵吸收晒成個汁嘅精華，炒過食落更香蝦肉彈牙很鮮味另外仲有西班牙燒豬，似乎係呢度嘅名物嚟檯檯都有一碟，果然係皮脆肉嫩又唔會太肥食落唔覺膩環境舒服係鍾意靜靜哋同朋友食飯既好地方…Read More