ChengLimLimCrystal's Profile

第一次食阿根廷菜味道係比較重味啱晒我呢啲鍾意食重口味嘅嘢嘅人！叫咗個阿根廷辣肉腸 口感好爽脆 味道好惹味！呢個會再encore ！另外有一個菜肉批 比較中東味一啲 喜歡中東味嘅食物嘅人一定鍾意重頭戲係牛扒 🥩 牛扒嘅肉質好腍 而且煮得好入味 不過都係比較重口味偏鹹 First time trying Argentinian food! The flavors are quite strong, which is perfect for someone like me who loves strong flavors! I ordered the Argentinian spicy sausage; the texture was so crisp and the flavor was amazing! I'd definitely order that again! They also have a meat and vegetable pie, which is more Middle Eastern in style. People who like Middle Eastern food will definitely love it. The highlight was the steak 🥩. The steak was very tender and cooked to perfection, but it was also quite salty and flavorful.…Read More

試過好多間中環居酒屋，覺得哩間性價比幾高，價錢合理，好食同埋幾有氣氛。坐bar 枱睇住佢燒燒吓都幾正。本人唔係好飲酒，所以試吓佢既柚子蜜梳打同埋用沖繩檸檬整既可爾必斯梳打，酸酸甜甜幾開胃🤤小食叫左蟹膏多士 ，係有蟹肉喺入邊好有誠意。薑蓉燒茄子，原來茄子同薑蓉幾夾！第一次咁樣一齊食。厚燒豆腐個醬汁好惹味，推介。另外燒鰻魚燒到個皮卜卜脆，熱辣辣，幾正。原隻燒雞腿好Juicy，幫你拆埋骨，方便食。味噌煎銀鱈魚 個魚好滑！！個皮好脆！哩個係必食！三文魚腩魚子丼飯，三文魚腩好厚肉，魚子都係好新鮮！甜品叫味噌焦糖燉蛋！好特別因為佢加左味噌味！一定要試！…Read More

見到呢間意大利餐廳個lunch set好似幾抵食，性價比高 所以今日特登約朋友過嚟試佢嘅set lunch做緊128起，可以再add on 其他唔同既小食。頭盤係是日餐湯，蔬菜湯主菜我揀咗一個pizza(margarita),我朋友揀咗Pasta(pollo e fungi)另外再add on 個薯條。個pizza夠熱夠足料！食落唔會乾都幾夠Juicy。而且佢唔係嗰種厚pizza 係我鍾意嗰種意大利薄pizza！個Pasta係白汁，好creamy, 都係好夠熱，鮮奶油味好香好甜，唔會好濟。薯條亦都係夠熱！正常嘢！甜品叫左個gelato, 咖啡味唔會太甜！總括嚟講性價比高嘅一個意大利午餐。3個course都係百幾蚊包汽水飲品，推介！…Read More

係附近行街，咁啱想食韓燒搵到呢間望落好似幾地道果然餐廳係播住韓國嘅歌😆見到醬油蟹咁啱做緊promotion ，梗係要試吓啦 因為太掛住韓國嘅醬油蟹😋果然味道同韓國差唔多好鮮甜 加埋啲紫菜飯落去一齊食 味道啱啱好，送飯一流！另外就叫咗幾款燒肉 ，包括牛舌 同埋牛肉。都係幾頂級嘅韓牛，好juicy 同埋夠肥肉😋😋值得一讚嘅係前菜好吸引🤩多款得黎超好食泡菜都有分辣同唔辣！好適合啲唔係好食得辣嘅人！最鍾意係甜品會送兩個雪米糍😂😂好好食😋…Read More

灣仔嘅呢間沖繩日本嘢幾高質！外面係居酒屋既裝修 入邊嘅感覺都好舒適首先講吓佢哋嘅食物，係我食過喺香港最高質嘅居酒屋，我哋叫咗燒牛舌，可以自己落鹽或其他調味，好嘢味。之後就主力串燒，首先有沖繩苦瓜免治串燒，沖繩嘅苦瓜又甘又甜好開胃。另外叫咗雞珍，雞頸肉，雞軟骨，全部都唔係平時日式居酒屋嗰種，佢真係有啲唔同，應該係沖繩style, 好正！最推介嘅係個親子丼 個蛋有少少甜味，啲雞超級滑，推介！最後建議試埋個甜品，日式蕨餅，唔會好甜，但係爽口彈牙！…Read More

一向勁鐘意食串燒既我又黎燒烤堂！招牌動作係鵝肝多士 次次都會要一人一份 因為真係太好食啦😋😋 另外就係鰻魚玉子燒 甜甜地又鹹鹹地好惹味其他串燒必嗌嘅就係雞軟骨，雞腎，牛舌 呢啲唔使講都係佢嘅招牌！平時唔會食太鹹 而呢度嘅串燒就恰到好處！重點係食完之後唔會好口渴😀最抵食嘅喺呢度嘅燒蠔 又平又靚！另外佢嘅聖子都好惹味，好新鮮！鍾意食海鮮嘅一定要試！今次仲試咗佢個好特別嘅甜品 湯圓串燒 口感非常特別加埋啲花生碎 軟腍腍嘅芝麻餡 下次會再食！…Read More

位於中環嘅呢間日式茶寮 外面睇落裝修好特別 就俾佢吸引咗入去啦。點知佢除咗飲茶仲有好多嘢食我哋今次就叫咗個冷麵 炸雞 凍豆腐同埋豚肉飯。 冷麵係一個綠茶冷麵，口感非常特別 唔會太腍又唔會太硬，同個炸雞好夾！另外我仲追加咗個明太子玉子燒！ 流心嘅蛋同埋超香嘅味道😍😍強烈建議大家追加！！另外叫咗個豚肉飯就追加咗個凍豆腐 豚肉飯係用日本米，好汁好惹味 。配埋個凍豆腐一流。飲品係重點 叫咗個抹茶🍵拿鐵 抹茶個味好濃郁！飲落好細滑。另外仲叫左個焙茶拿鐵 賣相冇咁靚 但係超好飲！好濃郁嘅焙茶味！！本身以為呢度係主打飲品，但係原來飲品同食物都好正！強烈建議黎哩度食lunch👍🏻👍🏻👍🏻…Read More

經過見到就嚟試吓呢間工廈入邊嘅小炒。一入到去個場好熱鬧，有少少高級大排檔feel，星期四嘅晚市都好旺場👍🏻入邊地方乾乾淨淨，價錢亦都唔貴。下次會再嚟。首先，嗌咗個乳鴿，$48抵到喊。夠脆皮，而且好嫩口啲肉👍🏻想有少少住家飯feel叫咗個蒜蓉炒菜心，新鮮唔會炒老咗。跟住叫咗個三色椒炒花甲，好足料，所以食到呢一度都飽飽地🤣重頭戲係叫咗條蒸魚，好鍾意啲蒸魚豉油，甜甜地又唔會太鹹，真係拎嚟送飯一流。條魚夠肥美新鮮，食到飽一飽，勁有住家飯feel。所以今餐飯非常滿意。我哋兩個人食埋單都係$400 ，好抵食嘅晚餐又豐富，下次會再嚟！…Read More

一向對日本嘢冇抵抗力嘅我 今次去試呢間日本居酒屋！見到佢價錢合理所以就放任咁叫😆😆小食方面，我哋叫咗元氣蒜頭漬，因為我本身好鍾意食蒜頭🤣🤣 佢用嘅醬汁好特別，酸酸甜甜👍🏻 之後覺得大家一定要試嘅係芥末八爪魚，個八爪魚係刺身包住紫菜嚟食一流！火炙明太子，個底墊住青瓜，唔會太鹹幾夾。特別推介一定要叫蟹膏玉子燒！！！！10分滿分，我比一百分！玉子燒熱辣辣，入邊有好多蟹膏好鮮甜👍🏻👍🏻👍🏻👍🏻串燒方面，我哋試咗牛舌心，腩肉秋葵全同埋雞肉串，係我哋覺得比較特別嘅串燒，第度食唔到。另外仲叫咗個炸雞，有好多碎嘅蒜頭粒包住幾惹味脆皮。蒜蓉燒生蠔，燒過之後都食到好鮮甜，幾新鮮。之後見到佢個廚師推介係一個蟹蓋丼，加$138都幾抵食。成個飯有勁多蟹同埋蟹膏，蟹膏撈飯真係一流嘅配搭，推🫶🏻甜品上白雪公主，一定要叫！豆腐雪糕加埋番薯原來係咁夾㗎！絕對係偉大嘅發明！…Read More

今日都行左去西營盤嗰邊覓食，行吓行吓就見到呢一間餐廳🍴餐廳門面好神秘，睇到餐牌之後發現原來係食葡國菜，就諗住入去試吓。餐廳入邊有好多畫 裝修好特別，好有歐洲宮廷feel🤗叫咗個青口 有少少鹹，不過接受到，因為歐洲嘅食物都係鹹啲，食落就覺得好正中，好似葡萄牙咁。之後嗌咗個魚，之前去葡萄牙食葡國菜都係咁嘅大大碟，個魚好新鮮 叫咗之後都等咗一段時間，後來發現原來佢係即叫即整，所以出嚟係熱辣辣同埋夠新鮮。另外仲嗌咗個雞 peri-peri 汁 ，個雞超好味，有少少似之前喺澳門食嗰啲葡國餐廳叫嗰啲雞。好開心以後想食葡國菜唔使去葡萄牙或者澳門，香港都有得食咁正宗嘅葡國菜！下次會再嚟試吓其他。另外仲想讚吓個甜品，係葡撻，再襯埋甜酒 好好味😋…Read More

【同朋友試左呢間韓國餐廳，一入到落staff好nice，而且service好好，呢點抵讚。野食方面試左佢地招牌醬油蟹，相當新鮮，而且同韓國食既一樣，非常正宗，無論送飯定係就咁食，都別有一番風味。另外試左半打炸雞，分別係原味同埋甜味，我覺得甜味好食d，畢竟女仔都係鍾意食甜呀麻！而炸雞炸到岩岩好，夠脆口之餘又唔會太熱氣，整體我覺得幾有驚喜，紅磡黎講韓國野本身選擇唔多，呢間值得再去，希望下次再黎可以試到其他野！】…Read More

想試咗好耐嘅泰式fusion米芝蓮餐廳，今日終於試到啦，果然冇令我失望，我同朋友一人叫咗個四道菜晚餐再加$680龍蝦，呢個套餐應該係最抵食又夠飽。一早已經預訂咗位，一去到泰國姐姐reception好熱情咁招呼我哋，餐廳裝修好漂亮，可惜唔係好多海景。雖然菜式好精緻，但係都唔會唔夠飽。我特別推薦呢個泰式龍蝦，因為佢唔係普通嘅龍蝦煮法，佢係混入泰式嘅醬汁再烤焗嘅，喺出邊食唔到，而且仲好鮮甜。另外仲有蝦同蟹餅同埋和牛，全部都係貴價食物，亦都好新鮮。個人覺得呢個四道菜晚餐幾抵食。而全晚我覺得最好食嘅嘢，就係佢個甜品芒果糯米飯，呢個芒果糯米飯唔係隨便喺泰國會食到嘅嗰類，好特別，又唔會太甜，超讚。…Read More

又有啲掛住日本嘢 就搵左間居酒屋嘆下啤酒食吓日本嘢同串燒！首先啤酒$48買一送一 約朋友可約雙數🤣餐牌好多種類，總之你想食既應該都會有。串燒叫左雞腎，雞皮，牛舌，玉子燒，雞軟骨，燒白鱔，全部都要一讚👍🏻海鮮方面就叫芝士焗蠔，聖子$68一隻。必叫鵝肝蘋果多士，免治豬肉串蔬菜有金菇，茄子。人均$400 係中環收工chill chill 既好地方！環境舒服同乾淨，服務員有禮！整個餐廳環境氣氛都好唔錯，好似去咗日本咁👍🏻…Read More

哩間餐廳既餃子不嬲都有水準，有埋下午茶餐就成日都去食，最鐘意佢哋既韭菜豬肉餃，點醬油超好食😋個餐另外仲包一個小食，青瓜或者雲耳。嘢飲或者例湯另加錢。40蚊一個餐👍…Read More

哩度一向係我飯堂，今次就試吓哩個干炒牛肉意粉，啲牛肉好淋，夠入味。意粉唔太淋又唔太硬，啱啱好。50蚊一大碟算係性格比高。哩個算係一間高質茶餐廳！環境算乾淨。態度有善。…Read More