森林流星's Profile

新公司在牛頭角附近，有日收工老公接我一齊晚飯，於是在周圍覓食。行下行下去到德寶商場，發現裏面有個小小food court，入面都有好多提供不同菜式嘅餐廳小店，見到最吸引嘅係有日式串燒嘅呢一間。細望menu，發現食物款式好多，而且價錢都非常之平民化，特別係每日供應嘅套餐，當中燒牛舌便當連紙包飲品及小食，只需要$48！真係非常之超值，於是試一試。由於食物即叫即做，所以都要等少少時間，但絕對值得！因為牛舌份量好多，而且非常厚身有口感，同時都好淋，配埋香料非常惹味！小食亦不馬虎，我們點了雞肉串，有齊三色椒同洋蔥，雞肉一啲都唔嚡，好好味！總括而言係喜出望外的用餐體驗，10分推介！…Read More

Food court 嘅好處係，食飯加甜品一條龍，唔洗食完再周圍搵！西九龍8樓food court 一向係平民美食天堂，大部分食店都價廉物美，而且不少係卧虎藏龍，呢間位於角落位置的甜品店，老闆十分nice !今次先試佢的法式焦糖燉蛋，加$1仲有一球雪糕添！真係加倍開心呀！甜品用仿青花瓷淺碟仔裝住，賣相攞滿分！面層的焦糖燒得好均勻，燉蛋好滑亦唔會太甜，好好味呢！唔洗$40就食到咁高質嘅甜品，真係物超所值！下次再試其他甜品先得！…Read More

一向都好鐘意食海南雞，知道西九龍廣場最近成了「海南雞戰場」，於是去朝下聖先😆！一去到8樓food court，好多人，好難先搵到位坐呀！再去巡一圈，數一數都差不多有10間店買到海南雞飯！😍 想逐一試晒真係要黎多幾次！最後揀左呢間店試下先，可能係星期六，等候時間都耐，不過為左食好嘢，唔緊要啦！雞的分量唔太多，但十分嫩滑，配上薑蓉和秘制辣汁好惹味，美中不足的是甜豉油太甜了。總結黎講，質素和味道係可以的，但就沒有太大驚喜。…Read More

疫情關係已好耐無同閏蜜周圍打卡搵食😭難得今日夾到一齊放假，就揀左想試好耐的青花亭🤗估唔到餐廳嘅名字咁優雅，但餐牌上食物嘅名卻十分攪鬼😆，令人會心微笑！點左2個set lunch，餐湯味道正常。主菜方面，除法包有點韌外，其他食物味道很不錯。必試甜品鹹濕阿伯大菠蘿，即製窩夫好鬆脆，配上雪糕真係一流！少少鹹中和左甜膩感，好有驚喜，推介試！餐飲加$8可轉焙茶鮮奶，茶味十分香濃，係我的最愛！下午茶時段，人比較少，靜靜的坐耐d都唔會阻住人，享受到一刻恬靜。…Read More

每晚收工經過，都聞到一陣滷水香味，心諗有機會一定要買黎試下！結果今日一試，完全係有幻想幻滅嘅感覺...首先店面上屏幕顯示，各項配菜大都有半份或一份選擇，但到點餐時，職員只係冷冷地回一句：「而家無半份架啦！」沒有更新價錢資訊誤導消費者，還配以這種態度，印象分已大減了！回到家，急不及待馬上打開品嚐，卻很奇怪怎樣也聞不到那種香噴噴的滷水味！先吃一口金錢肚，有點硬不夠淋，然後發現拌麵味道也偏鹹，吃完全碗後，全晚都感到很口乾，可能味精太多了！總結來說，只怪自己今次被嗅覺騙了而失去理智，沒有先上OpenRice 看看他人食評。。。…Read More

早前錯過了另一間dustykid 聯乘的餐廳，今次難得這間餐廳地點近得多，而且見到食物和精品都很吸引，於是決定光顧。今天先試試海鹽朱古力加保溫瓶套裝，店員沖調後會把飲品倒入保溫瓶內再交給客人，雖然店員說已把瓶子洗淨，但我還是有點擔心，不敢打開瓶蓋直接飲用。回到家後，我便把瓶內的朱古力倒出來，然而竟然清楚看見飲品面層浮起很多油脂！當然，因熱朱古力飲料有可可油成份，如果只是少許油份也屬正常，但眼前看到的油份卻多得有點誇張，再檢查下，更發現原來在瓶蓋內裡罅隙有很多黑點和微塵！難道是dustykid 附送的贈品塵嗎？？猶豫了一會，最後還是決定將原杯朱古力拿回餐廳要求更換，亦希望向店方反映，考慮以後停止將飲料直接倒入全新保溫瓶出售的做法。當值女經理接到我的個案後，態度愛理不理，只是不斷重覆保溫瓶已洗過，套裝$128是必須倒進瓶內出售的，如果要更換及分開用另一個紙杯盛載，需要加$5，這是紙杯連dustykid 紙套的附加費。最後我再三說不要紙套，她才不情願地更免費換一杯新的朱古力給我，整個過程裡她也沒有一聲道歉！建議大家如果都有興趣買這個dustykid保溫杯，可以考慮自備耐熱杯子或瓶子給店方分開盛載飲品，這樣會比較衛生和安心。坦白說，這杯海鹽朱古力味道很淡，十分普通，這次光顧只是為了支持dustykid，沒想到卻換來一場不愉快的經歷。…Read More

難得一天假期沒有特別的節目，在open rice 隨意搜尋到這間cafe，見到這裡裝修華麗，有梳化位亦有落地大玻璃，蛋糕賣相設計亦貴氣十足，於是便決定到這裡好好享受一頓下午茶。分別點了一客芝士蘑菇釀雞翼配沙律，一杯朱古力咖啡及皇家紅絨芝士蛋糕。咖啡和蛋糕的味道很不錯，只是雞翼較油膩，賣相一般，和這裡環境有點格格不入。期望這餐廳環境是優雅寧靜的，不過它位於書局內兒童圖書區旁，外面又是商場的兒童遊樂場樓層，很多家長會帶同小朋友光顧，大大破壞了整體華麗的氣氛，有點可惜。…Read More

因為全家都愛吃泰菜，紅日假期晚上母親大人想外出用膳，我們便選了這間餐廳試試。雖然是公眾假期，但竟然可以即日在open rice 訂座，除了免卻假期人多等位之苦，更享有7折優惠，認真很方便又划算！可能位置不太便利，當晚餐廳未見滿座。不過少了人多的嘈雜聲，用餐時更覺寫意。我們點了幾個菜，一貫泰菜香口惹味，賣相也十分精美，只是炒菜略嫌咸了一點點。飲品方面點了兩個椰青，size比一般泰菜餐廳的大，椰青水很清甜，質素很好。總結來說，如果大家想找個舒適的地方和家人或朋友聚會，這餐廳是個不錯的選擇。…Read More

長假期的尾聲，梗要對自己好d，俾自己動力繼續努力去工作！一個人遊走平時較少去的觀塘區，喺openrice揾到這間新開的甜品店，一於去試下。餐牌上的選擇頗多，而且配搭比坊間一般甜品特別，可見餅廚的心思。最後決定狠心放棄最愛的朱古力甜品，挑選了賣相極美的天鵝湖。由於係即製的關係，等了15分鐘左右，天鵝湖才華麗登場。不過真的好美呢！所以久等也算值得。味道方面，三款雪芭都十分幼滑，特別喜愛酸酸甜甜雜莓味，而且裡面還有些果肉。美中不足的是棉花糖融得頗快，很快變硬了。今天能夠食到這件有如藝術品般的甜品，真的令假期更完滿和快樂！！…Read More