ZeniaChan's Profile

星期六中午時間，店舖細細但坐位都唔會好迫嘅，點左大隻佬沙律，牛柳班尼，飲品叫左2杯朱古力咖啡，咖啡味偏濃，沙律好大碗好足，芒果肉好新鮮，牛柳肉味香濃，整體味道都好ok, 可以有下次嘅。…Read More

一行7人預先訂位嘅，安排入坐上算順利，食物點了六百幾個個韓國猪肉（烤肉），韓牛（烤肉），泡菜煎餅，石鍋飯，先上小碟泡菜，再上生肉，一啲醬汁，最後係熟食，上菜係放低就行開，完成無話你知咩肉，啲醬汁配咩肉，邊度調火力⋯問佢哋就答：個汁一陣點猪肉，完！態度好麻麻，無乜禮貌，肉類質素一般，份量正常，石鍋飯無咩味只係辣，泡菜煎餅好難食，淋pat pat, 因為係烤肉，抽油煙方面好弱，空氣質素好差，食完成個人係油煙味，整體非常一般，可以試一次，唔會有下次，元朗有好多選擇！…Read More

第一次嚟食，店舖位置真係比較唔起眼，店內日式昭和風，店員好詳細介紹餐牌。叫左個餐廳主打推介嘅蟹肉意粉，醬汁煮得唔錯，唔會好傑或太奶，好味。另外係雞扒沙律，雞扒好好味亦都嫩，但係沙律太多生菜，有啲單調，如果有啲甜椒同生果會比較吸引。整體都算ok，可以再有下次⋯…Read More

餐廳位置鳳攸南街上，個邊有好多唔同類別食店，呢間可以話係感覺最chil的小小cafe.地方唔大，感覺都好整齊乾淨，坐位唔係多但都唔算好迫餐牌唔算好多選擇，始終唔係茶餐廳個啲路線，我地二人點左牛肉漢堡同蕃茄雞肉麵，飲品就8cm朱古力同蘋果玉桂茶食物味道質素都唔錯，食得出用料新鮮，杯朱古力正常，可以再濃一啲，個人覺得蘋果玉桂茶好好飲，清香唔會有太濃烈玉桂味餐廳走中價路線，食物質素對得起價錢，會再嚟食嘢⋯…Read More

澳洲草飼牛肉漢堡配炸薯格@幾好味，配菜薯格都好味，又夠哂脆，份量都好夠，賣相唔錯香煎日本刺身帶子墨汁意大利飯@好好食，帶子夠鮮甜，又唔會太熟啱啱好飲品都唔錯，價錢都好合理！有下次⋯…Read More

前陣子疫情嚴重周圍都唔敢去，見好耐冇食過呢間，而又撞正慶祝記念日，想食好一啲啲⋯就山長水遠去啦⋯點知～～😑😑～龍蝦海膽飯@@（吾合格！）上枱見到個樣已經麻麻哋，龍蝦一點鮮味都冇，啲肉好實，好乾，而且超咸，接近食咸魚個種咸，海膽吾鮮甜，衰過元氣個啲～大蛤湯（正確菜名吾記得）@（吾合格！）吾夠熱，蛤好多沙，啲肉都吾甜～魚濃湯（正確菜名吾記得）@味道正常，夠熱嘅！～烤油柑魚鮫@味道正常，幾好味，熱嘅呢間餐廳一直水準都唔錯，雖然吾係常客，但耐唔耐都有食，呢次非常失望！呢個價錢呢個質素，應該唔會再來👋🏻👋🏻👋🏻…Read More

於OpenRice 訂位餐牌正價食品有7折，整體食物/環境都👌🏼👌🏼👌🏼，海膽份量好足，幾鮮甜😋😋😋牛扒都大份，正正常常無乜特別👌🏼不過$10蠔一啲都唔失望，呢個價好👌🏼👌🏼啦⋯⋯當然係迷你D嘅！…Read More