cenjra的个人专页

星期日想豪一豪食個西式午餐，但又唔想花百幾蚊食個lunch，即刻就諗起呢間性價比高，又多選擇的新派西餐廳！又食海膽risotto 又据肉眼扒，午餐連餐湯餐飲，再另加烤雞沙律，免加一，每人都只係$70！！！好抵呀！！！海膽分量比想象中多，意大利飯軟硬適中。啖啖肉，不過略嫌梳打粉太多，唔推介。南瓜湯食到南瓜蓉，有誠意。烤雞沙律好多雞，反而想食多啲菜😝😝😝呢排做優惠，午餐同下午茶樣樣都超抵！總結就係非常滿意…查看更多

呢間屯門小店，麻雀雖小，五臟俱全，我哋差唔多20人都容納到。甜品款式好多，中西都有，仲有D24榴槤。榴槤雪糕+榴槤肉+榴槤刨冰，一次過滿足晒三個願望！鷹嘴豆同紅豆驚喜地同刨冰幾夾😋😋😋三色湯圓有芝麻、花生、奶黃。好少地方食到奶黃湯圓，非常驚喜！皮薄、唔甜，出色！心太軟一般，欠缺朱古力味。焦糖面太薄，燉蛋未夠熟，唔合格。總結：榴槤及中式甜品較值得食，西式甜品則麻麻地。做街坊生意，價錢相宜，值得支持！…查看更多

喺MegaBox行街行到攰，一定會入去IKEA的梳化坐下，但一入門口已經聞到餐廳傳來震震香味！點餐全自助形式，好似學校canteen，先攞手推車同餐盤排隊，然後橫掃美食，再去收銀署俾錢。全部份量大大件，免加一，經濟又實惠。豬手超大件，一個人一定食唔晒。豬皮炸得好脆，多骨膠原，內好淋，無得彈。底下仲好多酸菜，薯仔亦非常飽肚。三件羊架都好淋，食落去有少少羶味。最有心思係面頭的黑魚子醬，立即升級！二人份量拼盤包兩杯飲品任添，可以揀可樂、忌廉、芬達、七喜、檸檬茶。可能放得太來，雞鎚同魷魚圈已經唔熱，有點失色。總結：豬手最抵食，差不多枱枱都有一隻！🐷🐷🐷…查看更多

牛頭角工廈原來暗藏寧靜小店，野食OK，重點係同愛人或閨蜜可以傾計幾耐都得。就算係星期六下晝都唔多人，夠晒安靜🤫🤫🤫不過只有一個侍應招呼客人，有點叫天不應叫地不聞的感覺。😥😥😥軟殼蟹都算大隻多肉，唔會太多炸粉。炒意粉較硬，味道OK唔太鹹。貌相有點頹，感覺似湯飯。煙鴨胸太鹹。有蜆味，但食唔到蜆肉。總結：食物一般，但自在一個舒服的地方傾計。P.S. 店內洗手間較骯髒，有潔癖的朋友們要小心。⚠️⚠️⚠️…查看更多

今次約咗五位朋友，一齊專誠來試喺太子街坊口中盛讚超抵食的茶餐廳。一入餐廳，年輕的老闆娘就以親切的笑容招呼每一位客人，唔少街坊同長者都同老闆娘有傾有講，充滿人情味！ 食物價錢亦充滿人情味，下午茶平均$25！西多士厚過一般快餐店，外脆內軟，食落去唔油膩，讚！👍🏻👍🏻👍🏻紅豆冰唔甜，奶味紅豆味剛剛好，推介！雞髀略嫌炸得太老，有啲乾。薯條夠粗，好味！原來滷水汁經過特別調較，有心思💖下午茶時段亦有優惠飯食。倉魚成條上，加埋蒸魚豉油豆豉撈飯，簡直係絕配！😋😋😋怪唔知咁有人情味😅…查看更多