cathylaupoyan's Profile

新開嘅九龍城小店，專做燉湯同餸飯，全店標榜不用味精、燉足三小時以上。有成14個燉湯，有啲唔係成日係街度可以飲到，每一個都有寫出功能，我睇完之後試吓花旗參燉雞，一打開個蓋啲蔘味好香，啲烏雞唔係雪藏，我連啲料都食埋。朋友有兩聲咳，店主推介五指毛桃，我朋友都係第一次飲，原來五指毛桃燉湯有淡淡的椰子香味。兩個燉湯都好足料，下次想試嗰個胡椒豬肚雞比較特別。啲餸菜都大碟而且食得出唔係雪藏貨。而家喺Facebook打卡仲可以送桃膠糖水，人均消費$58一午餐，絕對抵食！料…Read More

呢排好興私房菜呢個名，私房菜主要係食師傅嘅工藝，有時裝修都變得唔重要。但係估唔到一歩入格格府竟然有啲中國會嘅感覺，裝修非常華麗，而且非常有特色，所有野襯到絕，絕對可以招呼客傾生意嚟食飯。由於今次係因為媽咪生日，係第二次來這裡，我地點左個貴少少嘅$988套餐，已經有翅、燒海參、龍蝦、斑全部貴嘢，仲可以包房添。上次我地點左個係$488，都好多嘢食，我鍾意佢嗰個四小碟，鎮江餚肉非常出色，已經加入左醋係入面，我哋食到停唔到口，海蜇亦非常之爽。仲有個龍蝦個汁有啲似古老甜酸汁，另外嗰個豬手，我朋友有個食家都忍唔住問師父點整，最後甜品係香橙伴大海，原來對聲音好好㗎！令到我覺得揀呢間餐廳作為媽咪嘅生日飯係冇錯。加上服務非常貼心，以一間啱啱開嘅私房菜有呢個水準真係非常之難得，媽咪非常滿意，在格格府每個角落不停影相。期待下個月有新餐牌一定再來幫襯。…Read More

到了Raymond 度咁多次, 終於忍不住在百忙之中都給你寫食評,由呢間餐廳一開張就幫襯, 當時由於新張無宣傳又"偏僻", O黎親都無咩人, 不過我就係鍾意佢有包場感覺, 哈哈第一次O黎我已經知包場唔會包好耐, 因為呢間野D食物係真係有水準, 果然今次再去, 就要BOOK位了! 今次帶了媽咪同細佬同呀仔去, 點了個剌身拼盤, 有四隻蠔, 4X帶子, 4X甜蝦,4X螺,4X三文魚, 夠四人食, 好新鮮; 之後當然要俾家人食下個生牛肉沙拉, 這個送紅酒超正, 不過最失望是今次沒有我至愛的火箭棻; 再食招牌豬手, 豬手有進步, 之前係咸左D, 但今日食係啱晒,D伴揶菜依然咁正; 最後食埋個黑松露燴飯, 其實個飯先係我最愛, 出面係食唔到呢個煙UN度!如果要介紹朋友食西餐我一定介紹呢間, 次次都無衰, 除了價錢經濟招呼好坐得舒服外, 最緊要係大廚之前係美國會多年廚師, 食物每樣佢真係識煮的, 我向來咀尖, 這間店的廚藝絕對值得一試, 從它的甜品"心太軟"功力可見一班!…Read More

已經唔係地點方便, 不過見隔離板x咁多人, 即管試吓, 反正只是同一個朋友去午飯一餐, 下午兩點去, 全店已經無人, 得返連埋我三張枱5個客, 要o左兩個全餐牌最貴o既set, 竟然等半個鐘, 最後好火咁催佢, 因為餐內有個味噌湯, 起碼攞住o黎飲唔駛半粒鐘?! 之後塊刺身仲離譜, 同張相已經無左舊蟹柳不特止, 四塊刺身又薄又細, 四塊加埋都等於唔到平時食正常o既一塊, 而且唔知點解有些酸汁淋左上去, D天婦羅蝦是 "梅"的, 於是我問一位侍應點降d刺身咁 "粹"同薄, 佢叫位經理o黎, 一o黎已經講個餐係咁, 我地就叫佢stop talking喇, 如果係咁你餐牌寫明 "薄片"唔好寫 "刺身"啦, "刺身"印象唔係咁囉~ 咁可以有心埋準備, 或可選擇唔叫餐囉~...其實一間野得唔得真係呃唔到人, 咁大間舖兩點得3位客我真係唔應該入去, 鬼叫人o地 "板x"排長龍咩~ 客人俾意見你, 一句 "係咁架喇...", OK~~No Next之o麻! $65加一o既午餐, 唔該你研究吓點解人地"板x"排長龍, 你俾d咩客食人俾d咩客食?真係好懷念以前同媽咪排元氣o既日子, 而家? 唔駛排唔駛我出錢都要考慮吓....…Read More