yee848484's Profile

晚上7點半一個人嚟試泰國菜,叫咗香葉肉碎煎蛋飯($60),飛天通菜($50),泰式凍奶茶(曼谷奶茶)($15),一個人食咁多嘢😀。銅鑼灣呢個地段，佢定嘅價錢算係抵食本身係香葉肉碎飯的忠實擁躉,去親泰國菜舖都一定叫呢樣,所以要求好高。曼谷食堂嘅呢個飯第一就缺少咗d香葉味，佢有落香葉,但係香葉味唔出。第二佢d豬肉碎絞得太爛,呢個餸嘅肉碎應該係肉碎,唔係肉蓉。有一樣係正嘅，就係佢隻蛋好香,係即叫即煎出嚟，唔係煎定擺係度嘅。到個通菜,好味嘅，但碟菜裡面係熱嘅，外面就冇哂煙,唔似啱啱炒完拎出嚟，似係炒好咗擺咗一陣先拎出嚟,所以冇乜鑊氣最好嘅係杯奶茶,茶味好香,似足泰國飲嘅泰式奶茶,perfect池。侍應勤快,一叫就應你,成間舖都好乾淨,客人走咗執枱嗰時會抹枱抹得好乾淨,出菜都好快。我冇試到佢好多人叫嘅海南雞拼豬手飯，咁多人叫可能好好食,下次可以試吓。…Read More

係app見到有半價嚟試吓，6點鐘去唔係好多人。坐位闊落舒適。侍應好殷勤加水,好有禮貌，唔會吹落單,吹埋單👍叫咗牛肋骨拌飯,三文魚牛油果拌飯,紫菜黑松露薯條。3樣都好食,薯條係即炸的,嗰兜黑松露醬多到,用嚟幫d薯條沖涼都用唔哂。牛肋骨拌飯最好食係d牛肋肉,好有牛肉味,好香同時又好淋,入口化咗一半,冇渣。唔會因為半價而俾d差嘅食材。用嚟拌飯嘅汁都好好味。牛油果三文魚拌飯好清新,三文魚新鮮,牛油果都好靚。3樣嘢份量都好足夠，睇落唔係好大兜，但係食落就好飽。到最尾3樣嘢都食剩😅…Read More