9594's Profile

因為疫情嘅關係，已經有好長時間無幫襯香港嘅餐廳，莫講話寫食譜。今日，終於有機會出山啦。雖然身不在港，但心在港，一直都有留意香港有咩好野食，呢個餐廳我都有留意，終於襯住有生日優惠，唔洗諗，就你啦。香港地真係好少有生日優惠只需要兩位就可以享用，而且午巿已經有得食 （年紀大，消化力無以前咁強，食早啲，多啲時間消化）餐廳做緊活動，生日有半價，咁著數，梗係要食個貴餐啦！其實透過whatsapp卜位時, 個職工已經好貼心咁話: 你揀普通先都得，到時黎到真係想改到時話我地知都可以，個人覺得一間餐廳服務好唔好，係由卜位果刻已經開始，話說我卜位果日，好蠢咁腥咗去尖沙咀分店，我問左一輪野之後先發現自己攪錯咗，但尖沙咀個職工好貼心咁話，唔緊要，等我幫你卜返元朗果邊，你唔洗再腥黎腥去，可能你會話: 車，果個可能係老細黎，佢服務梗係好啦，唔通打爛自己飯碗咩。。。。唔係話你地會咁諗，我一樣會，咁到底服務係咪真係咁好? 食果日咪知囉。說話我卜咗中午一點，但因為我果日喺屯門睇戲晏咗，所以就打電話去鋪頭同人地講會遲半個鐘，職員聽到我會遲到，但即刻同我講，好呀，無問題，你慢慢，唔洗急，我幫你改晏啲。。。真心又好，假意又如何，起碼當刻我覺得舒服。一坐低，我就問職員我用生日優惠係咪要打卡先，佢話唔洗急，我幫你落左個餐，上左個雞煲先，你地準備好再話我知，雞手鴨腳嘅我地打完咭就叫返個姐姐黎睇，唔單止有生日半價優惠，仲有生蠔送添，人就係咁，有優惠，有野送當然會開心，至於質素，我覺得正常，一間鋪頭，那怕只係一支飲筒，都係要比錢買，打個卡就有生蠔食，耶。正式開餐，先送上海鮮雞煲一個，有鮑魚，蝦，蜆，唔辣嘅，個味幾特別，食咗一半，我就夾哂啲雞出黎，加清水打邊爐，一黎攤凍少少先食，二黎想雞又食下，牛又食下。話哂生日，所以今次食個貴啲嘅298澳洲和牛套餐，佢比起皇牌套餐，係多咗澳洲和牛，同牛白肉兩款，一開波當然樣樣都要試下我就鐘意食澳洲和牛同牛白肉，對面條友就鐘意食牛肩舺，食野最緊要啱自己，開心就好。講下其他食物，都係一般正常大路野，要有嘅，佢都有，我最鐘意食餃，所以一定會留肚食，個人喜歡粟米餃多啲，丸類都係一般正常貨，個人覺得唔會係cheap野，因為丸類自己都成日買黎食，的確有啲丸係好難食，啖啖都係粉咁。由於太飽 ，所以今次無試到啲魚類。飲品方面，我覺得呢度啲飲品選擇都幾唔同，可能我見識少啦，我第一次見有萄葡適，利賓納飲，而且仲有泰象啤添，去唔到泰國旅行，整返罐泰象啤都好。最後當然唔少得要食埋個雪糕啦坦白講，我唔係咩食家，啲肉唔 un, 唔柴，啱我口味已經值回票價，總知我無投訴，食得開心，咁嘅價錢食到咁多款牛，又唔限時，一句講哂，有下次。…Read More

帶兩個鬼佬朋友去蘭桂坊睇鬼,所以隨便搵一間唔洗等位GE,咁啱經過無名, 見到價錢唔係貴咪入去囉,我同朋友 A 都係叫最普通果碗, 姐係七十蚊果碗, 我係揀左粗面GE, 但我唔知朋友 A 揀左咩面身,而朋友 B 就叫日本香蔥拉面, 同樣地, 我都係無注意佢叫左乜野面身!!我地傾左一陣計, 碗面就上嘞, 因為我知道自己同朋友 A 叫 GE 係同一碗面, 但唔知面身一唔一樣,咁我咪問個職員, 呢個係咩黎嫁?? 佢就答我: 啱嫁啦!!! 呢碗係你的!!咁我一向食野都唔會話特別挑剔多多, 咁佢話啱咪啱囉, 習慣性鐘意飲一啖湯先, 可能習慣問題,我個人比較鐘意 D 湯熱 d, 但我就覺得 D 湯只係比暖熱少少, 可能我唔識野啦, 可能人地會話湯太熱會影響左 D 面, OK , 唔緊要, 但個湯底唔好飲囉, 好鬼咸, 再配埋 D 炸洋蔥, 我覺得成碗面好咸!!記得有個大廚朋友講過, 係飲食界, 係一熱遮三醜, 宜家我覺得佢 D 湯唔熱, 顯得碗面就好難食嘞!!我再夾起 D 面睇下, 咦, 咁幼 GE!!! 我幫下朋友 A 果碗, D 面同我果碗一樣啊喎,再望下朋友 B 果碗, 咦, 粗咁多 GE!!!雖然朋友 B 果碗係叫唔一樣款式, 但我諗面底唔會唔同啩, 你張餐單全部都係拉面, 只係面身有粗同普通之分, 唔係咁樣都有唔同呀??? 一係你就係菜單上面寫清楚.結果我宜家 GE 感覺就係, 我要粗面身, 你就比普通 GE 我, 我就會覺得你呢間得幾款選擇 GE 拉面店, 煮果幾款野都攪錯, 好唔專業囉!!  成間店得六個口味, 兩款面身, 都可以攪錯客人需求, 仲要已經用紅粗筆去剔, 都煮錯, 失敗!! 到底有無用心煮~~~~或者可能係我攪錯, 可能真係 70蚊一碗面, 同 85 蚊一碗面 GE 面身係唔一樣,咁我只能講一句, 咁 SORRY 嘞, 你張餐單無清楚, 而令我誤解咗你, 呢個已經係無得返轉頭 GE 印像嘞!!最后, 原來唔單止我覺得唔好食, 連我個鬼佬朋友 A , 姐係同我叫同一款面 GE 朋友, 佢話碗面好難食, 佢話佢係好多國家都有食過拉面, 都未試過食一碗咁唔好食, 佢一樣覺得好咸, 朋友A仲話我好勁, 可以食哂成碗, 佢食左半碗就放棄了!!點解難食我都可以食得哂?? 因為碗面我比左錢啊囉, 難食都係一次, 同埋如果我唔食, 咁我咪會肚餓囉, 再者, 好多落後國家 GE 人食唔飽, 想食都無得食, 所以, 我係唔會比自己浪費食物, 不過我就唔會再去無名, 唔啱我口味!!!  …Read More

因為係百X滙買左部三叔大力士2, 店員送左張六折卷比我, 拿拿聲襯住過期前用左佢!!原先諗住上個星期黎, 點知因為無卜位, 所以無得食,今次精嘞, 三日前已經卜定位, 卜七點, 但就要八點半還枱, 賴巴閉咁!!!大約六點五十分去左, 一去到已經有位, 真係好似好FULL, 門口企左好多 WALK IN 行, 唔通佢地都係有電視框所以先黎幫襯???一坐低, 有個職工叫阿JOE 黎SERVICE 我地, 佢有推介D飲品食品比我地, 講完佢就行開等我地慢慢睇MENU,十分八分鐘之後, 原先諗住搵返阿JOE落單, 但有個女職員見我地兩頭望, 就好醒目咁問我地係咪叫野, 同我地落左單嘞!!臨黎呢度食飯之前, 我特登上黎開飯呢度睇下D食評, 好多都話SERVICE 麻麻, 不過我無注意到日期, 可能好耐都未定,但唔理啦, 我都會特別注意佢地 D SERVICE......................我地一開始只係叫左兩樣野, californic club quesadilla & RIB-EYE, 因為得兩丁友食, 費事叫咁多,叫完, 個姐姐仔又問我地要唔要叫野飲, 我就話諗下先, 咁佢就話留低一本MENU比我地嘞!!由於我地有六折, 朋友仔就話, 不如叫本MEGA SIZE 飲品一齊飲. 因為 $11X 六拆都係七十蚊左右, 不如叫啦, 反正佢地都唔比水我地...............我就話咩唔比呀?? 叫佢比就得啦, 原來你諗住比錢叫野飲, 咁不如叫多樣野食啦, 因為我想飲薯條!!就係咁, 我地就叫個職工黎寫多個BACON CHEDDER FRIES, 順便叫佢比兩杯水,呢頭叫完無耐杯水就到嘞, 唔錯, 唔似食評咁寫, 叫極都唔黎!!同埋成晚加水都加得好密, 真係飲左三分一杯, 佢就即刻過黎加水,就算食完哂餐, 我地淨坐, 佢都一樣有過黎加水唔知係咪因為太好生意, 所以真係好似食快餐咁, 份 五成熟RIB EYE都唔洗五分鐘就到,個男仔一黎到,,,,,,,,,,,,,,,,,,,,,,,你好, 你地叫 GE XXX到啦,朋友仔話: 下!! 我地唔係叫 XXX, 我地叫 RIB EYE 喎.................待應生: 下!! 咁.............係嫁啦, 係你地叫果份嫁啦!!!咁待應生就放低左 份扒行左去, 到底係咪 RIB EYE, 我唔知, 總知係五成熟就由佢啦!!叫五成, 真係黎五成, GOOD, 個扒好好味, 貴都真係貴得有道理, 雖然真係唔係話咩咁貴, 但都 $268 一客嫁, 焗薯都唔錯, 可惜無薯條, 呢度同 "出後" 唔同GE, 就係呢度 D SIDE DISH 無得揀, 規定左係焗薯同椰菜花!!11分鐘就比我地兩個KO啦, 我點知時間, 因為有影相囉, HAHA再過多一分鐘, 薯條都上場咯, 呢度最多人讚的, 就係呢個薯條, $98, 之前都有人彈過, 但我就覺得無問題, 又熱又脆又好味!!只需九分鐘, 條薯條亦都比我地KO左, 呢頭收走隻碟, 果頭就上埋個 californic club quesadilla,咁奇怪GE?!?! 乜呢度上菜興一道一道咁上嫁咩??? 主菜唔係應該都要等埋一起上嫁啦??佢又知我地一定係 SHARE 食?!?!? 唔比我地真係一個食 quesadilla, 一個食扒嫁咩???個薯條我地係後叫, 佢遲黎我都可以接受, 但份扒同 quesadilla 分隔咁耐先上, 我硬係覺得怪怪咁,就算我地真係 SHARE 食, 你都應該一齊上枱, 而唔係逐道逐道上囉, 不過算啦, 我地得兩條友, 同埋菜與菜之間, 我地都唔洗點等,講返個californic club quesadilla, $198 一客, 朋友仔原先話咁貴咁ge??? 但我話有六份喎, 都差唔多啦,原先唔打算叫呢個, 但後尾因為諗住平時我地去開果d餐廳無呢味叫, 所以特登叫 quesadilla 黎食!!朋友仔比較識食, 同埋佢以前食過呢款菜, 佢話ok, 所以我都覺得好味, 加埋辣椒仔仲讚,之前落柯打果陣, 個職員有問我地要唔要加40蚊要埋個牛油朵醬, 咁當到 quesadilla 上枱時, 朋友仔話, 加成四十蚊要個牛油梨醬, 真係唔抵囉, 同埋佢入面本身都有放牛油梨, 咁仲洗乜加錢要喎......................haha到最後, 我地只係花左45mins 就完成左呢餐飯, 食完飯我地仲坐左一陣吹下水, 上吓網, 八點鐘就埋單走人!!折完之後, 盛惠帝394.8仲會唔會返黎?!?! 有折咪返黎囉!!因為我都係比埋鐘意去肥天x度食,話哂人地一坐低有面包同沙律, 係輸蝕嫁啦,我係貪小便宜嫁啦, 無計啦!!!!…Read More

波士頓餐廳, 一間老字號的餐廳,我細細個已經幫襯過, 記憶話我知, 呢度食扒好出味, 有情調, 格仔枱布, CANDLE. 同埋係叫貴價野黎的.....................超過 15年無黎幫襯過, 咁啱同行友人做左三十年人都無黎過, 但又係話知道呢間野好出名, 咁咪一於黎懷舊下囉!!星期日晚, 八點幾, 見門口都仲要等位, 心諗, 唔係真係好生意到咁呀..........................等左五至十分鐘就比張紙仔我地, 叫我地上去, 張紙仔係有寫住一個號碼的, "89" 心諗應該係枱號啦!!!上到去, 環境好暗, 同我細個黎果時一樣, 以為咁樣係好有情調,但左望右望, 都唔知邊度係89, 又唔覺有人打算招呼我, 咁咪是求問個伙計89係邊?個伙計居然又係左望右望, 原來佢係望緊邊到有位, 環顧四周都無位, 就叫我直入啦,內裡的裝修, 擺位, 水吧位, 真係同我細個果時黎係一樣, 我地係咪直入, 直入, 一直真係行到最入, 最後就被安排坐係最角落的一張二人枱,但沿路行入黎, 發現唔係我地所諗的咁旺場, 只係佢地執唔切D枱, 所以唔比 d 客上黎!!一坐低, 發現格仔枱布無, 浪漫立足, 都係無,懷舊氣氛就梗加無, 眼前所見, 就係一間非常污糟, 又殘舊 GE 餐廳, 我諗真係翠咩茶餐廳都靚仔過佢,叫野食啦, 諗都唔諗就叫左佢墊枱紙果個所謂重出江湖的火焰牛柳, 同行友人就叫雜扒餐,叫左我諗都十五分鐘, 佢地只係送左兩個面包上我地張枱, 但湯就遲遲都唔見影,望下其他枱, 比我地早柯打的, 居然連面包都無, 我就覺得好奇囉, D 湯唔係應該已經煲好哂, 一畢就有嫁啦咩??同埋餐包唔係應該同湯一齊送黎嫁咩??? 點解會有包無湯嫁?? 仲要落左柯打都成 15分鐘, 但都係無湯囉!!!吹一吹佢, 個湯就送黎, 但就得碗湯, 同之前有網友講過, 碗湯係無底碟的, 我都覺得無左張碟好少怪怪, 唯有攞左個面包碟就墊住碗湯!! 可能諗住洗少隻碟啩!!再睇睇成個場, 呢個場大大話話可以坐百拎人, 仲要大得黎係有死位, 姐係 d 伙計無可能可以一眼望哂成個場,我地左數右數, 成個廳面, 高級低級的伙記, 一隻手居然可以數得哂, 四個伙計, 唔怪之得服務效率可以高成咁!!最終, 由我落柯打, 到份扒上枱, 結果係要等足半粒鐘, 因為有影相的關係, 所以有時間記錄!!果兩份扒, 唔洗講, 梗係唔好食啦, 雖未至於話好難食, 但就相信隨便一間食扒 GE , 都會好吃過佢,同行友人第一個反應係......................超!! 炸扒黎 GE, 我洗鬼黎呢度食你 d 炸扒咩!!!至於我個火焰牛柳, 我諗除左因為佢曉著火之外, 我都諗唔到佢仲有咩賣點, 同埋過人之處!!總知, 經過今晚呢餐飯之後,對佢地非常之咁失望,同行友人第一次黎都已經話佢係垃圾, 枉佢仲講到自己咁出名添!!黎呢度食飯, 友人相當後悔呀, 我亦好後悔帶佢黎, 唔黎咪好囉, 起碼對波士頓仲有幻想, 宜家.............................SORRY 最後我想講, 原來波士頓真係好鬼出名, 連我地外國朋友, 都話有聽過佢個大名, 都知道佢係老牌扒房,但相信今後應該無遊客會再黎幫襯咯!!因為我已經同我身邊所有 GE 外國朋友講, 叫佢地第日黎香港, 千其千其唔係黎呢度幫襯, 食完唔單止失望, 仲會扯火, 咁無謂影响香港美食天堂呢個名啦!!真係呀, 食氣氛, 無氣氛, 食環境, 無環境,食 SERVICE, 無SERVICE,傢俬擺設梗加唔洗講,食物 GE 口味, 算啦!!! 留返個肚食 d 梗好食嫁啦!!波士頓餐廳, 後會無期嫁啦, 我以為都唔會返黎!!!…Read More

八點半行到去銅鑼灣, 之前諗住食肥天使, 點知佢話要九點先有位, 咁咪諗住睇睇附近有咩好吃,行下行下, 就行到黎呢度!! 睇個樣好似都唔錯, 諗住不如平平地, 唔好食肥天使, 食呢度啦,望一望廳面,唔算多枱, 但叫做坐左八成啦, 睇下 d 人柯打乜野, 下!! 乜比客人飲 GE 係一杯清水黎 GE!?!!?食日本野喎?!?! 真係沒見過一間食日本野的餐館係比一杯清水個客人, 唔係慳成咁呀化............................算啦, 都諗住照入去食啦!! 兩位呀唔該!!個女人叫我地坐門口左手邊的第一張枱, 叫我坐門口, 我都唔係咁滿意, 都算啦, 門口都係位黎嫁啫!!但一行埋去張枱.........................頂!!!靠牆果個根本唔係位黎GE, 左手邊 d 位, 靠牆果邊, 係類似好似梳化咁 GE 位,但第一張枱, 好明顯係有條柱係度, 我唔識點樣形容, 總知個位的 SIZE, 係隔離位的一半 SIZE, 你叫我坐呢度, 我知我係瘦, 但都唔會瘦到得半個PAT位囉!!餐面最入, 其實係有張枱無人坐, 咁我地咪話可唔可以坐果張,佢地話唔得, 因為佢地得返一張四人枱, 所以唔可以比我地坐, 我心諗, 九點都黎囉喎, 仲要係平日, 你地係咪真係咁好生意呀???咁唔比坐咪算囉, 叫佢我地去另一張枱度搭枱, OK, 無問題, 搭枱咪搭枱囉, 點知, 精彩鏡頭出現啦!!我地一坐底, 有個妹妹仔, 就係頭先門口位果度攞返個餐牌過黎比我地,佢唔係親手交比我地, 亦都唔係好輕手咁放係枱面,而係襯佢係我地身邊經過之濟, 劈落我地張枱果度,大家無睇錯, 係劈落黎, 個餐牌落到枱, 仲識得滑行,好明顯就係有個動力係度啦, 我當堂O咀, 我以為我睇錯, 問我個FD, 佢係咪飛餐牌比你,我個 FD 都呆呆地話, 下!!! 咁GE, 我個FD 平時係d 超無謂 GE 人, 佢唔係好敢出聲,我再問佢: 我唔係睇錯呀化, 佢飛餐牌比你呀!!佢話係!!可能佢地唔歡喜我地要求調枱, 所以無聲抗議!!咁得啦, 都未食 , D SERVICE 已經好到咁, 仲唔拿拿聲走人咩!!! 無謂貼錢買難受啦!!我地走, 側邊 d 客好奇咁望住我地, 我唯有講一句, 咁 GE SERVICE, 我唔知佢會比 d 咩我食喎!!!係呢度, 祝佢老細繼續生意興聾!!最後, 我跟係同我GE 友人去肥天使食我地 GE 貴少少晚餐啦!!!!…Read More

八點半人在銅鑼灣, 食咩好呢??首先行左黎肥天使, 佢地話無訂位先等到九點先有位,見時間尚早, 不如行下附近好無其他野想食....................之後行左去銅X灣廣場, 原先, 比一個吃日本拉面吸引左, 仲坐低埋, 但野都未叫, 已經覺得服務好到不得了,無謂要自己食得勞氣, 結果就齊齊起身走人..............................望望個錶, 都差不多九點啦, 一於就返去肥天使啦!! 兩個原因: 一有優惠卷, 二, 有人沒食過!!但由於都太夜, 又得兩丁友, 都唔諗住叫太多, 結果就一個 MAIN, 再加一蚊換左個12寸 PIZZA,(因為知道佢有個面包係度, 最鐘意食佢 D 包, 哈!!)其實對上果次幫襯, 都好幾年前, 成日都好想再黎吃,今次終於有機會啦!!!兩個人, 其實都真係幾難叫野食, 因為本身已經又有面包, 又有沙律, 結果我地都係要打包 D PIZZA 返屋企,呢度 d SVC 都真係幾唔錯, 雖然人手唔多, 同埋 D WAITER 應該係分左 SECTION 做野, SERVICE 我地的, 應該係賓人, 或者尼泊爾人, 幾好, 幾有禮貌,老實講, 我對食的要求唔係好高, 但反而睇 SERVICE , 咁當然, 我唔係要你跪哂係度同我落 ORDER,基本野一定要做到囉.....................好似我地落柯打時, 叫佢比個汁醬ON SIDE, 到個扒黎到果時, 個汁醬無黎到,我地同佢講返, 佢即刻好坦白咁用英文咁同我地講: 哎吔, 我唔記得左拎比你地, SORRY, SORRY, 我即刻攞返比你地,我反而幾欣賞佢咁坦白, 唔記得咪唔記得囉......................仲好過有 D WAITER 唔記得拎比你, 你同佢講返, 佢比你個態度係: 吓, 啊..........之前落柯打, 我地話想要 D 汁醬, 佢就講左好多款不同的汁醬我地揀, 咁我地咪叫左其中一款,咁唔知係佢之前唔記得拎比我地定點啦, 到最後, 佢唔止拎左我地想要的汁醬, 仲拎多左一款汁醬比我地, 仲同我地講, 我拎多一款比你地試下啦, 我覺得都幾好味嫁, 你地試下啦.....................同行人當堂覺得佢服務好細心!到食到尾聲, 我地想問下佢有關佢地張VIP咭 GE 野,佢都好努力咁講解, 講到一半, 佢仲直頭同我地講, 不如我比個 SAMPLE 你地慢慢睇啦, 不過到最後我地都無用到張VIP 咭, 講聲唔該就還返比佢, 同佢講話下次先買佢都好NICE 咁笑笑咁話, OK NO PROBLEM!!門口都未出, 同行友人已經話要再黎,我地兩個, 都鐘意呢度, 多過 出後扒,友人話唔會再去果度, 但就想快 D 再黎呢度喎!!下次, 我要黎吃佢地BURGER!!!…Read More

無啦啦點解會幫襯呢間野, 完全係因為係團購網,如果以原價HKD$78 享用果個雞漢堡, 好老實, 完全唔值, 同其他網友 ge 意見一樣啦, 一知你係食 coupon, 服務相當麻麻, 咁我都無乜所謂, 你叫我坐邊咪坐邊囉!!柯打完要咩飽同飲乜之後, 多口問句係咪有兩杯飲品, 個女侍應答我, 係呀, 一人一杯啊嘛!!(但我明明記得團購網果度話可以添飲一杯, 但我無證據係手, 算數, 返屋企上網睇返, 果然係兩杯的)我地叫左一個雞漢堡, 一個加錢要牛漢堡, 兩個都係無乜特別, 由其舊牛仲啖口左 d,一個圓碟, 放住一個飽, 一堆花條 (有花紋 ge 薯條) 完全令我覺得似銀喜小食店 ge 現代版,汽水仲要係罐裝, 連杯都唔洗洗................可能明知我地係食 coupon, 點完我地應點 ge 食物, 佢真係拍拍蘿友走人,menu 都唔放一本, 簡直係完全打算當你食完個廿五蚊 ge 飽就會走人,我食完個飽之後, 依然繼續對呢間 "酒吧" 一無所知,連 beer 幾錢罐都唔知呀!!!d 餐廳搵團購網賣 coupon, 乜唔係打算同自己間鋪頭做宣傳, 做推廣 ge 咩??但呢間野 ge 推行手法, 的確令人費解, 各人食完之後, 彈仲多過讚, 咁唔好廣告咪仲好!!起碼少左一班因為團購而幫襯, 而又寫食評 ge 客人嘛!!!不過.................呢間野個菇條的確唔錯, 幾特別, 可以一試,但都係果句啦, 佢連 menu 都唔比個我, 想睇下幾錢一客, 叫多客都唔得啦!!!最後, 我想講, 我覺得呢間野應該唔係叫absolute, 因為我只係見到佢個名叫 stone, 入去之前, 幾驚去錯鋪頭呀!!!(的確, 有 pair 人真係入一入黎, 轉頭又走返出去, 係個職工追出去問, 係咪食 burger, 佢地先返入黎咋)今次用 hkd$25 食個 burger, 我只係當比食麥當當之外, 多一個選擇咋!!!…Read More

成日去UA 睇戲都會經過呢個餐廳, 但就一次都無幫襯過,襯住生日, 好..........................一於食呢間!!兩條友仔食乜好??叫左POASTED PRIME RIB $158 包一杯紅/白酒, 同沙律吧一次,一客漢堡, 唔記得叫咩名, 好似係美國唔知乜乜物物一個三文魚凱撒沙律, 同水牛城雞翼個burger 大到呢.....................根本無辦法一啖咬落去, 佢本身得一枝竹簽拮完, 但可惜, 我一路切, 個burger 就一路係咁散開,如果佢地比多幾枝簽我拮住個包我諗會食得無咁 厘 hea,點知比路過 ge 威他哥哥聽到, 佢話我地下次可以叫佢地安排碎上, 姐係幫我地切開佢吾................唔制, 切開左就無左個大burger 個效果, 同埋無得玩嫁啦, 因為同個大 burger 影相, 真係好開心, (可能我個人比較低能)廚師好聽話, 我地叫個 rib 要五成熟, 佢真係比五成我地, 讚!!好過上次去某酒店, 叫五成, 就比十成, 激死 (我有寫食評, 可以搵黎睇下)咁 ge 價錢食到呢塊 rib, 我地都覺得抵食, 不過因為呢個rib 唔係我ge, 我淨係記得對家話, 吾............好抵食, 好味.................咁就姐係得啦!! 呢個係餐, 包埋自助salad, 唔係比你畢一次, 而係無限次, 仲可以自己撈添, 好開心呀, 雖然有點到凱撒沙律, 但都忍唔住出去畢左一次沙律,自己畢, 好食d 嘛, haha!! 雖然呢度個 salad 吧材料唔多, 但我想要 ge 野, 佢地都有齊, 所以我覺得好ok, 宜家應該做緊買一送一, 姐係 $50 兩位, 但如果一位點都有優惠就好嘞, 因為對家唔食沙律嘛,不過聽聞好似一位就三十蚊, 唔知係咪真, 如果係都唔錯!! 因為如果對我黎講 $50蚊姐係食一位, 咁我情願叫 a la carte 囉, 都係比多幾蚊之嘛!!三文魚凱撒沙律, 三文魚好大塊, 好厚, 好味, d 菜都好 fresh, 讚!由於對家唔吃沙律, 我自己一個隊冧佢, 都幾係野, 最終食淨一兩片三文魚就投降, 水牛城雞翼, 唔知係咪我好少出外食水牛城雞翼, 我覺得呢度係我食咁多次水牛城, 最對板 ge 餐廳, 起碼雞翼本身係辣, 唔洗靠點辣汁, 另外又有芝士汁, 應該有跟住上 ge 野都有跟足, 而且我覺得 d 雞翼好靚, 廚師會好有心機咁一隻一隻將支雞骨起出黎, 然後留底一隻係度, 比你拎住支骨就可以食雞翼, 好方便!!一路打呢篇食評, 個心就一直好掛住個 burger, 好想快 d 再去呢度食飯呀!!…Read More

去完海水公園玩, 突然醒起有張 EAST ge Coupon 未用, 所以就黎左呢度食飯啦!!其實想食德國菜好耐, 亦都好想試下呢度 ge buffet, 原先諗住去赤柱先食, 但見有張 coupon 係度, 就唔好哂啦, 去灣仔分店食 a la carte.七點二左右去到, 都唔洗等位, 但入面眼見就八成客滿, 一坐低除左放低menu, 仲放低左塊黑板, 是日晚餐, 399+10% for 2位, 眼見都有好多人叫, 因為好多枱都有棵樹係度, dessert tree, 但不過我地無叫 set.黎呢度食, 好明顯我就係為左隻豬手, 所以諗都唔洗諗就叫 crispy pork knuckle, $145跟手叫多個芝士腸 cheese krainer $95, 一客兩條, 同埋 wiener ` schnitzel $185,8 點鐘之前都係HAPPY HOUR, 所以叫左 0.5 L MAISELS $52.落完柯打後大約7,8 分鐘, 碟腸跟住三個面包首先上場, 面包一攞上手, 凍 GE, 到底食西餐時 GE 面包, 係咪應該有少少暖 GE 呢?? 我覺得係, 我 GE 對家都覺得係, 因為對家係從事飲食行業, 佢第一句同我講 GE 就係面包涷 GE, 但D 牛油呢, 又硬過石頭喎, 姐係舊牛油就 KEEP 住係凍 GE 環境底下, 雖然係普通 PACK 裝 GE 牛油, 但我都係鐘意搽起手時會軟軟滑滑, 但呢度唔係, 第一個失望!!芝士腸伴有一堆應該係薯仔沙律 ge 物體, 因為佢只係配菜, 所以我無特別去理佢係乜, 我只係覺得幾好味啦, 咁因為腸得兩條, 所以好輕易就同對家 share, 一人一條搬左落自己個碟度, 跟住繼續食下d 薯仔沙律啦, 點知食到四分三, 第二道菜上 ge 時候, 阿姐姐仔居然想收走碟無左芝士腸, 而又食淨四分一薯仔 ge 碟, 我即刻同佢講唔好收住, 但可能佢個腦一早已經係諗住, 問完我之後就可以收走, 所以就算我講左唔好收住, 佢個意識上都仲有想收走隻碟, 我又即刻同佢講多次, 唔好收, 唔好收......................佢先如夢初醒!! 唔通我見識少, side dish其實唔係 for 客人食?? 或者唔係 for 客人食哂?? 如果唔係, 佢做乜咁心急要收左我碟未食完 ge 碟呢?? 我坐 ge 係四人枱, 張枱仲有大把位落菜, 多一張碟都無乜影響姐, 唯一影響 ge , 咪影響到佢做野囉..........................第二失望!!過多十分鐘, 第三碟菜都黎嘞, wiener schnitzel , 呢個係對家點的, 我無乜理佢係乜, 只係望個下張相, 知道係炸啊囉......................但食左一兩啖, 我已經無心機去理佢到底係一碟咩菜式, 因為呢碟野咸到呢........................係咸到媽媽都唔認得, 乜德國人鐘意食咸野咩?? 有冇必要咁咸呀!! 成碟野, 我淨係食到咸.........................第三失望呢個菜, 配有一碗沙律, 但佢落左好多白醋..................好酸呀!!!我平時鐘意落黑醋食沙律, 所以我都接受到酸, 但佢呢個沙律真係落左好多醋,我原先仲 KEEP 起左個檸角, 諗住唔夠酸時可以自己添 D, 但個檸角絕對係無用武之地!!三四分鐘之後, 我隻豬手終於出場, 首先係服務生幫我開刀, 之後先上枱, 呀...................等左好耐 ge 豬手呀!!! 大啖咬落去......................乜又係咁咸嫁!!! 又係除左咸味, 食唔到其他味, 而 d 卜卜脆 ge 豬皮, 仲好似有陣怪怪 ge 味, 我記得我係德國時食果 d 豬手唔係咁咸啊喎, 豬皮同d 肉都係好好味, 呢度又話係傳統德國菜, 點解會咁嫁?? 唔通係 d 香港人 ge 口味變左, 鐘意食咸? 定一話係阿廚師整古我地呢??再加上我頭頂個冷氣出風位超強勁, 頭頂d 廣告旗仔都起勢咁搖, 換句說話黎講, 我 d 菜都比佢吹都凍哂啦, 由其個豬皮, 簡直係硬到無朋友, 我又食得慢, 變硬左都算嘞, 但可惜佢真係好咸, 硬加上咸, 真係 sorry 囉!!本身我係一個幾大胃口 ge 人, 同埋唔鐘意浪費, 就算幾飽都好, 我都會慢慢食, 慢慢食, 盡量食哂佢, 或者真係食到食唔落為止, 但好惜, 呢度真係係我唯一無食哂就走 ge 餐廳, 其實一早已經唔想再食, 想話打包走, 不過對家話, 打包好肉酸喎, 咁無理由浪費食物, 咁我唯有繼續努力, 就算再咸都好, 都繼續食!! 食完就飲多兩杯水, 返到屋企都仲要飲汽水, 因為果個咸味停留係個口度唔散呀!!平時對家都唔好飲beer, 點知今次佢居然主動係咁飲, 差不多三分二杯都係比佢攪掂, 佢話因為太咸喎!! 豬手咸, 我只能話因為有名你叫, 德國咸豬手, 但連 wiener schnitzel 都一樣係咁咸, 唯一令我聯想到 ge 係, 整咸 d 等你地d 人可以叫多兩杯 beer , 但呢招用係我身上係唔會有效果的!!到埋單時, 我show 張 coupon 出黎, 問佢係咪用得, 個姐姐仔望左一輪同我講話你張 coupon 係七月的, 過左期, 唔用得呀...................我張coupon 係寫住發出日期係 2010年7 月29日呀, 唔係到期日 2010年7 月29日呀, 張 coupon 有效期係三個月, 但阿姐姐仔都好似唔係好信, 係到數手指, 跟住叫我等等, 走去問其他職工.....................唉哎, 佢 ge 舉動, 令我覺得好唔舒服, 雖然佢係啱, 佢要查清楚, 但如果佢 0係同我講 coupon 過期之前已經去問清楚, 我唔會介意, 但我成張 coupon 比左你睇, 你睇先一次就走黎同我講過期唔用得, 跟住再去 check 其他同僚, 我覺得佢 ge 行為係唔信任客人囉!!不過算啦, 反正都無下次咯, d 食物咸到咁, 我個腎應該唔係幾受得囉, 赤柱應該都唔會去嫁啦, 我第一次去食飯, 對家居然會主動同我講, 叫我返去記住比個喊樣佢地, 因為呢度 d 食物真係咸到喊呀!! …Read More

夜晚六點幾先決定食放題, 拿拿聲打電話去卜位,卜七點九, 居然仲有位, 呢度係有分時段的, 我只係記得我地呢ROUND 係八點開始,坐低無來, 見到有人 WALK IN 入黎, 結果佢地原來已經全場FULL HSE, 好彩有訂位啫.................事不易遲, 馬上落柯打!!野食選擇都係一般大路野, 可惜甜蝦唔係刺身, 一定要係SUSHI, 唉!!飲品, 想飲果 D 又無, 結果叫左柑桔, 唉, 無黎味道, 好似飲甜甜地 GE 冰水咁!!D 柯打唔單止要等好耐, 仲要錯漏百出, 第一輪刺身, 起碼等左半粒鐘, 佢地都算好大方, 切得好厚, 但咁遲先黎, 之前已經食左好多熟野落肚, 攪到 D 刺身食得幾片已經有 D 飽飽濟濟!!SUSHI 明明叫兩件, 佢就只黎一件, 唔知係咪為左擺滿一隻碟而 "希生" 左我 D SUSHI,攪到一個人有得食, 一個人無得食, (諗住一人一件嘛)好老實, 我黎食放題, D 食物真係唔洗擺裝修囉, 你只要將 D 食物整整齊齊咁放上碟已經 OK,無啦啦整 D 裝修落去, 唔怪得要等咁耐先有得吃啦!!! 蟹子沙律點極都無, 叫極都唔黎, 問佢係咪無貨, 佢地又話唔係, 點左兩次都唔黎, 淨係黎個中華沙律, 唉, 唔黎算數!!有好多食物, 點左佢都係無黎, 或者係再點GE時候, 第二次又唔黎, 吾............... 我食開 GE 放題唔係咁嫁!!!食食下, 頭頂部冷氣居然滴水, 仲要滴中我碗未食過 GE 拉面度.............頂!!原先我攞左 D 柯打紙返黎同大家 SHARE, 但因為呢間唔知係咪因為生意太好, 攪到柯打錯漏百出, 我已經唔諗住再黎, 所以唔同大家 SHARE d 菜單啦!!其實野食唔係差, 但服務令我卻步囉!!…Read More

咁啱係灣仔行過, 餓餓地, 又唔想等位, 聽人講呢度食野唔算好貴, 咁就幫襯下啦!!落到去, d 職工都算幾清閒, 一見到我地落到去, 就好鬼熱情咁走黎招呼!!兩條友仔坐卡位, 原來呢間野係利物浦 ge 集中地, 有好多利記 ge 裝飾, 唔知以為去左英國主場, haha!!講返食物, 可能始終以酒吧為主力, 食物就普普通通, 不過不失!!我地食 set, 頭盤叫左一個水牛城雞翼同凱撒沙律,沙律就好好味, 雞翼就;..................................根本就唔係水牛城雞翼, 餃子雞翼黎 ge, 又無芝士汁, 又唔辣, 只係另上左一碟仔所謂 ge 辣汁,咦.................水牛城雞翼係咁嫁咩??? 定係我鄉下仔呢!!跟住黎個湯, 一個野菌湯, 一個就蠔湯, 前者無驚喜, 基本功課囉,蠔湯就第一次飲, 好濃烈 ge 蠔味, 可以接受!!上主菜嘞~~ 明明個牛柳叫五成, 結果黎個 well done!!一上枱就超失望囉!! 其實有 d fd 話過, 如果廚師整得唔好, 唔係自己想要 ge 野, 係可以叫佢地換個份, 但.....................算啦, 我都費時攪咁多野, 熟哂咪熟哂囉, 好彩都未去左食柴皮, 另一個就點豬肋骨, 呢味就成日食, 但可能食得多意 x 屋, 硬係覺得人地果個好味 d, 同埋我都係唔鐘意個醬汁, 最終都係點茄汁, (呢個絕對係個人口味)最後係甜品, 一人一個蘋果批, 伴有一球雲尼拿雪糕!! 但個雪糕就係溶左三成囉, 摸下隻碟, 凍啊喎, 做乜點雪糕溶到咁!??! 睇到又係好失望, 我自己 "攤" 到舊雪糕溶就好地地, 但你黎度已經溶成咁, 我就唔開胃囉!!不過其實食到甜品, 都已經好飽, 呢個甜品, 都只係食咗幾啖!! (食唔落呀)你問我仲有冇下次?!? 淨睇波, 我一定黎, 話哂我都鐘意謝拉特!!至於食餐呢................等佢地轉左 menu 先啦, 因為呢個menu 我已經興趣不大咯!!…Read More

朋友介紹話唔錯, 咁咪四條友仔一齊黎幫襯下囉!!無記錯, 呢度係有三個爐頭位 GE, 一坐落, 放低兩本菜譜, 女子組係咁易睇左一睇,只係記得有 D SET, 有二人, 又有四人, 仲有海鮮套餐添!!但因為女子組只掛住傾計, 落柯單最終由男子組負責,叫左 D 乜真係唔記得, 只係記得一個 SET, 再加 D 立立集集, 埋單最終都只係三百拎蚊,係 HK, 就一定無可能食到, 仲有阿廚師成晚係你面前未停過手係咁炒炒炒,我地果個爐頭都坐左三四組客, 阿廚唔會單獨做左一組客 GE 柯打, 先再做第二組客 GE 單,佢會呢個煮下, 果個又煮下, 不過其實有冇漏單, 或者錯單, 我地都唔知, 只係知自己不停係咁食食食!!!我就第一次食鐵板燒, 原來都幾熱下!! 不過又唔係好見到阿廚流汗!!原先仲以為阿廚會表演下 D 拋樽, 拋鑊產, 點知原來係唔會的!!但就見到隔離爐頭有玩著火, 我都好睇著火, 不過唔知叫乜野先會, 下次一次要問下阿廚先!!我記得個SET 包兩碗白飯, 但你可以加錢叫佢改蛋炒飯, 無記錯都要加十幾蚊一碗的, 超好味, 加錢都值得!!不過呢, 有一兩款菜式, 我就覺得佢加左好多配料落去, 結果我就覺得無乜肉食, 食配料居多!!下次一定會再黎, 當然係多 D 人黎食最好啦!!由於掛住傾計, 咩菜打菜真係無辦法分得清, 唯有 SHARE d 相比大家睇, 希望大家感受到有幾好味啦!!…Read More

得閒無野做, 係銅鑼灣閒逛, 逛無可逛, 諗下食乜好, 原先諗住隨隨便便食就算, 但講下講下, 唔知點解行左去 outback,唔講唔覺, 一講就覺, 原來我地好耐無幫襯過 out back 喎, hahaha行上條樓梯, 見到好多人等位, 心諗, 如果要等位就唔等咯, 可能我地只係兩位, 居然即刻有位, ok, 入去!!安排左我地坐近吧枱 ge 位, 環境都唔錯, 個個待仔都托個 tray 上膞, 男仔都還好 d, 女仔就....................睇見到登佢地辛苦, 其實係咪一定要上膞呢??我見到好幾次都遲 d 撞到 d 客, 有一次, 如果唔係我叫住個女仔, 佢就成個 tray 撞落個客 ge 後尾枕....................兩丁友, 一人一份扒啦,先黎一個安格斯牛, 五成熟, 配焗薯同雞味飯,另一個就係豬肋骨配半隻燒雞我地去左都只係七點幾, 但居然已經無焗薯喎,有 d 失望囉, 佢話暫時無, 咁我問佢幾時有, 佢又話唔知,唯有要埋薯條啦!!跟住就黎左個飽, 呢度有人話係黑糖飽, 我唔知係乜飽呀, 但就覺得幾好味,不過話時話, 其實 d 飽有冇得添食嫁呢?? 我見兩個人送一條, 四個人又係送一條,咁係咪一個人又係比一條呢??之後就黎左個湯, 跟牛扒送 ge, 我地都覺得好咸, 同埋太濃, 放落口第一啖, 幾好味嫁, 但都吞落去果下, 我就覺得怪怪咁, 好似酸酸地呀 (但唔係變壞 ge 酸味)啱啱飲完個湯, 安格斯就送到黎嘞!! 我地要五成, 咁佢都真係五成, 有少少血水添,不過我地唔好彩, 切正舊邊位 ge 安格斯, 無左中間果個油, 無咁香口, 同埋無咁淋, 但都好有牛味, 唔錯...................但果份豬肋骨就陰功囉, 首先得左好耐, 份安格斯都差不多食哂咁濟, 佢先送黎, 我彩我地 share 食啫, 如果唔係, 咪我望住對方係咁食, 係咁食囉..........乜西餐唔係應該兩位同步上菜 ge 咩?!? 就算唔係同步, 都唔好差咁遠啦!!前前後後相隔左十五分鐘嫁!!望穿秋水, 豬肋骨 + 燒雞終於上枱嘞, 需要雞係坐住隻豬, 但我都係切左豬黎食左,佢有碟 bbq 汁跟上, 但根本就唔係點汁, 豬肋骨已經好夠味,但可惜, 佢 overcook 左, 呢 d 豬肋骨通常都係炆完先燒 ge,但係佢炆 ge 時候, 炆過左火位, 淋得濟, 以致我地食 ge 時候,一切就已經成個散哂, 好淋, 口感唔好, 真係無牙佬都食到呀!!至於隻燒雞.....................好乾, 好鞋呀,反而食隻雞 ge 時候, 就真係要點 d BBQ 汁同茄汁嘞!!好日唔食 OUT BACK, 一食就整碟咁 ge 野,唉!! 睇黎要去第二間分店嘞!!…Read More

以前因為世界盃, 攪到餐父親節飯要推到黎七月尾先食,原先諗住返啅有寫過食評果個荃灣店度食,枱都卜左嫁啦, 不過上黎開飯睇到 d 食評話 d 質數開始下降, 所以拿拿聲轉場!!認識呢間八丁, 都只係因為早排曾經路過此地, 所以知道有佢 ge 存在,估計佢應該開左無耐, 因為呢個鋪, 前身好似係 東京唔知乜乜食日本野 ge,我見 d 食評都寫到去六月, 所以估計八丁都係開左個令月!!之前上黎睇 d 食評, 全部都係新手上路, 個個都係第一篇食評就寫八丁, 仲要係讚好,個人就覺得枚枚地囉, 所以如果有留意 ge, 應該都會見到我曾經留過言!!既然欠老豆一餐飯, 就一於去八丁, 順便去驗證一下, 之前果 d 係咪做枚食評!!果日我地卜左七點九, 結果七點七就去到, 可能仲係早, 所以都無乜客, 我地一行五人, 坐係一張近廚房 ge 卡位, 枱號係 B5, 呢張枱唔知係咪近風口, 真係越坐越凍, 媽媽知我會寫食評, 叫我記住同大家講, 叫佢唔好坐 B5添!!場內都幾黑, 但 D 位都算闊落, 叫舒服啦, 我地後面仲有兩張可以坐成十至十二人 GE 卡位添!之前已經睇過佢張餐紙, 所以諗都唔洗諗就即刻寫好張刺身紙比佢地, 目的係要證實一下到底要幾耐先上到 D 刺身, 我地五個人, 我寫左 50隻甜蝦, 50 件三文魚, 仲有其他每樣大約4-5片, SUSHI 就無叫 (費時食飯) 結果都唔係等左好耐就上嘞, 十拎分鐘左右啦, 可能果日係禮拜二 GE 關係, 仲有無比足咁多件呢, 應該就無, 但應該都有三十幾四十隻!! 口感尚算可以, 無渣, 無啖啖水 GE 感覺, 比蝦 GE 數量都算大方, (因我超鐘意食蝦, 黎 GE 目的係食蝦)其他食物都樣樣叫 D, 叫左一碗魚次湯, 因為唔知分量有幾多, 所以叫一碗試下, 都幾好味, 唔會太咸, 一碗起碼可以兩個人飲, 所以我地有再叫多一碗, 炸芝士波係失望 GE, 因為佢根本就係打邊爐果 D 丸丸落左去燒, 仲以為係 D 乜野日本食物.泰式鳳爪, 老豆話唔好食, 巴鬼!!墨魚丸串只叫左一串兩粒, 老豆同阿哥食左, 都係話巴鬼, 唔好食, 所以唔洗添食!!餃子雞翼, 又係只叫左兩隻, 我同另一個阿哥食, 味道一般, 但就超油, 見到都唔敢再食, 亦係無人再添食!!牛肉粒: 普普通通, 但如果同大陸間 X 漁放題 比較, 就絕對無得比, 人地真係好食好多,拉面好彩叫左一碗, 因為真係好大碗, 唔難食, 但就無乜味,三文魚柚子沙律 (好似係咁叫) 我覺得好好味, 叫左兩次!!炒雜菜見議大家唔好叫, 因為佢根本就係佢地鐵板燒 GE 墊底菜, 我老豆唔知走去叫, 送到落枱我就笑左好耐, 因為食牛肉粒時我地已經無人食, 佢特登叫一份, 就梗係無人食啦, HAHA瑞士雞翼梗係唔好叫, 因為真係好難食, 我平時都好少話擺左入口 GE 野會吐返出黎, 但呢隻雞翼真係忍唔住囉, 好老, 好鞋, 終於就唔好食.不過, 黎到食放題, 其實我地都係主力食刺食, 我地前前後後叫左四轉, 雖然每次都比預期 GE 黎少左, 但都唔會話少得好過份, 至於你話係咪黎得好慢, 咁佢 KEEP 住有野食黎, 都唔覺好慢, 但最後一次送黎 GE 刺身, 就明顯無咁好食, 唔知係放係室溫 GE 時間耐左, 媽咪就話可能係我地之前已經食得太多, 開始覺得膩, 所以覺得無開頭果 D 咁好味!!我地 KEEP 住有入紙, 曾幾何時都真係試過成枱無哂野食, 不過都唔會話要等好耐先再有食物上枱, 都係吉左十分鐘內就有野上, 飲品方面係有好多選擇, 味道都叫過得去, 但不過如果叫沙冰就要等耐 D, 汽水呢, 張紙就話係罐上, 但唔知點解落枱時變左做杯上, 我老豆走去問點解, 我唔記得佢點答, 但總知佢地就拿拿聲換返罐罐裝健怡可樂過佢老人家, 至於我杯 CREAM SODA 就由鬼佢, 有汽咪算囉!! 其他咩柚子荔枝特飲, 雜果賓冶都有叫, 但一杯過後都無乜點返叫, 因為費時等 .最好叫甜品, 張紙就寫住各式甜品, 但無註明係乜甜品, 我地咪就咁寫 2 囉, 無耐就有個妹妹仔就黎問我地, 你地到底要乜?? 超, 你都無講有乜, 我點知你有乜呀?? 黎到呢個毛文個妹妹都仲唔曉主動同我地講有乜, 仲要我反問佢你地有乜先好似如夢初醒咁同我地講有芝士餅同杧果布甸, 咁咪每樣一個囉!!老豆話杧果布甸無乜特別, 無野好講!! 芝士餅就真係等左好耐都唔送黎, 唯一吹左幾次 GE, 居然係芝士餅, 但佢係唔好食 GE, 好明顯 D 甜品係交黎 GE, 難食都預左, 同埋其實都飽嫁啦, 唔食都唔可惜!!由於場地過凍, 最後都叫左幾杯熱檸蜜暖下個人!!之前問過有咩信用咭有優惠, 佢地話無, 但唔知點解都我埋單 GE 時候, 居然無收加一,我睇下張單, 話咩飲食地圖有九折, 我都唔知乜理, 但話知佢啦, 唔收加一咪仲好, (可能估到我會寫食評啩, HAHA) 但其實佢地 D SVC 都 OK ge, 由其有一個幾高大 ge 哥哥仔, 都幾殷勤, 而 d 細 ge 哥哥仔, 都好醒目, 遠遠見我招手都好快咁飛過來攞菜單紙, (唯一係甜品妹妹差少少)我有點過數, 當晚淨係我個人都食左 45 隻甜蝦, 我就好滿足, 我 d 屋企人都話唔錯, 應該有反啅 ge 機會!!…Read More

兩條友仔係銅鑼灣唔知食乜好,又唔想食放題, 因為早幾日過,諗住平平地食就算!!諗唔到去邊度食,咪走去餐廳林立 ge 金巴利度行個圈,見呢度唔洗等位, 又有所謂 ge 沙律食,咁咪入去囉!!果個所謂沙律, 真係都幾所謂下,淨係得西生菜, 跟住自己加千島醬, 或者芝士粉,另外仲有無限量 ge 面豉湯, 感覺就似飲豉油湯, 因為得個咸字, no pay ok 啦!!唔想食得咁飽, 所以只係一人一碟,滑蛋牛肉飯, 包租公話似樣, 同佢心目中想要 ge 野一樣, 但不過份量少左 d咖喱豬扒飯, 普普通通, 無之前 d 食客所講 ge 溝水, 或者係凍,對我黎講, 只係無咩特別, 唔難食囉!!環境都算幾清靜下, 可能無乜客,couple 黎食, 傾下計都仲得!!不過對我黎講, 應該試一次就夠,下次再黎金百利, 一定係會試另一間囉!!…Read More