成嵨亮's Profile

旺角「蘇媽，蘇媽」，我應該係由深水埗本店開舖開始幫襯，之後佢大熱開始發大嚟做，開始係旺角/銅鑼灣等開分店。昨晚去幫襯，都奇怪冇乜客人，叫咗出名的肉骨茶一字骨，一上枱，我以為係豬扒或煲湯豬肉，又大舊又唔嫩滑，湯味道好淡，明顯溝稀咗…之前至愛的魷魚，外表已經唔吸引，食落更差…再到辣死你阿媽配仁噹牛肉.. 以為食牛腩.埋單約$270…真心跌哂watt，好頹，食物冇乜心機煮咁，難怪假期晚市都冇乜客，應該以後冇下次……Read More

啟德站Aideside新開張「俏鳳凰」，手法真心傻，$30五粒肉碎，份量以為係煲湯肉絲，又冇味，超搵苯.😡😡😡其他米粉，淡口，三哥都高佢一班，絕不推介絕冇下次……Read More

聽聞之前係由日本人打理的北海道拉麵，這幾年巳由太子女接手，約二年前食過一次，普普通通，冇乜印象；前日經過，特別幫襯，叫了佢的招牌爵士拉麵及餃子…食完，只可以講一定冇下次，相信以佢價錢、服務、質素及環境，絕對可以攞到全港最伏拉麵店；價錢：爵士拉麵，加錢轉味噌湯底，接近$100服務：粗聲粗氣，你當去咗港式茶餐廳質素：麵係鹼性港式麵，打邊爐cheap肥牛，淋的四洲柴菜，又硬又乾的雪味义燒，士多店的cheap蟹柳，冇乜味的湯底（雖然巳經加了錢），似京式煎餃子的日式餃子環境：舊及迫，不過不失總結：綜合以上各點，只值$40的cheap cheap茶餐廳拉麵，佢賣接近$100；味千拉麵，甚至自己去超市買包日式拉麵包煮都可以好食過佢多多聲，絕對伏中之伏，建議大家可以無視佢的存在。……Read More

星期日下午三點，上層一共只得三枱客，都估到必有問題；服務：後生果肥仔粗聲粗氣，態度絕不友善；食物：奶茶完全冇問題奶味，不合格，西多士，太甜太捻，差過自己整。一間之前俾內地客寵壞的茶餐廳，服務差，食物差，一定冇下次。…Read More

今日去左好景買完野，見對面街「肥姐小食店」排左一條長龍，我太太即刻同我講呢間舖幾出名，好!一於試試佢!排左一陣，見有d人係一盒一盒咁買!到我時，叫左一串生腸一串墨魚一串鴨腎，生腸一入口，勁爽口，加埋d汁，勁得!墨魚一樣咁爽又新鮮，凍凍地，口感一流! 鴨腎好嫩，夠入味!終於明白點解咁多人排隊，簡直一食難忘!毎次經過旺角，必試! …Read More

一間時常出現係電影的懷舊冰室!有二層地方，食feel的緊係坐上層，基本上食物環境好一般，喜愛的只係果種古舊兒時的情懷...不竟老舖宜家愈來愈少!好玩好食的必試央多及外型古怪的紅豆冰!!價錢實惠，服務街彷格....不妨一試!…Read More

今日太太叫我去試下重慶大廈呢間「新德里餐廳」，話喬寶寶有推介過，去到大廈地下大堂水牌旁有VIP咭任攞。(記住攞，後尾埋單用真係有九折)上到去環境服務不過不失，食風味地道菜，裝修一向次要，最緊要抵食好食!今次兩公婆去叫左1) 磨波菜薯仔! ($45)(2) 特濃鮮茄鑊仔烤雞! ($55)(3) 蒜茸烤餅! ($18)(4) 新德里特式烤餅! ($18)(5) 拉茶!好特別..($10坏)，必試!(6) 芒果乳酪! ($27)餐前送脆餅，用汁送黎食幾醒胃!上菜速度好快，一試果磨波菜薯仔，好好食，好香又唔太濃。(推介)特濃鮮茄鑊仔烤雞: 雞肉一般，但果汁就好野味!蒜茸烤餅及新德里特式烤餅: 夠熱夠新鮮，送汁食一流!拉茶: d味好特別，不過唔係個個岩飲，但不妨一試!芒果乳酪: 我反而覺得一般!整體而言，幾好食，夠地道，唔錯，又唔加一及有九折，必定再試!…Read More

今日同太太去食，勁多人排隊，不過好在佢有三間舖，大約等十五分鐘都有位坐，叫左豬潤米及加央西多士，豬潤米一大碗，湯底好清，好似飲緊滾豬潤湯水咁，一流。豬潤料夠多，好低食，兼豬潤煮得好爽，食左一大碗都唔係好滯!加央西多士我都係第一次食，唔多油，唔係勁炸，加埋d秘製加央，好好食，必試!…Read More