Superhomei's Profile

－間原本出品還可以的潮州酒家，為何突然服務及出品下降？無心做？定有別打算？三個人食$1300，唔算平。巳告知蠔仔粥的𧐢仔未煮熟，服務員帶有懷疑眼光及惡劣態度反駁客人，枱枱食到jep jep 聲喎⋯⋯之後確認蠔未煮熟，－句唔好意思都無，仲要收正價！E個係咩玩法？？香港飲食界咪就係咁囉⋯⋯絕不反省！！永遠覺得人哋投訴係人哋嘅問題自己冇問題。永遠唔會進步自己玩死自己。…Read More

之前成日經過，唔見太多人去食，以為唔好食。點知一試真係返唔到轉頭，佢哋用新鮮豬肉做每道菜，講真依家嘅舖頭用新鮮肉真係買少見少。食材新鮮就唔需要太多調味。今日又去買外賣，排骨飯排骨新鮮入味，豬肉難得冇蘇味，蒸飯粒粒分明，真係無味精！土魷肉餅飯好香，肉餅有彈性，好用心嘅良心小店。老火湯足料香濃，今日有淮山紅蘿蔔栗子椰皇豬肉湯，真係好好味，飲完好舒服，唔口乾，好有家嘅感覺。❤️❤️❤️原來仲有好多小食包括藥膳雞腳，牛肉球，下次一定要試。良心小店，值得支持！！…Read More

星期五晚屋企人生日🎂想慶祝下又想食魚生🍣，無堂食，都儘管試下外賣。預早一日訂幾款刺身，有金目鯛，深海池魚，油甘魚，左口魚裙邊。值得一讚佢地嘅服務，又細心又老實好凖時。更估唔到，疫情下仲入飛機貨由日本🇯🇵直送，每件魚生都好鮮，好有魚味，肉質彈牙，超肥美🍣疫情下能保持水準已經好難，能夠保持高質水準更難。值得支持👍🏻👍🏻👍🏻…Read More

Aero press 咖啡唔係到到有，亦未必個個沖得好飲。能夠將咖啡嘅原味香味毫無保留咁壓出來，品嚐到花香同蜜糖嘅甜味。今日同一班朋友去，終於可以試多幾樣咖啡同食品。試左個香𤐄三文魚配Quinoa, 大廚精心秘製嘅汁提升左三文魚嘅鮮味。牛油果tacco 好好味，裡面嘅汁，酸酸辣辣，正適合這個悶熱天氣食。再食左個煙三文魚配溫泉蛋多士，蛋汁流出來配上高質素嘅Sourdough ，正！…Read More

一大清早，一個好味早餐🥐加杯高質素嘅咖啡☕️，原來可以為你打氣加油💪！一個簡單嘅Ham N Cheese Croissant, 外脆內軟 加上䁔䁔嘅Melting cheeese，好味👍…Read More

一個簡單而好味嘅早餐真的唔係到處有。好味得來要特別真的更難。今早返工有點趕，但都無阻我去買外賣返公司食，好開心有Ham & cheese on toast. 好好味嘅cheese, 不油，麵包邊有少少crunchy. 加杯咖啡☕️簡直無敵。…Read More

成年無去，今晚試下佢睇下有無退步到。自己食左元祖拉麵，好好，湯濃，麵好！大少食生燒鰻魚飯，佢一食就知係生劏！！再問之下，真係生劏！！有幾多間真係用新鮮鰻魚，可況生劏？😱😱不過新鮮鰻魚🐟，生劏再新鮮燒係食得出嘅。 試出師傅嘅真功夫！鰻魚彈牙，醬油汁甜甜，好入味！！配合日本米，整個組合好好…Read More

自從屋企附近開左依間咁用心嘅泰國菜，放工後可以好幸福咁返去食。雖然只係一碗牛丸炸豬肉湯河，但湯低一飲就知用豬骨煲左好耐，好出味。牛丸有肉味，好新鮮，最出色加上好多豬油查，能更加提升左湯嘅味道。一杯簡簡單單嘅龍眼冰都用心加左香芧，令你個人好relaxed, 在一個又煩又熱嘅晚上降溫。用心煮出來嘅一碗簡單河粉，都能令客人食到幸福嘅味道，實在泰好味啦！！😋😋…Read More

上星期日日做到無停手，星期五一個人去左龍亭飲吓啤酒輕鬆吓。無去幾個月，佢哋又有新菜式。有清甜爽口的日本生蠔，口感好特別。重有燒海鮮，再來幾串串燒，最喜愛佢嘅燒牛舌。不得不提佢哋嘅鵝肝，軟滑得來又保持鵝肝的味道，實在太美味啦，真係得閒就要來啦！…Read More

成日話不時不食，咁秋天日本有咩靚食材秋天過左就無得食先？半年無來龍亭，星期五晚同兩位好友再去，廚師重點推介秋刀魚sashimi. 日本秋天秋刀最肥美，但一定要超新鮮先可以做sashimi.  所以我要師傅比我睇下條魚先。嘩，一睇，魚身立立ling, 可以反光，魚嘴重係金黃色㗎！即要！！魚味好濃，好鮮！識食嘅就真係要食sashimi. 第二樣唔食秋天過後無得食就係鰤魚ブリ，，好多5星級酒店都無得食㗎，就算有，可以好貴。不過佢哋價錢真係好reasonable，叫左客鰤魚腩，魚味重，好tender，好味過千両嘅油金魚多多聲. 真係好難得向龍亭可以食到D5星級酒店都未必食到嘅嘢。最重要係秋刀的醬汁調較得好好，多一樣，少一樣都唔得。咁用心造食物的廚師真係買少見少。真係好回味。一向食tiramisu我會選Royal Garden, 最後試試佢哋個tiramisu, 話無cheese or milk, 好surprise因為無依兩樣都可以做到咁滑，唔太甜，好嘢！少D功力都唔得。…Read More

每次來大圍都一定忍唔住來食這間的拉麵，通常叫原祖拉麵，湯底好濃，但唔鹹, 重有種好滿足的感覺。放假又去食拉麵，今次知道佢哋的日本燒已經開業，雖然食完碗麵都好飽，但都忍唔住要試一試佢哋的日本燒。聽講話食材由日本空運到港。先試左個池魚 tartar, 唔fishy，魚質tender。然後男友專登試燒飯團，燒飯團有難度㗎，有如港式乾炒牛河一樣，試師父功夫！結果燒得好成功，好好味！！外脆內軟！！重有拖羅tartar, 連塊餅都係由日本運到，真係一間好用心經營的日本燒。…Read More

聽人講，lee間嘢貴但好食。但點知，係我第一間打電話去食環署投訴有老鼠！！係，有老鼠！！我食食下右面有野掉落地，一心以為掉左野想pick up 佢，點知feel 到有毛，重懂走架!!立即嚇到跳起來，原來對面一對食客都見到，男食客見到條尾！！so freaking!!!!! 當時真的驚到坐不到，個waiter話你走啦，我唔收你錢！！嘩，of course!! It s rat!!!! I ll never never go there again!!!!! …Read More

特別想來讚吓這間咁用心製作的食店，為咗佢，這片係我第一片的食評。油渣麵向來不是我favorite, 但有一日，我個大少爺睇完本飲食男女介紹之後。食過一次後，嘩，就真係有d鍾意咗佢。D油渣咬落去有濃的豬肉味，一層油的香帶一層炸過的肉，好有咬感！老板娘又有禮貌，令你享受用心煮出來的食物，當中感受到喜悅。…Read More