Tempo!'s Profile

睇到佢個鐵板，粒粒大細不一既丸子，得廿粒，似乎唔係一次落一板睇到佢個鐵板，粒粒大細不一既丸子，得廿粒，似乎唔係一次落一板。我記得日本係自己自動會轉，呢度係人手轉。星期六都冇人排隊。叫左個$52，8粒。見佢將一早燒好既舊丸子，再係個板度揀左幾粒一睇就知未脆既丸子。點知，全部丸子都係唔脆，一d都唔脆。一pat 粉咁。雖然同日本同一品牌，但絕對唔同。日本粒粒都又熱又脆。最後，好慷慨咁有好多芝士同明太子醬，搞到好咸，要整走d醬先食。唉，愈食愈差。…Read More

今日被迫嚟數碼港公所，附近都係得貴價餐廳，平民選擇只有food court。竜平麵屋喺昭和63年池袋開，鵝肝到香港，但係就喺food court度開。價錢抵食，$74一個餐，加$8轉套餐有紫薯餅同埋凍檸茶。先講湯底，第一啖食落去同飲個湯，會發現有啲酸酸地嘅味道，初頭都要話係變咗，但係應該係黑水發酵嘅時候嘅酸味，不過都係第一次食到咁酸，還可以接受。其實黑蒜味幾香湯底唔錯。叉燒正常發揮冇嘢好講。最慘係個麵，都唔知落咗幾耐，淋到一坺嘢咁，入口即溶，就簡直好似軟餐咁。一般好地地嘅面就咁就糟蹋左。…Read More

用平台叫外賣！呢間野真係好差！間餐廳態度惡劣！入到去個職員當你透明，企正係門口都唔理你！問個職員，睇到唔睇就話未冇，又唔幫我跟單！等多陣，我真係想取消！同平台投訴，平台職員立刻打電話比餐廳，我聽到佢地對話，平台都係電話話餐廳職員態度差！最後準時到要等多8分鐘先有得拎！河粉一pat 野咁，一夾就爛，入面係唔熱，唔知放左幾耐！粒青檸都係，唔知乾哂定比人用過！我終於明白上次點解有人係餐廳啫，個職員仲要講粗口鬧個客！呢間野真係好差！…Read More

由個名會想像，d芝士同半熟既蛋會溶埋一齊然後黐落啲蛋度，分唔開，好濃好juicy點知見到全熟既煎蛋，完全將3樣嘢分開如果係咁，就唔值呢個價錢。烘底冇脆既感覺，不過可能外賣關係佢沙爹牛，好食好多！普通三文治$31炒牛肉+$3烘底+$2…Read More

冇餐牌，要入到去掃code 先知有咩食叫左牛骨湯麵$40、排骨酥$12、再加兩隻蛋餃$6、冬瓜茶（免費）牛骨湯好似紅燒牛湯一樣（個顏色），但冇乜牛味，雖然唔知咩味，但食得落口。排骨酥先差，炸野放入湯，一d都唔脆，不過放一陣已經唔脆，應該都唔係即炸。排骨得5粒，真係舊舊有骨，仲要係肥肉，我一舊都唔想食。唔好叫排骨，叫肥骨好啦。蛋餃有兩隻，又係細細隻，冇乜味。麵就好很多，食哂一定飽。飲品方面，得無糖烏龍茶同冬瓜茶係免費。其他奶茶咖啡都要加$11-$15。冬瓜茶甜到hihi, 冇得擇甜度，糖尿病之選。冇下次。…Read More

早餐時間，11點幾，都唔多人又唔係繁忙時間。拎碟野上手，都見到碟上面有d油積既痕，仲有2點黑色有污漬，一抺就甩，洗都冇洗過？杯上面又係，有漬，已經硬晒，剷都唔甩。D用具好似冇洗過咁，好污糟。已經投訴食環同佢地網站！同鋪頭講就嘥氣！…Read More

星期六食lunch時間，人多預左要等，已經早d，11:50 入座未試過佢一黎就比QR code 手機落餐，都估係人手唔夠其實手機落餐仲好，慢慢揀，發現原來麻辣可以揀多麻，不過冇少米11:57落order，預左要等得耐，淨係見到不停出外賣，唔出堂食客，不過車手黎到都不停催等左25分鐘催單，員工敷衍一下，第30分鐘再催單，話趕時間先認真幫手，等33分鐘終於先到，問題係唔催🫠🫠做唔切就唔好接咁多單，又或者同客講定要等幾耐，真心想走人砂砂湯底，好有公仔麵味精味，我頂唔順…..食食下有條綠色野，初初以為係菜樣物體，但係研究咗好耐、佢攣攣地、綠色分布唔平均、扯唔斷、質地。好有可能係百潔布既絲。同職員講到廢事，一定敷衍你。所以我都係投訴食環、同埋電郵佢公司投訴。…Read More

星期日26/2/2023冇人等位，唔滿座，12:30 入座，12:35 落單叫左新既酸菜魚，朋友叫左過橋紅薯粉唔洗10分鐘，小食同野飲到左15分，過橋紅薯粉都黎埋第25分鐘（13:00）我碗都未到，驚漏單催下好正常，好聲好氣叫姐姐睇睇，姐姐就話人地12:33 都係岩岩先黎，等下啦。完全冇同我跟單，無視我！😡等到13:05 ，我真係火都黎埋，大聲講等左半個鐘，再要求催單先理我！原來碗麵一早放左係度，顧住做外賣！個個遲落單都食完，係酸菜魚係耐d , 定係漏單？唔緊要，如果酸菜魚要等，又或者多單要等（應該唔係，大部份人都唔耐），又唔一早講，而家譚仔等20分鐘都預左，等30分鐘真係接受唔到，你估你係法國菜呀！我嘈完，即刻同新入嚟既客講要等！講返碗麵，得個辣字，少少酸，冇花椒味！都係果句，有命就等啦！…Read More

由排隊落單比錢，等出餐等足半個鐘有多！份量唔多，價錢昂貴（普通一個餸$9，牛腩要$18，冇特別），都係因為佢個辣汁所以食！職員做到西口西面！有咁多生命浪費既，同忍耐力強，可以一試！…Read More

想買生煎飽，要等$18 粢飯，大大舊，用保鮮紙包住不過成塊保鮮紙內外都係油咬開，都多料，油炸鬼少少脆不過每食完一啖都想抹咀食到成手都係油唔建議係街食，成手油好狼狽食一個都好飽唔想再食第二次…Read More

黃金間Kebab執左，呢間新開買左個烤雞Kabab買完返屋企都唔洗10分鐘Kabab 皮已經變左薄pancake 皮，淋patpat!唔知料唔夠多定包唔實，拎唔起😓成個kabab都冇乜味，食中東kabab都係想有中東香料味，烤雞都冇乜味，唔知食緊乜！加$18 有咖哩角或薯條+汽水不過炸唔夠，完全唔脆，好似食薯溶咁！失望！…Read More

唔好理標題住，介紹左食物先！Roasted platter ！有叉燒同燒鵝，好兩樣都係外脆內滑，好好食！Wagyu個名唔記得咗，但係有和牛兩個字。要夾埋啲聰蔥一齊食，都係外脆內滑！推介！淨係嘢食係唔夠㗎，一定要飲埋酒！Bar tender Tracy 特別調製嘅secret drink, 斑斕味，好飲到醉咗都唔知咩事！最後要講講個標題，Nathan 好飲得㗎，禮拜五六晚記得捉住佢陪你飲！佢話佢星期二三唔喺度！So much fun!…Read More

叫左個麻辣手撕雞刀削麵$44，再加多$10 炸豬排。手撕雞唔記得影埋，係一個細碟仔（豉油碟），有多過一半既青瓜絲，其餘先係雞絲，如果係手撕青瓜拌雞絲會覺得抵好多。🤔豬扒麵如圖，小弟食左一塊，即共5塊，仲有條生菜bb。麵係一大碗，好多麵，好抵，湯就比較矜貴，所以好少。刀削麵，麵當然係精粹。刀削麵你會諗到彈牙，有𡁻口。呢度既麵，唔知邊度鄉下，又可能呢區多老人家？d麵好淋，有d 粻口，口感特別（唔係我鍾意，可能有人鍾意）。加埋清淡既湯底，老人家想食可以一試。份量？咁大碗發漲左既麵，一定飽，放心。樓面，收錢，執野，落單，送餐都係由疑似老闆一人負責，老闆要做咁多野，唔黑面就有鬼。語氣差，講野掘，有d呼喝，唔代表佢心地唔好架（鬼知🙄）。我唔鍾意，唔代表佢差（我諗我係正常口味既正常人），大家快d黎試吓啦！…Read More

大家有冇試牛丸漢堡呢？牛丸漢堡係咩？幻想一下，一塊十二成熟既厚漢堡，切落去要用d力，牛丸彈彈既質感。切成四方，閉上眼，放入口，牛丸同漢堡完美結合。如果以牛丸質素，絕對一流，牛有牛味，仲要彈牙！不過我唔係食緊漢堡咩！芝士黑松露薯條，芝士味可以蓋過黑松露，只剩下淡淡菇味。薯條方面，十分適合熱氣及健康人士，經低溫油炸，減少爽脆，亦減少高溫引致既反式脂肪。朋友既魚柳漢堡好正常，對於劣食KOL 既我黎講，有d失望！最後，可能員工要Work From Home，出餐時間稍長，等左20分鐘，疫情期間，敬請原諒！…Read More

之前用開網上外賣平台 叫譚仔，只係貴少少，不過近期覺得愈等愈耐，唔知太多人嗌定太少人送外賣！又見佢話外賣自取有優惠，叫3個餸+$2 有小食同飲品，咁試下啦。點知去到見到有11-12 個人係門口等外賣，都心知不妙，諗住要等15分鐘左右啦，堂食客around 1/4咋。點知中大伏。樓面得3個，落單得左2分鐘，19:53 落到單，等到20:29先到我，等到，浪費青春，燃燒生命。你要預3分鐘做一張單，有12 個人等，岩岩好36分鐘都我。如果大家有時間有青春，又未餓死可以一試。點解要用網上外賣平台 比錢人送就唔使浪費時間！堂食5分鐘左右有啦，有人食完走埋我都仲等緊架！譚仔阿姐做到燥，唔好預佢態度好。完！…Read More