Chan Candy's Profile

尋晚終於試左呢間魔麵，首先，我想同下面位留言者講茶同水呢個問題，先入為主唔代表果樣野正確，正如我之前係香港去所有地方食日本野都係比綠茶，呢間比杯凍水，我都有感到奇怪，但係我會問點解，個侍應講左兩間係Central嘅拉麵店名稱，問我食過未，他解釋因為客人食完一碗熱嘞嘞嘅麵，飲杯凍水係感覺好好架，然後我朋友就諗佢去日本次次食拉麵都係比水嘅，所以人地咁做係有原因！！我想嚟試嘅原因係我係openrice見到佢地講到個辣湯咁好食，我好喜歡飲湯,又鍾意食辣，所以一睇到就好想試下！！尋晚大約七點黎到，得小貓三四隻，可能好多人都未收工，我地有卡位坐，幾舒適！一看菜單，簡單到不得了，＄69一個麵，有小小配菜，一塊叉燒一舊唔知咩肉！味度好食嘅！！！我order左個辣魔，而我朋友就要醬油，令外要左一個忌廉薯餅！！＄18，得好好好好好細件，比多件就差唔多啦，味道係真係唔錯嘅！個拉麵一拉到，我即時飲淡湯先，個辣味真係幾好，又夠辣又香，侍應話他們所有湯個base都係用豬骨湯，我真係相信他們用150kg豬骨去au呢個湯底，因為真係好膠好香豬骨味！！然後試拉麵啦，第一口感覺好熱，比個湯熱好多，所以我即時覺得個湯唔夠熱，個麵都ok，服務員細心問我們想要soft啲定係硬啲，我挑選了normal，唔錯丫！！總括嚟講，味道覺樣都唔錯，我希望份量能夠多小小，湯能夠熱啲～～…Read More

我地一行4人嚟試吓，我哋其中3個先到，原本有個friend話未必到，所以我開頭話比個侍應聽我地得三個人，佢叫我等等，我就坐低等啦，然後有4個日本人嚟到話比佢哋聽4個，佢哋竟然快過我哋有位坐囉，佢地得二人同四人檯，無三人檯，如果我哋要坐都係坐四人檯，但係竟然比人哋先！！我第一個感覺就覺得唔好，即時對呢間餐廳打折扣！然後我哋見到有兩張檯都無人坐，門口得我地同令外三個女人(剛剛到的)係度等緊，我哋又再問佢佢就好唔禮貌咁話你幾多個呀??我個friend就話我哋三個到齊啦，隨時入得！！然後佢地先被位我哋～～～我地叫左3個餐，原本我好有心情架，比個女侍應整一整，就無咩心情食！我本來想食粒粒魚生飯，但係有覺得嚟呢度係因為吞拿魚wor,因此我都係選擇左吞拿魚扒定食～我個人覺得唔錯，都幾鮮味，但係我朋友試左小小就覺得麻麻，佢地就好唔鍾意呢度d飯，我又覺得幾好食wor，個朋友就叫左個三文魚三文魚子定食，佢話ok,我要講個蒸蛋，好好味好靚～～最後原本話嚟唔到果個friend都嚟左，佢order左個和牛定食，好好味，肉好淋，但係佢都係話d飯好差，好似自己煮果d，我又唔覺得差wor~~但係我嘅批評係好想佢哋改變吓d態度，做得唔開心就唔好做，唔好好似佢地比錢請我地食咁！！！…Read More

我估我嚟過呢度有20次了，都依然咁好食～我每一次嚟都係食冬菇／炸墨魚券酸辣粉，一定要中辣，最鍾意佢地加d菜係面頭，好好食～d粉口感好好，唔會太林又唔會太硬～除了粉同湯底好食，我好鍾意食佢地嘅糕點，尤其係"貴"花糕同砵仔糕，好足料，我成日都會買比媽咪食～～～現在有獨立包裝添呀～～…Read More

雖然呢間唔係咩高級餐廳，但係呢間野係好多OL好鍾意嚟食架，我都係其中一位，我由6年前已經開始食呢間米線，係由我一個好姐妹介紹我食架，因為佢又係鍾意食辣野～～～我每次嚟都係食果幾樣野，冬菇，羅白，腩肉，火腿，雞c，我係無辣不歡嘅人，每一次我都會叫中辣，辣到飛起先開心～…Read More

今次一早就book定檯，怕無位～～～我呢晚係為左同個好朋友慶祝生日嘅，我哋4個係都係好鍾意食日本野，所以諗去邊食飯真係好容易！！！今次我無帶相機，所以無相提供，但係我唔係第一次嚟了，之前同我屋企人同埋男朋友都嚟過好多次～～但係因為今次同上次事隔兩年了，而水準係一樣好～～～～所以我覺得要寫比大家睇！！我地4個人叫左好多野：我最愛嘅大shabushabu，真係好好味呀～一板加拿大海胆 -必食 隻海胆仲大過舊飯,品超級好食帶子刺身 可能係天氣太凍，d冰又小小未溶sushi我地order左：黃金尤魚，帶子，吞拿魚沙拉，三文魚芝麻八爪魚 好好食，有夠大軟殼蟹手卷-我無食，但係佢地話ok冷烏冬-一定要叫，口感好好呀～～～炒野菜-無特別最後就會比ice-cream我地食，好開心就過左一晚，同真正嘅朋友可以咩都講，大家都好清楚大家，呢d感覺真係好好～…Read More

因為book左檯，所以唔洗等位～我唔係第一次嚟架啦，我男朋友就係，上次同d同事食lunch,都記得好食，但係尋晚真係印象好深～我地一行4人一去度，佢哋就招呼左我哋去坐沙發，一坐底就叫野食la燈影牛肉 - 燈光影牛肉係好值得推薦，真係好薄好好食～～～水煮牛肉 - 味道好，但係真係食得辣嘅朋友一定要叫佢加辣，因為一啲都唔辣，好多牛肉，底又有我鍾意食嘅薯粉！！烤羊肉 - 無咩特別，香口～～番茄鮮蝦(gau) - 每隻都有兩隻蝦～～好鮮味，但係無野點好似有小小淡麻辣粉皮 - 加左兩次辣都係唔辣，就係呢碟野令我覺得我日定要去openrice寫吓野，service好到不得了，過嚟同我地解釋點解會咁，下次又可以點。。。。。酸辣湯 - 十分好，所有野都好適中～～～我叫左兩碗，佢見我有4個人，一嚟已經幫我分左4份石鍋黑椒腸粉 - 一定要食～～～～～～～回味無窮…Read More

我嚟過呢間餐廳幾次啦﹐食過幾次早餐幾次午餐.........開頭都覺得ok﹐唔錯既﹐但係等既時間一次比一次耐~今日我order完野食等左20分鐘先有得食~食茶餐廳係想快鯪正丫麻﹐其間仲聽到有個係度做野既女人話:爐就得一個﹐個個都叫豬扒﹐係甘耐架啦~~甘你呢度係豬扒出名丫麻﹐如果唔係唔會個個叫啦﹐想做多d生意就要買個大d既爐~我同男有一齊食豬扒﹐佢食飯我食福麵﹐其實個豬扒係普普通通姐﹐但我覺得越黎越薄﹐同埋唔香口~話煎又唔係煎﹐炸又更加唔係啦﹐但係價錢算平﹐凍飲唔使加錢﹐一分錢一分貨﹐我既意見係實在等得太耐啦﹐如果唔係特別好食唔係甘易吸引人去食囉~…Read More

呢間土耳其食店我已經食過兩次，都唔錯，但係我比較鍾意食令一間喺附近嘅kebab店舖～～我自從前年去完英國食過一間土耳其餐廳，反嚟就試左幾間港式小小土耳其食店～呢間餐廳我食過兩次都係外賣，因為睇落去呢間野坐得好唔舒服同埋d座位唔係好乾淨～所以我兩次都係令走食～～我試過佢哋嘅chips with cheese,麻麻哋，因為個炸薯條炸得唔好夠同埋都唔平，我又試過羊肉卷同牛肉卷，我個人鍾意羊嘅"so"味，所以我覺得佢地個羊肉卷好食，汁又夠，而牛果個都唔差，只係個卷卷得唔夠實，所以食嘅時間要小心d啦，好容易跌出嚟～我覺得可以一試丫～…Read More

我之前已經食過好多好多次，可能有50次，但係覺得真係要寫吓等多d人認識呢到，平靚正！！！雲耳椰菜餃，白菜肉餃同9菜都係我最愛， 全部都係即叫即整既 ..佢地個湯抵係野葛菜煲生魚豬骨湯，我次次都飲好多架～同埋一定要加埋佢既辣醬 & 醋點黎食，個辣醬好好好好食，好特別，有豆是同菜甫～食完10隻餃 飲埋碗湯都係 $24 .. …Read More

呢間咖喱店我之前經過過好多次，因早排電視講呢間野，所以就計劃要嚟試下～我覺得坐得唔係好舒服，因為多人，我哋要坐門口位，算啦，唔想等呀～我叫左個2人餐，有咖喱牛，鐵板羊膝，咖喱蔬菜，白飯同薄餅，2樣唔知係咩嘅小食同2杯野飲～個羊好好味,係唔係好熱，可能太多人啦咖喱牛好食，唔記得走"嚴西"咖喱蔬菜，好食，一樣唔唔記得走"嚴西"薄餅同飯唔夠熱，野飲無特別我個人認為呢間咖喱屋可以再嚟，但係都係重慶好食d同埋唔係好夠食，唔係好夠飽～～～～…Read More

成日去買早餐時經過呢間Big John,今日終於同同事嚟左試啦，因為上網見到個個都話格仔餅得，我哋都叫左～我就叫左炸豬扒米線配酸青瓜，再配今日例湯-木瓜花生雞腳(應該無味精,因為飲完都無口渴)佢地炸豬扒炸得好好，好鬆化，又唔漏，炸粉又五覺厚，好滿意呀而我同事就叫左雞扒撈丁，配黑椒汁-感覺有小小......唔係唔好食，但係佢哋個雞扒又薑，加左黑椒汁後就有小小奇怪囉，配左個格仔餅，都幾好食，夠熱又夠醬，花生粒又多，我同同事會再嚟試佢地其他嘅野食～我哋每人食左四十幾＄，開頭未食覺得個價錢都唔平架，但係食完之後睇到個份量甘多，又好味我就覺得好抵啦～～～一定會再嚟嘅，對佢地嘅粟米班塊好有興趣，我、一路食一路聽都有人叫呢個飯，一定係好好食～～…Read More

今日有個朋友係加拿大回來，因為我要工作，所以就選擇係我工作地方附近食野，我就上openrice睇下isquare有咩好食～我就book左呢間譽居試吓啦，因為見comment都唔錯～我地一行五人，點左以吓野1）燒腩仔，油雞併燒鵝，最好食係燒腩仔2）砂窩羔蟹粥，好好食，好有蟹味，很多蟹羔3）油炸鬼，好新鮮4）金沙鯪魚球，幾特別5）叉燒蠔仕鹹蛋粥，我好鍾意蠔，所以感覺特別好食6）唔知咩叉燒炒飯，好乾身，好食7）叉燒腸粉， 我無食過8）菜一碟，無特別可惜無影相～～～～～～一定會再嚟嘅～…Read More

好耐都無黎QUI食飯啦，昨日唔知點解好想食義大利野，一諗就諗起佢啦，因為去過開d餐廳太貴，又唔係真係甘好食，所以我都係挑選左呢間抵食嘅意大利餐廳。無嚟食幾個月，都一樣係甘好食~~我地2個人，點左一個黑毛豬同牛扒，當然有我最愛嘅麵包同忌廉湯，好喜歡飲佢地個湯，好香好足料，麵包每一次都熱辣辣，好滿足～～～～～都已經食過好多次，雖然都無咩特別野講，但係依然係覺得好抵好好食，最鍾意坐出面，吹吓風，吹吓水，慢慢食吓野～我好喜歡食佢哋嘅黑毛豬，好好食，又juicy我估我地好快會再去～～～～…Read More

我係一個非常喜歡食嘅人，已經嚟過好多次，都係覺得好好味，完全無退步～～今日我地選擇了磨菇湯同南瓜湯，好好味，尤其係南瓜湯，超水準！！完全覺得係食緊成個南瓜，又唔會覺得"漏"!!!麵包都係非常好食，暖暖哋，好開謂！！我哋頭盤食黑毛豬，真係好抵食，好厚，肉汁好多，亦好香！而我朋友就食牛扒，我見佢食到好開心，我都試左小小，嘩，一食就知道係靚牛扒，甘嘅價錢，無可能喺出便食到，我試過CENTRAL一間西餐廳，都係超水準，但係貴，五百/一個人，但係呢度可以食到一樣嘅水準，一半都唔洗！最後講下個環境同服務，環境係好安慰，如果鍾意吹吓自然風可以坐出邊，一D都唔熱，因為佢地有幾部風機係出邊，我個人喜歡坐出面多D！！而服務一向都唔錯，一入去就又人招待你，禮貌幾好架！我一向都覺得呢樣野好重要！實際上，食飯好睇你心，如果心情唔好，食咩都麻麻，但係如果心情好，好食嘅野就會好上加好！！…Read More

今日同屋企人試坐呢間餐聽﹐真係唔錯~~~~一定會再去﹗一至五唔加一好低﹐雖然細細間﹐但唔會sit得唔舒服﹗﹗照燒雞翼﹐海膽鐵板鴨腎鴨胸PIZZA三文魚腩刺身海膽一板cheese鰻魚壽司特長三文魚壽司月見牛肉鍋飯帶子壽司稻庭烏冬火龍卷炸煆天婦羅…Read More