謂食的小肥豬's Profile

剛開業時，我跟朋友去過食點心。當晚去找回這間餐廳，找來找去都不見。原來門口已轉了新裝修，害了我們來回找幾趟。裡面裝修看得出花很大心機去設計，充滿懷舊色彩，獨一無二。坐位很闊落，不會感焗促，三五知己談天說地的好地方。當晚諗住來嘆靚茶跟食點心。但見到佢地推出任食燒烤跟另加$可以任飲。我地都好有興趣嘗試。任食燒烤，每人先黎一隻大蝦及扇貝。大大粒扇貝，非常甜美，而且配合埋自家醬料，鮮味更突出好食。當落單叫燒大蝦，無諗到隻蝦，係超級大隻，肉質結實，淡淡肉；非常香同好味，記得唔好掛住傾計，趁熱先好食；好想叫多幾隻食；可惜超級大蝦同大大粒扇貝每個人只可以食一隻。鐵板燒肋骨，好有驚喜，肉嫩多汁，加埋蔥花，非常好食。燒青魚，肉質鮮甜，落調味料同燒時間岩岩好，唔會掩過魚味道。煙肉包山竹牛肉串燒-兩者味道非常夾，送酒一流和牛串燒，燒得岩岩好，肉嫩惹味總結：師傅控制燒烤時間好好，全部都唔會燒過濃，食材新鮮，所以師傅只係落左簡單調味料，已經好好味，好滿足而有驚喜既一餐。…Read More

話咁快又到星期五啦，今日行程緊湊，開會開會又開會。Lunch之前來咗尖沙咀開會，我當然唔會放過可以鬆一鬆的機會。尖沙咀有好多酒吧，好多都有lunch食，今次我揀咗間同事介紹的酒吧來個好開心的lunch。其實同事同我講間酒吧以前得晚市，可以來個early dinner，而家就有做午市，我真係有口福。當我見到個menu有fish and Chips的時候，我真係好開心，因為我係英國讀書的時候成日將fish and chips當tea食的，係英國正fish and chips的舖頭成行成市，今次我又有機會回味下。尼到的fish and chips仲好味過英國果啲，佢個魚好脆，當你會以為佢外面好脆入面就會好乾，但係剛剛相反，佢入面好juicy，個魚又好滑，個汁仲有劃龍睛的效果，因為佢提升咗個魚的味道之餘仲令到個好脆的外層林少少，同個魚仲夾。哈哈都話到明fish and chips係我以前的tea，咁lunch我當然唔夠飽啦，我仲有叫個linguine with homemade bolognese。因為我太鍾意食蕃茄啦，所以我去到邊都總會有一道蕃茄煮的料理，今次都唔例外。意粉其實到到都差唔多，但係尼到到偏酸，好醒胃，非常合我的心意；佢的蕃茄好有鮮甜味，因為佢夠fresh，同個醬配合得非常好；仲有個麵的軟硬適中，非常好味，下次要encore。…Read More

事原係我老闆要訂生日豬比客，佢訂得急都唔係問題，而係佢係兩日內要人改3次取貨時間同數量，我都怕人地做唔到；但係呢間野的服務態度好好，我打去改，佢地不單指唔托手肘，仲有人打番電話來問你係咪改咗時間，勁！佢地仲有樣我好驚訝，我改到要即日取，仲要由1隻改為2隻，佢都無問題，雖然我知道佢都會有啲現成，但係佢check都唔使check下就ok咗，佢個系統真係唔錯。如果下次有人生日都可以訂番隻來試下。…Read More

難得一家都可以星期六放假唔約人，我地就一早訂咗枱來試下呢間係工廠大廈的私房菜。咁我地一早話比老闆聽我地想食乜野海鮮，大約預幾多錢一個人，其實佢地都唔平架，最低消費$250一位。由於我地有人要食龍蝦，所以特別訂了龍蝦伊麵，佢的味道唔錯，龍蝦都好大隻，好多肉，個麵唔係好溜，唔會搞到你食唔到其他野。其實佢地都唔錯幫你食菜都好週道，有湯有菜有魚有肉，做到飲食均衡。個湯係螺頭湯，好清甜有鮮味，最緊要係足料，有雞腳，有豬骨，味道非常好。其他的海鮮菜式用料好新鮮，一定唔會係次貨，不得不提就係條魚，蒸魚要講時間，蒸得太耐會老，今次佢地蒸到條魚剛剛好，魚肉好鮮嫩，勁！仲有個花雕蛋白蒸蟹，個蟹好鮮甜，無比花雕的味蓋過蟹味，而個花雕的味係個蛋白到出晒來，真係好神奇。但係美中不足個霸皇鮮雞，煮得有啲老，仲有係太大隻，由其是當你食咗7個餸之後，就有啲食唔落咁大隻雞（隻雞仲大過條魚）。好彩無叫飯同麵，唔係都唔知點算。呢到係個一大班敍下的好地方，下次都會同朋友再來。…Read More

今日我同老闆提早一點出來吃飯，早一點應該無咁多人，服務各樣都會好啲，但結果真係另我地好意外，係出奇地差。一來到，侍應安排我地坐邊到，係一張四人枱，一邊有個留坐的板，咁個侍應問下佢其他同事係留兩個人定四個人的位，咁那個人答佢係兩個人，那個侍應便安排我們坐這張枱，正當我們開始點菜的時候，個經理同我地講，唔好意思呢到係留咗四人位，麻煩你地轉過另一張枱，我老闆當然唔應允，因為個侍應當初問過其他人才作出這樣的安排，最後我地都有轉位。跟住令我地唔高興的係，當時同我地落單的人未落完就走咗，個收銀係負責入機的人，佢見我地張單有3個湯麵，係咁問邊個落單，因為我地同佢講我地都未落完單，個經理見到佢都覺得煩，話改就得啦。跟住我地聽到個經理講雞湯要半個鍾先得，當時只不過係12點半，唉！！咁樣點做生意，都未正識係午市高峰。我地隔離坐咗個熟客，佢一坐低個個都來打招呼，佢仲可以指定訂邊張枱，佢落完單個侍應同佢講加5蚊有豆漿，但係佢無同我地講，我唔係介意有無得飲，但係我唔高興佢地唔係一視同人，對客唔公平。佢地咁的服務態度真係唔係好得，我地一定唔會再去。…Read More

一早知道星期五無住家飯食，一早就睇下open rice找下有咩好食，係排行磅找到呢間cafe，因為都近公司所以就揀咗呢間。間cafe位於文武廟附近，所以過咗6點附近好靜，結果造就咗間餐廳環境清優。間餐廳仲有個特色，佢都係一間art garelly，入面的畫除咗裝飾仲有標價，啱的可以買番屋企。呢個idea唔錯。講番佢的環境，晚市唔訂枱真係無位食的，唔知係咪因為個老闆係法國人，所以特別多外國人來食，同聲同氣掛。間餐廳比人好大的空間感，唔會好似港式餐廳啲枱咁迫。佢的菜式好特別，係好fushion，小籠包係用鵝肝正的，一咬開個皮，鵝肝的香味已經四溢，啲鵝肝的油同個小籠包夾起來好好味。叉燒餐包的皮又比一般的茶酒脆，而且佢的汁好特別，係千島醬，而且係你先將個包咬開，跟住自己想放幾多汁就幾多汁入去。我係汁人，所以咁的設計好啱我。講完頭盤就到主菜，肉丸麵同意大利飯。肉丸麵的肉丸係用人手將啲牛肉正碎再正成丸，所以好有口感；而且佢係有煎過，表面更加香口。一講到意大利飯，大家就會諗到好多汁同好多cheese，但係呢到係好似中式炒飯咁，用蛋炒，真係估唔到咁樣炒個意大利飯都唔會硬，有炒飯的味道，勁！到甜品啦，有檸檬餡餅同功夫焦糖布丁，檸檬餡餅未食已經嗅到佢的檸檬味，佢係啲cream到放上咗檸檬皮，令到檸檬味更特出。功夫焦糖布丁係用中國茶正的，佢唔單止用茶來正，你仲會食到切到好碎的茶葉，所以茶味好濃但係唔會苦澀，而面層的焦糖好厚，減低咗個茶的澀，正體配合得好好。啲服務員會好貼心咁話比你知每道菜的食法，所以每一道菜都會更加好味。有一點不可不提，由上環地鐵站到cafe有好多斜路，著高跟鞋的女士們就要小心啦。…Read More

我好喜歡一啲好似太平館的餐廳，因為呢啲餐廳有以前的特色，英式得來又帶點中國風。今次來到粉嶺做野，居然又比我找到間咁樣的餐廳，非常開心。佢的羅宋湯好重茄膏味，呢種味道好得意，只係係舊式的茶餐廳同呢類型的餐廳先飲得到，好好味架！今次我揀食西冷同焗牛柳粒飯，個西冷係7成熟，佢地的火侯處理得剛剛好，無煮得太老；個蒜茸汁又配得剛剛好，正體來講係好好味。個焗牛柳粒飯，我以為飯同餸係一齊焗，點知.....唔係囉，佢分開咗，但係個感覺唔錯，因為焗牛柳粒個汁配飯係剛剛好，唔太溜，如果飯同餸係一齊焗效果就無咁好，因為有芝士係到，個牛柳粒又唔會焗到好韌，而係林林地，唔錯。食完主菜，仲有甜品送，係媽媽牌的啫喱，仲係用以前的鐵杯上，好有味道呀！！…Read More

由於今晚仲要去街街，所以放工先係附近醫咗肚先。係灣仔，當然去啲多野食的地方找，找下找下就比passion的裝修給引咗我！佢有啲枱係好優閑的時候坐，因為係好舒服的梳化櫈；第二種係好似bar枱的高枱同高櫈，大部份的地方都係用木做，感覺好舒服。除咗裝修，佢的食物都好給引我，佢有幾個玻璃柜入面有甜品，有沙律仲有類似subway的麵包。我今日要食晚飯，下次先來試甜品。佢個cold plate有2種ham仲有沙樂美腸，加上麥包，蕃茄同酸青瓜。我好鍾意食ham所以佢咁的配搭好啱我，佢用的ham同自助餐的一樣，所以有質數的保證。佢地有4款的pizza，有ham，有三文魚，有磨菇，仲有一種唔好意思，唔記得咗。我揀咗三文魚，佢的配搭好清新，首先個餅係即叫即做，三文魚好鮮好甜，跟住係個pizza有沙律菜放係中間，我估係個餅差唔多ok果時放上去焗多一陣，因為個菜出來仲係好鮮嫩，仲有用油酸汁正過，所以口感非常獨特。我好期待下一次的甜品...... …Read More

情人節更係要同情人食番餐好的，由於情人要出差所以只可以共渡午餐。我地來到呢間要同隔離位坐得好親密的餐廳，佢好似啲bar咁，有一排長的bar枱，跟往就係一個正方形的食飯地方，佢好特別咁用咗啲有木紋的枱，仲有幾張長梳化來將食飯的範圍分成幾行，排排坐好等別。佢地有幾個唔同的lunch set，有魚有stick有pasta有鴨胸，任君選擇。我同honey就揀咗stick同鴨胸。先講下個湯，味道唔錯係南瓜湯，仲有一個包加起來食，口感好好。但係個主菜就碼碼，個賣相其實係唔錯架，但係啲肉就好韌，牛肉要5成，結果好似全熟咁；個鴨胸仲更加唔知想點，個配菜唔知係乜野豆，總知唔好食太甜啦，個鴨胸韌到唔想食，可能午市忙，所以完全唔到水準。雖然係唔好食好彩環境塔救，我同honey都食好開心，不過應該無下次啦（唔再幫襯）。…Read More

情人節唔知食乜好，條街又好多人，真係唔想四圍去，所以我一反傳統，去一間好耐無去的茶餐廳。以前阿爸阿媽未退休，星期六日午飯都無人得閒煮，所以會一家人到呢間茶餐廳食個靚飯。其實佢地有好多好野食架，梅菜扣肉，鴨腿湯飯，哈哈仲有我的至愛....干炒牛河。所以係呢個咁sweet的日子，我決定同我的最愛干炒牛河渡過。其實我真係好想堂食架，但係佢只係做早市同午市，晚市只係做到7:30，所以我只可以叫一個外賣。個干炒牛河一啲都唔干，佢煮得火侯好好，唔係好多油，啲牛肉片唔會太老，又唔似得人地的牛肉咁用soda粉正林，係佢本身入的材料好，所以只係調下味就ok。正體來講唔係太油唔會令到你唔想食，而且佢用的芽菜特別多，令到個粉食起上來更加有口感，水準同以前一樣，正！！…Read More

星期六無野做不如早啲去探婆婆做個孝順的孫仔；來到土瓜灣更係找間餐廳e下個肚先上去婆婆屋企啦，唔係佢老人家又會係咁煮野比我食架啦。本來諗住食麵，但係係途中比我發現咗呢間日本餐廳以前未見過，等我試下先。先講下個裝修，近幾年都好多新餐廳係土瓜灣開業，但係佢的裝修最突出，個名唔係一般寫上去的，佢用咗好大個光管正出來，好吸引你的眼球，入面都好精緻，正咗好多和風裝飾，有大紅燈籠高高掛，仲有一個好特出日本捕魚文化的漁船畫。講到食，佢都有好多款定食選擇，我就揀咗一口和牛定食仲有我的最愛什錦魚生飯；個一口和牛就同佢個名一樣一口一舊，大細適中，而且佢炒得剛剛好，唔會太老，中間燒到半生熟仲係帶粉紅色，仲有啲蒜頭一齊，好香口好野味；佢仲好貼心咁加咗啲菜，真正做到飲食均衡。至於我的最愛什錦魚生飯，佢用料好足，唔係人人都會比蝦你食架，佢比咗隻好新鮮的蝦仲有好多好多的魚子，仲有好多的三文魚，魚生多嘅程度覆蓋哂下面啲飯，三文魚好肥美三文魚子亦沒有腥味，同粒粒飽滿襯到嘅飯襯到絕，這碗飯真係一流。食咗正餐，佢仲好貼心咁送個甜品比你食，這一餐真係好完滿。食過呢到的定食，我決定做一個乖孫，多啲來探婆婆，仲可以比昔口自己來食多幾次。哈哈哈哈。…Read More

放咗工諗住落旺角買啲野跟住返屋企食飯，點知個胃都係唔爭氣，好鬼餓，咁就要找啲小食啦！你知啦旺角四圍都係串魚蛋，真係唔係好想再食，咁我為有再找下啦。行下行下就找到呢間賣華夫，我之前都話過我好鍾意食華夫架，所以我一見到就唔會放過。呢間華夫都唔錯，佢地用特濃朱古力做個華夫同個醬，因為平時食的朱古力華夫的朱古力味好淡，可能因為個醬好重蛋味，所以個朱古力味出唔到來，但係呢間個朱古力味好出，可能係用咗啲特濃朱古力。咁係個面佢地仲加咗特製的朱古力醬，兩樣加起來唔會太甜，又唔會因為個華夫又係朱古力而太漏。美中不足的地方係，個外賣的packing已經食咗唔少醬，所以我食到的唔多，仲有啲雞手鴨腳囉。…Read More

近期見廣告話pizza box買1送1，見新年過後搞下新意食pizza啦！點知......唉！本來自取就可以半個鐘就有得拎，但係呢間係火炭的就唔係太就腳，根本就係太隔涉，我去都要9個字，所以我決定等一個話個半鐘先會到的外賣速遞。結果等咗差唔兩個鐘先有得食，可能因為果日天氣凍又落雨啦；其實啲野食來到已經係唔係熱有啲暖，個pizza的皮有啲硬，啲味道有少少淡，個芝心派的芝士係實的，真係好難咬。咁當然大家都食唔晒啦！到咗第二曰，叮番熱來食又唔係太差啦喎。佢個皮又軟番，啲味道又正常番，我都有番啲安慰，唔係真係無下次囉。唔知佢地的pizza係咪要隔夜先會好味啲呢??不過我都係強烈建設佢開返係啲方便易去的地方，咁先至多人外賣自取唔使下下都要等1個鐘以上。…Read More

聖誕前夕，好多公司都會有聖誕party，但係我地公司得幾個人，所以老闆就請我地食一個聖誕lunch。呢間餐廳同個名一樣，最出名係蠔；但係當日太多人啦，所以佢地出咗一個x'mas set，午餐同晚餐都係呢個set；有魚有肉有飯有意粉揀。先來一個湯先，有豆湯同蕃茄湯揀，我揀咗蕃茄湯，佢個蕃茄湯的蕃茄味好出，好鮮味，當然小不了蕃茄的一點點酸味，但係正個湯都好配合，好好飲。主菜就揀咗魚，個魚煮得剛剛好，唔會太老，有鮮甜味，仲有啲薯蓉配係一齊，薯仔味足唔會比啲cream味蓋住。最係，當然都好重要的係....甜品，佢的甜品係自助的，雖然款式唔會有自助餐咁多，但係都有5-6個款可以選擇，有cake，有mousse，仲有雪糕；但係雪糕係雀巢的，比其他地方弱咗啲，但係其他甜品都ok好味。我同啲同事都決定下次來試下佢地的生蠔，因為我地見到有人食緊，都好似好好食咁。…Read More

今日返屋企，途經九龍塘又好想食野，所以去又一城逛下，行下行下見到一間新的cafe，所以決定係到買cake返屋企食。佢啲cake賣相好靚，個價錢仲靚呀，每件都要30幾蚊件。我就買一次來試下啦，睇下佢有幾好食。買咗件個樣似朱古力mousse，但原來係紅莓蛋糕，個朱古力味唔會搶咗啲紅莓味，兩者合到好處，好味。另外一個係士多啤梨蛋糕，佢有少少好似啫喱的野係面，好煙韌，口感好得意。仲有一個都雜莓，佢有一個好特別的糖霜外殼，味道都唔錯。下次當我好想好想食蛋糕的時候都會諗起佢。…Read More