LJBee's Profile

每次去之前都book定檯因唔係咁多位. 坐位ok舒適, 兩人佢都盡量安排四人檯比你, 除非peak hour. bar檯亦好好坐唔迫.前菜係my favourite, 西芹, 粉葛,紅蘿蔔, 青爪, 椰菜(?)切條醮上隨海盬附上個隻啡色醬係好好好好味, 我成日想食多幾杯呢個前菜,要加多廿幾蚊. 但經常見鄰座客人完全唔食, 真係好嘥.每次去有幾樣串燒一定order.雞皮蝦卷-鮮甜海蝦用紙菜同燒到脆卜卜冇哂油既雞皮包住, 好味到不得了燒雞翼-燒得啱啱好, 皮夠脆, 但雞肉仍juicy, 係有時覺得唔夠味, 我就會加海盬露荀豬肉卷-用薄豬肉片包住露荀燒, 露荀好嫩又唔會燒到好乾, 亦未試過食到有渣其他推介 - 安格斯牛; 有時daily special有貴妃蚌, 墨魚咀, 柚子醬豬頸肉, 一定要試!宵夜時段 - 雞軟骨, 雞皮, 海蝦, 好抵食!由天后店開舖到而家, 水準都保持到, 記憶中冇乜失手既串燒, 諗起食串燒都一定係去呢度, 所以去到其他質素唔係咁得既日本串燒就覺得零舍差.…Read More

由細舖已經開始幫襯, 以前最鍾意食芒菓湯丸, 搬咗大舖後, 呢個甜品改咗個唔知乜名'阿旺芒菓湯丸'? 重要一星期得一日有賣,又好早賣哂. 有一次終於食到, 但係已經唔再好食, 所以放棄咗.之後就轉食芒菓二重奏西米露. 芒菓底西米露好足料, 係好杰芒菓茸打成底, 呢樣係一路都保持水準. 加鮮芒菓片, 芒菓每次食都好味新鮮, 只係有一次外賣番屋企點知個芒菓係澀味. 重有比其他甜品店芒菓西米露特別係加咗芒菓乾絲, 食落好有咬口 $26 價錢算ok, 好似由$24加到$26. 但個榴槤豆腐花就加價加得好犀利, 可能因為好賣. 由搬大舖後$26開始到而家$32.點解標題係musical chair? 搬咗大舖後, 去親都堂食, 唔駛好似以前咁買外賣, 但客人又多咗好多. 差唔多次次去都起碼調一次位, 有時兩次, 試過三次, 第三次個次我眞係食到發脾氣, 食個甜品要幾耐? 我每次最多只係坐15分鐘食完就走, 因為間舖雖然大, 但係位貼位, 背脊貼背脊, 冇椅背四方木櫈, 明顯想你食完即走唔好阻住佢做少幾轉strategy, 對我呢個客真係好work. 成日要d客調位, 好明顯係d員工安排入座有問題. 親眼見過老闆娘同個客鬧交, 因為個客唔肯調位, 個客人同兩位老人家一齊, 食緊豆腐花都食到一半, 個客都話好快食完, 但老闆娘堅持要人地調位, 好唔客氣咁話出面有客等緊丫嘛! 嘩, 咁都得! service真係扣哂分. …Read More

星期四晚八點鐘, 民聲條龍仍然晚晚都排到成條街咁長, 唯有又放棄. 行到街尾見到岬門口menu有海膽炒飯, 鐵板和牛就行左入去. (註: 門口寫鐵鍋和牛價錢$168都知佢吹水)入到去得一張檯, 再轉入一間房仔有兩張四人檯, 全店冇客, 都驚驚地.個waiter好好笑容好殷勤, 但好似唔太清楚間舖賣d咩牛肉, 鮑魚有冇入之類.點左兩隻oyster,$30/each, 我冇食, 所以唔知好唔食牛肉鍋$168-個牛肉鍋要用gas爐自己煮, 好似和民, 吉野家. 我order時問waiter係d咩牛肉, 純粹搞笑因為佢menu寫係和牛, 不過佢答得仲好笑, 佢話總之就靚啦 雖然佢最終都冇話我知d牛係邊部份同邊度黎, 但算啦, 百幾蚊, 入口又真係幾滑. 配菜有芋絲, 金菇, 好大塊冬菇, 2片紅羅白, 洋蔥絲. 個汁開始時幾ok, 但個鍋煮耐左,就算熄咗火, 之後變得太咸, 薑味亦太勁.扇貝$60/隻-原本order兩隻鮑魚仔, 後來先話今日冇, 問我地扇貝好唔好. $60/each. 上碟, 唔知個兩個係咪頭先oyster個shell,用番黎上隻雪藏帶子, 跟本唔係咩扇貝, 收$60隻比隻雪藏帶子真係超塭笨, 一隻連穀扇貝要幾錢丫. 個汁用千島醬加d粟米粒. 咸左d. 海膽炒飯 $158- 算係最ok, 海膽唔算多但起碼見到有幾舊. 好味&份量for兩人啱啱好.燒雞翼($?)- 燒得太乾, 冇乜味埋單$600, 唔知前菜碟豆收幾錢. 張單係手寫每個菜同$, 好創意. 其實如果唔係個扇貝咁搵笨, 我呢個食評係可以比笑臉, 但係比人咁揾笨, 我真係比唔到囉, 好彩你地都好好笑容, 但最好唔好不斷sell drinks, 我知drinks margin最高, 但我鍾意飲茶多d.…Read More

見有幾個食評都話呢度會被屈食貴價野, 好彩上次去既時候冇被屈. 可能唔係坐bar檯, 或被佢睇出我係冇錢比佢屈既.冇book檯, 只係行過想食日本野, 19:30walk-in本來冇位, 但有張檯八點半先有booking, 個waitress問我地兩人一個鐘後交檯有冇問題, 我地冇所謂就坐咗靠牆既四人檯, 坐位都幾闊幾舒適.因時間關係, 唔係叫太多野, 只係叫assorted sushi同稻庭烏冬. 連埋前菜.前菜係2隻瀨尿蝦加青瓜, 好新鮮清甜, 個酸汁亦好美味, 唔錯assorted sushi 份量比我想像中少. 不過個Toro真係好 肥美, 可惜得一片, 海膽係第二美味, 唔算少但如果呢兩樣可以x2就好嘞.加埋碗烏冬啱啱夠飽,扁身既稻庭烏冬係我至愛, 麵豉湯底味道啱啱好. 佢地有其他款式烏冬選擇, 但我冇為意因為我只會揀稻庭烏冬…Read More

趕住入場睇戲, 所以去food court搵食, 點知呢度買咗飛之後等咗15分鐘先叫到我張飛. 見佢d staff已經好快手, d餐出得好快, 原來係好多人幫襯, 可能係全太古城foodcourt最好生意檔口.第一次幫襯, 唔知叫咩好, 就試最多人叫既鐵板黑椒牛肉飯. 只係$39, 連湯, 加蛋$3,重可以加芝士.攞到餐後, 攞調味, 想拎d辣醬, 但佢擺響度個支剩番好少, d staff又忙到七彩, 跟住我後面d人又等住攞調味, 我都唔好意思唧哂d辣醬, 所以我個飯唔夠辣, 有d失色, 但都好好味.個飯係鐵板上, 個飯加左牛油同黑椒, d生牛肉圍住d飯. 一坐低即刻連辣醬伴勻個飯, 鐵板夠熱, 牛肉好快轉色, 亦同時聞到好香牛油同黑椒味.佢地好細心響個鐵板圍上一張紙, 所以拌飯時唔會彈到周圍都係.牛肉同飯份量都幾多, 加上有牛油, 臨尾覺得有d漏. 呢個價錢有咁既份量同質素, 真係超值! …Read More

Amigo has shown their excellent service when I call them to made the booking, the person who receive booking was polite, professional and patient, I have lots of questions regarding the arrangement of a birthday dinner, and he answered me politely and clearly.They have free parking and I just leave my car in front of Amigo, and the table they arranged was at the right hand side of the stairs, pretty private and quiet.We ordered set of soup, goose liver, prawn, steak, dessert...onion soup - not very traditional french onion soup, not enough onion and bread in the soupgoose liver - fresh and tasty, big portionprawn - sauce tasted good, fresh prawn cream brulee - finesorbert - okcake - free of charge, though it's mini size but it's very yummy. probably the waiter were busy on that night because they were very rush to light the candle and sing the birthday song in half a minute, I didn't even take enough photos of the cale.A bit disappointed as the band didn't come to our table.…Read More

order左一個A4和牛同— 個龍蝦一人鐵板餐, 之後見鄰座叫鮑魚和牛鵝肝二人餐, 好後悔呀!貼左個唔比影相標誌, 所以冇相post和牛-我要七成熟,都入口溶化, 好入味龍蝦-爽口彈牙, 大隻, 兩人分都有半碟份量帶子-冇乜特別大蝦-好好味炒飯-用和牛d羔炒,好香,乾身,成碗食哂龍蝦湯-ok dessert & coffee - cheese cake 好味, coffee very impress好service & excellent food, —定再黎…Read More

同朋友響OR揀左好耐揀左呢度同4個朋友gathering, 卒之係好後悔好後悔, 因為真係超級難食. 係我咁耐以來食物最差既日本放題.'大蝦'串燒: 好明顯呢個係搞笑之作 我見到呢款串燒真係呆左 或者係我見識少 我未見過大蝦串燒會係用雪藏蝦餅, 即係—隻捲成圓形既死蝦黎燒囉. 仲要有個大字, 如果你覺得港幣—蚊係大既話咪大囉牛肉串燒: 第一串分開上既牛串講真係幾好味, 但第二轉再order既居然可以味道完全同第一串唔同味道 甜好多之外 重[火農]好多 總之就失望啦冬菇: okok 係因為其他太難食所以呢樣叫ok蒜片燒牛肉粒: d牛肉唔知咩品種 近乎白色 得個un字 又係暖暖地咁 連d蒜片都冇味炸雞軟骨: d炸粉厚到完全可以將粒軟骨隱藏, 高招刺身order左三文魚, 赤貝, 螺, 甜蝦等赤貝夾上手軟賴賴咁, 除左唔新鮮冇咩其他原因螺OK甜蝦睇落亦唔新鮮, 夾上手亦知好極有限, 細隻, 軟到差d夾唔起, 食落滑潺潺, 如果為左食d咁質海鮮攪到皮膚敏感真係唔抵tempura蝦: 算啦 隻蝦係'枚'咁, 就算佢service好好再重新炸過一碟比我地都冇用, 因為跟本佢地既蝦唔新鮮 炸一百隻比我都冇用甜品: 上甜品, 我明明見隻杯裡面係—堆cream, 但佢同我地講係雪葩, 乜我地個樣似未見過或者唔知雪葩係咩樣咩?座位OK舒服,但太近隔離檯,咁橋又坐正響全餐廳最嘈個張檯隔離, 四位著得光鮮, 但講野好大聲同粗魯既女士.好彩一開始時我地揀食兩個鐘而唔係冇時間限既$198,如果唔係蝕多$30加一, 不過食d咁既野真係$68都嫌多,而家要比$168再加一真係超唔抵,呢個價錢有好多地方做到又好食好多, 今次當買個教訓, 同知道原來咁都可以開食肆. 日本食物新鮮好緊要, 材料新鮮都好難攪到唔好食,點解連咁基本既野都做唔到?…Read More

住响小西灣八年, 幫襯咗太興八年, 一路都覺得佢哋d燒味一d都唔靚, 义燒硬掘掘, 就算講明肥义佢都只係比硬义, 乳豬就層肥羔厚過層肉, 燒肉就d皮一d都唔脆, 唔知佢點可以叫自己燒味餐廳. 佢哋最近出咗個下午茶餐有個細嘅义燒飯就好似幾抵, 但午飯時間嘅燒味飯就又貴又難食.服務又差到九流, 你想揾d侍應永遠見唔到, 尤其下午茶時間, d侍應同d熟客傾偈坐埋同d客一齊, 又大聲講大聲笑,好似响佢自己屋企咁, 離哂譜, 當其他客唔存在.最離譜係今日, 我幫襯咗八年, 我次次去都用狗袋袋住隻狗仔入去, 由佢哋响細舖到而家都係, 今日入到去, 個侍應比咗張最入嘅枱, 坐低咗準備叫嘢食, 個四眼男經理魏志偉指住我個狗袋問係咪狗, 唔帶得入嚟. 隻狗响個袋度冚到實, 你都見唔到係咪狗, 加上咁多年嚟我都係咁帶隻狗入去, 如果你係咁嚴嘅, day 1 就唔好比我入, e家呃我幫襯咗八年. 我問個四眼經理攞佢老細個名同電話佢唔敢比, 剩係話佢叫陳生, 唔知佢叫乜名. 想阻止我投訴佢. 後來我响其他途徑知佢上司係地區經理鄧生, 再上係總監黎生, 咁点解佢同我講係姓陳呢? 佢冇可能direct report 比太興個老細陳永安先生啩!即日下晝即刻打比地區經理鄧生, 話半個鐘頭內覆我解釋, 但冇影. 第二日再打比總監黎生, 佢應承聽日下晝兩點覆我. 我對呢間嘢極之反感, 之前幫襯佢係因為呢頭冇乜嘢揀, e家寧願唔食. …Read More

星期五冇出街食晚飯, 就响樓下食算啦.凍檸茶 - 有一牌冇幫襯, 唔記得落order凍檸茶時叫少甜, 我响其他地方飲凍檸茶從未試過叫少甜, 但呢度嗰d凍檸茶真係超甜到呢 嚟到飲咗一啖, 甜到嗆喉, 我狂督檸檬, 希望補夠到, 但唔掂, 仍然好似飲緊糖水咁, 無辦法之下叫佢換過杯. 換番嚟, 應該係佢倒咗原本半杯, 加番d茶, 但冇換番或加番d檸檬. 之前已經督到d檸檬爛哂, 得番d皮, 你都唔加番d檸檬比我, 咁即係叫我飲紅茶啫. 唯一好嘅係夠大杯, 不過咁難飲, 請我飲十杯都冇用. 鮑魚雞粒炒飯 - 鹹到呢, 好似食salt咁. 我唯有响d飯裡面揾出嗰幾粒迷你鮑魚粒同雞粒嚟食算罷啦, 因為真係放唔到入個口. 已經叫佢換咗凍檸茶, 如果叫佢換埋呢個, 有d唔好意思, 橫掂唔係太肚餓, 加上呢度嘅換嘢作風, 我佢會拎走半碟炒飯, 加番半碟白飯比我...星洲炒米 - 呢個唔係我叫嘅, 上碟時見到 '嘩, 咁令嘅d炒米' 我試咗一啖, 未試到鹹唔鹹就已經成口油. 另外, d炒飯麵餐係唔包湯嘅, 要就加$10, 勁唔抵.…Read More

d嘢食越嚟越差. 下午茶魚蛋粉 - 雖然$17下午茶包熱都幾平, 但係唔駛咁難食掛! 碗魚蛋粉居然可以唔熱嘅 (試過幾次, 今次終於忍唔住要响度發表), 只係微温, 已經即時冇哂胃口, d河粉重要黏住一叠叠, 又靱咁. 煮嗰陣可能只係淥咗一秒鐘. 唯一可以放落口嘅係d魚片魚蛋, 雖然只係微温, 但係呢d可以唔煮嘅我先至放心擺入.凍檸茶 - 全藍灣廣埸最好飲嘅凍檸茶. 夠大杯, 多檸檬. 夠凍, 有茶味.之後嗰日去食晚飯. e家晚市冇咗以前d中式套餐. 轉咗做上海嘢. 轉唔係唔好, 但整得唔好就唔轉好過轉. 嗰次叫咗醬爆雞柳, 魚香茄子 (原來呢d係上海菜)一個字可以形容哂呢兩個餸 - 鹹! …Read More

茶軒開咗响藍灣半島都有好幾年, 因為住响呢頭, 耐唔耐都會去食吓. 呢度通常都有好多位, 餐廳後半部份長期'動'個牌話清潔唔比坐入去, 其實係得一兩枱有客人, 所以費事開.餐牌甚少選擇, 而且响呢個商場嘅食肆嚟講, 佢都比較貴. 一客滷蛋肉燥飯四十幾蚊, 呢度其他餐廳食到炒嘢.我哋兩個人叫咗個肥牛竹筒飯, 滷蛋肉燥飯, 2x芒果綠茶.佢哋d侍應同經理成日轉人, 所以好似好生手, 成日落錯單, 好似今次咁, 4樣嘢錯3樣.芒果綠茶嚟咗薄荷綠茶. 滷蛋肉燥飯嚟咗個排骨麵.肥牛竹筒飯 - 肥牛份量頗多, 個竹筒暖暖哋, 唔係太熱, d汁都幾好味. 洋蔥好香好'林'.滷蛋肉燥飯 - 半隻蛋, 肉燥都夠餸哂d飯. 但d飯就略嫌dry咗d.芒果綠茶- 夠凍, 有芒菓味. 但佢哋唔知幾時轉咗新杯, d飲品比以前細杯咗.…Read More

瑞士汁牛河今日去咗太平館食下午茶, 因為係weekday, 所以冇乜人, 個伯伯waiter比個卡位我坐, 寬敞又舒服, 冷氣又夠, 食嘢心情勁靚!個下午茶menu有好多樣嘢我都想食, 瑞士汁牛河, 瑞士汁雞翼,蝦多士... 因為都幾肚餓, 所以都係order最美味同飽肚嘅瑞士汁牛河, $50連凍飲, 加埋一都係$55. 抵到爛. 個河粉有好多瑞士汁, 牛肉又腍又入味, 超好味呀! 份量頗多, 當lunch食都夠飽.之後嗰兩日, 我都係去太平館食下午茶, 因為實在太想食瑞士汁雞翼同埋蝦多士.瑞士汁雞翼食瑞士汁雞翼嗰日, 我要拎個samsung電話去upgrade個firmware, 原本想食完先至去金朝陽中心samsung service centre. 點知落order時, 個伯伯waiter話雞翼要等起碼四五個字, 我猶豫叫唔叫d快d嘅嘢食, 咁早d去samsung 唔駛等咁耐, 但我又好想好想食瑞士汁雞翼, 所以都係叫咗. 我就利用等雞翼嘅時間去埋samsung. 我同伯伯waiter講轉頭嚟, 不如我擺低錢, 佢話唔駛啦唔駛啦, 我番嚟時見到雞翼已經嚟咗, 重用個蓋cup住. 可惜我個電話擺低咗响samsung, 影唔到嗰3隻瑞士汁雞翼(全翼)配薯仔(有得揀意粉). d雞翼非常入味同好腍, 但係因為係全翼, 所以好難控制, 除非用手食.蝦多士之後嗰日去攞番個電話前又去太平館, 食埋個蝦多士, 了埋個心願. 細個時好鐘意食蝦多士, 但係e家唔係好多地方有得食. 蝦多士嘅份量唔多, 大約半塊至1/3塊方包嘅size, 上面隻蝦都幾大隻, 橫誇塊麵包趴响上面, 塊飽炸得脆脆地, 如果冇咁燶會好d,. 伴碟仲有沙律, 估唔到好美味!好可惜未攞番電話, 又影唔到個蝦多士.食咁多次太平館(之前食過晚餐), 佢哋d食物都真係冇失手, 穩穩陣陣. 每次食晚餐都想叫佢哋嘅梳乎厘(又係唔係好多地方有得食), 但兩個人食, 份量好似太多, 食過嘅都知佢個梳乎厘係巨型嘅. 希望下次食到啦!…Read More

我哋經常去浣紗街食晚飯嘅, 小甜谷亦去過幾次. 今晚六點九去民聲食飯, 咁早係因為怕冇位有排等. 食完民聲去食小甜谷嘅芒果奶凍. 大約七點九去到冇乜人, 就坐橫街開大門嗰張枱, 但係好鬼熱, 就轉張埋邊嘅枱. 雖然當時冇乜人, 但係黏住雪櫃同近水吧嘅六人枱(兩張四人枱黏埋)都有一個同兩個客坐緊, 咁我哋就轉去走廊口嗰張四人枱, 當時有個職員响張枱上面擺咗好多甜品杯預備倒D甜品(好勁咖啡味)落去完後拎去雪. 個着白恤衫黑褲嘅男士(經理啩)叫我哋坐番去開大門口張枱. 我話因為好熱所以啱啱先响嗰張枱轉過嚟. 而且我哋兩杯甜品唔會阻你好多位, 當時又冇其他枱可以坐. 個倒緊甜品嗰位女職員重同我哋講唔好意思. 但嗰個所謂經理就不斷叫我哋轉枱, 隔離枱pair couple啱啱食完, 即刻起身走讓張枱比我哋. 我哋開頭以為個經理咁堅持我哋轉枱, 係驚我哋會汚染倒佢哋入緊杯嘅甜品. 如果係, 點解個經理唔叫佢個職員响雪櫃隔離張六人枱倒甜品呢? 因為當時張六人枱有一邊黏住個雪櫃, 我哋坐唔倒埋去, 六人枱嘅另一邊坐咗人. 但係既然我哋隔離枱走咗, 加上我哋以為佢哋咁講究衛生, 就算啦, 唔係我就會起身走人.點知當個職員倒完D甜品落杯, 預備將一叠放响櫈上面嘅杯蓋cup落D杯嗰陣, 有半叠杯蓋跌咗落地下, 我見佢執番, 完後照cup落d杯度. 唔知經理睇唔睇到, 但咁啱佢行去個職員度, 個職員又繼績將d跌過落地下嘅杯蓋cup落D甜品度. 真係大開眼界.雖然知道好多食肆都好汚糟, 但污糟得咁揚都係第一次見. 有好多侍應見有人望到都會換過D杯蓋, 當然如果冇人見到的話, 個侍應可能會執番嚟用, 但起碼d客見唔到, 冇咁嘔心.我幫襯過好多次, 但經過今日, 我都應該唔會再去, 因為e家有好多地方有好好食嘅甜品. 又唔駛比人order坐邊張枱, 又唔駛用d可能跌過落地下嘅食具. 或者小甜谷亦唔稀旱嗰$54蚊生意.講番個奶凍, 芒果少咗D, 得面個1/4層有. 個布甸嘅質地軟軟哋, 突顯到滑滑嘅感覺, 可以硬番ddddd咁多就perfect, 但都算係我食咁多次之中嘅好食之一. 有一次食荔枝奶凍, 就實得滯, 好硬咁.再有一次買奶凍番屋企, 十分鐘車程, 加埋上落, 最多十五分鐘, 返到去開嚟食, 溶嘅. 如果個布甸雪好咗, 擺响枱面十個鐘都冇理由溶啦, 最多係暖咗,變咗, 或冇咁好食. 溶嘅原因係佢哋根本D布甸未雪好就賣, 重衰到係將未雪好嘅比D外賣, 因為堂食會即刻叫佢換, 外賣嘅返到屋企都未必會返去叫佢換, 真係返去咪換比你講句唔好意思囉. D品質好唔穩定.…Read More

今日食打算過海去海港城行街, 有D肚餓, 都有一排冇去橫綱食麵, 去到出奇地唔駛等位, 坐响bar枱, 即刻叫番個九州拉麵义燒轉牛肉荀轉粟米先.(隻溫泉蛋係另加嘅) 都保持到水準, 肥牛又多入味, 個豬骨湯底又夠濃, 成個麵食哂, 連湯都清埋! …Read More