愛食貓's Profile

尋晚食飽飯之後，小貓男友想帶小貓去食糖水，附近又無乜甜品店，之前都o黎過2-3次，覺得ok，而且之前見到d人食雪花冰，好似幾好咁，所以想黎試下~行入去之後有職員問幾位，答左2位之後就帶我地去左張4人枱數分鐘後，決定好食咩，想叫人寫野，點知有個職員行埋黎，話轉一轉枱。ok，明白到間舖頭想做多d生意，咁得我地2個人係岩岩先坐低無耐，咪比佢帶左去近玻璃門既6人枱。當時已經有2父子坐最出面，個阿爸就已經食完既喇咁我地就坐一邊啦，之後就叫人寫野食，過左幾分鐘後，個職員姐姐又行埋黎話，同你地轉一轉枱丫有無搞錯呀，又轉，想點先，嬲到呢，既然佢唔想做2人既生意，咁不如去第2間食，所以即走！我地明白間舖頭想做多d生意，見到有3-4個客就要其他客轉位，但點解唔可以等果2父子食完先呢，而要不停將我地調黎調去呢食個糖水ja，無必要轉咁多張枱丫~希望大家唔會遇到d咁既情況啦~…Read More

已經係2-3個月前黎呢度買野飲，果日咁岩要出cwb拎野比frd，見口渴又未試過日出茶太，而且都ok多人買，所以就同frd每人一杯珍珠奶茶($12)~比左錢買珍珠奶茶，之後就企埋一邊等佢叫no.時有個菲律賓姐姐黎買野，見個收銀哥哥都幾好禮貌咁介紹佢地既飲品，服務幾好等左大約10分鐘左右，珍珠奶茶到手飲第1啖，咦，無茶味既我同frd都覺得奇怪，係咪load唔混呢?所以用飲管再搞下但都係無茶味 只係有d奶味，飲奶水又唔係，好唔知點咁惟一係珍珠夠彈牙，幾有咬口唔明點解咁多人排隊買，但可能除左珍珠奶茶，其他都好飲卦...…Read More

今日同frd要睇戲，4點幾，我未食野，咁行過見到有烏冬食，又費時行咁遠，所以就入去喇入到去見到d卡位都幾迫下，好似女人街入面某d咁食店，2人卡位係岩岩好架我order左個鰻魚配蕃茄湯烏冬+鳳尾餃我fd只係叫左個炸雞o係等緊既時候見到d餐具都係透明色既，幾得意下wor先黎個鳳尾餃，d職員無比碟子我地，所以我frd食左先，我就等埋個烏冬先一齊食但唔知點解d職員又無另外放2隻碟子o係隔離果張枱，但係無人既wor烏冬黎左，先飲淡湯先:(點解咁甜架...有無攪錯架鰻魚都幾大條，但有骨食埋個餃子，鳳尾餃即有蝦既餃子，但隻蝦好細隻囉我個烏冬食左一半，我frd個炸雞終於都黎到喇，一睇，個樣怪怪既，好乾同埋長條形既，佢都未放入口突然之間有個應該係經理既人埋黎話"埋單先丫"，唔該都無聲囉我frd話佢唔知自己食緊d咩，比錢食d咁既野total 78連加一86蚊，我地一致話早知行遠少少食其他好過…Read More

同好朋友一齊行街，我地2個都好鐘意食烏冬本身話想去火山石食烏冬，因為之前試過，幾好但我地2個出到旺角已經4點，成日未食過野，咁岩行過呢度，見呢度又係食烏冬，咪試下囉入到去，見到menu有個細烏冬，但因為我地太餓所以決定叫返lunch set我order左個豬頸肉配蕃茄湯烏冬+凍奶茶少甜 $3xfd order左個餃子配蕃茄湯烏冬+凍檸茶少甜 $3x另外加多個黑椒雞軟骨 $20先黎2個烏冬先，好香蕃茄味，但佢d椰菜同蕃茄比較生豬頸肉ok，個餃子其實味道同出面平時食既差不多，但佢熱辣辣，真係岩岩煎起，所以好味另外，個黑椒雞軟骨又夠熱，差d熱切個咀，味道都ok走時見到另1檯客食緊tea set，份量又真係少d wor，不過款式唔多囉，應該有下1次既，因為真係好鐘意食烏冬:)而且埋單都係1人50蚊左右，都ok抵可能我去時係tea time，所以無遇到服務員唔禮貌既情況~…Read More

呢度其實之前黎食過幾次，但因為懶既關係，都無寫到，但應該短期內唔會再去食lu第1次黎呢度，已經係大約半年前既事，係因為男友介紹，話呢度d牛扒ok，價錢又唔貴，所以黎試下，之後就間唔中會黎食一次上星期5，有野要過油麻地，所以之後黎左呢度食對上一次黎食，已經覺得無以前咁好，份量好明顯少左，所以今次再去，比多次機會試下星期5，基本上好多人，所以比左個角落頭位，咁岩又開始左台慶，睇電視既睇電視，傾計既傾計我同我男友2個都order左牛扒意粉餐，7成熟，上次唔夠食，所以今次問佢可唔可以多少少意粉，之後佢話要加2蚊，無問題丫先黎個餐湯，我地2個都叫左羅宋湯，同之前一樣，有少少辣，又有d牛肉粒之後黎左個蒜蓉包，夠熱，因為佢會整返熱，都ok既，唔會話淋，都脆既，所以趁熱食跟住佢黎左個小食 --- 春卷，之前次次黎食，都覺得佢炸得幾香，可能雖然係叫貨既，但起碼佢炸得好食，但今次一食，點解無之前咁脆既，無咁好食既:(可能一時失手啦之後等左一陣，就黎左2個意粉餐，佢真係多左意粉比我地囉，份量其實同初初黎食既差不多，牛扒同之前一樣好食，但唔知點解我果碟意粉太淋，試左男友果碟，佢果碟又岩岩好wor不過因為太餓既關係，最後都有食晒，不過d意粉太淋既話，其實真係好難食最後2杯凍檸茶，都係size細左既，用左啤酒杯，感覺好似無咁好埋單發覺唔知點解total加左10蚊，但應該凍飲加2蚊x2+意粉加2蚊x2=8蚊，但男友無為意，所以照比錢。或者係d職員1時計錯左，唔係為左2蚊，如果下次再有咁既情況，起碼會問下，得個明白。…Read More

星期六難得男友唔洗返工，所以決定周圍行下街本身已經經過左，但見到咁多人排隊，咪又8下囉原來佢寫住北角雞蛋仔以前住北角時佢未出名，所以無機會食，宜家又少過果邊難得響尖沙咀見到wor，咪買1底試下係咪真係咁好食囉~因為太多人買喇，所以其實佢都係即叫即整既，排左3-4個字，付出左12大元，接左哥哥仔既1包雞蛋仔食第1舊，e...無咩料到既，指既係雞蛋仔入面，入面係空心既，面頭係脆既係愈食多中心位開始覺得會好d，無咁空心囉咁同我o係其他地方是但買1底有咩分別呢？我又唔覺得特別香囉，可能係我唔識得欣賞，但唔值得專登要我排隊買囉或者佢其他野會好食呢，下次有機會而又唔洗排隊既話，可能會買下格仔餅黎食下~呢個喊面係比雞蛋仔既~…Read More

前晚同貓男友黎食米線，因為想食酸辣米線，所以又再黎喇~入到黎坐低發現加左價(加2蚊)，因為次次黎到食2餸米線係26蚊，今次要28蚊:(佢有個小鍋米線，但就無辣既，所以加左價都照叫酸辣米線我要左個牛展同腩肉，小辣男友本身想叫豬小肚，但果個伙計話賣晒，聽日先有，上次黎食又係無，所以最後叫左豬軟骨同魚腐，中辣樣樣餸都幾好，係魚腐麻麻，但當我地食到6-7成時，突然好似廚房有把聲話有豬小肚呀，之後仲話成袋O係度呀有無搞錯呀，D伙計點同廚房溝通架，點解D伙計問都唔問就可以答無架，唉...…Read More

星期日同左男友行街，未行之前當然要醫飽個肚先啦由於對通菜街幾間食店都無大興趣，行行下見到新森林焗之專門店好似都ok，o係門口睇menu覺得好似幾抵食，咪入去囉叫左2個tea set，1個好似係燒排骨香草意粉，跟雞肉串，飲汽水另1個係焗肉醬意粉，跟麥樂雞，飲凍奶茶先黎飲品同小食，汽水係正常罐裝汽水，凍奶茶，個色無問題丫..但點解無茶味架咪奶水無奈雞肉串，乾到唔乾，個麥樂雞好難食，仲難食過自己買返屋企炸果D...算啦，下午茶跟茶既小食無得要求咁多既喇惟有咁諗，覺得個意粉應該會幾好既，先無咁嬲先黎個香草意粉，份量好小，不過又係因為TEA先至得咁多份量個意粉無味既，係果2-3舊燒排骨有少少汁溝下先有返少少味，食左2啖望1望個店名，弊！叫錯野，呢間叫焗之專門店MA，應該叫焗野先岩，所以可能其他野先無咁拿手，所以對個焗肉醬意粉都幾大期望。個肉醬意粉鐘意黎喇，黎到一望，好明顯焗過籠，撈混之後先食，好失望囉:(嘜D蕃茄醬好貴咩，點解唔夠味架，所以只好問佢拎茄汁自己DIY，雖然唔係咁好但真係食唔落MA，佢係比1包包既茄汁，落左2包再撈混佢再加少少茄汁落個香草意粉度好味左好多囉，先可以清晒D食物雖然話一分錢一分貨，但我唔覺得佢有誠意囉，所以一定無下次囉！！…Read More

早幾日，小貓既男友提議掃街，咁開心，為食既小貓點會唔應承丫小貓同男友話o係openrice見到好多人都介紹呢度既生腸，之前都唔知個位置架。搵到之後，但因為小貓唔太鐘意內臟，因為覺得好難食同埋有陣味，所以都唔敢買黎食~~咁貓男友就提議不如一串細既生腸再加個細墨魚比我試下好彩果日人唔太多，所以好快就買到買完之後見到兩串野一樣既色，一樣既醬既，咁食落咪無咩分別？@_@食左個墨魚先，無d人講到咁好味，有少少似食緊膠，比較難咬d:(之後到生腸喇，嘩嘩嘩，無介紹錯呀~好好味囉，估唔到生腸係咁好味既囉，而且佢個醬又好味WOR，所以我地決定都會再黎食佢呢度既生腸題外話，貓男友見到我食完仲好似唔夠喉既樣就提議不如再買多D比我食，但因為仲要留肚繼續掃街，所以惟有下次再食。…Read More

早幾日難得好友放假又肯過海，咪陪佢四圍SHOPPING囉~本身對呢間舖無太大信心，因為豬朋友告知份量較少，但因為小貓有到過沙田同奧海城呢2間分店，所以即管入內試試啦...小貓叫左個蕃茄豬扒湯鳥冬貪佢抵食，而且我又鐘意蕃茄湯好友叫左個咖哩牛肉湯鳥冬另外叫左1個餃子同埋墨魚餅一齊SHARE~我個蕃茄湯好濃囉，3間之中最濃係呢間，又好味，但個吉列豬扒燶左朋友亦覺得個湯底幾好，但配料普通墨魚餅幾好味，又夠熱。但餃子麻麻，因為好多油不過應該會再黎呢間食，因為好似附近無見到食烏冬既...最多下次試下其他野…Read More

去左戲院買左飛先，成日都未食過野，記得吉野家下午茶都6點，所以過左黎食下午茶一坐低個阿姐就即刻黎抹枱先:)男友要左細牛飯+汽水(19蚊)d牛肉好似無以前咁好食，睇落去乾爭爭咁，不過可以叫佢比牛肉汁，都不過不失既小貓要左牛肉鳥冬+汽水(20蚊)烏冬無左我第1次食時咁煙un，都已經忘記左o係邊一間喇，但都ok既。最後要提既係，唔知係咪得下午茶啦，買1個餐有1個印，儲齊5個印，可以換1個細牛飯，但只係到28/6為止。…Read More

尋日睇戲前KFC派COUPON，所以晚餐就決定食KFC，因為都好幾個月無食過喇今日叫左個2人餐，有2件炸雞+2件蜜蜜燒雞翼+3條炸雞條，仲有2個飯同埋2杯汽水，有COUPON都要69蚊，原價唔記得幾錢喇本身睇圖覺得個餐好似幾抵食，但當D野食黎到之後，份量係唔多既因為佢得返1件蜜蜜燒雞翼，所以用炸雞黎代替，基本上炸雞條同炸雞係同一樣野，只係形狀大細之份，但食落無分別，食時依然係滴緊油，可能食慣左啦，不嬲KFC D野都係咁多油既，所以都係普普通通啦，無話好定唔好既但要提既係個飯，1個磨菇飯，1個雞皇飯，磨落飯無特別，但唔知點解個雞皇飯好粉，食得好辛苦汽水得返無糖可樂同埋7-UP，所以選左7-UP...應該下次如果再食KFC既話，都唔會再黎呢間既喇...…Read More

已經係上2星期前既食評喇，同男友去左葵芳，忽然之間好想食米線，又記得呢間食過1次，覺得幾好味，而我同男友都鐘意食酸辣米線，咪再黎囉。男友叫左腩肉+墨魚丸，要左中辣(26蚊)試左腩肉，幾好味，墨丸就都係普通味小貓叫左雲吞+牛丸，要左小辣(26蚊)雲吞就穿左既，所以食得麻煩左d，牛丸都係無咩特別未落單時d冷氣吹到正，凍到震，但食米線時，已經無呢種感覺喇，食落好似第1次好味d，可能係今次唔夠酸卦特別要提既係，埋單比錢時，明明應該係52蚊，但唔知點解個阿姐o係counter 度另外拎左張紙，話應該係53蚊先岩，話外賣加1蚊喎，但明明我地只係堂食，所以要等佢check返先收我地52蚊。…Read More

呢個已經係星期日既食評，宜家補返先...星期日同frd o係附近行街，佢又話想食鳥冬，呢間之前都食過幾次，見到其他其他食家講到服務咁差，都有d懷疑係咪呢間，可能係我好彩幾次都遇唔到啦，咪帶佢黎試下囉 雞扒+鴨匈烏冬，飲凍檸茶另外再叫在1個希靈魚壽司同特長三文魚壽司share~希靈魚壽司：普通，因為食過更好同更差既特長三文魚壽司：無咩特別，真係長同正常厚度囉，宜家出面好多都切到好薄咁烏冬都夠熱，野食係正常一杯凍檸茶，夠茶味同檸檬唔好預佢好好食啦，起碼飽肚，都會再黎既服務無問題，起碼無話侍應唔應人同埋次次都唔見果個好惡既女人既(據聞係老闆娘)又唔會話趕你走丫~…Read More

呢次係我第１次寫食評～點解會係呢間作為我第１篇食評呢？可能真係好似標題咁，希望太大啦~見到呢度既人都無比過劣評佢，d野又平，所以好想試好耐lu~尋日貓主人無飯比貓食，貓妹就話帶我同佢男友o係附近食野，咁我地個個都鐘意食壽司，咪上中環四圍搵下囉，點知原來就係我想去好耐囉@@o係門口見到起碼有4-5個職員企晒o係度，仲有幾個職員入去，都諗緊入唔入好，但我真係好想試下，咪入去囉。原來係要上樓上雅座架，全場計埋我地得3台客，好驚囉...我地叫左希靈魚壽司 $12 (我既至愛)鰻魚壽司 $12火炙三文魚腩壽司 $16鮮帶子壽司 $18蟹膏軍艦1件 $18牛油果軟殼蟹手卷 $16芝士天婦羅蝦卷 $48吉列炸生蠔 $36櫻花壽司盛 $88(有花之戀，鮮帶子，油甘魚，吞拿魚，鰻魚反卷)先講壽司先，希靈魚：係我既至愛，但呢度食落都唔爽同脆既，無晒口感，好失望。鰻魚還可以，無咩特別。三文魚腩：普通。鮮帶子好薄：薄到我仲以為係墨魚黎架，但個壽司盛既帶子size反而ok...好奇怪蟹膏：貓妹食，佢無講，所以無評語。牛油果軟殼蟹手卷：又係貓妹食，但佢話第1啖d紫菜有汗味，之後又無喇，好驚...芝士天婦羅蝦卷：我覺得size對比出面其他卷物係細左，但唔知係咪呢間本身係既size呢？生蠔：幾好，夠熱吞拿魚：一拎起片吞拿魚點豉油就發覺舊飯好紅@@片吞拿魚有血...花之戀，油甘魚：普通鰻魚反卷：ok啦，夠熱囉分2次叫，食完其實我都未夠飽，但d壽司真係唔太得，熟食都ok既...唉...睇圖同menu d野真係好吸引我架，特別在有希靈魚壽司，因為唔係度度都有架，但真係好失望囉，或者唔抱希望去食會好d既，因為o係中環地區又或者同出面比啦，d壽司都係算比較平架，比我唔會再去啦，不過傾計都ok既，因為小人ma，所以佢唔會趕你走...3個人食左$266題外話：佢對面又有1間壽司店，以我記憶中，應該開左無耐，上openrice都search唔到，等我下次去試下先...…Read More