Wendy K Tse's Profile

約咗朋友到尖沙咀Royal inn食午餐，食物味道好食，午餐set抵食，order 咗香煎海鱸魚及蜜汁豬肉眼，肉好食又唔韌，加咗$28叫咗個龍蝦湯，味道唔錯，不過可惜湯唔夠熱，只是微暖，有點失色。餐廳座位舒服，可惜有限餐時間90分鐘，所以要找另一個地方下午茶，下次會再到餐廳試下午茶😉…Read More

西貢好多西餐廳都幫襯過，今次揀咗呢間小店都有驚喜，之前睇咗網民食評後，試咗佢三樣食物，都好食😋👍最後order埋兩杯咖啡打卡☕️整個餐就好圓滿啦🥰🥳🥳食物用心製造，服務周到及細心，會主動添加水，雖然沒有+1服務費，但仍然友善招待👍會再來🥰…Read More

荃灣海之戀彩會軒酒樓幾乎每星期都會同家人飲茶，因為彩福集團點心都有保證，地點方便，而且今次有親戚由英國回港，所以特別約咗喺呢間酒樓飲茶，唉！今次竟然食了一半的豉椒排骨發現有隻小強🪳且size亦不是太細隻，立刻把嘴裏的排骨吐出，大家都感到很嘔心，其餘啲點心都無胃口再吃下去了！亦立即反映給一位女部長，但反應冷淡只是想盡快拿走碟點心便算數，一聲道歉都沒有，所以永遠都不會幫襯了！曱甴在點心裏出現，真是最低級嘅錯誤！失敗！…Read More

今個月已經第四次到此餐廳食午餐，每一次都係專登帶唔同朋友介紹這間餐廳，原因係食物水準好，環境舒適，係一個不失聚會嘅地方。好可惜，今日亦是經OpenRice訂位，因為朋友生日我邀請佢試呢間餐廳，所以特別訂位註明生日敍餐，可盡量安排窗邊卡位座，但reception那位短髮男侍應堅持客人不可以指定座位及卡位坐只可供三至四位客人用，第一次reject我是由於有雜誌影相，第二次見有空位再要求卻再reject我就是有人已訂了座位🙁因為係閑日而且餐廳沒有滿座我覺得那位侍應是刻意不讓這座位給我們，（算啦，我每次到餐廳見這位座位都多數是兩人坐）所以今次嘅經歷令到我好唔開心及失望！咁算啦，唯有搵一啲服務質素比較好嘅餐廳，因為我都支持本港消費嘅！但係都希望物有所值🙁🙁…Read More