KEE@的个人专页

午餐想食雲吞麵，但呢邊冇邊間食過（全部一般）行到見到呢間新店，就試下啦！叫左椰菜雲耳肉湯餃。看到相，不用多說都明白。聽到隔呢坐兩位不停讚炸醬麵同煎餃好食。下次會再試下。…查看更多

環境舒適，精心佈置，地點方便食物味道適中（我個人喜歡不太喊嘅）每款份量都適合，食完都好飽看以普通，但又別有一番風味！心思千其唔好將「鼎會館」同其他酒家比較，1-服務生 有禮貌，細心（不時入嚟加茶）2- 食品味道好個人口味（我覺得好味）…查看更多

一行4人晚上訂左位去試新嘢（有限時）第一印象真係好重要，員工有禮貌，落單唔明（因為係放題，但比張好大嘅紙落單），好樂意慢慢講比我地知。叫左個湯底先（紅燒牛肉）辣嘅，第一口當然試下D牛先啦！好淋好入味👍🏼跟任食餐有兩份牛仲有呢份嘢（明明4位，點解每樣得3件呢，呢個就係一開始講要問清楚個職員嘅問題）我地叫左3份呢個+ 1份滷水 （所以就係下面圖片）加左30蚊飲台式特飲整體食物質素好好，食曬枱上面嘅野都已經好飽啦4個人4條…查看更多

唔係一次兩次，係其他同事去過，多次去到都係咁差服務（由攞飛開始）好耐冇去，諗住試下有冇改善啦！13:20到（奇怪冇人等位喎！）企左係門口，攞埋飛。（全場員工，冇人抬起頭，有小小故意唔理門口）因為唔想入客咁（又係嗰句，唔係第一次囉）等左陣，我望見入面有張吉枱。有個穿白恤衫（感覺senior D)人行出嚟（一路都望我唔到）到佢望到，我表示2位，佢話等等，抹緊枱（好悔氣）但佢轉身行左去，唔係抹枱囉！唔知走左去邊。好想貴公司正視一下員工嘅行為，嚴重影響整個品牌（一直以來和民建立形象）…查看更多

坐得唔舒服，枱好高12:15到冇咩客，都有6枱客兩位男待應只顧著同佢嘅同事傾計（中間夾著好多粗口）我叫熱🍋水（佢話：有落糖咁你要唔要啊！）聽到我一頭霧水（其實係茶檔會幫客落糖）係咁問我（咁你要唔要啊！）落單都勁冇禮貌囉！（兼我左住佢地傾計）直到埋單連「多謝」都唔識講可能40-50食餐午餐，就係得咁嘅服務啦！…查看更多

本來我同老公係葵芳新都會行街街，7pm諗住去食元氣晚餐。點知攞票627，當時叫緊520（但點睇，嗰度都冇100人）只好再找找有咩好食啦！比老公搵到荃新天地「鳴門」，好啦！🚙馬上揸車過去超好彩8:00去到唔洗等位啊！覺得服務好好（員工好有禮貌）睇下我地食左咩啦！海胆好甜又大份呢個生蠔海胆刺生都係$2xx鵝肝我咬左一口，都好正生蠔好新鮮，老公後加兩只生蠔$118/2食物質素好，服務好 大家都去試下啦！…查看更多

堂食$268 細煲外買$240 （有8折）送生菜（跟禱足料（有枝竹，馬蹄，白蘿蔔，羊腩）好好味，食曬唔記得影相3人食都食唔曬，第二日當一個餸加蘿蔔，枝竹再食舖頭比較家庭式經營，親切友善…查看更多

返到屋企冇飯開，為有落街攪掂啦！行到西九龍搵到呢間店！叫左個中式晚餐$58有湯有餐飲食物上枱熱騰騰好肚餓食物冇影到相叫左西湯蘑菇湯（好濃好味）芥蘭炒牛肉 （少少香辣味，牛肉好淋）白飯（軟硬適中認真㗎有好多餐廳個白飯好硬唔好食）下次冇飯開，都會再嚟…查看更多

今日好想食個All Day Breakfast,老公就搵到一間位於佐敦嘅！我地揸車去到好彩泊到車。但唔好彩係原先想食嗰間要等位，等左10分鐘，老公向後行發現呢間有All Day Breakfast仲好多位。就試下啦！等我介紹一下佢個All Day Breakfast有咩食啦！( 好滑的炒旦，豬肉腸1條，雞肉腸1條，煙肉，煙三文魚，茄汁豆，大磨菇，沙律菜，小小牛角包) 因為我身懷六甲所以我嗰份走左煙三文魚milk chocolate原來間間餐廳的配搭都唔一樣。呢間餐廳的All Day Breakfast 幾啱我們的口味…查看更多

老公話要去又一城睇下佢駕dream car...我就想食小籠包，於是晚飯就去左王家沙。見到有好評所以先嚟從來未食過呢間嘢，想信都會係唯一一次囉服務員不過不失，有進步空間坐低叫嘢食 (叫左小籠包，蔥爆牛肉配薄餅，咸肉津白) 等左20分鐘終於有得食小籠包 (好肚餓冇影相啦).....味道就失望，小籠包裏面冇湯汁嘅 D皮又厚其他餸每碟份量都好多，但唔好食呢！另一最大問題係，佢上到嚟每個菜都唔係熱辣辣(得擔擔麵同菜麵係熱辣辣)-蔥爆牛肉配薄餅 -唯獨呢個叫合格，但D薄餅上到枱都唔熱-咸肉津白- 沒有咸肉的咸香味，好淡又係唔夠熱之後加左擔擔麵同菜麵，老公話擔擔麵得麻將味道沒有辣味香味，而我個菜麵-麵身沒有彈性，食下食下仲有D糊狀…查看更多

今日嚟開大窩口開工，當然要捧下紅茶冰室場啦！有次放假去左太子分店食(都係大窩口好味D) 其實我唔鍾意D餐廳將火腿通粉變左做鮑魚絲火腿通，所以好少叫A餐囉！早餐B見到件多士唔洗多講都估到啦！香牛油味又夠脆，旦夠滑牛肉淋滑，沙嗲味好香展開美好的一天…查看更多

Happy Friday...好怕星期五約朋友食飯，大部分餐廳都得90分鐘用膳，想同朋友傾多陣都唔得。咁啱連續兩個星期五都約左朋友食上海菜。有感而發想將呢兩間餐廳比較一下小南國 - 旺角新世紀廣場分店訂左枱7:00 -2位 (坐低冇同我講要還枱，8:15迫我埋單) 叫左小籠包，糖醋骨，火腿津白…後加上海粗炒 埋單$379 (服務 2分 食物 2分 ) 小南國- 食物份量小，上海粗炒炒到一pat 嘢唔想多講四個字--貴夾唔飽翡翠冇訂枱，7:15坐低-2位 (食到10:15)叫左四國烤麩，煎素鵝，煎鍋貼，回鍋肉併薄餅，上海炒年糕 埋單$330 (服務 4分，食物 4分)兩間餐廳比較下個人比較喜歡翡翠食物 -四國烤麩同出面食到的不同佢係熱的，之前食過多數係冷盤。煎素鵝-裏面夾冬菇煎得好香唔油。煎鍋貼4只-皮有小小厚，但味道好食嘅。回鍋肉併薄餅- 薄餅厚左D，回鍋肉唔會好喊，兩者夾埋一起味道適中，上海炒年糕-年糕好Q唔痴牙(咸味適中)呢坐大廈有好幾間餐廳，選擇多所以今日星期五呢度都唔爆，入坐率7成。旺角星期五咁的入坐率算差。但食物出品每個菜上枱都熱辣辣，服務員有禮貌。值得讚下他們的員工有人覺得呢度份量小，老實講每個菜你預分比4個人食啦！6個人多就會覺得小囉！每個菜的份量適合2-4人去食飯，我地2個女仔叫5樣嘢先$330，我覺得價錢合理。…查看更多

放假老公瞓到2:00pm先起身，佢沖完涼，我地就落街醫肚啦！老公話帶我去試新嘢！(似為有幾特別)去到發現。哦！呢間，其實之前都想試不過冇人陪我。終於可以試到啦！:)去到2:30剛剛好有lunch 又有Tea set。lunch set大約$48-$90，Tea set就$38-$68老公叫左 lunch set (意大利肉醬長通粉，餐湯磨菇湯，多士，凍OT) 我就叫左Tea set (焗豬扒飯，熱O水)好快磨菇湯就到(熱辣辣) 之前有人講過個湯仲有磨菇肉唔會打得太溶，飲落好香等左陣長通粉到我個焗豬扒飯未到，食啖長通粉試下味先，我覺得佢個肉醬汁做得好好味(食完唔會覺得好喊，有D肉醬汁食左幾口就好想飲水，但呢個就做得剛剛好又有芝士香味)到我個焗豬扒飯啦！肚餓到食左半先醒起要影相(算啦唔影啦) 同樣個茄汁剛剛好唔太喊，不過我覺得多汁左DD，可以少返D茄汁就好啦(純粹個人口味) 豬扒就不過不失整體而言午餐同Tea 收呢個價錢，食物質素和味道都係中上，所以覺得物有所值。環境舒適…查看更多

今日同老公拍拖，2個人12:30到等位等左30分鐘有位啦！😊2個人叫左4個點心(這不是春卷，鳳爪，牛肉球，蝦餃)首先講下服務先啦！好耐冇見過一間酒樓面對繁忙的茶市依然做得咁好👍(例如，一坐低枱已放好位，問開咩茶，立即有人跟。 落單-員工會留意每枱客人，好快走到你身邊接過點心紙) 我覺得只係呢兩點，有好多酒樓都未必做得到。所以覺得呢間酒樓的員工做得好好。經理方面都好好管理/安排員工工作(值得讚👍)食物方面4款點心都好有水準，基本上上到枱都熱辣辣(牛肉好滑，蝦餃D蝦好彈)會下次再嚟飲茶…查看更多