YuenCherry's Profile

鍾意食鰻魚嘅我對鰻魚要求好高炭燒鰻魚聽落好吸引期待左好耐黎食但有小小失望可能咁啱我呢條鰻魚比較瘦所以食落去既質感唔夠正但我鍾意食個鰻魚汁我都另外試左白燒鰻魚唔係脆口！唔推介！焦糖玉子燒好食雞皮乾身還可以價錢唔算太貴所以呢個質素可以接受但服務非常一般晚上6點半入面有一半枱都係吉嘅但都要安排搭枱咁坐座位非常迫，無位擺袋走嘅時候都係一半枱都係吉嘅落單嘅時候，寫單嗰個態度麻麻哋唔想太貴食鰻魚飯都可以一試😊…Read More

上網搵下元朗有咩好野食！見到呢間爆辣冷麵，辣汁仲要係秘制！梗係要試一試！仲要係試最出名既 #爆多蟹籽冷麵 （$40）！本來想試下個小辣，但哥哥仔話小辣巳經好辣！我即刻轉左BB辣！哈原來BB辣都真係幾辣！應該等於平時出面既小辣！個辣味係好食既!仲有幾既蒜味！鍾意食蒜單味嘅朋友應該會好鍾意❤️但蟹籽真係好多，同個冷麵個醬都好夾！今日天氣勁熱，但呢個冷麵天氣咁熱個陣好啱食！即刻開胃左！果言名不虛傳！值得一試！…Read More

試左#肉鬆起司蛋餅 （$36）#袓傳滷肉飯 （$38）#甘蔗青茶 （$24）跟餐有半價推介 #蛋餅 + #青茶，超級推介 #肉鬆蛋餅 真係好好食😋鍾意食肉鬆既一定要試下！蛋餅個皮夠煙韌口感，肉鬆鬆化，連我老公平時唔係咁好呢d小食既都話好食！青茶叫左走糖，清新解喝，最適合夏天飲滷肉飯個蛋煎得好好，蛋汁爆出！但滷肉飯唔算太驚喜！可能係我重口味！可以再濃味小小就更好！台灣人親自整既小店！真係有台灣的味道！有小小位堂食！我就外賣上車食！…Read More