WinnieWongwai's Profile

不解釋，明就明。。。金髮主管高高在上，所有出錯都係客講漏，無講，客人無知。。。彷彿我要在此生活，工作才知點叫食物才會正確。唔該各位下次諗好晒無出錯嘅台詞才好下單！…Read More

有一年沒有來大澳了。急不及待要再來吃，廚師應該不是上年那一個（我覺得），食物質素提高了。大澳其實仲有很多不同的食物小店，但山長水遠來到，很想吃一點大自然氣息嘅cafe, 而不是四處都有嘅茶餐廳。咸蛋黃卡邦尼意粉香到不得了，一上枱嘅時候，香味立即飄來！小小creamy, 相對外間的卡邦尼，佢算係少汁，但倒是合我心意！味道濃郁豐富，配上少量雜菌的清淡，反而剛好平衡了。水牛奶芝士薄餅+辣肉腸+三文魚很貪心加上很多配料。。。餅底簿脆不油膩，淡淡芝士香，配料一點都不吝嗇，每一啖都滿足。慢煮雞胸沙律嚇了一跳，很多很多蔬菜，慢煮雞胸大大片。。。相信一個正常女仔都未必食得哂。。。很多雨衣甘蘭，很爽脆，其他嘅生菜雜菜都好新鮮。雞胸配上黑椒，少少辣，不過配上大量蔬菜之後，很清新。香茅檸檬特飲朋友的飲品，很特別是冰塊都是檸檬茶制成的，所以飲到最後都沒有變淡，酸酸甜甜很醒胃。紫貝天葵接骨木花梳打完全係喜愛它是粉紅色，味道有點特別，有香草味又有花味，很清新。柚子芝士蛋糕酸甜軟滑，作為一餐嘅總結，很好。…Read More

好朋友都跟我一樣4月生日，所以兩個女仔就找一些甜美的地方一齊慶祝！店內有兩個鳥籠坐位，如果需要坐既話一定要預早預約，不過其他位置都好舒服，只是其他枱與枱之間相對比較近，未必有足夠私隱度，幸好當日不是假日，所以比較少人，可以多點私人空間，四處走動拍照亦得不太騷擾客人！二人afternoon tea set.當然沒有酒店嘅水準，但亦十分精緻，味道不錯！店員有細心解釋食物的製作及配那款醬汁，感覺很認真。如要寫生日語句，必須另外點甜品，因為喜歡粉紅色，所以點了這款心心餅。味道不太豐富，不過氣氛勝於一切。鳥籠拍照真是美輪美奐。因為慶祝生日，店員送上生日頭飾給我們。加錢點的特飲。店內有不少影相的位置。總括而言，食物比較普通，不過如有慶祝活動，這裡氣氛很好。…Read More

我生日，要食好東西！！餐廳一定要預約，沒有walk in的，要留意噢！預約過程非常詳細，睇得出以客為本，他們有詢問有沒有什麼東西不吃？包括香料，生熟的接受程度，蔬菜。。。務求做出的食物及配菜都盡量滿足客人，很貼心呢！餐是“套餐“，以人頭計，大約每位＄800至＄1500，視乎吃什麼主菜。套餐包括了餐包，沙律，餐湯，主菜，甜品。看似普通，但絕對性價比高，而且吃到飽飽的。服務很好，會等你吃完每道菜才適時送上另一道菜，可以舒舒服服同朋友傾下計，聽下音樂（當日播的都是英文老歌），氣氛很好。店員會過來傾下計，但絕不騷擾，可以好好享受一下優美的一餐。頭盤自家製麵包（二人份）軟綿綿，帶一點煙韌，上面滲上應該係碎芝士，配上火腿，醋油，簡單但美味。頭盤沙律（二人份）蕃茄分別來自日本，荷蘭，有不同味道及口感，蔬菜新鮮爽口，配醋進食，清新開胃。餐湯由於不吃南瓜，所以餐湯被轉為什菌湯，豐富嘅什菌打碎成蓉，配以少量黑椒在內，一匙送入口，層次豐富。另外點了一枝啤酒，店員介紹是用釀製whisky 嘅木桶而造的（唔知有無聽錯），易入口，淡淡蘋果香。主菜（二人的主菜放在同一碟）威靈頓牛＋烤羊架威靈頓牛做得很紮實，並沒有一切便散開，牛肉鮮嫩多汁。烤羊架嫩滑而沒有臊臭味，不過我本人比較喜歡煮熟一點，因為我最喜歡的部份就是邊邊烤得比較熟的位置。。。可能應該是廚師的堅持，所以不做我要求的七成熟。。。個人認為肉質鮮美，廚師優秀的話，並不存在只有生肉才是可口。。。不過整體是精彩的！要提一提配菜的羽衣甘蘭是炸過的，很香脆而沒有了草青味，讚！二個一人份量放在一盤，份量很足夠。因為生日，男朋友要求餐廳升級要整個蛋糕（當然要加錢呀）芝士蛋糕，軟滑有質感，沒有坊間的蛋糕偏向死實實的，甜度適中，淋上用了200粒不同莓果煮成的醬汁，食到了心思。店內不大，每次只做幾枱客，有些角落都可影相留念。…Read More

下午1點45分，我和兩位女士一齊行入店。入到去，前面兩位女士同職員交涉緊，我就喺後面等。有電話，我行返出去講咗一陣，唔夠一分鐘就入返舖頭，剛剛嗰兩位女士就準備坐底。我同職員講“唔該兩位“，個職員同我講“唔可以入人啦“。我好驚訝問 “點解呢？我同前面嗰兩位女士一齊入嚟，差一分鐘就唔俾入？？？“職員答我“老細啱啱同我講唔可以再入人啦…“我除擘大個口得仲窿噤望住佢之外，都無咩可以做，唯有走人... check返營業時間，又無寫話中間會落場喎...我見FB話呢間新開分店，啲人啲comment又講到好期待食噤，就特登約朋友嚟食，點知...... 下次都唔知再嚟唔嚟好，點知會唔會突然呀老細唔想做生意......…Read More

放假就是要到戶外走走，盡量呼吸新鮮空氣。自問沒有毅力去攀山涉水。。。到大澳輕鬆行一轉是不錯的選擇！落船後，過子大澳景點橋，走走看看十分鐘左右，見到一個很有意境的餐廳名，是吃cafe小食的，亦都有意粉類，不過我又不餓，所以沒有點來食，但見旁邊客人的意粉，很精緻，下一次再來大澳要嘗一嘗！水牛奶芝士巴馬火腿薄餅🍕Pizza底是脆薄的，我平時比較多吃大型連鎖店的厚Pizza，不過今次這個做得很好，脆得來唔乾，再配上豐富的芝士及蕃茄蓉醬，吃了沒有膩的感覺，巴馬火腿厚簿適中，咸咸的令整個Pizza 更添咬口。鹹蛋黄豬肉腸配腐乳薯蓉🍖見到食物名就已經立即選擇了，很特別！豬肉腸很飽滿，內有大大粒咸蛋黄，有驚喜！腐乳薯蓉值得一讚，薯蓉內有小小的薯粒，加上淡淡的腐乳香，相信平時不吃腐乳的人都應該接受到這個味道。小提議：一小片豬肉腸再加一小口薯蓉一齊食，感覺更Juicy! Thai iced tea🥂泰式奶茶，香滑。Mojito 正常，解渴一流。小小的打卡位🛖…Read More

間唔中都會在apps搵下有什麼又好食又抵食, 無意間發現Barg 6:30pm 有50%off !!! 一定要去試下!!之前從來未嚟過, 不過被地方環境及賣相吸引到了!!由於6:30pm 的關係, 餐廳只有4枱客, 環境相對更加好, 不會太多人太迫。Cheese Platter, 原價$138非常非常好食, 特別是中間的水牛芝士, 好滑好軟, 淡味但又令人不斷的吃, 旁邊的粒粒狀, 我以為會好似食擦膠, 但原來不是, 是硬中帶軟的, 而且很香。有配蜜糖, 合桃, 提子乾, 完全是畫龍點睛!! 個人十分喜歡水牛芝士+合桃+蜜糖 一起食.Beef Tenderloin, 原價$258點了五成, 但用木板上都變了七成....有點兒失望...不過吃得出有濃濃的牛肉香味, 應該不過因為我們是有半價優惠而給了我們次一等的食物.Lamb Loin, 原價$188很香很香的羊羶味, 如果怕羶味的可能不太合適, 不過我本人是 ok 的.Creme Brulee, 原價$68甜品絕對是出色之作, 焦糖是香脆的, 布丁香軟甜滑是基本.Chocolate Fondant, 原價$78就是心太軟了, 朱古力蛋糕很濃厚, 個人好欣賞.半價真的是太瘋狂了!!!整體非常好, 環境好, 服務一流, 燈光音樂配襯令人舒服。只是上菜有點慢....等了30分鐘才有主菜,  而我們坐到8:00pm 時, 客人開始多, 就有點嘈吵了....…Read More

近來喜歡幫襯顏色小店，這間喺屯門一個舊商場，地點有小小難揾。。。閒日來竟然都有好多人，要攞飛喺門口等，大約15分鐘便有位，可以接受。因為沒有食午飯的關係，所以並沒有叫下午茶來吃，直接食出名嘅蛋包飯啦!吉利豬扒蛋包飯豬扒非常鬆脆，沒有很多油溢出，而且不乾，算是出色! 咖哩汁不太辣，是日式的甜甜易入口，而且不會杰撻撻，吃得舒服。雞蛋好滑好香，而且份量足，只吃雞蛋都是享受。不過飯粒有點硬，温度是室温的，有點唔夾，主要是個人比較不喜歡不熱又不凍嘅食物。。。忘記了是什麼咖啡。。。是加錢的。很香，味道不錯，拉花正常!午餐還有很多選擇，不過第一次來，當然是吃招牌菜式!下午茶選擇多，下次可以試試!整體是不錯的，環境都是寛敞，不會同其他食客太貼｡…Read More

又到一年一度必食素食嘅日子其實素食真係唔止於中式， 西式，日式都有，今年就試試日本菜啦!!!晚餐只有套餐，有兩款選擇， 款式差唔多，只係有沒有"鍋物"嘅分別由於天氣熱，應該吃不下鍋物了。。。頭盤， 係水果蕃茄，有蕃茄香味，又有水果嘅清甜左：自家製豆腐，口感黏黏的，同中式嘅豆腐完全兩件事，好特別中：青瓜+麵豉醬右：刺身茄子紅椒壽司，茄子壽司，櫻花葉梅醬壽司，綠豆紙壽司我最鍾意係櫻花葉梅醬壽司！炸雜菜餅，燒粟米，薯仔餅燒粟米超好味，外炸脆但粟米粒仍然係juicy紫菜包冬瓜，加一壺日式湯淡嘅冬瓜包住鹹鹹嘅紫菜兩重口感，淋上日式湯食用，偏鹹嘅湯得到中和年糕，日式厚豆腐乾配蔬菜沙律，難以形容嘅精緻套餐有兩款麵可以揀一款係青檸麵，另一款係蕎麥麵，兩款都好味！不過建議食青檸麵，因為特別啲！水信玄餅，裏面有一朵花，好靚呀！藝術品一樣！！特別一提每桌均有嘅玄米茶，好香由於係慶祝生日，店主特別為我們製作了一個黃豆粉甜品，好精緻好靚，不過由於有主角嘅名字，所以唔比大家睇相啦…Read More

一直都是我週末主力休閒嘅地方!店內的員工獲得了很多獎項，包括拉花，咖啡沖調等等。。。由於太專業啦，我都唔清楚。。。咖啡店內有很多獎盃，信心大增!當然最重要係佢嘅咖啡真係好好飲，地方休閒， 完全感受到店內咖啡師對咖啡的熱誠!雖然用餐限時間限制，但小店來說，飲一杯咖啡，食一件蛋糕，享受休閒的一個半小時，都是完全足夠的!文青cafe當之無愧!!!但今天，我在咖啡店遇上了很差的經歷~~我幫襯了幾年， 差不多每個週末都會嚟，算是熟客吧! 店員們一向很有禮貌，亦都熱情、願意介紹咖啡嘅品種，完全感受到他們很享受分享優質咖啡給我們。不知是不是暑假嘅關係，來了應該是一個少女暑期工，她所有動靜都很令人嘔心由於店舖細細，很多時客人都要在門外等待位置，我亦都慣了，但就在等待期間，少女及幾個青年人從店內走出來食煙，講粗口，不斷吐口水在地上(不知原因是什麼)整個行為只會覺得係沒文化，但人有自由，我沒有多說話。。。直到我入座後，竟然發現那個少女送餐給我 。。。吃蛋糕嘅時候，我真的真的猶豫了幾分鐘，之後我吃了一啖，但心內很是掙扎， 腦內只有不停彈出她在店外不停吐口水的畫面， 而且我亦擔心他食完煙之後有冇洗手。。。 最後我叫另一位女店員親手換另一件蛋糕為給我，當然我有解釋原因是少女店員的種種嘔心行為。。。 換另一件蛋糕的時候我很尷尬，但我真是過不了心內的那一關。。。。店內坐了30分鐘享受咖啡的時候，那位少女又與在店內樓上的三四個朋友，走了出店外的戶外坐位旁， 大肆吞雲吐霧 (由於我們沒有注目，所以今次看不到他有沒有吐口水在地上，及我不懂得讀唇，不知道他們有沒有說粗口) 。。。在店內隔著茶色玻璃可清楚看到。。。可能我太八卦了，好像只有我看到，很多食客都是沒有留意。。。雖然說店員的私人行為，是他們的自由，我作為食客沒有權干涉。 但始終是打開門做生意的"文青"咖啡店, 就在店外兩步的距離有這些行為，少不免客人倒胃! 亦不禁令人懷疑衛生的狀況。。。我對呢間cafe太熟悉了，這不是我所認識的格調，最後我急急腳飲清我杯咖啡就走了臨走我與熟口熟面的收銀哥哥，表達了意見，說這很令人倒胃，店員哥哥都只是笑笑。。。Rose Latte拉花很精緻，味道很好，愛不釋手的味道我是很喜歡這咖啡店的，所有咖啡師都是熱誠努力，但如果有咁嘅情況令客人流失，叫人情何以堪呢。。。。希望這個少女只是暑期工，那樣，我暑假過後，就可以重見我熟悉的咖啡店了!…Read More

銅鑼灣商業大廈上面，有好多唔同嘅食店，呢一間係其中一間，店面不大，不過入座時間早，所以很輕鬆，不是太嘈雜。最欣賞佢有一欄窗邊嘅吧枱位，如果三五知己輕輕鬆鬆坐喺度，望住窗外景色，是寫意的!紅燒三星麵宜蘭食過三星蔥，唔知呢碗麵同三星蔥有冇關係，但係呢啲蔥應該唔係三星蔥呱。。。不錯，但冇乜驚喜鹽酥雞上枱時熱辣辣，應該係即叫即炸，很有誠意，雞肉嫩滑，炸粉唔厚，推介滷大腸大腸過淋，沒有咬口，蒜蓉很香， 但同大腸不是好夾。。。黑糖奶茶由於自己論盡，倒瀉了少少，上枱嘅時候其實係靚啲嘅，黑糖味濃，正常黑糖奶茶…Read More

朋友生日, 想找一間輕輕鬆鬆嘅餐廳方便無限時傾計，可惜事與願違~原本book咗7:00, 不過之後朋友開OT, 所以要打電話去改7:30, 但係一改7:30, 餐廳才突然表示要有限時兩個鐘, 9:30要還枱…臨時臨急都唔知可以轉去另外邊一間…所以唯有答應…餐廳用膳期間，客人長期大約七成滿，環境尚算可以，店不算太大，所以人聲比較集中，有少少嘈雜。。。龍蝦湯，美味，香濃，值得加錢換配！Pizza, 普普通通，唔係太有特色，pizza邊不香脆，少少硬是日廚師精選，明太子帆立貝意粉十分滿意，充滿芝士及醬汁但不膩，吃過一啖之後，會想追住繼續食豬肋骨，不推薦， 骨同肉係分唔開嘅。。。 好似未煮淋一樣，感覺係一件有好多骨嘅豬扒。。。青口，好咸， 掩蓋了青口應有嘅鮮味朱古力心太軟配雪糕味道很好不過事前已經要求餐廳喺碟上面寫happy birthday，作為慶祝朋友嘅生日，改booking 時間嘅時候亦都重新提醒一次, 點知最後竟然冇寫.... 變成了畫花，既然有時間畫花，即是其實有時間寫happy birthday…明顯地係佢哋冇睇remarks, 唔記得寫…當時仲有三成客人係餐廳，應該唔係趕住收工呱。。。。…Read More

尖沙咀呢個位置係靜中帶旺，附近幾條街都好熱鬧，就喺呢條街比較靜，門口有幾張櫈仔比你排隊，哈，都唔係等咗好耐大約十五分鐘就有位，不過店內有少少擠迫鹵水溏心蛋 溏心好食，不過蛋白太鹹太鹹太鹹！滷肉飯好香，滷肉汁豐富，味道啱啱好，小小一碗， 如果一個人吃應該會有五成飽，不過同朋友share，所以一人只有兩成半飽，哈川味紅燒三寶牛肉麵包括有牛筋，牛肋條，牛肉牛肉湯淡淡的牛肉香味，慢慢連麵食，成碗湯飲曬牛筋林得來有小小爽口，不過味道唔太濃牛肉片薄薄的，肥瘦適中牛肋條口感豐富，林身，入味川味紅燒半筋牛肉麵包括有牛筋及牛肉熱薑母茶- 稍微偏辣，但係飲完好暖凍冬瓜茶- 清甜冬瓜味，我只飲了一啖， 因為太凍。。。…Read More

朋友聚一聚, 簡單一點, 輕鬆又自在!!酸蘿蔔是任食的, 好開心, 我食了很多~~黃金原味皮蛋蛋皮是透明的, 不知是什麼蛋, 不過食起來甜甜的, 唔錯!蜜餞雞亦吃第一口有厚厚的蜜糖, 而雞亦本身是很濃味的鹵水味，很有思考的空間。。。。芫茜豬肉餃芫茜令到餃子好香，完全沒有青臭味，不太喜歡芫茜的我，都覺得可以接受至尊松茸豬肉餃(12隻)元貝豬肉餃(10隻)至尊松茸豬肉餃食落唔係好大嘅感覺。。。但係當合埋眼吃， 專心食，就慢慢感受到有松茸嘅香味飄出來。。。不過下次可以唔使試。。。元貝豬肉餃都沒有特別，沒有好明顯嘅元貝食到，都係豬肉餃嘅味道。。。下次都係可以唔使試。。。總括而言係值得，如果對特別嘅款式好有興趣的話，可以試試，否則我覺得唔需要特別要，因為有點貴。。。我諗食正常款式已經好好味，煎餃好香，皮薄肉汁多，湯餃嘅湯清甜，可以連湯飲！…Read More

情人節一定唔可以食西餐!!所以食日本菜偏向算係日本定食, 合我心意, 因為我唔中意食魚生!男店主係日本人, 即時對此店信心提升, 在我們選擇期間, 店主好熱情介紹食物, 很好呢定食的沙律用料好新鮮, 薯仔沙律味道很好另外點了雞軟骨熱辣辣很香, 很爽, 不會只有炸漿, 不油膩又另外點了一份牛香軟彈牙, 肉汁豐富定食套餐的羊肉很少見有羊肉, 所以必須試試, 羊味是濃的, 如果十分抗拒羊肉的人, 相信不會接受不過我覺得好味!!!但略略咸左少少~~自家制蛋糕個人認為普通, 不太值…Read More