foodirectory.hk's Profile

大概因為早前睇過黃妍同其他歌手喺商場表演，IG feed咗有關FC為佢搞嘅生日應援post畀小編 😆 既然依一日都係要出門買嘢，索性去幫襯埋食lunch 😉🥘 Lunch Menu - 芝士焗椰汁葡國雞飯 😋😋😋😋見到餐牌係新品，而又好耐冇食過葡國雞飯，就叫依款！唔使等太耐就焗好上枱，有芝士焦香、雞肉有蒜味，飯係軟熟；有一舊薯仔🥔&蘿蔔🥕 整體調味唔重手～☕️ Lunch Menu - 奶茶 (熱) 😋😋😋😋😋樽仔奶茶係餐廳自家製，用咗兩款茶混合沖泡，跟餐可以免費轉飲，熱飲可轉做杯裝 😚 一飲有紅茶嘅香濃味道撲出，奶好順滑、輕身！好飲！🥣🍞 Lunch Menu - 餐湯 & 烤包 😋😋😋😋餐湯係蘑菇忌廉湯，有粒粒蘑菇碎口感 👏🏻 見到裝烤包嘅籠仔幾的骰 😄 烤包係好似多士咁乾脆，一啲都唔油～午餐 💵💵 約港幣$70/人💁🏻‍♀️ 依間係一間🎵音樂餐廳，裝修唔花巧～ 生日應援佈置都簡單清晰，亦提供手幅、postcard畀粉絲領取，大家亦可寫信畀黃妍 😉 平日係唔收加一，星期二休息；餐廳喺大廈一樓，要行去近駿發花園，從後門行樓梯上，就會見到黃妍嘅人形紙牌歡迎你啦 😊🙆🏻‍♀️ 最後，喜歡嘅話，歡迎follow @foodirectory.hk！…Read More

前排小編周圍睇展覽，變相又可以啡遊一下～ Search到一間cafe喺一條唔多人出入嘅街巷裡面，八卦行去睇睇👀咩格局，望望下就入埋去幫襯～ 😁☕️ Cappuccino 😋😋😋😋😋洋蔥心心嘅拉花泡沫咖啡，好夠熱！奶泡飲落好綿滑，咖啡香濃味持久 😚下午茶 💵 約港幣$40/人💁🏻‍♀️ 依日去Cafe只見到老闆娘一人，佢一邊逐杯慢慢沖，一邊同客人閒話家常～ Café空間都幾大，而且樓底都高，坐低慢慢嘆啡好舒服～ 門口位置同舖內有貓貓🐱插畫牆，係一間有溫度嘅街坊小店 ☺️🙆🏻‍♀️ 最後，喜歡嘅話，歡迎follow @foodirectory.hk！…Read More

依日又係過嚟依區拎嘢，朝早做完嘢之後，就搵嘢食～Search到一間樓上素食小店～ 見自己都有一排冇專食素，於是過咗去幫襯 😉☕️ Coffee Latte 😋😋😋😋由於朝早已經飲咗杯奶茶，中午想飲咖啡但又想輕手啲，就揀咗latte 🤪 有一個簡單嘅心心拉花～ 咖啡好夠熱！香醇順滑～🍛️ 轉轉蛋日式咖哩雜菜飯 😋😋😋😋😋依款日式咖哩由店主自己調配，用咗唔常喺咖哩飯見到嘅時傳蔬果 😲 例如：蓮藕、茄子🍆 & 翠玉瓜～ 原來都好夾喎！仲食到瓜果嘅本身嘅爽甜 🤗 雞蛋🥚同飯都係嚟自🇯🇵，尤其飯粒粒分明，有微微米飯🍚甜味，真係好好食！午餐 💵💵 約港幣$120/人💁🏻‍♀️ 每逢上菜時，店員都會簡單講一講佢哋烹煮嘅手法同介紹用料 👍🏻 雖然係小店，但好用心設計屬於佢哋嘅素食料理 🌿 小編尤其對佢哋嗰幅用咗唔同廣東歌歌詞寫成嘅祝禱畫牆最有印象 ☺️ 再加上佢哋珍藏同展示咗部分廣東歌黑膠碟，可想而知，佢哋一定都係廣東歌愛好者 🎵🙆🏻‍♀️ 最後，喜歡嘅話，歡迎follow @foodirectory.hk！…Read More

🧧過年嘅時候朋友返咗嚟，對方好耐都冇出門食cafe，於是小編揀咗依間自己想試嘅，一齊食lunch兼互相update一下近況～🍝 Linguine - Alfredo crabmeat 😋😋😋😋😋密密麻麻嘅🇯🇵松葉蟹肉🦀鋪咗喺意粉上面，芝士忌廉醬汁包裹住每一條意粉 ☺️ 意粉al dente而好濃郁；有啲鮮味之餘，又有些微香辣～🍽 All day breakfast - Monster 😋😋😋😋😋朋友叫嘅全日早餐非常豐富，包含沙律菜🥗配芒果🥭&熱情果黑百醬、薯蓉、烤番茄🍅、芝士大啡菇、煙三文魚、煙肉🥓、紐倫堡腸、時令水果、炒滑蛋、秘製焗豆 & 迷你牛角包 🥐 朋友食得好滿意、好飽，叫小編幫手食啲，用料都相當新鮮，尤其番茄🍅、大啡菇係好juicy 😚 另外，薯蓉嘅綿密，配煙肉🥓煎香咗嘅油，好惹味！☕️ Cappuccino 😋😋😋😋咖啡相當香、奶泡打得都👌🏻，有拉花，飲落濃厚、順滑～☕️ Dirty 😋😋😋😋朋友揀嚟揀去，熱啡嚟、凍啡去 🤣 最後小編建議佢飲dirty，熱espresso加凍奶🥛，符合佢嘅要求 😉午餐 💵💵💵💵 約港幣$180/人💁🏻‍♀️ 以往約親朋友去九龍區cafe，大多數第一時間都係諗起油尖旺，但原來差一個站都有高水準Café，而且附近唔會有太多遊客，方便得嚟，亦有種舒適感 ☺️🙆🏻‍♀️ 最後，喜歡嘅話，歡迎follow @foodirectory.hk！…Read More

上兩個月嘅工作時間比較混亂，日日唔同 😵‍💫 有日下晝喺啟德附近開工，趁下一場工作前，快快衝去食少少嘢補一補血糖！🧇️ 雙皮奶雞蛋仔 😋😋😋😋😋依款特色雞蛋仔需要等約10分鐘，熱辣辣到手時發現幾大份下，有小編🤲🏻咗上下大～ 外層好乾身好脆，裡面軟腍腍，每一粒都有雙皮奶餡，有蛋🥚奶🥛香 👏🏻 微甜～ 成份一個人KO晒，非常飽肚！😆☕️ 美式白咖啡 (熱) 😋😋😋😋店員話係固定嘅美式白咖啡，冇得好似奶啡咁揀款式，小編聽到覺得幾特別，就叫咗一杯嚟試下～ 😲 冇諗過原來熱啡都咁大杯，聞落有啲似馬來西亞白咖啡，飲落唔甜、奶味唔會太厚，咖啡☕️味都算濃郁～下午茶 💵💵 約港幣$80/人💁🏻‍♀️ 小食店仲會提供正餐，例如：意粉、炸魚薯條🍟，店內座位唔多，大約6-8個，亦有少量戶外座位～ 之前經過見到佢哋都有同粉絲提供Jay Fung、老闆🦊應援套餐～ 如果有興趣食有餡嘅雞蛋仔，記得要預留時間等一等～ 一份share食就啱啱好 😉 🙆🏻‍♀️ 最後，喜歡嘅話，歡迎follow @foodirectory.hk ！…Read More

必比登推介2025未公布之前，小編幾次經過依間黑芝麻專門店，見到好多時都係排長龍～ 唯獨有個星期日午後經過太子依間分店，只有兩個人排隊，就即時排一排買咗杯軟雪糕過下癮 😎🍦 特濃「黑芝麻」軟雪糕 😋😋😋😋😋軟雪糕冇分size，一杯份量正正常常！每啖都有好濃郁嘅黑芝麻味，好似芝麻糊咁，但好明顯有炒過嘅香味，喺喉腔停留 👍🏻 甜度啱啱好，亦做到好柔軟嘅雪糕質感！下午茶 💵 約港幣$30/人💁🏻‍♀️ 其實小編都有試過排隊等黑芝麻「菲林卷」，但每小時出爐數量有限，好快賣晒～ 睇嚟下次要買到，就要校啱正點前嚟排隊先得！🤔🙆🏻‍♀️ 最後，喜歡嘅話，歡迎follow！…Read More

好耐冇喺葵廣掃街，成日喺IG見到有唔少新品都好想試～ 依日下晝喺附近做完嘢，終於輪到小編啦 😎🍜 櫻花蝦蝦濃湯粉絲 (天使辣) 😋😋😋😋😋成碗熱辣辣 ♨️ 首先試啖湯，又creamy又濃，有啲番茄🍅同忌廉味；有大量櫻花蝦同紫菜碎，令成個湯好有鹹香味 😚 叫天使辣啱啱好，係日式香辣口味，唔會搶走個湯嘅精髓，粉絲煙韌而且順滑，微微掛湯；另外三隻蝦🦐肉質彈牙，仲剝咗蝦身嘅殼，方便進食 👍🏻下午茶 💵💵 約港幣$60/人💁🏻‍♀️ 嗌完嘢食要等大約15分鐘，小店外附有一張細餐枱立食。依日冇位，小編企埋一角單手捧住食都👌🏻，不過就要小心啲！外賣自取返屋企食嘅話，佢哋仲會分湯，唔錯㗎！😉 都幾飽肚，女生可以當正餐食tim～🙆🏻‍♀️ 最後，喜歡嘅話，歡迎follow @foodirectory.hk！…Read More

上次未搵到路落天橋行去《玩偶奇遇記》嘅拍攝場景打卡，所以第兩個星期又再次入嚟屯門 💪🏻 為免搵唔啱巴士出發，所以晏晝就喺屯門港鐵站附近食 😌🍝 健康有營午餐 - 明太子忌廉蘑菇釀雞翼螺絲粉 😋😋😋😋😋釀雞翼好好味，外面香口，裡面有軟滑忌廉蘑菇，最為惹味😉；螺絲粉煮得爽身啲，配明太子忌廉唔錯！多少少汁更好！🥗 健康有營午餐 - 黑醋橄欖油沙律、鮮打濃湯及迷你牛角包 😋😋😋😋前菜有三樣：黑醋橄欖油沙律 🥗，少少哋，夠新鮮、鮮打濃湯 🍲，香草味同酸味較出，好醒胃 & 迷你牛角包 🥐，乾身、微微鬆化 🤓☕ 健康有營午餐 - 荔枝紅茶 (熱) 😋😋😋😋紅茶有荔枝香甜，不過不失 👌🏻午餐 💵💵 約港幣$80/人 💁🏻‍♀️ 依間餐廳係一間live music bar，有時會有音樂表演。依日平日嚟食lunch，都有啲喺附近做嘢嘅打工仔嚟幫襯～ 地方唔算大，約有十幾個座位，屬於高枱。晏晝嚟take 個lunch break會有唔同嘅感覺 ☺️…Read More

返嚟🇭🇰開始密集式約朋友交換手信，食完一餐又一餐，夜晚再去多一間趕及last order前食埋甜品做宵夜 😉🍮 梳乎厘班戟 - 金箔Nutella 😋😋😋😋梳乎厘班戟輕盈得嚟，唔會太過空氣感，有口感唔係一pat嘅，而且好有蛋香 😚 至於整體就係平日大家市面買到嘅金莎味道，係大眾化朱古力🍫口味！宵夜 💵💵 約港幣$90/人 💁🏻‍♀️ Café設有每人$80最低消費，我哋叫咗一份share，不但份量啱啱好，亦meet到minimum requirement 😉 小編之前食過佢哋喺佐敦起家嘅本店，依次算係二訪，水準依然！🙆🏻‍♀️ 最後，喜歡嘅話，歡迎follow @foodirectory.hk！…Read More

有個星期日lunch後，帶咗本書📖出咗嚟深水埗漫遊，諗住去依間之前經過幾次嘅素食cafe飲杯啡、睇下書～ 😌☕️ Oat Milk Latte 😋😋😋😋😋咖啡係自家焙烘～ 飲落燕麥奶咖啡好香、好醇、好順，加配一塊lotus餅乾，帶啲甜味 🍪 唔錯 😊下午茶 💵💵 約港幣$60/人💁🏻‍♀️ 環境清靜、舒適，每張枱都擺放咗一樽植物 🌿最適合過嚟放鬆、放空或睇下書，將個人放慢落嚟 ☺️ 大家有意去幫襯，要留意佢哋嘅營業時間呀！🙆🏻‍♀️ 最後，喜歡嘅話，歡迎follow @foodirectory.hk！…Read More

喺社交平台見到有粉絲做🪞《手印》團歌茶飲應援，依日出街睇展覽，順便過嚟睇下兼幫襯 💪🏻🧋 招牌茶走 (凍) 😋😋😋😋😋小編想飲港式奶茶，又想食芋圓，所以加咗$6加配料 😚 例牌揀咗少冰、少甜 (佢哋叫「扣底」)～ 港式奶茶茶味真係濃厚啲 😎 揀咗少甜，糖度啱啱好 👍🏻 芋圓細細粒，軟糯得嚟、煙煙韌韌，好似食甜品咁！正！下午茶 💵 約港幣$30/人💁🏻‍♀️ 依次應援店唔多佈置，不過有心製作團歌歌詞咭，對好多鏡粉嚟講已經有好大意義 🤗 再好嘅故事到最後都會有終結，多謝你哋願意為🪞喺城市裡「留低掌印」🖐🏻🙆🏻‍♀️ 最後，喜歡嘅話，歡迎follow @foodirectory.hk！…Read More

早排有一段時間要出入葵興做嘢，由於時間次次都有啲趕，所有未得閒喺附近搵食 😌 終於喺最後一日嘅lunch time，時間充裕啲，去咗KCC搵嘢食 😚🍽 SEASON. 經典全日早餐 😋😋😋😋佢哋依款全日早餐又有自己嘅特色做法喎 😲 例如：大啡菇落咗蒜蓉煎，菇味中帶有蒜香，而且好juicy；松露炒蛋用叉分開時，有一絲絲、一梳梳嘅質感 ，而且松露味好香。另外，有巴馬火腿都算驚喜 👍🏻 豬肉腸、火腿唔會太細份；沙律菜🥗、番茄🍅同小牛角包🥐都有，好均衡！☕️ 紅棗蜜 (熱) 😋😋😋😋😋估唔到依間cafe有依種養生飲品 🤗 小編嗰日唔係好想飲咖啡，依杯就啱晒 👍🏻 熱飲一聞有紅棗同蜜糖味，甜甜地，好順喉，又幾大杯！比茶餐廳熱飲仲大杯！👍🏻 午餐 💵💵💵 約港幣$120/人💁🏻‍♀️ 依間cafe都深受附近打工仔歡迎，座位都唔少，又有落地玻璃位，可以望到窗外空曠啲嘅地方放空食個飯，曬一曬日光，都幾舒服 ☺️🙆🏻‍♀️ 最後，喜歡嘅話，歡迎follow @foodirectory.hk！…Read More

周日早上做完嘢，自不然下一站就係去醫肚 😌 親未到中午高峰時間，小編去咗太子再訪依間cafe～🍔 英式炸魚漢堡包配薯條 😋😋😋😋另類嘅炸魚薯條 😚 炸魚外脆肉滑，夾咗一片芝士🧀，麵包有芝麻香🥯，薯條🍟份量幾多；沙律菜🥗淋有黑醋，整體中規中傍 😊🥣 是日餐湯 😋😋😋😋雜菜羅宋湯，酸甜出眾，夾雜香草味，仲有少少🤏🏻紅油喺面 😁☕️ 美式咖啡 😋😋😋😋夠香醇、熱辣辣，正常發揮 😉午餐 💵💵 約港幣$100/人💁🏻‍♀️ 冇記錯嘅已經嚟過三次 🤔 每次用餐嘅水準都差唔多，由於價格喺區內相對親民，周日會出現人潮等位～🙆🏻‍♀️ 最後，喜歡嘅話，歡迎follow @foodirectory.hk！…Read More

依日嚟開觀塘，亦都走咗去駱駝漆工廈搵食～ 就喺一樓見到有間拉麵小店，佈置得好骨緻，播住動漫歌曲，又見到自己未試過嘅湯底同小食，就入咗去醫肚 🤗🍜 櫻花蝦淡麗貝汁拉麵 😋😋😋😋😋貝汁海鮮味十足，有蝦花蝦嘅香，亦有蜆同蟹嘅鮮味 ☺️ 湯底清而唔濁，附有青蔥絲，就算飲晒成碗，都唔會成個口好鹹，好符合「淡麗」一詞 😉 兩片叉燒幾大塊，好軟熟、好滑，浸少少熱湯再食，肉香味會再出啲～ 溏心蛋🥚煮得啱啱好，用筷子🥢一分開就見到半流心嘅蛋黃 🤗 黃拉麵軟硬適中，同湯都係好夾！🥟 炸雞皮餃子 (4件) 😋😋😋😋😋小編第一次見有炸雞皮餃子，感覺好新奇！叫咗一碟嚟試～ 🤤 炸雞皮油脂感滿滿，灑咗少少鹽喺面，外表微鹹香口，咬落口感好滑溜，內裡包裹住有咬口而唔係搞爛晒嘅菜肉 ，係另一種醃料 ☺️ 屬於彈牙嘅餃子！🧃 凍日本蘋果汁 😋😋😋😋好欣賞佢哋全部飲品都係揀選日本🇯🇵貨 👍🏻 日本蘋果汁配合返日式拉麵同小食，成個配搭日式風味全神啲 😚午餐 💵💵 約港幣$120/人💁🏻‍♀️ 依間拉麵小店係新開，店主好重視食客嘅意見，幾乎每枱食客埋單時，都會問問對方嘅用餐體驗 👍🏻 喺工廈食肆之中，不失為一間有誠意嘅舖頭！佢哋開業冇耐，要留意返佢哋營業時間，同埋暫時只係收現金～ 大家喺附近返工同出入嘅話，不妨去試試～ 😉🙆🏻‍♀️ 最後，喜歡嘅話，歡迎follow @foodirectory.hk！…Read More

依晚小編要去會展睇show 🎫，而晏晝食咗個好豐富嘅午餐，仲係幾飽下，所以臨睇show前選擇咗輕食當晚餐，揀咗依間大家喺灣仔行行人天橋時，都必定會見過嘅cafe 😎🥮 自家製 伯爵茶 鬆餅 配果醬 😋😋😋😋鬆餅硬身實淨少少🤏🏻，茶香味好突出～ 由於小編唔食果醬，所以冇點到，齋食鬆餅都👌🏻☕️ Cappuccino 😋😋😋😋可以揀選咖啡豆味道，小編例牌飲nutty 😚 拉花好完整，咖啡飲落唔會太濃，奶味適中～下午茶 💵💵 約港幣$80/人💁🏻‍♀️ 上到嚟cafe嘅空間感比喺行人天橋望入嚟嘅大，仲有兩大區域擺放寄賣品、畫作～ 枱與枱之間唔會好逼，單人位至梳化位都有～ 用餐完畢，記得自己收拾餐盤 😉 假如大家第日喺灣仔要逗留一陣，依個地方都唔錯㗎 👍🏻…Read More