tentenlam's Profile

約左朋友敘舊，一段時間無見，唸住穩間可以坐得舒服d，吹下水的餐廳，咁岩牛摩最近做緊promotion，晚市放題可以食足三個鐘頭，飲野吹水認真一流。入到去，揀左lv4個餐，特級牛小排，再揀一人一個湯底。正，吾怕交叉感染。一開始會幫你落左堆肉先，等你試下味道再自己掃QR code order，我地當然狂落單先，食物好快就上，堆左一座山。眼前呢堆色澤艷麗的牛肉，宛如藝術品般整齊陳列，每一片都散發著誘人的光澤。紅潤的肉色中，細膩的脂肪如雪花般均勻分佈，勾勒出完美的大理石花紋，靜係視覺就已令人垂涎。特寫鏡頭下的單盤牛肉更是驚艷：鮮紅的肌理間，脂肪如絲網般滲透，暗示著豐盈的肉汁與濃郁的脂香。美味非常！外面的自助區都有好多選擇。有壽司都幾過癮，味道不過不失。醬料區都好整齊乾净。甜品的選擇吾算太多，不過味道就幾好，個海鹽雪糕係必試！總括黎講，食物同用餐環境，加上3小時任食的優惠，確實係物超所值，真心推介promotion期間大家去試下，吾會失望啦！…Read More

身邊朋友介紹錦麗新出左一人火鍋，天氣突然轉凍，試一試剛剛好！加上荃灣分店新開，荃灣地鐵站一出就到，交通方便，所以放工就用老婆約埋一齊去食。新分店都幾容易搵到，響正綠楊新村商場門口，而且招牌都好大，裝修都好新淨，坐得幾舒服。我地主要黎試個一人的火鍋，見隔離台好多人都點，而且份量幾大，所以我地叫左一個椰子雞煲share。包一個河粉或者金邊粉，價錢都只係78蚊，真係幾低。湯底：好清甜，椰子味好濃，我地都飲左半碗，店員好貼心主動詢問是否需要加湯，之後就好主動甘俾多左碗雞湯我地。配料： D雞份量都幾多，有8件，唔係好調過味，不過好有雞味，無雪味，好新鮮好鮮甜，配合埋椰子的清香，一絕，極力推介。之後我地又點左個夢幻彩虹多士，個麵包烘得好脆，配一杯咖啡雞蛋醬，甜甜地之餘有咖啡的香濃，味道配搭好特別，作為飯後甜品好唔錯。兩個餐都可以加少少錢配飲品，我就叫左杯暴龍美綠，老婆就叫左杯斑斕生薑茶。暴龍美綠：我以為會係好濃列勁多美綠粉的飲品，黎到其實只係一杯美綠加d cream，唸唔明點解叫呢個名，雖然無係好surprise，但味道都係好唔錯，好香濃。斑斕生薑茶：暖暖地，薑味好濃烈，有d似台灣的薑母茶，不過就唔會話好甜，女生養生一流啦。總括黎講今晚的晚餐味道好好，食材都食得錯用的係新鮮食材，價錢都非常宜人，非常好，推介俾大家如果對越南野有興趣都可以黎試下！…Read More

星期日用app叫麥香餅豬柳蛋堡，10點40分叫，12點先拎到個餐，我知道假期叫遇左要等，但係都唔好咁耐呀，起碼個app提下我要等咁耐，我就唔叫啦，仲要無得取消，真係癡線，好多人都等到發脾氣，好彩商場有冷氣，如果唔係打交都似。…Read More

3點半，黎食下午茶，叫左炸雞俾配多士半分。味道唔好，雞俾好脆口，不過有d細隻，而且有d咸，而且炸得過左火，好幹好似食柴咁。配埋熱奶茶先37，低食但唔好味，可以餵狗。…Read More

今日同老婆相識12年紀念日，食好D揀左元朗好出名的西餐廳 - Chefs Stage Kitchen之前都聽住元朗朋友介紹過，加上佢食評都幾一面倒的好評，於是今日就黎會一會佢。響元朗站落車，行過黎，經過千色廣場，大概10mins左右就到。個門口裝修真係好靚，好有去左外國的feel。佢有d露天的座位，應該係俾d吸煙人士吹下水飲下啤酒的，不過30幾度，我地當然係入左去。入面第一個感覺係，d冷氣好夠，好舒服，入面的裝修都好靚，d作為好寬，店員會即刻行過黎serve你，倒上一杯水，播放住外國的柔和音樂，好relax。因為餐廳人都多，就無影到個場免得侵犯左其他食客的私隱。我地先點左巴馬火腿露筍沙律做前菜，再加一個必點龍蝦湯。D食物都未到，店員已經遞上左餐包俾我地，個餐包係有焗過，熱ga。個口感就好似麥當勞的豬柳漢堡包咁，好煙嗯，配埋個醬酸酸地，好開胃。個酥皮龍蝦湯好多人推介，果然係好唔錯，好重蝦味，食得出重料，d酥皮好脆，吉落去sasa聲，仲要真係有好多蝦肉ga，淡淡都有肉，超美味。之後個沙律都唔錯，有好多配料，除左主菜Parma Ham之外，個番茄仔先係神來之筆，既然係剝了皮，好鮮甜好有heart，配埋d石榴肉，羽衣甘藍，個口感一絕，而且感覺好健康，哈哈。主菜方面，我地就點左義大利雲吞配羊肚菌，加多個重頭戲- Lamb T-Bone個義大利雲吞係配忌唸汁，好香口，而且入面有超級多配料，筆起一粒雲吞加d菇，食落口好有層次，味道一流。而且份量都唔少，兩個人share都好足夠。性價比高之選。個羊T骨係我地成晚最想試的，好多扒房都食唔到羊，事關煮得唔好就會好大騷味。呢間西餐廳果然無令我地食物呀，我地叫左5成熟，黎到切開黎係有肉汁漏出黎ga，食來係奇蹟無任何騷味，仲要勁香口，入口鬆軟，絕對唔會對不起佢呢個身價，強力建議大家可以試下。配埋佢個好特別的醬汁，甜甜地，另有一番風味。最後個配菜，雖然我影得好樣衰，但個南瓜真係好鬼好食，甜甜地，我平時好唔鍾意食南瓜都食左好多。總括黎講，佢的味道，服務，用餐環境係絕對配得上佢的價錢，我直情覺得性價比好高，難怪推介佢的朋友好多，絕對值得一試ga！…Read More

6個人去，揀左個最貴的368無限時餐。外面的食物選擇唔係好多，主力都係掃qr code食入面d牛。好可惜d牛黎到真係對唔住距個368的價錢，完全無牛味，好似食緊200蚊果d垃圾邊爐。個雞煲可以無限加雞，不過難食到爆，鹹過鹽。係我食過最難食的雞煲。個海鮮叫人有我有，細細粒的鮑魚bb，迷里扇貝，垃圾一樣。個一次性的避風塘海鮮先癡線，入面有三文魚骨同蝦，全部都係食剩下的食材。呢個食物味道加quality，200蚊就ok，368真係唔會有下次。我地所有人難得一次過俾一樣commend，就係垃圾。…Read More

最近減肥，唔想食太多澱粉，老婆就建議收工之後去鋸扒。金鳳大餐廳成日都好多人響門口排隊，一於就試下距。由於我地都知道成日有人排隊，因此一早就用The GULU 拎飛，建議大家視乎用餐時間早20-30mins左右拎飛，因爲真係好受歡迎。7點半左右到，仲係超級多人，好彩一早拎左飛，等左10幾分鐘就有位。上手客剛剛離開，店員執臺執得都好快，而且都幾乾净。餐具同調味料都齊，有鹽，胡椒粉and 茄汁。我就點左個美式帶子牛柳餐，178蚊已經包曬餐湯，餐包，飲品。個餐包好正，加左咸咸地的牛油，好軟屬，填下我空虛的肚仔真係perfect。之後到個主菜，我就點左5成熟，上到臺，淋上黑椒汁，莎莎聲好治愈，塊鐵板好熱，我都怕塊扒烤熟，即刻起勢甘食。5成熟，D肉汁流曬出黎，表面脆脆地，呢個熟度岩岩好，好味的食物確實會令人覺得幸福。另外距可以加2蚊upgrade個超級蒜蓉底，作爲一個蒜蓉控，我係無可能吾加的！D蒜蓉成碟都係，配埋黑椒汁，辣落塊鐵板度，撒上少少鹽，人世間都無咩食物好食得過距，為我今日辛勤的工作畫上完美的休止符！最後係距果兩粒大帶子，幾鮮甜，有d海水的鹽味，一淡一粒，爽呀！走的時候已經差不多9點，門口仲係有人排緊位，令我反思，今日今日香港好多餐廳都申港人北上無生意，金鳳靠住美味同極高的性價比去俘虜港人的心，確實係做到全日都要排隊，確實係好不錯，推薦大家試下！…Read More

今晚覺得好肚餓，同老婆去左屯門市中心揀左間放題。見呢間燒肉放題門面好靚，係開左無耐的，裝修好新淨，仲要閒日免費由90mins upgrade到120分鐘放題，仲要二人同行有一人半價，幾抵wo真心，一於入左去試。我地揀左價錢中間個餐，感覺性價比最高，368蚊已經有好多種唔同的種類的食物，大量肉類任君選擇，啱曬我呢d食肉獸。入到去d位好大，坐得都幾舒服，地下都好乾淨，去的時間比較早，人未算好多，環境好唔錯，店員好有禮貌咁開爐同擺低左個壽喜燒湯底，食物係掃qr code order的。我地即刻order左d靚肥牛食下個壽喜燒。壽喜燒的味道都唔錯，當然唔會有專門做壽喜燒的店鋪咁好味，而其實呢個只係提供多一個口感俾我地，主菜係燒肉，過下口癮係唔錯的！外面有個擺得好整齊好乾淨的配料區俾大家去調味。店員會不時過黎清潔個醬料區，睇落都覺得好舒服，小心翼翼咁調味，免得整骯髒，香港人確實有素質。外面有好多熟食俾食客選擇，我地都各自行左一個圈。d熟食都係熱辣辣ga，唔會好似外面果d cheap cheap放題咁擺到凍曬。我地就食左d金菇肥牛同雞軟骨串，老婆就話蘿蔔無得輸，非常入味。之後去到戲肉，既然係食放題，緊係瘋狂叫左第一輪先啦，距係你點幾多就上幾多果種，唔會孤寒。上到我地都覺得有d尷尬，因為真係一次過黎好多碟，好彩距張檯夠大，都可以擺得曬。D肉的油脂分佈好靚，食落好有牛味，而且佢唔會雪到硬曬果隻，放上爐轉頭就食得。雖然個爐唔算好大，不過佢一張檯有兩個爐，每個爐只係serve兩個人，唔使擔心三五知己速度唔夠食唔飽。而且火力好大，一個人好容易handle，反而我覺得好正。夾埋生菜，滿口牛肉牛油，真係好正！！！佢個餐仲有三文魚任食，D三文魚腩新鮮到，大家自己睇圖，勁鮮甜美味，我地一人食左兩碟，感覺乜本都返曬黎。外面仲有好多飲品同甜品，仲有d蔬菜配料大家自助的。有熱茶大家可以沖下。有部生啤機玩，不過我就無試啦。雪櫃有好多飲品，甜的，無甜的茶，啤酒都有。沙律櫃有好多蔬菜，我地拎黎包住燒肉，d生菜幾新鮮，唔錯呀！至於甜品就有好多雪糕同泡芙，cake仔。我好努力咁幫大家試埋d甜品，味道正常，推介泡芙幾好食。兩個鐘頭，靚牛唔吝惜咁任你點任你燒，環境舒適，服務態度好。真心覺得呢間燒肉做得好唔錯，比起某d連鎖大牌要排個幾鐘頭隊去食，又貴又趕頭趕命咁，呢間燒肉真係唔錯，值得一試。希望呢個食評可以幫到十五十六的你參考到啦！佢仲有個便d同貴d的套餐，大家可以參考下！…Read More

青衣城唔知幾時開左間姚姚酸菜魚，呢間野大陸幾出名，進軍香港peak hour都係得三台客。搞個午餐lunch set，仲要有全單85折。宜家香港真係生意難做。我點左個豬手套餐，有個菜，個餐先18蚊，加18可以upgrade擔擔麵。味道唔錯，全部都辣辣地，幾適合我的口味。不過如果你唔食得辣，建議一定要按走辣，唔好以為少辣可以食到，唔簡單ga。主食係個豬手，已經俾辣椒擋住遮曬。有d辣，不過真係幾好食，唔錯唔錯。杯檸茶係免費的。無得揀一定係檸茶。如果你肯俾多20蚊，可以upgrade手打檸檬茶。總的來說不錯的。推介…Read More

一班朋友想穩個地方吹下水食下野。其中一個朋友推介呢間，位置幾好，響tst地鐵站附近，所有人都好方便，呢間野無限時，所以可以隨便吹水隨便食。呢度收費連加一，人頭計395。跟返個四部曲，第一部係揀酸菜魚，雞煲，龍蝦定蠔。只係得一次食。我地6個人，選擇了二人分量的酸菜魚和4人分量的雞煲。兩個人的酸菜魚都幾大份，夠6個人食。不過味道好淡，而且d魚都食得出唔係d咩新鮮野，應該都係科技魚。雞煲得一次機會食。本來會expect有驚喜，不過最後都任食雞煲都係差不多，d雞都係鞋到爆，有d失望。我地揀個沙爹 and 海鮮湯底打邊爐。d靚牛一人得一塊，6個人所以來了6塊，有三種，味道係好唔錯的，但分量真心少。海鮮就無影啦，有鮑魚，蝦，蠔，勝子。總的來說就是不過不失的。呢個價錢對得起尖沙咀呢個鋪租。不過味道不是特別好。優勝之處在於服務態度非常好，好有笑容好nice。…Read More

呢間野新開，見門口擺曬花牌，一於嘗下鮮。門口的panel有寫低是日的午餐，入到去自己掃qr code。今日星期三，我揀左金菇肥牛飯。坦白講句，69蚊一個碟頭飯，仲要好鬼鹹，d肥牛好cheap，食得出係垃圾邊爐果d任食的勁多脂肪的肥牛，真係好 bad，性價比好低。杯咖啡要加5蚊。另外如果唔係食午餐入面的食物，飲品係要正價，即係18蚊熱飲，22蚊凍飲。坦白講，呢個價錢，去太興都係60蚊左右。應該唔會有下次，可能係租貴。…Read More

朋友住樓上新屯門中心，上去打牌前樓下食呢間野，商場選擇好少，得距唔使排隊，都唔會有乜期待。入去坐低d店員好似見你去唔到咁，舉到對手麻痺都無人采你，毅然決定轉場去隔離麥當勞算鬼數。…Read More

常滿百家菜，其實我已經係第二次黎。今次係一班朋友返工黎聚舊，因為呢度係無限時的火鍋點心放題，而我地好耐無見真係有好多計傾，所以揀左呢度。首先大家一定要好清楚呢度的賣點唔係食物味道，環境舒適之類。距主要sale無限時，200蚊人頭包啤酒人隊！食物同環境一定唔係高級果d ga la，不過不失。我地叫個雞煲，d雞應該的4分1隻，6個人一人兩舊就無曬。d點心你加幾多距上幾多，絕對唔會俾少你。d蝦餃燒麥味道正常。火鍋配料就不過不失，成班佬薩下薩下，一路傾一路drink，200蚊一個，難怪距咁多年都可以響大鴻輝唔倒閉。…Read More

老婆話想食壽司刺身，咁啱唸起景峰輕鐵站對開有間壽司外賣專門店，平時行開行埋見到門面好靚，而且食物選擇好似好多，一於行過去幫親下。由於order的壽司都係即時手握製作，大概需要等10-15mins，但睇住壽司師傅製作，感覺好似去左日本咁！返到屋企，老公即刻開檯食，見到d食物都覺得開心。我地叫左半磅三文魚刺身，d三文魚好新鮮肥美，睇個顏色都知道新鮮，味道好過某連鎖壽司店。另外叫左個火炙三文魚飯，最好食的唔係d三文魚，反而係d飯，壽司醋的比例唔錯，靜係食飯都覺得好好味，我覺得個師傅應該係轉研過！壽司方面，我地叫左個芝麻鰻魚反卷，吞拿魚壽司，花之戀，香蔥吞拿魚腩壽司，腐皮芝士蟹籽，三文魚腩壽司。手握壽司個飯細細粒，壓得幾實，唔會一夾就散，而且d飯真係好好食。三文魚刺身同花之戀都係厚切，咬落去成口三文魚，感覺好幸福。至於我最欣賞的係個腐皮芝士蟹籽，d蟹籽好多好多，而且外面好少見，同腐皮咬落去有汁，個味好夾，好正，推介！最後到小食，我地叫左個炸蠔同炸魷魚。店主好細心咁將d外賣盒剪開個口，拎到返屋企大概都要半小時，不得不讚仲保持到脆口，同堂食分別唔大！而且兩種炸物都好香口，味道一流，尤其個魷魚，好有魷魚味，唔捨得吞落肚，哈哈！等緊壽司期間，同店主傾左陣計，店主人好nice同好有耐性，又會好有熱誠咁介紹d食物。其實有時呢d小店就會俾連鎖店多一份人情味，而且食物質素同味道唔會輸大連鎖，大家有機會都去支持下！除左外賣壽司刺身之外，店內有售賣日韓零食同護膚品，佢地有做埋代購日韓商品，貨價上面的貨都可以直接買。最後發現外賣入面有兩張宣傳單張，原來佢地有做埋雞煲同羊腩煲，睇返其他人d食評，羊腩煲的comment好好咁。下次天氣轉凍，我會再幫親一下個羊腩煲！…Read More

今日收工去左熊貓買文具俾小朋友開學，買完大概8點，就去左樓下冰室食晚飯。門口裝修得幾靚，門面睇落都幾乾淨。個招牌選擇真係好多，有d選擇困難。因為已經8點幾，兩個大人加個小朋友，主餐就叫左個瑞士雞亦撈公仔麵配牛乳炒蛋丹麥多士，呢個餐份量好大，連埋杯飲品70都唔使。真係好低食。個丹麥多士仲要手撕果隻，茶左蜜糖，控左底，真係好有誠意。個公仔麵落左d瑞士汁，甜甜地真係好開胃！之後叫多左份炸雞亦，d雞亦炸到好脆，入面仲有肉汁，而且醃製得剛剛好，唔會鹹，味道一流。小朋友好鍾意食雞全翼，讚不絕口，最讚佢真係無咩油！老婆就話自己減肥，只係叫左d上湯娃娃菜黎食，我地都覺得個湯幾好飲，唔會話一味得味精調味料咁，個娃娃菜都好甜，而且唔會因為泡太耐而好軟，都幾好食。除左主食味道好好之外，老婆千叮萬囑要我一定要推介被紅豆冰，因為d紅豆好林好大粒，唔會太甜而且好香，佢覺得好正好想推介俾大家，大家如果黎開不妨try下。最後奉上餐點俾大家睇下，真係好抵食，味道一流嘎！…Read More