Cikolam's Profile

星期五唔使排隊我仲心諗咁好彩 係有原因 想試吓唔同味叫個半半炸雞 唔同味又要每款加三十蚊 嗰個推介粟米味炸雞 上面d粉似即食麵嗰啲粉 好化學成份 雞又乾好似一早整好再炸番比你咁 唔好食咯 連粟米都可以難食 另外一隻唔記得叫咩韓式醬好多生蔥味，但雞唔知點解酸酸地勁奇怪 好似放咗好耐咁 都係唔好食 仲有個冇影炸墨魚圈係有魚腥味 之後有加左個豆腐湯 算係唯一正常如果想要飲水請自己比錢買 要服務無服務 但照收加一 好食都算 真心係難食 仲話係炸雞prada 好心啦 …Read More

今次去試日式燒肉位於銅鑼灣，大概7點半去到，冇乜人，環境幽靜岩同friend 一邊傾計全部人都係叫大阪城和牛五點盛合 有和牛五花、牛舌、和牛三角、和牛小排、和牛磚牛舌係厚切，真材實料特別爽口牛小排相對油脂分布平均每款和牛都好食 我地另外叫生菜冇咁膩三百幾蚊有咁多款和牛都幾扺明太子撈烏冬伴月見明太子夠香烏冬口感都好彈牙，撈勻生雞蛋又幾野味，個汁有d酸酸地咁好開胃和牛他他有驚喜！又係撈生雞蛋，我就鐘意Wasabi一齊食 好夾真係有少少出乎我意料。食物質素真係唔錯 下次可以試吓個飯…Read More

本身想book 枱但weekend 只限walk in, 由於網上嘅留言都話要排好耐,所以我地好早就去食,5點半到唔使等位終於一嘗佢哋個醬油蟹，有送配菜係kimchi 薯仔同埋海帶，我隻醬蟹係新鮮嘅,但可能期望太高,我覺得唔係好夠味 蟹高亦唔多 叫兩隻蟹佢會配一個紫菜飯,都好食嘅只可以話中規中矩 如果要排隊我就唔會黎 我地仲有叫到一個燒牛舌，牛舌係要咬好耐嗰種但係佢個汁係好好食另外係佢地有個罐裝嘅薏米水超級勁甜 真係太甜…Read More

尖沙咀新開餐廳，裝修感覺優雅簡約, 坐bar枱可以全程望住廚師煮比你食，享受最新鮮日本和牛，今次試「伊勢熊壽喜燒九道菜晚市廚師發辦菜單」要提早預訂。由前菜起已經相當豐富，有螢光魷魚，雞卷，鵝肝，刺身..店員都好細心介紹食材。燒過和牛他他A4 和牛香到不得了 ,再蘸點日本生雞蛋食真係好完美 另外配點自家製既壽喜燒汁同日本米,日本米粒粒分明配蛋汁食好正，太膩另外仲可以點柚子/芥末食，別有一番風味。壽喜燒和牛海膽卷,不得了食落去入口即溶,成口都充滿油脂香份量真係好夠好滿足一餐…Read More

見到好多人排隊即刻試點知一時即刻中伏😵份量超級少 食完好似冇食過咁杏鮑菇 睇得出廚師嘅刀工好犀利🤨竟然可以將杏鮑菇切到紙咁薄🤯海帶串仲犀利 超級無敵鹹牛丸仲犀利一串得一粒半 仲要怪怪嘅味😵‍💫😵‍💫其實咁難食真係好誇張食完包保唔會返轉頭 😟已經最禮貌方式去表達!…Read More

試左辣雞肉意粉雪雞肉明嘅，但無醃過，無味，意粉個sauce 好鹹。但其實未難食到要我開post，今日主要係用餐experience 好有問題。11月11號下午2:30 分坐低，因為已唸好食乜所以坐低即order 食物，到左3:00即半個鐘後見隔離個師奶遲尼過我都食緊，即刻搵waiteress 問追單，點知原來我碟意粉去q左個師奶到，咁即刻明哂啦，落q錯左單，但waiteress 唔覺有任何歉意，百忙中會出錯明嘅，但係得個幾台客，其他食客出餐都好耐。最後等左40分鐘先尼翻啱，仲要唔好食。之後再食翻個大快活無咁嬲。p.s. 問waitress 個餐廳名佢串錯左搵左好耐先搵到。…Read More

好耐無high tea，心血來潮，上網揾吓有無邊間試得過，廢時又好似之前食文華咁伏。上網掃過幾間酒店嘅high tea最後同朋友決定去新開嘅紅碪嘉里，咁啱有同個品牌crossover ，有條手鏈仔送就去試。去嗰日係閒日，唔多人，服務都幾好。最重要係食物質素算唔錯，起碼食完唔會嬲先。英式鬆餅：暖暖地，外面鬆內裡軟熟，唔會一咬散開周圍係碎，仲好好有3種唔同嘅醬，不過朱古力醬普通，cream唔係好夠。咸點有：泰式蛋沙律-炸鵪鶉蛋配酸甜醬，ok 。泰式椰子紙米卷用籠仔盛戴加乾冰上，有啲視覺效果-味道還可以，個人覺得配返春蛋個醬好味啲，如果唔係無乜味。迷你鵝肝醬朱古力撻-鵝肝醬同朱古力出奇地夾；豹紋朱古力-好軟熟，係黑朱古力，但一啖食哂，好濟。華麗大咀鳥：甜到呢⋯⋯唔怪得之要配塊90%黑朱古力，如果唔係嗰刻想驗血糖，朋友同我都覺得麻麻。花蟹肉沙律脆筒-蟹肉好食係真蟹肉，但個脆筒真係唔可以叫脆囉⋯⋯金箔可可豆-可可豆造型得意，入面填滿朱古力mousse，食到呢到已經飽飽地。空中花園-呢個唔講唔得，接骨木花喵，紅桑子慕絲及石榴咁嘅cocktails,朋友食先話味道好怪因為佢食唔出係cocktails所以嗰陣酒味勁怪，而且超級甜，我一食，um...我唔想難為自己。整體而言，都算係咁，起碼有超過一半可以擺入口之後吞得落肚，唔係食完一肚氣。最後埋單信用卡有折，所以都幾抵。…Read More

由細住喺東大街，之前見有間鋪新開鋪日日都有人排隊淨賣蜂蜜蛋糕咁把炮，緊係試下啦！一試就知咩事，其實點解呢間嘢對自己咁有信心淨係賣手工蛋糕？！我試咗原味同抹茶，真係可以話唔好食，首先原味蛋糕同嗰啲充滿防腐劑嘅蛋糕差不多！至於抹茶...唉！算把啦，香精味好重，都鬆軟既，但稍為食過有小小質素嘅抹茶蛋糕或者飲過「真」抹茶就知嗰陣味好假，一d都唔值🙄講真，用咁嘅價錢買咁嘅質素蛋糕真係嬲，實在唔明點解會有咁多人排隊，我好懷疑🤨…Read More

尖沙咀新日式浜燒店，終於有機會試一試，門口已經見到餐廳的裝修充滿日式風格，一入去彷彿置身日本，大廳座位寬敞，有榻榻米包箱，適合朋友聚會。牆上掛上色彩繽紛的旗幟和燈籠，那幅色彩鮮艷的油畫尤其吸引。甲羅燒蟹殼盛著蟹肉和蟹膏，店員會幫忙燒，一邊將鵪鶉蛋拌勻，啖啖蟹肉伴濃郁蟹膏香味。牡蠣和牛難以形容，有鮮甜，加上和牛肉香，海陸的碰撞個人最愛 推介推介！七點刺身海膽、三文魚、拖羅、帶子、赤身、yellowtail、（唔記得咩）貝新鮮無得輸，特別一提赤身吞拿魚都好靚，唔同平時出面食到赤身燒魷魚 大隻彈牙。整體來說好滿足，新鮮度我給滿分，海鮮燒得岩岩好，店員亦細心服務態度好好，相對要去日本才能感受得到的氣氛，價錢雖然偏貴亦可以接受。見到有魚缸入面有好大隻長腳蟹同生猛海鮮，下次可以約朋友一起試更多。…Read More

朋友誠意推薦呢間餐廳，話一定要試，我抱住期待心情去試，估唔到仲有驚喜，真係冇介紹錯。好滿足既一餐！服務好，環境好，價錢超值，一定會再來。海膽剌身$135 成板海膽po係度，顏色好鮮豔海膽非常新鮮柔滑，食材好真係唔需要仼何花巧野，入口即溶完全冇腥味。餐廳細心位配飯圑,紫菜自己想包幾多就幾多火炙左口魚裙邊定食$85左囗魚非常肥美，有入口即溶嘅感覺，但肉質又keep到有彈牙，燒過之後超級豐富油脂配飯簡直係好味到冇聲出，必試。定食配湯味道比較清淡，另外芝麻醬沙律ok。蒸蛋裡面有菇、蝦仁、粉絲、魚片等。蛋入口幼滑，都唔錯。芝士飛魚籽$10/pc濃郁的芝士加上飛魚籽口感豐富，一淡放入口芝士香味湧出黎，同飛魚籽好夾…Read More

以前係外國讀書時侯，漢堡其實係一樣平常不過的食物，大家貪平貪快經常中午食漢堡包加杯汽水就一餐，嗰時好掛住中餐粉麵飯，成日想食冇得食。到依家出黎做野之後反而想搵番嗰種快餐味道，其實明明好多地方都有，但要搵到回憶的味道就唔容易呢間位於灣仔的漢堡店，有種美式小店風格，選擇唔多不過價錢平Mushrooms beef Burger combo 一塊牛肉，生菜、洋蔥同蘑菇，連埋薯條份量夠哂。最近天氣其實好熱令人冇乜胃口，但醬汁開胃惹味，牛肉夠juicy好香，加左黑椒的蘑菇好加分。薯條係幼身炸得脆，凍食都唔油膩當人開始懷念以前已經係一種成長一個漢堡一個滿意的午餐提醒自己曾經憧憬的未來…Read More

黑椒薯仔牛柳粒薯仔炸過再用黑椒炒完之後少少黑椒香味中帶d辣，幾惹味。我第一次食咁樣薯仔牛柳粒，有d似外國風味但中式炒法，口味比較重，炸過薯仔入味，好香口，牛肉質地軟好易咬但就少左牛香味，整體來講算係一個幾好送酒菜。豉椒炒大蜆蜆新鮮大小適中，不會太小有肉吃。分量也算多，味道黎講冇得輸，大排檔嘅火候有鑊氣，醬汁非常好味有濃濃的豉椒香，當然最適合送飯椒鹽鮮魷就一般般，冇乜特別，漿不太厚，我覺得唔夠脆，有d乾爭爭感覺金銀蛋莧菜份量好大份下，食完咁多熱氣野莧菜夠哂下火，湯清淡得黎有皮蛋香，有水準炒菜味道可以，不會太多油，鑊氣夠，確實炒得不錯。大排長龍有原因，平靚正！唔好理健唔健康，總之大排檔風味就係好好味，下次可以再試一試其他菜式，不過地點就比較麻煩，行好奈天氣熱的時候都幾難頂…Read More

放工約左朋友行街食飯，突然好想食台灣野，平日茶木人龍超長，我又懶得排隊..今日專程去碰下運氣，因為行完去食果時都8點幾又唔太餓，點知等左差不多10分鐘就有位冰水果紅茶，我覺得還可以，茶包加橙汁、士多啤梨、奇異果，有果香味清新，岩哂夏天消暑解渴醬燒豬軟骨麵用台式牛肉麵湯底的味道好濃郁，好好味不過囗味都幾重略鹹，要不停喝水。另外麵係扁身粗麵，麵質煙韌有口感，豬軟骨有一條比較軟，肉的位置少少韌要花點力去咬本來諗住叫沙律點知賣哂，最後簡左櫻花蝦牛乳泡高山菜，個名改得好高級，都幾大份，蝦米香出奇地好吃，奶白色高湯清淡得黎又唔會冇味香煎餃子冇想像中嗰種外脆內軟嘅感覺而且都幾油，不過豬肉餡夠juicy，配個汁蒜香味都幾好。整體都不過不失...服務好價錢又合理，可以試一試...但若果要排好奈隊的話，我未必會等…Read More

難得星期六又同朋友聚舊約係希慎見，Wired Cafe 食西式日本菜，見MENU選擇都好多，睇d相好吸引，就決定試下，等左10分鐘就有位由於唔太餓，2個人叫一個沙律一個意粉share差唔多sangria ，好細杯！係好飲既，但冇乜酒味似飲果汁仲有好多款味道，應該幾岩女士煙三文魚芝士沙律分量唔多但賣相好靚～有4片煙三文魚， 沙律菜都新鮮，仲有番茄粒、牛油果、粟米片，配芝麻汁幾開胃，攪拌一下粟米片脆脆地同芝士一齊食口感更分明， 整體感覺幾清新，唯一問題牛油果好生少左香味明太子意大利麵果然無揀錯，真係好好味，明太子好足料，配搭濃郁的忌廉汁香濃惹味，意粉彈牙令囗感就更加豐富，不過配牛角包有點膩，份量比較少不過都夠飽食物有水準，地點方便，服務唔錯，仲有現場DJ！…Read More

約左朋友食晚餐，星期五想食豐富d，行完朗豪坊就上去13樓呢間德國餐廳，地方大又唔洗等位。但如果你想搵一間安靜高級德國菜呢度就唔係咁岩你。煙三文魚伴德國黑麥包及薯仔沙律 HK$94洋蔥香味好出，煙三文魚配黑麥包, 加上日本mayo汁口感好豐富，配菜薯仔沙律味道不錯，都幾開胃。貴左少少咯～4塊野要90幾蚊😅秘製德國鹹豬手配香滑薯蓉及酸椰菜 HK$208本身為左德國豬手入黎，點知好失望。首先呢度Presentation實在有待加強，大大隻豬手同一堆白sai sai薯蓉，完全冇美感。豬手咬落囗感似係美國好出名嗰隻beef jerk，唔好期望係脆皮同肉滑，因為上黎已經凍，配菜同薯蓉都好一般（另外一定記得要佢幫你切埋）德國式燒豬腩肉包 $74一份有三件，外型細細件好得意，麵包口感特別好好食，但裡面夾著豬肉片味道普通唔夠juicy。餐廳環境幾舒適，比較適合同一班朋友一邊食飯一邊飲洒，服務有待改善，食物質素中規中矩，呢個價錢，我會選擇其他地方。Ps. 恒生信用卡有20%off 優惠…Read More