Ruby Felton's Profile

一直係傳統富豪飯堂嘅國金軒，一路都想試最近見到有優惠，於是去試吓餐廳位於IFC 3樓，套餐已經包括咗乾鮑，和牛等等高級食材。前菜係招牌叉燒王配紅酒鵝肝，叉燒李智西班牙黑豚肉燒得非常軟腍腍，有燶邊，紅酒鵝肝豐富油香配上蘋果解膩。再嚟係花膠陳皮黃魚羹，將黃魚拆肉配上陳皮熬製成湯底，加上花膠筒，每一啖都會飲得出黃魚嘅香味，滋補又養顏。重頭戲就係22頭吉品鮑伴花菇，鮑魚糖心用上幾日熬製，配上香濃惹味嘅鮑魚汁，如果可以食多隻就好了，係我最喜歡嘅菜式。辣椒炒日本和牛非常有鑊氣，用上辣椒搭配和牛爆炒，少咗一份油膩感。15年陳皮乳鴿用上豉油王製法亦有陳皮香氣，係一個非常有創意嘅料乳鴿料理。最後附上香菇肉醬炒飯及甜品作結尾，份量剛剛好唔會太飽，之後一定要帶屋企人再嚟國金軒。…Read More

新蒲崗最近有間好火熱嘅冇味精米線舖-秋拾米線，小食十分出名，亦上咗YouTube Channel,經過於是去試吓。今次就試咗好多款小食及配料，有蝦多士，軟見豬頸肉，兩碗米線（魚腐，雞翼，墨魚春卷菜底 &豬軟骨，墨魚頭，魚腐酸辣米線BB辣）。最出名嘅蝦多士麵包非常鬆軟，用上原隻鮮蝦，平而唔會炸到曲起，配上蜜糖芥末醬份外惹味，一人一件啱啱好。原件豬頸肉則份量非常多，有少少似泰國菜方式嘅豬頸肉，用香茅及其他配料醃製加上泰式醬汁，又香十足，亦比平時喺泰國舖叫嘅份量多。米線配料就最喜歡佢哋嘅自家製魚腐，慢煮豬軟骨，魚腐魚肉味香濃，亦保持到彈牙，民主豬軟骨一蚊到非常腍身及入味。另外墨魚頭亦非常新鮮爽口。秋拾米線非常值得喺米線關注組擁有一席位。…Read More

香港有唔同價位嘅壽喜燒專門店，又要抵食又要食到A5和牛唔係有好多間最近發掘咗旺角有間上樓嘅十侍壽喜燒專門店，主打高CP值鹿兒島A5和牛，於是試吓。我哋叫咗個二人壽喜燒套餐已經包咗6 塊A5最高級別鹿兒島和牛，蔬菜，烏冬等等，我哋兩個仲叫多個串燒拼盤及兩杯嘢飲。正常嘅就少都係用砂糖，但呢度竟然做上即製棉花糖代替砂糖，非常適合打卡。和牛壽喜燒配上蛋汁油香軟嫩，滋味無比，食完和牛之後嘅醬汁帶有牛油香氣用嚟煮蔬菜豆腐拼盤等等，醬汁香甜帶有蔬菜香氣，配上烏冬作為完美嘅句號。串燒拼盤方面亦是即叫即燒，最喜歡佢哋嘅人鮮冬菇及燒白鱔，鮮冬菇燒到入邊非常Juicy,白鱔新鮮，燒到白鱔嘅魚油都迫晒出嚟，令到外皮香脆。…Read More

最近經過威靈頓街見到一間新開嘅西班牙料理，香港元素twist 變成港西料理。餐廳以橙色格調裝修，簡約時尚。One Bite:海膽、黑魚子、西班牙薯仔蛋餅Tapas:八爪魚腿、黑白薯蓉、脆魚片配XO醬加泰隆尼亞蕃茄麵包Signature Main:馬友一夜干、沙白（Goldfinch白菜魚湯）避風塘蝦餃魷魚，西班牙墨汁短麵餐廳做附上前菜，用那哥魚造成嘅脆魚片，配上蝦頭油及香草醬汁，類似薯片但有濃郁嘅魚味。薯仔蛋餅就將洋蔥薯仔焦糖花將甜味逼出嚟，蔬菜嘅甜味搭配海膽及鹹香黑魚子。蕃茄麵包就像百里香及蕃茄造成冰沙充滿麵包，最夾上油浸過嘅蒜頭，非常適合夏天。八爪魚腿係西班牙最有特色嘅Tapas,慢煮咗嘅八爪魚腿非常軟滑，在煎向份外惹味。主菜嘅馬友一夜干將馬友，風乾一晚然後煎香，配上用白菜及魚骨打成嘅濃湯，非常有驚喜西班牙香港創意料理。最後就叫咗個墨魚汁西班牙短麵，將墨汁注入短麵當中，比起西班牙炒飯更勝一籌。…Read More

穩身在尖沙咀海防道商廈最近開咗一間新嘅貓Cafe,異目係裝修裏面有好多唔同種類嘅貓咪，一於去一探究竟。貓之茶房位於海防大廈裏面有唔少hostel,入到去環境非常舒適唔會太逼夾，亦吸引咗唔少遊客到場玩貓。貓Cafe亦定價非常親民入場費只需要$68一小時飲品食品亦係非常親民價錢。店主亦會喺唔同貓咪頸上圍上頸巾說明貓咪嘅特性，有啲係要再減肥唔可以餵食貓零食，有啲就要先俾佢問吓先可以摸佢。我哋坐低咗叫咗兩杯嘢飲兩件蛋糕加埋入場費都只需要百零蚊非常抵。坐低之後竟然有一隻貓咪主動坐咗喺我大髀上邊瞓覺非常可愛另外亦有唔同貓咪喺場入邊遊走你亦可以用$6購買半份貓零食餵貓，呢個價錢簡直係非常有CP值。貓之茶房喺香港亦有幾間分店我之後亦會去其他分店探吓貓咪。…Read More

好耐冇去泰國曼谷食海南雞飯，於是喺尖沙咀水門雞飯食返個海南雞飯。水門雞飯喺香港有唔少分店尖沙咀都有兩間價錢定價10分親民份量亦10分充足。今次就叫咗半隻海南雞配油飯，泰式腩仔及泰式肉碎生菜包。海南雞全部去咗骨，非常適合我呢啲咁懶嘅人，海南雞用上新鮮雞，浸得非常嫩滑雞胸亦唔會嚡，仲會提供雞紅，雞腸及雞腎，雪藏雞係唔會有依啲配料提供。油飯亦非常香，但唔會非常油比較健康，好驚啲飯食到最尾成個底都係油。泰式炸腩仔，用上泰國香料醃製炸菜配上泰式魚露醬汁非常惹味最適合配上啤酒。泰式肉碎生菜包份量非常多可以包到超過10件生菜包。廚師炒得非常有鑊氣，亦有唔同難度嘅選擇，今天就選擇咗BB辣，適合我呢啲唔係好食得辣嘅人士。…Read More

大埔好多唔同嘅冰室，大部份都係傳統嘅茶餐廳喺大明里見到一間裝修非常雅致，類似Cafe見到價錢唔貴一於去試吓。餐廳仲有限時早鳥優惠是12:30前或萬事7:30前堂食都有九折非常抵食。由於趕時間今次就叫咗外賣試咗佢哋嘅招牌紅燒鰻魚炒珍珠飯，魚子三文魚蛋炒飯及香濃，茄汁鮮蝦蜆扁意粉。鰻魚炒珍珠飯份量非常大有海量嘅鰻魚炒得非常乾身，比起好多日本料理嘅鰻魚炒飯更為出色。三文魚蛋炒飯屬於和風款式亦係餐廳必食推介內有唔同嘅菇菌三文魚配料非常豐富。茄汁鮮蝦扁意粉一打開竟然份量非常巨大，一個男仔都食唔晒足以兩個女仔食有新鮮嘅海鮮蜆肉及蝦香濃嘅蕃茄配上扁意粉唔會乾身非常惹味。午餐時間仲會配有熱飲，如果想加餐湯及沙律亦可升級套餐餐廳仲有唔同蛋糕款式做到真係好似一間Cafe推薦大家嚟試吓。 …Read More

旺角有好多唔同嘅廢水台式飲品店舖最近朋友介紹有一間台式飲品，仲有各式各樣嘅蛋糕可以飲杯嘢食個蛋糕，於是買外賣試吓。同朋友一人叫咗一杯嘢飲同埋紫菜肉鬆小貝。飲品就試咗店員推介嘅京都抹茶玉露及大吉紺野香橙，可以試一杯有奶一杯無奶唔會咁滯。抹茶香濃，入口先會有鮮奶嘅順口，然後抹茶香就會喺後面慢慢滲出嚟，就算叫咗無糖亦甘香而不會苦澀。大吉紺野香橙利用了新鮮橙汁及綠茶溝製，非常清爽感覺亦比珍珠奶茶健康飲品仲有果肉人非常喜歡。紫菜肉鬆小貝一開始以為係肉鬆麵包由於我非常喜歡食肉鬆於是試吓。一咬落去竟然係戚風蛋糕，配上奶油及海量嘅紫菜肉鬆喺蛋糕面雪凍嚟食更顯雞蛋嘅香味，鍾意食肉鬆嘅朋友一定唔可以錯過。…Read More

最近有朋友介紹深水埗竟然隱藏咗一間隱世鐵板燒餐廳-鳥海山鐵板燒。餐廳位於嘉頓麵包廠附近地鐵站行過去，只需要5分鐘地理位置非常方便。適逢周年紀念，叫了鳥海山鐵板餐，已經包括了前菜，刺身新鮮龍蝦鮑魚，牛肉料理，鵝肝，炒飯及湯。非常想介紹佢哋嘅活龍蝦及新鮮鮑魚，龍蝦採用了西澳龍蝦，非常鮮嫩，龍蝦唔會煮到熟，大概只有7分數可以保留咗龍蝦嘅鮮甜及爽蛋配上龍蝦膏條配嘅醬汁亦會蓋過龍蝦嘅鮮甜。鮑魚採用了高級南非鮑魚，師傅會即席喺你面前烹調，非常爽口過熟而煙靭。薄燒牛肉將蔥花及炸蒜捲住，只用了鹽調味，亦能夠帶出香氣。鵝肝多士雖然唔會太過大件，但入口油香味十足，食得出係一件高質嘅鵝肝。最後已經非常飽，但都忍唔住食晒成碗炒飯，吵得非常乾身配上櫻花蝦蔥花炸蒜等等炒香。香港人唔想食貴租，而係想食到食材嘅新鮮記得嚟試吓。…Read More

新蒲崗不嬲都有唔少小店位於Mikiki對面嘅景福餐廳，人流不斷，餐廳定價亦非常親民幾十蚊就有小菜配例湯及飯叫咗外賣一於試試佢。今次先試佢嘅黑椒薯仔牛柳粒，黑醋肉排及蝦醬蒸豬頸肉。餐廳侍應亦非常友善提提所有小炒都係即叫即整蝦醬蒸豬頸肉會需時比較耐。小炒非常有鑊氣份量亦非常多，叫佢三個小菜已經夠四個人食。黑椒薯仔牛柳粒非常有肉味薯仔翼炸得非常軟滑腍身，配上黑椒及蜜糖唔會太甜，非常惹味。黑醋肉排醋味濃郁，香味獨特，唔會太酸配上豬扒，忍唔住一件接一件。最後係蝦醬蒸煮豬頸肉，唔多餐廳會提供呢個菜式，最愛嘅蝦醬鹹香味配上豬頸肉，送飯一流，仲會有少量南瓜做點綴經驗南瓜同蝦醬嘅非常夾。餐廳嘅人流已經說明了佢嘅價錢及色香味都非常匹配，仲有煲仔飯，下次一定要試吓。…Read More

喺啟德新區想搵台灣菜都要跨區先有得食，今次啟德零售館就新開張左鐵牛台灣牛肉麵，一於試吓佢。餐廳非常明亮，又唔少卡位就算新開張晚飯時間亦差唔多坐滿，見到隔籬枱嘅牛肉麵竟然另外有個壺煲緊問吓餐廳侍應係咩嚟，原來係牛肉湯，於是我哋就叫咗鐵牛手沖涮涮牛肉麵。牛肉麵湯底非常香濃，用上熱辣辣嘅牛肉湯淋熟鋪滿成個麵嘅牛肉，用湯淋熟剛剛好非常腍身。另外叫咗個蜜汁芝麻雞髀乾拌麵，雞髀非常大隻，現身亦非常煙靭有咬口。另外叫咗兩款小食牛三寶小拼盤及鹽酥雞平夜市小香腸。後三寶份量非常充足，包括了厚切牛腱，牛肋條及牛筋。牛肉炆得非常香濃，牛筋仲係我喜歡嘅質地唔會炆到太腍。鹽酥雞及小香腸亦即叫即做惹味十足。最後仲叫做兩杯飲品大甲椰椰芋香及香水檸檬紅茶，黎開啟德零售館千祈唔好錯過。…Read More

適逢啟德SOGO雙子匯於11月開幕位於12至15樓嘅餐廳亦相繼開張，決定逐一試試今次先試了生泰東南亞餐廳，裝修非常別字，在蜥蝪非常新穎有別於傳統。先來過鴨肉生菜包，鴨肉油香配上酸辣非常開胃包住生菜更加清新。燒烤方面叫左泰式燒西冷牛扒，份量十足，原塊西冷牛扒配上兩款，泰式醬汁，估唔到都非常夾。餐廳侍應推介了馬莎文牛腩配薄餅，咖喱有少許印度色彩唔會太辣，用手拎薄餅餅點咖喱汁份外惹味。另外仲叫咗炒椰菜苗，芒果黑白糯米飯及椰青沙冰。椰菜苗上枱嗰陣時仲非常熱辣，睇得出係即叫即煮鑊氣十足。芒果用上黑白糯米，配上芒果及椰漿，下次一定要一人叫一個。椰青沙冰亦非常有心思將爺爺子肉全部刮出嚟再打爛應承沙冰天然嘅清甜非常解渴。…Read More

一年一度周年紀念去邊度食好？最近發掘到中環IFC竟然有間做中菜Fine Dining,於是去試吓，我哋今次叫咗佢哋嘅細味人生套餐，包括了前菜主菜湯品甜品等等，非常豐富。滕椒蔥油蟶子皇-藤椒汁將蟶子王提鮮Chung好有試過地用上乾冰上枱。20年古越龍山花雕鮑魚．梅子蕃茄．海蜇耳花 -鮑魚酒味香濃，蕃茄及海蜇耳花亦非常開胃。 綿綿川貝杏汁花膠螺頭燉蜜瓜湯-一開始上台仲以為上錯，原來切麵包嘅係扇貝棉花糖入口感覺新奇，配上厚實花膠及湯底非常滋補。脆皮海參．麒麟魚-脆皮海參配上立磷燒及鮑汁非常新奇亦高貴。珍寶珠-餐中間就有紅棗圓肉雪葩。太子玉枕- 帶子配蟹膏豆腐 ,適逢最近大閘蟹當做蟹膏味濃郁。茅台鮮蠔屈雞煲-走地雞配上新鮮生蠔在淋上茅台喺食客面前烹調非常惹味。甘栗珍菌炆飯-秋天當造嘅栗子配上野菌燉飯 萬壽薑茶鴛鴦湯圓 自製糯米湯圓配甜薑茶食厭咗西餐Fine Dining,一於去唐述試下。…Read More

最近返工實在太辛苦，適逢出咗糧，於是一個人去燒肉。而家香港開咗好多一人燒肉餐廳非常適合獨自去，經過Bingo Bingo空中列車烤肉見非常多人，於是入去試吓。餐廳有唔同價錢嘅燒肉套餐可以選擇，由於出咗糧，於是決定食餐好嘅叫咗個韓牛和牛套餐。包括咗100 gram1++韓牛腿肉，宮崎A5肉眼蓋蓋及宮崎A4和牛三角腩。一上枱見到份糧非常滿足，三個不同部位及國家嘅牛肉會有唔同嘅口感，最有油香感就係A5肉眼蓋，入口即溶，A4和牛三角腩就提供一組淋滑亦帶有油香，1++看牛就要非常有咬口，比起日本和牛有牛味，個人最喜歡和牛三角腩。餐廳亦可以加$15轉配溫泉蛋紫菜飯，配上蒜蓉醬非常惹味，另外仲叫咗個甜品及烏龍茶做結尾，對比起其他燒肉店呢度嘅性價比十足，推薦大家試吓。…Read More

如果大家係一位素食者，想出去飲廢水，點知大部份奶蓋都用上牛奶製造，可以去試下NUTTEA,主打用堅果製成奶蓋，非常適合素食者，健身者和乳糖不耐症飲用。堅果奶蓋用上5種堅果制成，口感比起一般奶蓋豐盈結實。今次適逢去開葵廣掃街，食完啲熱氣嘢想飲杯嘢，於是就試咗佢哋嘅兩杯嘅飲品，一杯比較清爽鮮檸蜜桃烏龍茶，另外就試咗招牌芒果茶堅果奶蓋。寒天蜜桃烏龍茶香氣十足，用上鮮蜜桃非常解膩。招牌伯爵朱古力堅果奶蓋，每天限量100杯，奶蓋每日新鮮製，可以用上匙羹食比起傳統奶蓋挺身，堅果味十分出，濃郁亦非常濃厚，個人非常喜歡。伯爵茶底用上新鮮伯爵茶葉最適合啱啱食完熱氣嘢，消暑解油膩。想減肥唔想飲珍珠奶茶，又想出街炎炎夏日飲到杯冰涼嘅飲品推薦大家試吓NUTTEA. …Read More