Kristinesikyeah的個人專頁

每次經過都見好多人排隊，今日去食下午茶，可以話係滿足而回一去到就有位。打開餐牌見到烤豬肉撈檬賣相不錯，於是點了一份。烤豬肉醃得入味，蘿蔔絲、生菜絲同蔥粒全部都新鮮爽口。入面仲有好多香葉，食起嚟好有層次感天氣炎熱最啱食碗凍檬降溫價錢亦好平，不過男朋友話如果份量慷慨啲就更好另外叫了一份越式法包，熱烘烘的法包，除左平時會食到的食材外，入面仲夾了肉鬆同醬油，有別於外面越南法包做法，幾特別！總結：食物有驚喜，以呢個價錢來講好高質，媲美中環越南菜下次會再訪餐廳座位有限，冷氣唔夠，快快食完就離開…查看更多

I’m a big fan of poke bowl but this restaurant has really failed me. I ordered a tuna poke bowl with toppings including tofu, avocado, dragon fruit and sliced onions. Sadly the fish tasted nothing, tofu had a very tough texture, and this costed almost $150. A complete disappointment. What’s worse, the coconut juice tasted weird and we think it was rotten. Staff didn’t apologize. The staff members were not particularly friendly or helpful too. And the place was very messy. Boxes were stacked and placed next to customers dining area. I felt the restaurant was unclean and not hygienic enough. It was an unpleasant experience. I will never come again.…查看更多

因為網上有人話係黃店，而黃店日本菜的確絕無僅有，於是同朋友來試試。結論係：又係一間令人失望的黃店叫左個五貫壽司（三文魚、帶子、蟹棒、赤貝同蝦）加烏冬，跟餐現前菜辣味螺肉、沙律菜、麵豉湯、蒸蛋、同飲品。前菜係一碗仔好無誠意嘅螺肉，似係現成買回來嗰種。沙律菜&麵豉湯&蒸蛋=Standard個五件壽司我只係食左三件，三文魚有筋，帶子唔夠鮮，蟹棒就係元氣嗰種蟹柳，唔洗多講烏冬正正常常可能因為見OpenRice好多好評，對呢間餐廳太大期望，所以失望更大。擺脫唔到黃店多數都伏嘅厄運....侍應服務態度真係好一般.... 同佢講嘢 佢唔會行過來，只係用個背脊對住我淨係扭個頭望住我... 莫講過日本餐廳，基本禮貌都欠奉無下次…查看更多

呢間餐廳可以話係hidden gem! 食物同環境都好出色因為我好鍾意食maki，於是點左碎吞拿魚卷同海膽三文魚籽卷 — 十分推薦！！！海膽新鮮、魚籽唔會過咸，食完一口接一口好味到想一個人食晒兩碟因為我坐係Counter枱，睇住日本師傅整串燒，香味吸引到我點了燒雞肉丸同舞茸。我本身好鍾意食雞肉/豬肉棒，所以私心覺得呢個雞肉棒好好味舞茸多汁又香，不過唔太抵食啦另外燒蠔係驚喜之作多汁又鮮！和牛壽喜燒，standard嘅好味睇住師傅係面前處理不同食材 — 煮湯、擺碟、開海膽同煙薰鰻魚，不禁欣賞日本人做事的細心及一絲不苟因為係住客，所有a la carte有7折，覺得物超所值！題外話，下一日仍然意猶未盡，於是再試埋set lunch魚生飯當然無令人失望天婦羅都好味，不過價錢來講呢個份量就不太公道....後記：食物質素上乘，裝修別緻，環境寧靜，景觀開揚，服務員同師傅親切有禮適合家庭朋友聚會慶祝或約會會re-visit…查看更多

男朋友之前堂食過話幾好味，我地都叫過外賣，覺得不錯。今日諗唔到銅鑼灣有咩好食，於是再去幫襯... 點知中伏一坐低已經覺得好焗促，原來冷氣都唔開... 唔怪得生熟牛肉金邊粉，湯底好一般，同埋都幾油下。另外點了雞絲撈檬，我其實欣賞佢啲雞絲有用火槍燒過下，香口好多。而且份量好多。但我男朋友食左唔夠1/3已經食唔到落去，因為實在 太 油 ！啲檬好似用過量的油撈勻過個腸胃接受唔到...總結：好失望，因為印象中佢係好味的。…查看更多

因為開係男朋友屋企附近於是試下，如果好味就會變成我地既飯堂入門口前用販賣機下單，似足日本啲餐飯玩法。店員會在旁幫忙點完餐店員就安排入座。兩個人坐四人枱，好闊落，唔洗咁擠逼。食物：前菜的湯、白飯同海苔粉都係自助的。餐具同醬汁都係。個湯竟然唔係麵豉湯，而係羅宋湯，估佢唔到正正常常無特別。想讚下個白飯，唔係好記得係咩咪日本白米，但軟硬適中，配上海苔碎好不錯。主角係石燒牛扒！我點了混合，牛肩肉、西冷同其他每樣少少。唔係最頂級嘅牛肉，但百零蚊來講無得挑剔肉味好夠都幾juicy總結：抵食，亦都明點解咁受歡迎會再幫襯。溫馨提示，食完成身都會有陣油煙味，約會/食完仲有地方去的話就要留意:)…查看更多

平時同會男朋友&朋友特登幫襯黃店，試咁好多間好味，高質係有的，但為數真係唔多。而中伏比例都幾高桔梗就係其中一間。朋友講左好耐想試，雖然聽男朋友講過呢間好麻麻，但因為黃店就去支持一下，點知真係中伏等左15分鐘終於有位，兩個人坐四人枱，好闊落。樓底亦都好高空間感十足。一攞餐具就中伏，啲叉有污漬，似係意粉醬胃口即時無左一半。食物：All day breakfast - $128真係好唔抵食，個蛋好Standard、啲菇似白烚、個牛角包油但唔香，重點係成碟唔夠熱。干貝公主意粉 - $98 見好多人食，一於試下。sorry... 除左個pat黑松露醬，成個汁底都係死咸... 配料又係all-day breakfast啲菇... 而干貝還可以。原本想叫飲品，見到熱牛奶$38，不了朋友叫左杯桔梗奶昔，唔知好無飲，但$58細細杯就肯肯定唔抵飲。服務：同朋友傾到差唔多，有位侍應走來話比我地聽要準備晚市，示意我地離開。我地問大約有幾耐我地要走，佢竟然話5分鐘內要我地離開，當時我地兩碟食物都未食完。清場唔係問題，但唔係早5分鐘通知總結：好多人都係抱住支持黃店的心態，而且環境唔錯可以打卡所以慕明而來，但啲食物質素同服務態度真係有待改善... …查看更多

終於有機會試美登利，我知我好outdated我會話係抵食之選叫左好多嘢食，最先到嘅竟然係天婦羅炸粉都幾薄，唔好太油。下面係三文魚三貫，左邊醬油右邊火灸其他壽司卷物都同預期一樣不錯。環境唔算大，但坐得舒服。想讚下店員服務態度好好總結：種類好多：刺身、壽司拼盤、創意卷物、炸物、熟食、湯包羅萬有。建議諗唔到食咩但又想食日本野的話一食無妨…查看更多

睇apply daily介紹，一直都好想試。今次第一次幫襯，絕對無誇張，係我食過最高質嘅黃店之一。由攞到外賣到返到屋企成20分鐘以上，飯盒依然係暖暖的。食物來講，雞肉絕對唔係頹貨，無雪味無過多嘅調味，就係鍾意佢本身的肉味，加上美味的醬油滑蛋同火候到位的洋蔥，超 好 味 ！ 米飯軟硬適中，食完一口到一口，支撐我一整個下午的work from home下次會試埋其他款式總結：食物質素，價錢定位，理念來講都無得挑剔希望繼續保持水準…查看更多

第一次來呢到係食晚餐，覺得好好味，於是encore. 今次同男朋友來慶祝生日lunch. Buffet唔多選擇，但勝在好味同算幾精緻。特別鍾意食呢到既薄餅同包類。串燒都幾有驚喜，但可以熱啲。魚生類都唔錯，唔算超級鮮味，但可接受。主菜揀左海鮮意粉同牛扒。兩樣都好好味。上次來都食過海鮮意粉，個粉口感煙韌，龍蝦湯香濃，食完唔會口渴。牛扒亦調味好好，食唔晒攞走，下一日再食都覺得仲係好好味。甜品好味但無咩驚喜，偏甜。最後有小小的生日蛋糕，侍應同廚師出來唱生日歌，氣氛好好。順帶一提，呢到服務好好，環境光明光猛，人流唔多所以坐的舒服。一試無妨。…查看更多

每星期都要去灣仔一次。最近發現呢間魚蛋粉鋪，門面幾光鮮衛生。今次係第三次食。根據之前既經驗，墨丸同牛丸係必食，所以我同男朋友一個叫墨丸河一個牛腩米，再加個淨牛丸。墨丸係招牌，好好味、彈牙，食完一粒接一粒。牛丸都係，好重牛肉味，一樣咁爽口。清底好清，我估無味精。不枉我每星期都來食。另外，牛腩反而一般，有點鞋口。魚片正常無特別。抵讚位係坐得舒服闊絡。呢個變成我地每星期既食堂。價錢來講，唔算平，一碗魚蛋粉40幾蚊，但質素、環境同地段來講都接受到的。…查看更多

一開始見到個門口有啲抗拒，覺得唔會好味。同埋本身唔特別喜歡米線。但食完個椰子雞湯米線，覺得湯底不錯。先講環境，好熱—本身餐廳就唔夠冷氣，飲埋個咁熱既湯真係邊食邊滴汗。而且好迫，坐得唔舒服不過呢個價位，都預左。今次食椰子雞湯米線，個湯底我好buy，好好飲唔油膩，真係可以成碗飲晒。但係我覺得敗筆係啲食材—啲米線食得出幾唔quality，偏淋，無口感。啲雞無雞味，不過呢個係香港普通餐廳的通病。其他配菜如豆卜、生菜都係普通。唯有同自己通呢個價位既食材只係咁上下。不過啲食材咁麻麻，真係浪費左個湯底。加左墨魚餅，幾好味的。好評係比個湯底同服務態度好好的職員…查看更多

同朋友係呢到食晚餐慶祝生日，聽人講食物不錯，點知中伏叫左個芝士牛油果薄脆，無咩味道，勝在夠脆。之後叫了個香草雞翼，見到雞翼上面醃左好多香草但食唔出有咩味。都唔緊要，食埋個薯條，心諗包無伏。點知最伏就係薯條— 凍冰冰的叫職員翻熱，但都係咁樣，只係熱左少少，但唔係每條都熱，要抽到條熱的真係好靠運氣。最後食左1/3就放棄左。為免泥足深陷，我地食完幾味前菜就決定轉場另外，環境算好，地方闊絡唔大嘈吵。但食物質素同誠意有待改善…查看更多

同朋友食lunch慶祝生日，每人叫一個set share食。一上菜大家都驚訝份量十足，望到都飽。首先講吓個番茄蝦意粉—意粉好有咬口，個汁唔會太酸，蝦唔大隻但爽口。不錯的。Sea bass一般般，肉質幾好，唔會好霉，但無咩魚味，下面托底薯泥仲好味。勝在賣相唔差。個雞扒好普通—無雞味，雪藏味濃。但沙律搭救。最後的沙律還好—食材新鮮。Set lunch還包Appetizer，無特別。呢個價位會期望食物質素好少少，可惜真係好普通。…查看更多

幫襯左美味餃子店幾年，周不時介紹朋友去食，各人評語都一致讚好自從荼毒埋男友後，最近幾個月每星期都會食一次先講候餐時間，每次都要等廿分鐘以上先有得入座，大熱天時排隊實在折磨。當用餐時就會覺得咩都值得。因為真係美味又抵食湯底夠熱又夠清，餃子大大隻但唔會覺得好吃不消，反而口感滿滿連埋菜甫食真係世界級享受。幾乎次次去到白菜餃都已賣晒。但試勻咁多款覺得雲耳椰菜最出色-有咬口又香，白菜相比之下較單調。韭菜配煎真係絕配，因為韭菜夠香夠出味，如果配湯會搶走湯的味道。另外，個人覺得外賣同堂食無得比，外賣湯凍又走晒味，寧願唔食都唔會叫外賣:(…查看更多