steffi_li's Profile

今天第二次黎幫襯見見面，一直感覺都是普普通通，因為之前大伙人gathering, 都是飲酒聊天為主，沒有太在意食物，而且叫餸亦不是我發辦，所以唔係所有都岩我口味，依個就係我第一次嘅印象。 今日同朋友2個人想食辣野，純粹找間好坐的餐廳，所以就選擇這裡。其實九龍城食辣野首選係湖南少奶，但每次總係坐得唔耐嘅感覺（餐廳沒有趕客），總之好快食完就想走。 講返今次見見面嘅食物，佢個豬手真係好好食，味道非常惹味香口，如果可以用d多肉嘅豬手煮仲正。另外仲叫了夫妻肺片和毛血旺都是很有水準。我們還叫了3枝啤酒，因不是我埋單，好像4百幾5百蚊左右2個人，非常合理的價錢。綜合食物和環境，現在見見面成為我九龍城食辣野嘅首選。…Read More

因為朋友食過一次之後，然後再連續去了2晚，所以很好奇是否真的這麼好食。之後有朋友生日就排了到這間慶祝，佢位置非常方便在漆咸道南中段，但冷氣就真係唔夠凍。食物方面，Overall 質素係中上，尤其係個燒雞真係好好食，皮脆肉滑兼多汁，必食。個蠔食倒係好新鮮，但可能overcook左,有d韌。個蟹係好惹味，但感覺就有d普通，所以下次會試d出面無嘅菜式。佢哋menu 上有好多出面唔會有嘅菜式，所以期望下次再試。價錢方面中間，如果唔計請朋友生日，約$500個頭。。。叫了5個送，有2個唔記得影。。。不過只係菜同小食。…Read More

星期五晚無安排，揾倒依間喺旺角食評唔錯，最近的食評都係讚佢有驚喜又高質，而且佢星期五都有位，所以就同朋友去試下。點知去完之後有驚無喜，而且癲覆左我對高質嘅認知，感覺中伏！ 最不能接受嘅係刺身唔新鮮，叫左條目仁奈魚刺身，雖然d顏色係正常，但食落口感係霉dur dur咁，一d都唔新鮮。生蠔無鮮味，而且佢6隻入面d肉無一隻係連住個殼的。串燒亦都係麻麻地，無咩味。咁多樣食物只有牛舌係唔錯，其他就真係再平都唔會試，日本野唔新鮮好大鑊。平，但係食物質素咁差，真係唔係我杯茶。無下次…Read More

今日幫朋友慶祝生日，喺openrice見到依間d野食好似幾好，而且訂位時還沒有這麼多劣平，就諗住去試下。點知一上到去，佢話比我聽要坐酒吧果邊，本身我係無咩所謂嘅，不過發現原來aira其實就係"where"依間酒吧，如果我知道就一定唔會黎，因為我記憶中where嘅食物係好普通，就算轉左做串燒，都唔覺得會特別出色。到食野方面，首先佢哋人手唔夠，出菜超慢，燒鱔上枱嘅時候係凍嘅，應該係放左好耐先有人送黎。佢寫明因所有野係即叫即燒，所以需時。的而且確係需要好長時間先上一道菜，但完全無因為咁而好食左，就是非常普通嘅串燒，完全唔值這個價錢。非常失望。唔會再幫襯。…Read More

雖然經常到這間位於佐敦近柯士甸站嘅酒吧飲酒，但之前佢哋都無做午餐，所以今次見佢開始有午餐供應，就即刻去試下。餐牌上面樣樣都想食。。。最後揀左最辣果個beef vindaloo, 而我個friend就揀左咖哩羊架。佢個餐就包餐湯，主菜同汽水。vindaloo好辣好香，個牛好淋好入味，但唔食得辣嘅真係唔好叫依個，堅辣🌶🌶🌶🌶。我朋友個羊因為係烤的，所以連d咖哩都有烤過嘅香味，而且份量係有2大塊羊架，我試左少少，真係超級好味🤩。呀龍咖哩完全無得比，佢除左咖哩好味之外，個主菜都處理得非常好。下次再試埋佢其他嘅午餐先…Read More

因為打8號風球嘅關係，佐敦很多食肆都關門，幸好圓方大部分食肆都有開。但因為時間緊迫，要配合香港打風嘅習俗🤣，趕到supermarket 360 買食物，所以就揀了快靚正嘅 shake shack做午餐。 點了兩個最簡單的Shack Burger, 加了pickles 同洋蔥都係免費， 兩個加埋 $116， 非常好味。其實每次都想試雞扒包，因為佢都有好幾款選擇，例如辣同唔辣，雞胸雞腿等等，但每次都放棄唔倒個漢堡，下次一定要下定決心試下先得。…Read More

一直以來都唔會去厚福街上樓食肆幫襯，因之前中過幾次伏，但今日朋友生日，佢揀地方，就無計。可能沒有期望，或者係話已經做定心理準備，反而結果令我喜出望外.間餐廳裝修同環境都幾靚，而且d音樂幾岩聽。我哋點左d前菜用黎送白酒。燒牛舌同羊肉串，味道都唔錯，如果牛舌有得鹽燒就超正，因為佢幾厚切。之後再食左個八爪魚沙律，佢個sauce真係好好味，連我依個食肉唔食菜既人都忍唔住食左一大半。之後佢個靚仔waiter又介紹左枝紅酒比我哋送牛，因為佢個石垣牛係signature, 所以我哋諗住最後先order. 叫牛之前，叫左個燒黑毛豬配無花果，佢除左無花果外，佢有加一個無花果嘅花，將佢夾埋個黑毛豬食，超正！如果可以嘅話，希望佢哋可以將個無花果換晒做無花果嘅花比我🤣🤣🤣。佢介紹枝酒幾好飲, breathe 5至10分鐘就ok....所以都未叫牛就已經又飲晒枝紅酒，又再encore 多一枝。兩個人飲3枝真係癲左，雖然有d飽，但真係好想試石垣牛，所以都有叫埋。佢個presentation 好正，比個玻璃盒黎裝住d牛，一打開濃烈嘅煙燻味撲過黎，個牛外脆內軟，個油脂分佈剛好，好juicy。依個必食。之後有個朋友黎左，又開多枝唔知咩嘅紅酒，因為靚仔介紹果枝已經無貨。之後走淨我哋一枱，我哋見佢間房d客走左，就問佢幾錢先可以坐房，原來4千蚊就可以，不過我哋食唔夠，但靚仔好好人，比我哋飲去唱左幾首歌。Overall真係唔錯，價錢亦唔貴，只不過我同我個friend太飲得，開左4枝酒，所以先2千蚊埋單。…Read More

這間本餐廳外面裝修不錯，相當優雅，不過入面就有點細。餐廳是用手機掃碼點餐，但我覺得不是迴轉壽司的話，我還是傾向傳統餐牌點餐，感覺more decent.店舖雖然細，但食物選擇都相當多，生食和熟食都兼顧到。 今次我揀左L11午餐，是日式魚生丼飯，d魚生都算幾新鮮，但係個份量就略嫌少左d, 每樣魚生就只有一塊。 而且一入餐廳沒有綠茶，只有一杯不冷又不熱的水，這裡大大減分。而且價錢方便不算便宜，魚生丼飯餐$228，包一罐飲品，沙律，前菜和面鼓湯。結論，因附近日本餐廳選擇不多,所以今餐都算唔錯…Read More

因為是佐敦嘅新食店，我梗係即刻去試下啦！6點20分左右到達餐廳，地下果層只有一枱，二樓好似3間房有人。因大門壞左，閂唔倒，所以個餐廳冷氣會差d，唯有叫住兩個餸試下先，如熱得滯就走。點知叫左4，5次都無人寫單（其實已經有3個樓面）。最後有個呀叔黎寫單，叫左小炒肉同乾鍋雞，最精彩時刻到了，呀叔寫完d order喺張紙度，然後就揸住張單去執枱，但我真係等左好耐先有人落單，所以我忍唔住問呀叔可唔可以入左單先，佢好認真咁答我“放心，我唔會漏單嘅🙄！”。。。其實呀叔明唔明食飯時間d客係會肚餓呢！經歷完等落單嘅折磨後，就等左半個鐘都未有野食上，可能見我哋等得耐，送左碟拍青瓜比我哋。又等左一陣，先再一碟一碟咁上菜。老實講味道唔錯，但唔藉得等咁耐。而且個乾鍋雞淨係食倒碎骨痴住小小肉，完全無咩肉食倒，仲要$138，真係唔抵。不過，最慘係有個送外賣嘅印巴藉人士，起碼等左45分鐘已上，到我埋左單都仲未攞倒佢嘅order,真係好慘！埋單：$252。。。唔抵兼等到傻，所以唔會再幫襯…Read More

佐敦又有新食店，即刻去試下好唔好食先。不過每次有新嘅日本新店進駐香港都係要排長龍，因為香港人對日本野實在太瘋狂。。。所以第一次等了兩個鐘還未到我，我決定放棄。 第二次學精了未開門就去排隊攞定飛，11點45分就可以食lunch.佢壽司種類表面好似好多，但實際只係同一種壽司放幾種食法出黎。而且所有壽司都偏細舊，亦唔覺得特別新鮮。如果一定要揀款比較好食，佢嘅炸物會比刺身壽司好。結論係唔會再去，因為無論壽司郎還是元氣壽司都比佢好好多…Read More

又係佐敦之友幫你試食嘅時間， 今次係去倫敦廣場打邊爐- - “鍋霸吃到飽台式養生火鍋”。老實講養唔養生就唔知，但星期日14:00去完全唔洗等位，但我都有經open rice 訂坐，因為有8折同用已登記恒生咭有優惠。我哋2個人佢哋比左卡位我，坐得舒服，而且唔限時可以慢慢食，佢有3款唔同價錢嘅餐，我哋揀左中間果個，即係折實共$735埋單，湯底就有成16款比大家慢慢揀。一嚟到佢會送黃金魚皮，其他野就可以自己order。 牛肉我覺得係正常任食野，ok啦～ 魚雲就切到好碎，依個就完全唔掂。海鮮正常新鮮，其他都係正路野，最好食反而係芫荽燒賣，幾有驚喜。飲品唔包酒精飲料，要另外加錢Overall 食物係正常野，但hea下，傾下計，肚餓又食下飲下嘅話，我覺得環境和服務都係唔錯嘅。…Read More

一直都覺得依間野嘅雞粥同炒麵好好食，咁岩今日去嘅時候2點鐘，可以開始點下午茶，所以比平時優惠得多，雞粥炒麵餐$58。除左上面講果兩樣，佢個炸豬扒客飯都相當之好味， 可惜d 姐姐話已經無再做客飯了。價錢方面，可能因為有米芝蓮嘅加持，佢真係唔平，平時正常時段d粥粉麵餐都要成$70蚊左右, 但係以味道黎計，我就覺得相當之值得。因為佢個雞粥真係超好食，連我本身唔鍾意食粥嘅人，每次都會主動點雞粥，所以如果未食過，一定要試下。…Read More

因為是佐敦新開的火鍋，所以就打算試下，如果好味，黎近打邊爐又多一個選擇。其實餐廳大概可坐8枱客左右，地方比較細，好彩我在open rice 預早訂定枱，因當日有些客人要等位。一去到，大部分客人或者服務員都係講普通話的，所以就以為是很正宗的重慶火鍋。我哋點了中辣鴛鴦鍋，但係就唔夠味，而且只係辣但唔香。其實成餐飯只有朝天門嫩牛肉和脆鯇，我覺得ok幾好食，其他就真係唔掂。尤其係串燒，除左調味料味外，食不到食物味道，應該是燒烤的食材不新鮮。價錢： 2個人食左圖中食物，另加2枝大啤，佢哋比左9折，大概6xx。試過一次就夠。…Read More

又係佐敦之友推介佐敦食肆，今次介紹依間湘菜，因為佢用料地道，味道正宗，最重要係價錢合理。雖然佐敦有好多湖南或者川菜，而且佢哋都係正宗四川人開，但我最喜歡還是依間。最推薦的菜色為1）農家一碗香，其實只是將雞蛋，豬肉和青椒炒埋一齊，但真係非常香口，而且非常好送飯。。。正！2）剁椒魚頭，魚很入味，不會魚還魚，汁還汁。我經常都看到一個人來叫一個白飯，一個剁椒魚頭，非常好味！3）干鍋大腸， 大腸超入味，不會像出面有些店炸到很乾身，送酒一流最不推薦是夫妻肺片，比外面差很遠。還有經常森寶啤酒也沒有貨，這個也讓人很失望。Fighting brand係比較不賺錢，但如果是這樣索性唔好賣，總好過這樣誤導客人。幾枝啤酒連加一大概$5xx。…Read More

因有點忙，所以差不多都到父親節，才發現母親節那篇食評放在一邊還未完成😅😅母親節當天雖然我一早就喺open rice 訂左位，但到我食完埋單嘅時候，成間餐廳都仲係坐唔滿。坐位舒服，服務態度尚可，只是落錯了一個餸，炆豬手變左炸豬手，最後都換返岩比我。食物點了以下幾樣，每樣個presentation 都好好，味道可以。1）signature 嘅單骨雞翼同平時一樣好味，就係炸雞翼味道2）大蜆意粉這個有點小驚喜，蜆很新鮮，意粉很入味。3）炆豬手完全唔入味，好似無炆過咁4）炸青咖哩三文魚這個咖哩微辣，同三文魚很配，個烤餅好香好軟5）越式蝦雞肉米紙卷這個組合食落口好清新，好開胃，因有菜喺入面，食多幾舊都唔膩飲料點了椰汁一杯， 5x 多元即的有點貴，又不是整個椰青。3個人共$856…Read More