Lorrainechu0930's Profile

行行下街想食burger， 上OpenRice睇吓近近地，就見到天魔喺一田入面，所以就去試下😋至尊漢堡 （$53 + $15跟餐）首先漢堡包個包皮係烘過嘅所以好脆😋唔會食到最後個包完全吸晒啲汁淋晒，同埋個包上面有好多芝麻好香👍🏻👍🏻塊牛肉唔會太鞋口，仲keep到啲肉汁，加埋塊蕃茄同埋菜，食落去又唔會太濟👍🏻👍🏻跟餐既薯條係新鮮炸出嚟嘅，炸到好脆好好味法式焦糖燉蛋 （加購$18）落單時店員極力推介話做緊優惠所以就買來試吓，但係有少少失望，因為個燉蛋未係好滑口，同埋個人覺得焦糖唔係太夠甜臨走嘅時候聽到職員同其他客人推介舖頭嘅Mocktail好吸引，下次會再黎試😋…Read More

同朋友係荃灣做瑜伽想食米線，一直聽講老闆娘好味，但朋友話雲家仲好味就試下佢😋去到門口大概6點已經有人排緊隊，等左15分鐘到先入到去 麻辣小鍋米線 + 雲吞個湯唔係太鹹，味道調得岩岩好，但個人鐘意食麻啲略嫌佢個湯底唔係好夠麻，但米線真係好岀色係煙煙韌韌嘅，口感好好👍🏻👍🏻雲吞就不過不失酸辣小鍋米線+腸仔朋友鐘意食酸辣覺得好好味，但係腸仔係凍嘅要系湯到浸番熱，應該係預先炸好咗放左一段時間，呢個有小小扣分，但整體都係好味嘅見到好多人叫涼拌墨魚頭，應該幾好味下次會想試吓😋…Read More

同朋友係佐敦食飽飯，散步咁行過去尖沙咀食糖水😋滿足女人嘅第二個胃😂記得上一次食過呢間覺得幾好味就同朋友推介左😁👍🏻今次都保持水準五色牛奶冰 ($55)因為上一餐食得太飽，所以我哋淨係叫咗一個冰share食，份量好大啱啱好夠我哋三個人食👍🏻我哋揀咗芋圓,黑糖凍,仙草,布甸,紅石，黑糖凍係最驚喜嘅因為唔太甜，但係又有濃濃嘅黑糖味😋其次係布甸好香奶味，但又唔會太死甜👍🏻仲有紅豆好綿好甜👍🏻仙草就有浸回甘既味道，系平時其他舖頭好少會食到嘅味👍🏻食甜品都唔係女人既專利😜見到有好多男士都三五知己過黎食就知嚐鮮幾好味👍🏻…Read More

同朋友行街行到攰攰地，就入咗爆丼屋坐底食飯，因為未食過入到去一睇個Menus 都嚇咗嚇😛因為真係有啲貴，好奇心驅使下決定試下佢咩料三重大極上丼 ($398)個飯一黎到又第二次驚訝😂😂因為好大碗有6-7片好長好厚嘅拖羅，仲有3-4條海膽係個頂到做點綴👍🏻終於明白爆丼屋係值回票價嘅👍🏻拖羅口感好新鮮濃郁，個海膽都好新鮮🤤三色海膽盛丼 ($288)海膽飯黎到我又第三次驚訝😂因我我真係太鐘意食海膽，見到呢個份量嘅海膽真係心心眼😍雖然佢係三色海膽，但我最主要食到兩種唔同，第一種係鋪係最上面嘅日本海膽，真係好鮮甜肥美🤤再食落啲就係加拿大海膽，食落比較腥😢但都可以接受，就係有小小失望，都明白成本所限另外個飯跟咗個湯，就無乜特別😂😂但係杯茶個茶包好岀色👍🏻加咗三次水都仲有味，同埋食完刺身再飲啖熱荼，感覺真係好好👍🏻👍🏻…Read More

打完風天氣有啲涼咗就想食啲秋天野加上同朋友好耐無見，就搵下有無雞煲打邊爐可以坐耐啲😊但尖沙咀打邊爐真係好full，前一日基本上都訂唔到位，好彩朋友搵到尚上下夏👍🏻小辣雞煲（半隻雞）$159店員一拎個雞煲上黎我同朋友都嚇親，因為半個煲都係芫荽，我同朋友都唔食😂😂心諗唔係真係咁養生咁大鑊阿，好彩雞煲個醬係偏鹹，就算一路滾住個煲都唔會好大陣味😂如果大家係"香茜派"見到一定好興奮😂😂但之後見到店員幫我地搞啲芫荽落煲底，就知應唔係用嚟防癡底嘅，啲雞個人覺得有啲鞋唔係好滑，再加上越滾就越鞋，食咗2/3之後已經唔太想食，所以叫加湯打邊爐啦養生藥膳湯 $49叫咗之後有個應該係廚房哪員工岀黎同我地講個藥膳係會苦嘅問我哋有冇問題，咁我地養生一族當然就想試下啦😀個湯唔係平時食開嘅藥膳味，有小小中藥味，但又未去到中藥咁苦😂好特別，但係我唔係太食得慣，尤其食到後面個湯會越食越苦，啲菜吸曬啲味😂😂每一味都好似食緊苦瓜咁，如果大家想做”人上人”可以試下招牌四寶丸 (一例) $109有墨魚丸,蝦丸,豬肉丸,雞丸，兩款海鮮嘅丸比較好食，係爽口小小，其實肉類嘅就鞋身啲萵荀 （一例）$49切嘅係一片片嘅比較易熟😂😂所以都係最吸苦鮮淮山（一例）$59淮山上枱時唔係浸鹽水而只係有幾點養化咗嘅位證明應該係我地叫佢先批皮👍🏻夠新鮮薯仔片（一例）$49同淮山一樣都係無養化，係新鮮切嘅👍🏻娃娃菜（一例）$49本身個雞煲有幾條娃娃菜吸咗啲味覺得幾好食就叫多咗份清熱滋潤竹蔗茅根（大枝）$58一大枝可以分到4細啤酒杯左右，唔係好夠飲，所以我地叫咗2枝，飲唔岀係咪自己煲嘅，但唔太甜又可解下鹹👍🏻👍🏻同埋鋪頭有收醬料錢嘅😂但個煲已經好夠鹹，所以我同朋友都無點過，唔知如果唔要醬係咪可以唔收😂😂…Read More

“雲桂香”屯門呢個鋪位已經好多年，之前學生時期喺屯門返兼職嘅時候就已經開始食佢嘅米線，個人覺得比起幾年前水平係有少少下降😢小鍋米線(麻辣小辣+ 腩肉豆卜)$55（連飲品）😋指數⭐️⭐️⭐️/5️⃣米線係幼嗰種偏淋身，個湯底雖然係叫麻辣但係都會有一陣酸菜味，腩肉係雲桂香比較出名嘅餸，但個人覺得就係水平下降得最勁嘅食品，前幾年食佢個腩肉係醃得好入味，就算浸喺湯入面都唔會話無味，但裝修完再返去食就覺得啲腩肉肥咗同埋放咗落個湯度就冇咗嗰種麻辣味😢凍檸七🥤值得一讚嘅係普通平時跟餐嘅嘢飲就加$6，但凍檸七因為係特飲就貴少少，呢到嘅野飲夠曬大杯，食辣野一流👍🏻👍🏻…Read More

朋友見到好多人推介”鮨一”好多人介紹就話想試下，我地預先係預先訂咗位，食飯果日可能係平日所以入到去都唔係Full個場，坐位唔算大但都唔會話坐落去好逼咁。特上錦繡刺身 $488總共有8款刺身每款有2切嘅，當中我食咗帶子，牡丹蝦，紅衫鯛 (好似紅衫魚網上叫系撚鯛)同海膽-帶子雖然係切咗半但都幾大粒👍🏻食落去都算新鮮-牡丹蝦都系好大隻好好味👍🏻我有食埋個蝦頭唔會有臭苦味仲有陣鮮味👍🏻-紅衫鯛食落個口感係硬身小小嘅呑拿魚，個人唔太喜歡食呑拿魚，因為食咗好多間都係覺得有啲腥，但紅衫鯛完全無呢個問題，唔腥仲好鮮🤤🤤-海膽係最值回票價嘅食品，個量大概有5條左右，我地4個人每人都食到1條👍🏻👍🏻個人認為海膽係最容易食得岀食材靚唔靚同新唔新鮮，"鮨一"嘅海膽一入口就有種好新鮮嘅鮮味同入口即溶嘅感覺😂😂真係好同海膽一齊游水咁🌊特上十貫目壽司 $348總共10件唔同款嘅壽司，包括咗帶子,海膽,油甘魚,牡丹蝦,鯛魚等等，同刺身拼盤有啲相似，啲食材食落去都係新鮮嘅😊但我地4個人十件壽司眨吓眼就冇咗😛😛下次要叫多份鹽燒牛脷 $38牛脷燒得好好，岀面唔會鞋同埋會留咗啲肉汁係入面🤤🤤好正👍🏻👍🏻鹽燒三文魚 $68個人平時吾太鐘意食熟嘅三文魚，因為好怕鞋無左滑溜嘅三文魚口感，叫嘅係腩所以燒到外脆內滑👍🏻牛油果蟹籽沙律 $65上面真係有好多牛油果應該有半個同蟹籽😋😋食完咁有益嘅嘢，都覺得自己健康咗😂😂唯一我覺得個沙律醬夠多…Read More

同朋友係尖沙咀食完雞煲好口渴就想係附近買杯解渴嘅野飲，就見到”ChaTraMue”。入到去見到佢張poster介紹微瀉玫瑰花茶系列比佢個杯包裝吸引咗就買黎試下。本身朋友想買茉莉花奶茶，但店完聽錯咗落多咗杯玫瑰奶茶😅所以就大家一齊瀉！玫瑰花奶茶 $35奶茶第一啖入口係有好香嘅玫瑰味，之後就有陣茶味餘醞，總體黎講味道係好味嘅。但係因為所有飲品無得走冰，有半杯都系碎冰，同朋友係海旁坐咗陣啲冰溶晒杯野已經無味😢後續 : 雖然個poster上面寫明係會微瀉，但估唔到效果咁明顯，一番到屋企就黎料，有種聽日要照大腸鏡飲完瀉藥嘅感覺😅如果有便秘問題真係可以一試！…Read More

中環街市新開梗係要約埋朋友去打卡啦🤗朋友喺網上面見到‘善茶’嘅枝裝奶茶覺得個包裝好靚好啱打卡，所以我哋就去搵試下啦。去到舖頭附近真正體驗到”未見其鋪，先聞其味”，隔咗兩個鋪位都聞到好香既茶味🍵去到見到枝裝奶茶係凍嘅放係細雪櫃入面既，我就建議朋友買杯裝嘅奶茶，因為係即刻沖嘅，感覺奶茶要熱飲先飲到香濃嘅味道😋😋杯裝招牌絲襪奶茶飲第一啖已經覺得好正，係正宗港式茶餐廳嘅奶茶味道，茶香奶滑😋😋啲茶味仲有小小回甘嘅苦澀味，個人十分鐘意👍🏻👍🏻相信港式奶茶味係香港人去到邊都會記得嘅味道❤️…Read More

話說9月頭嘅時候，天氣仲好熱就約埋三個朋友去西貢Wakesurf，玩完沖埋涼都成八點幾，有個朋友之前食過好食就提議去Piccolos到食，果日星期六晚嚟到都唔使點等位就俾我哋入咗去坐，個環境都舒服啲位唔太迫，又唔太嘈👍🏻但我哋玩左成日又餓又攰就嗱嗱聲嗌嘢食😛Mezzelune意大利餃子係咁多樣嘢食入面，我哋公認係最好食嘅，因為佢個白汁真係好岀色，用黎點任何嘢食都好好食😋同個餃子又好夾👍🏻👍🏻個餃子食落好滑😛😛好味到我地要爭Seafood Risotto 個海鮮係青口，因為同枱朋友同我都唔太好青口，所以我都系食咗一啖，感覺都新鮮嘅，個飯嘅軟硬度適中，個汁都好食嘅👍🏻Parma Ham & Rockets PizzaPizza係簿脆皮嘅，個邊邊好脆好香好好味😋😋同埋個芝士好香加埋Parma Ham同啲火箭菜成個口感好夾，我地一行4人每人食2塊感覺啱啱好BBQ Baby Back Ribs個Ribs係偏軟身小小嘅，個人唔係太鐘意，跟ribs上嘅薯條用黎點mezzelune個汁係一留👍🏻Milkshake 我哋4個人叫左三種唔同味嘅Milkshake, 有Caramel,Vanilla,Chocolate，我哋一致覺得Chocolate係最好味嘅，所以嘅Milkshake 都有陣淡淡嘅奶香，又唔會太甜，仲有少少沙冰嘅感覺👍🏻👍🏻同埋餐廳上菜嘅速度對於我哋幾隻餓鬼嚟講都算係快😝…Read More

中環街市新開就約埋朋友一齊去打卡朝聖😛因為撘巴士過黎要行一段路，行到身水身汗又口渴之際係紅燈籠門口一入就見到"果言"😂😂見到都多人排隊就諗都冇諗就買咗杯嘢飲巨峰提子梳打🍇🍇🥤🥤啲梳打水超夠氣，係夠氣到有種吉吉地嘅感覺👍🏻👍🏻我就十分喜歡💕個糖漿同梳打水嘅比例個人覺得啱啱好，成杯野唔會太甜又夠大杯好解渴，夏日熱辣辣都幾啱飲！見到鋪頭仲有啲無糖茶，水果茶都好吸引，如果下次再去都想試下！…Read More

之前係荃灣到試過”秘”嘅黑松露吉列牛覺得幾好食，朋友又未試過食日式燒牛，所以一行三人就去咗元朗到食晚飯😋板燒吉列牛牛嘅質素同荃灣鋪嘅大致持平，個人比較喜歡偏生的牛肉，牛肉入口好嫩好有牛味👍🏻 但朋友就話元朗鋪嘅牛切得薄啲😂另外晚市有兩個套餐可以揀，我地就揀咗+38蚊果個包咗1碗飯素,1隻糖心蛋,1碗櫻花昆布湯🍚珍珠米，軟硬適中🥚中間流心，好好果🍲味道不太容易接受，淨番曬係到和風薯條配芝士醬薯條係粗身厚切🍟上黎係熱辣辣嘅，就算放凍咗都好味，唔會食到成口都係油，但係因為邊食燒牛肉邊食薯條成件事好heavy，所以建議要多人食先好叫…Read More

Girl date👩🏽👩🏻👩🏼當然要搵間環境靚啲嘅餐廳啦❤️❤️咁岩朋友之前食過話好味，所以就去咗食啦，係Open Rice訂位仲有班戟/生蠔送👍🏻👍🏻香煎牛油波士頓龍蝦牛肝菌意大利飯$148Risotto隻龍蝦係新鮮好味既，值得一提嘅係啲龍蝦肉好容易就超到👍🏻個汁都係濃滑嘅，但係啲飯係偏硬咗小小🤏🏻低溫慢煮澳洲牛柳8安士配紅蔥頭紅酒汁$208我地order咗5成熟，牛柳入面好多肉汁好鮮味，值得一讚係個紅酒汁調得好好果同牛肉好夾，因為個汁太好味所以我地叫店員refill咗😝以上兩個係主菜+$38 (轉套餐：1份是日餐湯+1杯$28以下飲品）*套餐轉特飲半價🫕忌廉磨菇湯我地果日嘅餐湯係磨菇湯，雖然係餐湯但真係驚艷到我(唔係用罐頭湯煮的)，啲磨菇係打碎曬放落個湯到煮，所以係可以食得岀有磨菇粒，成個湯好濃味好正👍🏻👍🏻🍹朱古力香蕉奶昔朱古力同香蕉味平均，飲落唔太甜👍🏻🍟黑松露薯條$58薯似厚切好好食，上到黎係熱辣辣既，有小小黑松露粉係上面，食落唔會heavy👍🏻👍🏻因為我地係Openrice訂位，所以送咗客班戟😋班戟有4種味可以揀，我地就揀咗：芒果青提忌廉班戟皮都薄，個cream不太甜…Read More

要數屯元天米線點會少得”雲貴風”，我同朋友都叫佢”紅橋米線”😀成日都會有人係門口排隊傢，有次試過12點前早過佢開門到已經有人等緊😋今日叫咗個小鍋米線(麻辣小辣+ 豬脷）米線底未算係最岀色但都好味既，個人鐘意食麻辣多啲，佢小鍋湯底唔係太麻有小小酸嘅都可以接受，同埋鐘意食嘅原因係因為個湯底有好小好小藥膳味❤️本身想食麻辣豬耳🥲但口誤叫咗豬脷，好彩我都食但係就覺得有啲腥😭下次要食番豬耳補數記得上幾次食佢轉咗用紙兜裝，份量會細咗同埋無咁好味，好彩今次去係用碗裝👍🏻屯門紅橋店既環境比較逼小小，有時可能要坐岀去岀面食，夏天真係有啲難頂🥵之前同朋友都有去過元朗分店，果到鋪位大啲坐得舒服啲😂但唔知點解個人覺得無紅橋店咁好味😝但朋友話一樣味。…Read More