iambow2's Profile

幫襯過呢間兩次，一次食XO醬粉腸粉$2x! 以為好重味，但鼓油味太勁，冇乜XO醬味。飽係飽但唔好味，食返傳統混醬腸粉仲好！另一次食佢主打，朱古力棉花糖多士$23。主打都，棉花糖用低價嘅貨色！朱古力醬都係！店主真係要加油！…Read More

是日約咗朋友睇戲，朋友要夠鐘入場先趕到，所以自己食返餐先入場，之前睇過某雜誌介紹，話係該雜誌認為得獎食店，所以一直都想試，因為西班牙菜唔係成日食到。上到去係下晝時間，見做緊$228/2人 afternoon tea set，場內仍未滿座。我就點咗西班牙出名菜：海鮮飯，比較menu上嘅菜色，呢碟西班牙海鮮飯算貴，單點$138，同排類差唔多價，我就諗應該有返咁上下。另外再點咗水果茶，$49（好似係）。見到碟飯上檯，細碟到係N年前快餐店有穫仔小炒嗰個Size..但扁D!賣相：以咁嘅格局同價錢嚟講，係中下啦⋯⋯味道：飯呢，有D硬有D稔，點解唔係一致嘅？個味就係薑黃粉味囉。海鮮係雪藏就梗架啦！係冇雪味，同隻蝦煎得香⋯但補夠唔到唔抵呢樣嘢！水果茶：佢唔係專門係唔應該冒險，所以中伏。果味好假而且似藥水味⋯d果粒少同細粒，種類又少，得3種啫，孤寒到一個正常細橙同蘋果可以切成200杯水果茶用咁⋯插喺叉上面嗰粒士多啤梨，算第4種啦⋯⋯是次幫襯，除咗環境OK..冇嘢係滿意，唔會有下一次。…Read More