十十妹's Profile

這間放題店不嬲都覺得味道吾錯而且選擇又多，又保持到水準，今次再同朋友一齊來吃這間，這個時間238有咁多食物朋友都話抵食。星級海鮮宴選擇不少，比較少有是辣酒煮花螺和黃金炒海蝦，咸蛋王包住海蝦勁香口味又剛好，辣味滲入花螺好香好惹味。刺身多選擇就一定啦，三文魚，立魚，池魚王，甜蝦，沒想到咁新鮮而且好有魚香。帶子鮮甜，這裡仲有櫻花魷魚同酒煮榮螺味道仲要吾錯喎。壽司同卷物份量細細粒，而紫菜夠脆口新鮮，配合刺身同飯味道不錯。當然仲有最愛的海膽手卷，新鮮又鮮甜，最後仲要食了不少添。花之卷三文魚厚身帶沙律醬清新帶魚香不錯。炸物同天婦羅都夠新鮮而且吾油身，一口芝士味重夠濃郁，虎蝦天婦羅夠大隻， 金磚炸鮮奶味道香又特別。小食當然不會點胡麻冷豆腐，枝豆，中華沙律好開胃，飲品方面選擇不少，有汽水和韓國飲品，仲有我必飲的道地飲品。最尾一定要食乳酪甜品，這裡也有生果同不同的糕點，味道不錯，細細粒可以食多幾款，只吃這裡都已經好飽。…Read More

放假就同朋友去左行街, 行到攰攰地有d肚餓, 朋友就帶左我去冰室食野, 佢話呢間係佢平時食開。我地入到去, 都見到有幾多人食, 呢間冰室都裝修得幾新同乾淨, 令我對冰室既印象有所改變, 初初以為冰室一定會係比較舊同有歷史。佢地食物種類都幾多, 有好多唔同既選擇, 呢度連甜品都有!我就點左個韓式鐵鍋飯餐, 揀左鹽酥雞同蟹柳配龍蝦汁, 飲凍咖啡醒醒神。凍咖啡雖然係一樣好普通又傳統既飲品, 但可以話一d都唔簡單, 凍咖啡夠哂冰凍, 而且有好濃咖啡味, 又唔會太苦, 好易入口。韓式鐵鍋飯餐熱辣辣送上, 餐中仲有泡菜, 辣辣地, 都幾惹味, 撈埋飯食就變左泡菜炒飯, 鹽酥雞都幾厚肉, 好香口, 又唔會過咸, 配飯一流!蟹柳都有三條, 其實呢個餐都幾豐富!我朋友叫左個扒餐, 就咁睇都覺得豐富又足料, 薯條多到可以變座山!小食叫左個炸雞翼同Q版煙三文魚沙律, 炸雞翼炸得好脆而且好香蜜糖芥末味! Q版煙三文魚沙律, 一碗放到滿滿, 煙三文魚切得細細粒, 可以同埋粟米一齊食, 而且沙律醬好多, 粒粒粟米都占滿沙律醬!樣樣都好好味而且又大件夾抵食…Read More

我今日同朋友行街，見到一間日本餐廳叫極尚，佢嘅裝潢都唔錯，於是我就入去試下，座位都幾舒適，員工非常有禮貌，食物質素都幾有水準。佢個炸物天婦羅，有好多款式，脆漿炸得非常鬆化，可口得嚟仲可以將裏面嘅物質感味道帶出嚟，配對一流。燒物都非常出色，好似帆立貝，燒過後更把佢嘅鮮甜味提升到另一境界，味道非凡。一個燒牛舌更惹味，燒起香味四溢，牛味濃郁，咬口更林甜，燒過後，更將肉汁鎖實不會流失。花之戀，份量不少嘅三文魚，層層疊把一團飯粒重重裹著，柔光圓潤嘅三文魚，色澤鮮明，全是厚切，刀工夠仔細，食落口軟綿綿，感覺實在。帆立貝配上芝士，呢個配搭一流，鮮味既帆立貝肉汁又夠豐富，口感潤澤，本身已經好有質素，再加上芝士嘅配搭，芝士香濃嘅味道，令帆立貝既鮮更加出眾，濃淡相宜。…Read More

今晚約左朋友入大埔食飯，因為明天攞左假，食夜D無所謂。友人話呢間D石鍋飯係推介，試下都好！講環境，不算大，不過好Wood 的裝修，木枱木椅，好田園，也不錯。熱到炸炸聲的石鍋飯來地，是牛肉石鍋飯啊，好多料，牛肉醬汁是燒汁，帶甜可帶到牛肉的肉味，好吃，牛肉也嫩滑。另外配料好多紫菜和木魚絲，又好多菜咁，60蚊食到，抵呀！叫左特色飲品，草莓梳打沙冰和青蘋果梳打沙冰，酸酸甜甜好好飲，夏天飲好正。另外呢個好似叫熔岩芝士包+炸雞，我好鐘意個包烘到好HOT，好多芝士拉晒絲咁，好好食好芝味，個炸雞好香脆，夠肉汁，不過稍為粉漿多左D。沙律也好吃，因為煙三文魚好夠咸香，係好貨色，沙律加左好多麵包粒，香香脆脆混著沙律醬和蔬菜會好吃。芝士焗好大隻，又好多芝士，蠔味也好濃，呢餐真係滿足到我地芝士迷，多多芝味啦! 食咁多野都三百幾，抵呀。…Read More

好耐無食放題啦，今晚同朋友來呢間試下，第一次啊。來到，地點其實唔算好方便，因為唔算近地鐵站，但係環境好正，卡位特大，座得好舒服。d 卷物好多煉，軟殼蟹好好食，加州卷好好食，食左好多轉。D海膽手卷好食，海膽好鮮呀。三文魚刺身好普通，不算好正，但係牧丹蝦好鮮甜，油甘魚也好吃。至於天婦蘿，粉厚D，但入面料好新鮮，番薯大大塊，好甜好吃。炸蝦都好香口。另外要不斷Encore 係焗蠔，即叫即焗，熱騰騰好香，因為好多芝士同香蒜，重有菇香，蠔味濃，真係好食到飛天，不過要耐心等下，值的。燒物都OK，牛舌好吃，煙腍有DD牛蘇，我好LIKE。羊架必食，紐西蘭呀，好有羊味的肉汁又多，燒到好正！另外基本想吃的甜品如心愛的芝士蛋糕都有(朱古力)，都滿足到。飲品都好多選擇，其實呢餐幾OK。待應好有禮，抵比貼士。…Read More

今日又OT，唔返屋企食，約埋同事一齊食番餐好，泰菜也合口胃。呢間泰菜，有戶外環境，優美又優雅，吹下風食泰菜，最適合Hea，吹水、吹風，大家點了椰青，喝著好爽。好肚餓，先來過泰式蒜蓉炒貴妃曲，好像是小小豆芽幼苗，好嫩好爽咁，有D青草味，加左D香料炒，幾清新又有營。嘩，個泰式炒河來了，有蛋網幾得意，食時攪混佢，食落有少少茄汁酸甜，好開胃，加埋入面有D蛋、蝦同香料咁，好食，夠大碟啊。海南雞賣想唔算好美，但係唔肥膩，雞皮爽好滑，係好黃油雞，肉呢好嫩有香料味，配埋個泰式酸辣汁食，吊到雞味好佐飯。想食魚，健康D，叫泰式明爐魚，魚是盲鰽，但用泰式湯汁烹調，可以蓋到盲鰽泥味，好聰明，食到魚鮮，但魚肉不算滑，加埋湯汁酸酸辣辣咁食，醒胃又醒神。大家還叫了泰式甜品，椰汁西米糕，好食唔係太甜，有清香椰味。服務也不錯呢！…Read More

今日收工，入左元朗學結他，約埋個結他友一齊打邊爐，佢住呢度附近，話呢間OK喎。間店都夠寛濶，冷氣好夠，最好打邊爐慢慢嘆，叫左個滋補虫草花雞湯，女人要補下，飲下湯水，食下雞，真材實料，無味精。個D魚皮好鬼脆，好好食，如果浸下湯重好，爽口彈牙啊！重有D韭菜餃，好多餡，好大隻，入面有好多豬肉同韭菜，唔會好多味精，好住家，好食！墨魚蟹子滑，好有墨魚味呀，好彈好鮮，好食！還有我愛的花膠，本身無咩味，D膠都不是上級的，但係吸左湯，灼腍啲，會好有膠質，好軟腍滑，好多膠原咁，都OK好味。嚮鈴必叫，因為索湯，本身豆味好濃，好正。蘿白灼到腍到呢，好甜好甜，一定要食，又下火還有這蝶小吃，唔記得叫咩啦，炸魚來啊，香香脆脆好食。無叫貴野海鮮啊，牛都無，好家常咁，不錯的一餐打邊爐，多謝元朗同學仔請客！…Read More

今日終於出左糧，唔OT啦，約老公仔去食番餐浪漫西餐，因為去左呢度附近中華書局打書釘，順便等埋老公試下呢間西餐，今晚BOOK 左位！打了成個鐘書釘，買左心頭好，好開心！呢間餐廳成間英國街頭CAFE，裝修好迷人，門口有個英國大郵筒同隻可愛熊BEAR BEAR，令個想起97前的香港，懷念英國殖民地的香港....入面其實D位有點擠，但無法，香港鋪位面積有限，但裝修真係好英式，裝上的英式畫，重有好GRAND 木枱木椅，那天人蠻多的，但人與人擠在一起，各自享受美食和暢談，有一樣說不出的Warm。餐湯不錯啊，西蘭花白餐湯，有西餐花菜的味道，忌廉滑口又香，濃郁中有香草味道，好味道啊。老公和我也點了安格西冷配沙律，西冷7成熟，有牛味之餘，也是新鮮貨，加上清新沙律菜，令肉吃來不會好膩，吃西冷真是啖啖享受。我突然間望住老公，發覺佢原來多左好多白頭髮啦，我想我們真的老了。至於那黑松露意大利飯，飯夠煙韌，鐘意佢夠Creamy，但不會太多，剛好，食得好飽足。小食炸魷魚圈，外皮酥脆，入面的魷魚不會太韌，有魷魚味，加埋汁醬，好惹味。講真價錢有點貴，但係好味道，浪漫也要代價吧。…Read More

今日再約友人吃韓燒，佢愛呢間，今次點左好多牛肉，燒到7成熟，加D韓式辣醬食好好味，單吃牛肉Enore 左好多次。腸仔又係今次另一愛將，燒到個皮帶D燶，咁就鎖到肉汁啦，好香口惹味！豬肋骨、豬腩肉，肥膏烤到滴晒油，入口豬油香，加上軟腍肉味，咬下去共融口中，加番D生菜食，加埋辣醬，又Encore 好多次。次次來食，海鮮不是最好味，都係D肉，全部烤到好好味，食肉獸架到，呢餐蛋白質夠晒豐富啦！配菜D豆芽、泡菜呀，食完肉食最清新，又飲又食二百幾都值啦！(肉叫左好多盤，值番本錢，佢送食材好快手，要讚！)…Read More

今日同老公入左土瓜灣探朋友，晚餐同佢一齊撐枱腳，今日想食中菜，老公來過呢間說不錯，一試啦。環境好大，唔錯，坐得舒服。點了欠違了的酥炸大腸，還伴了百花卷，其實我唔知百花卷是甚麼來，侍應說原來是釀蝦腸，吃來不錯，彈牙好鮮，沒有好重的味精味，好清新，加埋D青瓜，好好食，又點脆又點彈牙，加上鮮味蝦膠，好食！至於酥炸大腸，無咩中式食肆願意做了，因功夫太多，唔係咁多地方食到啊。大腸咬下去，腸衣好脆，咬下會吃到腸肥的甘香，無臭味，好甘香可口，煙煙韌韌，吃到好過癮！呢個蜜汁桶蠔，好有蠔味，蜜汁甜甜潤潤，桶蠔唔係好大隻，好Match，因為蜜汁帶出蠔味，煎香更是可口怡人，佐飯好好食，但份量少左D，多D先夠喉，蜜汁是否加了蜜糖？？真是不錯，好過配豉汁啊，令吃蠔清新又唔肥膩。炸子雞都好好味，雞皮好炸香，老抽汁入晒隻雞度，吃到甜甜地，皮脆肉嫩，好正，呢度D師傅做中菜，好有功夫。我都好想練成炸雞術師，因為經常做炸子雞都失敗收場。…Read More

那天星期五晚，又來到呢間食韓式燒烤，約埋成班Friend 一齊食，真係好開心！呢間D肉同海鮮都OK新鮮，唔會太多雪味咁，今次來到，無上次咁擠迫，因為上次D位好密下，坐得無咁舒服。點了Cider special 士多啤梨味，唔係好甜炸，淡香士多啤梨味，酸甜清淡，食燒烤好Match。肉盤到來，五花腩最正，腍肥香軟，油份夠足，豬肋條有咬口，油份較輕但醃得夠入味，無雪味，無豬酥味，豬肉燒烤必點！西冷也不錯，建議烤到五成熟，食時點D韓式辣椒醬，惹味得來，好有牛味，同埋吃到牛味和腍軟軟化口感，雪花牛也是推介，夠薄，夠油香，又係吾好烤到熟，點D醬油，好味道到飛天啊！姐味們話吃肉時夾下D泡菜或青瓜，會無咁膩，重好味咁話。至於海鮮，唔係今次重點，OK啦，帶子唔差，鮮味OK，反而虎蝦好大隻啊，好鮮好厚肉，另外魷魚就鮮，不過有點韌啦。另外呢個爐邊蛋，都係今次重點，上次我地整到燶鬼晒，今次再來過，加左好多芝士，另外蛋漿和票米，今次有睇住來烤，烤到恰到好處，好香好多芝士味，有D甜甜地粟米，好似食班Cake 咁，成班大叫好味！今次要讚下服務員，醒目到同我地同熨斗烤到D肉表面帶焦，鎖到D肉汁，令吃肉成為今次頭盤主角。佢地手法純熟，自己烤真係無咁好耐性。烤肉食來食去都係韓式最好味。…Read More

昨晚，放左工約埋幾個朋友仔來到呢間Cafe，因為呢度環境唔錯，好舒服，同埋食過一次D西餐OK。真係好肚餓，叫左個西式西冷拼香草腸，淋上洋蔥汁，西冷都幾大塊，唔係頂級，但好有牛味，都JUICY，五成熟夠OK 唔韌。香草腸食唔出香草咁，但都好好食。呢個配羅宋湯，夠Match，個湯好多蔬菜味，蕃茄味亦濃，好多菜係入面，真材實料，成功!黑松露薯原來唔係洒上黑松露啊，D黑松露係沙律醬度，食落好過癮，薯條夠大條，咁先有口感，薯味不俗，不過點沙津醬會幾"樓"下。另外我地個個愛紅豆冰，入面有雪糕的，但唔係好甜，紅豆夠多咁，好正。再來海龍套餐，有魷魚、吉列蝦、炸魚咁，加埋D香辣咖喱汁，呢個好好食，個咖喱汁夠晒香，成功！還有黑松露炒蛋多士，個蛋好嫩滑，又有黑松露香味，個包唔係太厚，多士香脆，好味道。黑松露蘑菇意粉，個汁幾好味道，D意粉煮得夠爽口，但吸到汁，唔肥膩好清新。甜品係朱古力窩夫，唔係好甜，朱古力味不算大濃，但配埋朱古力雪糕食更為好吃，反而太濃朱古力味唔好食。呢餐真係好飽下，味道ok，我地hea 了3小時啊。…Read More

過年前，約了個朋友仔食飯，今晚唔知食詳好，朋友係大隻仔，最鐘意食漢堡同薯條，我好耐都無食呢D快餐，就下佢無所謂。佢約我來了這間Burgerman，見餐牌價錢都OK，叫左個至尊漢堡加埋薯格，都夠晒份量下，芝士夠溶又多，食到洋蔥味道，重有係有隻蛋，加埋D夠JUICY 漢堡牛肉，食到好飽，薯格外脆肉軟，好夠薯味，單食呢個餐，好滿足兼好飽下。友人都愛食呢個，至尊係佢取愛，推介比我，果然有料到！唔似M記咁，交行貨。我地配左好特別Aori Zona 士多啤利Ice Tea，好香果味，清甜潤喉，同D漢堡好夾。友人係大隻仔，食埋個大蝦卡邦尼意粉，講真上枱賣相普通，但係個汁好好食，唔係太"樓"個D，意粉夠腍身，我好LIke，果茶配意粉，別一番風味。整體唔錯，不過間鋪好細，有點街頭酒吧FEEL，大D會坐得舒服D。…Read More

我今日放左工，返完學，有D口渴，想飲下凍飲，入左去呢間台式餐廳，因食左飯，本想只叫杯凍飲，但係見到隔離食緊好正咁，真係甜品癮返曬來，叫左呢個Mango Honey Toast ，真係好鬼正，皆因好大份，有雪糕我(配番Mango味) 加上的芒果醬，棉花糖粒粒，重有係D厚多士呀，食到好鬼有層次，塊多士又厚又脆，雪糕好香好滑好有芒味，一個嘆到呢，另外重叫左杯凍飲，凍柑桔檸檬，好普通啦，但個甜品好回味，但係價錢我覺得貴左D，但係台式甜品，呢個要讚。另外呢間裝修唔錯，座得好舒服。…Read More

今日又約左人食野，姐妹工作唔開心要狂食一番，鐘意食韓式燒肉，我上次來過，見任食又抵，訂左呢間。工作唔開心，大家都係一樣處境，先來D可樂，飲左幾"觀" HDigh 爆，友人愛Lotte 野飲，不斷Encore。再來今次又食豬腩肉，呢度最推介，油花十足，又豬肉無話有豬"蘇"味，反而好有油香，燒到有D焦，香口咁香又夠腍軟，好食到停唔到。至於D海鮮血，扇貝同蠔都同上次一樣，算新鮮，起碼無腥味，燒時加D蒜蓉，最重要係燒透D，個人最愛加少少韓式辣醬，會更惹味，但係友人話魷魚就麻麻，無咩魷魚味，又韌左D。蝦都OK，中SIZE，有D肉地，燒起好鮮甜。今次原來發現燒雞腎係好好食，爽爽脆脆，有DD蘇蘇地，但係口感好過癮，加辣醬食好正。(今餐食左好多海鮮野，值番票價)水準都OK。因為無飯氣，食左個胡椒味烏冬，個湯胡椒味好香，夠晒驅寒，食落好滑。個甜品係朱古力刨冰，其實雪米糍同D麻糬好煙韌，但刨冰好似大粒左D，細番D會perfect 好多，加埋朱古力味道，我鐘意呢款味道的刨冰，友人更愛，食左減晒壓。今次真係食到盡興。…Read More