食得到's Profile

今日放工喺觀塘附近搵嘢食，其他地方都好多人，所以就黎試吓呢間新嘅餐廳！我哋兩個人叫咗都好多嘢食，而且個生蠔仲係有特價優惠， $98有六隻，好大隻！是日餐湯都唔錯，南瓜湯底配上大蝦🍤炸魚薯條好香，價錢都太貴，份量都可以。我哋叫咗一隻乳豬手，因為覺得好特別，未試過，所以叫來試吓。但係就感覺太乾，個皮好硬。最後我哋試埋個法式田螺，已$48來講有六隻已經唔錯！最後埋單$658 ，主要係個豬手都去左一半，兩個人食得好飽，下次可能唔洗叫太多啦，哈哈😄…Read More

環境有氣氛，坐得夠闊，可以慢慢享受個晚餐，適合朋友傾計。放咗工咁晏，自然想近近地去搵晚餐食。呢間餐廳係太古城，好近地鐵站，好方便。而且佢又有2人餐，岩哂放工唔需要用腦諗。首先，二人餐個頭盤我地揀左炸蝦丸同炸魚丸。蝦丸幾趣好香，但係個魚丸就比較辣，入面加左薑粒。跟住下一個餸呢就係牛扒。佢煎唔錯，點埋佢淨係汁就好有泰式風味啦！個大蝦粉絲就略嫌佢炒得比較濕，唔係太爽口。 二人餐可以揀兩個甜品，味道都唔錯。非常推介泰茶Tiramisu，好味得來唔會太甜。另外石板街都幾好食。整體來講都好滿意。…Read More

一直都好想試吓八色小籠包㗎啦! 難得比較早食飯， 6:45都唔需要等位，所以即刻去試啦！八色小籠包係有一個特定嘅順序，食嘅時候係由最淡味道到濃味既。 個人來講覺得人參味道比較淡，同原味差唔多。最覺得有驚喜嘅係黑松露同埋鵝肝，味道好濃非常之香，如果再食可以淨係叫呢兩樣。另外叫咗個四季豆同埋煙燻鵝肉，味道就係一般上海菜，所以唔特別介紹啦。總體來講環境同服務都唔錯呀！埋單仲送張100 Coupon ，下次可以再來。…Read More

午餐時去左銀咖哩食,平得來又夠飽既快餐今次叫左個餃子咖哩飯同芝士豬排蛋包飯,學生優惠送汽水  餃子咖哩飯雖然有D燶,但係都OK好食,清清地咁,如果再多D汁就好!我自己都幾鍾意佢任添既漬菜,不過今次果罐同上次唔同左,唔夠入味同埋酸左少少. 之前好似好味D! 咁佢比Coco 一番屋平一半,冇人地個漬菜咁好食都正常.芝士豬排蛋包飯個芝士係成塊正方形咁放係面既,就唔係同蛋溶埋一齊,食落去係分開既感覺.個豬排都幾大舊,味道尚可.…Read More

平日7點鐘來到,店入面都唔多人,所以唔洗等位.晚餐有7種魚生飯揀,今次就揀左D餐,有三文魚,蝦,玉子,八爪魚同埋其他野.佢有面豉湯送,今日仲要免費升級,送紅豆抹茶同雪糕抹茶,平時就要+12$先有.個魚生飯既三文魚同八爪魚都唔錯,都幾大塊同厚如果多幾塊就好,二塊得太少但係入面白色果種魚味道就好淡,好似水味咁,非常一般. 72蚊都算抵食,仲要幾飽下.佢個紅豆抹茶唔甜,仲要少少茶既苦味,岩岩好,唔怕落得太多糖:)因為冇咩人所以坐好耐都得,都幾舒服.…Read More

朋友話好耐冇食過雞煲,見到好多人推介所以就來左呢間食我地2個人6點半左右就去到,貪佢早唔洗等位,一入去就食得我地揀左BB辣,不過唔辣既,係香香地~岩哂唔食辣既朋友啦!佢有好多野揀,例如花膠,青口,韓國年糕,紅薯粉呢類其他地方比較少會有既食物.整體來講呢個價錢食咁多野都幾抵.…Read More