花花貓's Profile

最鐘意係去d細細間既店仔幫趁~起初入到去都有d期望 (喺門口有大大張有阿蘇推介既報紙...)只係想講4個point... 1. d侍應態度有d串... 不過都未叫令人好反感既...2. 果日推介係紅蘿蔔餃, 見係推介立即叫嚟試... 點知...好鹹呀...3. 阿蘇推介既蕃茄蛋餃就唔錯~4. 其他食物都ok啦~ 不過講到話好好食就未至於...整體嚟講係有d失望... 但都可能會再去既~…Read More

服務態度真的差到離譜. 問佢套餐既野可唔可以改, 佢話張紙到見到咩咪得咩囉!叫了扎肉撈檬及蕃茄牛腩的套餐. 包一杯野飲, 我叫了紅石榴冰原來唔包. 咁我問佢咩先包, 佢話已經寫晒喺到. 我真係見唔到, 佢就好悔氣咁張張紙反轉. 寫小食落錯單都算啦, 仲要屈我, 我都唔食春卷既, 點會叫春卷呀!食物水準呢, 都算ok, 份量都叫好足. 只不過, 未食完就有d比人趕走既感覺... 真係唔想再去...…Read More

果日同阿姐逛街, 唸住呢間野我喺尖咀食過都Ok, 就提議入去試.叫了個招牌海南雞, 真係後悔, 雞冇雞味, 齋鵝冇味, 得雞油飯叫做正常d, 配菜亦少得可憐...後來的擔擔麵, 驟眼睇, 仲以為係人食淨既, 水汪汪, 食落覺得好怪, 除了花生醬味, 仲有鹹味, 家姐話d鹹味似鹹菜頭d味... 未至於難食, 但好怪...最正常係乾燒四季豆, 正常地多油, OK la~我唸... 新都會咁多野好食.. 我唔會再食呢到囉...…Read More

一入到去即係感到有加太賀影子, 原來佢哋都係以前加太賀什麼什麼作招來.d裝修好比心機, 好日本down town, 仲有好多懷舊玩意,放到全天花都係.但係d阿嬸Waitress就好得人驚(唔係講個樣), 我同朋友講緊野, 佢半個身喺前我哋中間, 又放碟, 又唔知攪咩... 跟住妹妹仔Waitress話推介d菜色比我哋, 又唔講到亂晒, 完全聽唔明~~ 又唔熟自己餐牌... 完全增添客人煩惱... 講下野食, 我同個friend主要係叫壽司, d質數ok, 平就$9至$25都有, 但冇咩特別炸天婦羅都好一般係軟殼蟹卷都做到想食既味道而我叫咗個油甘魚骨腩紙火煱, 湯底都夠味, 配料有d菜, 幾片魚, 冇驚喜, 但都叫做合格啦我唸, 我都會再試一次既... 只不過一定唔會常嚟, 同埋推介比人囉...…Read More

~ 都唔知比咗二百幾食咗d咩~~! 都唔咩叫環球海鮮美食自助晚餐!!都係因為睇到之前食評同埋雜誌有8折先去~咩情侶雅坐同既係茶餐廳卡位~刺身得三文魚,吞拿,同油甘~~ 切到勁細件! 質數又唔高~ 唔知係咪近來其他地方有食物中毒關係, 總之冇生野! 凍盤係聖子的瀨屎蝦~ 有冇攪錯~! 長腳蟹腳全場得果10條!! 未到7點都冇晒啦!!d蒸扇貝出咗一輪已經冇~ 冇味龍蝦仔都係!d魚翅要盡快食, 如果唔係會變一舊舊...片皮鴨塊皮真係厚到食得飽人~雪糕又cheap~ 得雪山同阿波羅! 係d甜品叫唯一OK, 款款都好味~ 但出二百幾嚟食OK既甜品buffet, 我就覺得好不值啦!:(…Read More