車厘茄's Profile

麵軒都幾好笑,我同同事食食下碗麵,個經理突然走過嚟,話想係我地個位後面個櫃拎少少嘢,叫我地出一出嚟,食食下俾人叫行出嚟已經唔多老嚟,我同事問佢係咪好急住要,個經理話係,咁我地唯有行出嚟啦;頂!個經理拎既原來係紙皮箱,拎左五個紙皮盒出嚟,揚起哂啲塵,我同事超不滿話佢有無搞錯,啲塵跌哂落碗嘢度仲使食既?個經理淨係識講唔好意思...我同事嬲到唔想食落去,埋單去收銀度投訴,個收銀都淨係識講唔好意思同俾個九折我地,講真,我地唔係為你個九折而嘈;個經理處理手法都有問題,你要拎嘢得,後面有位,你咪幫我地搬哂啲嘢去第2張枱度食都OK;以為你咁急係拎食材而行出嚟,點知原來係拎紙皮箱,你間嘢係食肆嚟架,講唔講衞生架?!倒轉你食緊飯我走嚟吸塵,你仲會唔會食得落?…Read More

同朋友仔聽完個talk,又倦又肚餓,又唔想去food court, 就嚟左附近睇下有乜食,除左門口招呼位姐姐係有笑容之外,入到去,個個都起板起塊面.入到去坐低,我地問可唔可以俾左杯水我地先,個waitress哦左句,就行開左,到我地睇完個menu想落order時,都仲未有杯水,所以當同一個waitress嚟寫單時,我地再向佢要求要杯水.因為我同朋友仔都有啲唔舒服,唔係好有胃口,所以叫左個長通粉share食住先,諗住唔夠先再叫.等左陣,個waitress終於俾左兩杯水我地,因太口渴,即刻拎起飲,飲左兩啖,向杯底一望,吓!!!我咩都未食,點解杯水入面有粒飯既?!?!想搵人嚟換過杯,但係所有員工好似好忙咁,睇你唔到,所以唯有唔飲算.之後嚟左籃麵包,暖暖地,幾好食.跟手無耐,就嚟埋碟長通粉,老實,咁既價錢,一百四十幾蚊碟意粉,份量少唔再講,連味道都無,真係無味,可能見我地個樣似病,費時整咁濃味害我地卦,仲要唔係好熱,原本諗住再叫其他嘢,都即刻打退堂鼓.到埋單走人,個waitress都好似唔想行埋嚟咁呢間嘢,衞生同服務都麻麻,真係試過一次就夠…Read More

睇完戲去樓下呢間新開餐廳食飯，估唔到嘢未嚟，就食左一肚氣；首先去收銀度落好哂order，用匯窿咭有九折，所以就碌咭，碌完咭，隔離另一位妹妹仔就大嗌："寬條麵無哂喇，你仲落單．"跟手落order個妹妹仔騰哂，搵經理問點樣，個經理走過嚟了解件事後，我就話不如void左張單去，點知個經理係都話唔使，一味叫我再order第二樣嘢,佢就一味顧住check部收銀機，要你呆企，；之後戲玉嚟喇，我同朋友仔商量完後，再去落單，跟住個經理話會計返個差額，退返錢俾我，咁我就返埋位啦，無耐個經理過嚟匯報，就同我地講，因為我地第二次既order係平過原先張單，所以個差額係47.5，咁我同個朋友一心諗住佢refund，點知個經理話："不如我俾張$50 coupon你地，揀下我地個中式甜品丫，新產品嚟架，要唔要試下？"但係我地order個set嘢，已經有雪糕，所以我地話唔使，點知個經理仲係咁話，好抵架，$50喎，但我同朋友仔堅決話唔使，你refund返俾我就ok，個經理就聲都唔聲,死死地氣走左，無耐，落單個妹妹仔走過嚟，俾一張void左既發票過我，話已經void左張單，我同個朋友仔互望，大家不期然拎哂頭，一早都話void左張單未得囉，搞咁多嘢做乜鬼，哂時間．至於食物方面,我個餐點左南瓜沙律,ok,但淨食沙律已經飽哂,再後上既磨菇意粉已經唔係好食得到,因為已經太飽,朋友仔要個牛肉漢飽(唔記得個名),佢話唔多得,無味,食落口都唔覺食緊牛肉.最好味,我諗都係個雪糕.最後,好同意前兩篇食評所講,佢地既員工好似遊魂咁,可能新開關係,運作上極度需要改善…Read More

睇報紙話佢地有全港獨一無二既意大利朱古力機,攪出黎既朱古力特別rich,所以同朋友專程黎試新野,每人叫左個cake,另叫杯hot chocolate,鋪頭姐姐仔話有兩隻size,細size就兩啖就飲完,咁想試下係咪咁好飲,所以我要大size.講真,完全失望,可能我真係期望過高,我唔係想寫到咁不堪,但確實隻味同我由細到大飲開既三花牌,真係無乜分別,而且杯野都唔平,承惠$36.cake方面我叫左個almond cheese cake,朋友仔叫左個lemon cake,almond cheese cake比較正常,但係食唔出有almond味,只係一個普通cheese cake,但朋友仔個件就真係唔知點講,係有lemon味,但整體上成件cake唔知咩味,好難整體形容.…Read More

第1次黎九龍塘呢間,就咁睇門口以為好細,入到去裡面坐先知其實都ok大.之前淨係幫襯過尖沙咀嗰間,覺得d意粉好油,今次試下呢間睇下有無唔同.首先黎左個包同muffin,muffin好食,鍾意佢唔太甜又有nuts,個包就無意見,包一個無乜特別.因為兩個女仔食,驚食唔哂,叫左個薯皮同忌廉汁西蘭花意粉,食完再決定加唔加碼.薯皮ok,唔係太咸忌廉汁西蘭花意粉,起初望落去無乜野,夾到埋隻碟到一望就出事喇,完全同海港城嗰間一樣,多油,唔係話驚肥,但真係食到一半巳經濟住哂個胃原本諗住坐陣傾下計再叫甜品都唔得,因為個胃真係唔掂,唯有埋單走人…Read More

尋日２點鐘去到機場送機，見仲有段時間便入去食下野，原本只叫了鬆餅，但見未食過辣趣薯條，就順便叫黎試下，ｏｒｄｅｒ時服務員還問清楚要大定細，還自報價錢，大包辣趣薯條要＄１４，細既就＄１０．鬆餅，次次食都覺得好食，尤其係加埋ｄ蜜糖一齊食．到食個辣趣薯條，真係唔掂，凍冰冰都算，完全唔辣，唔明點解改呢個名，ｄ薯條顏色仲要深色過哈迪斯既扭扭薯條．同埋偏鹹．…Read More

同朋友叫左個忌廉西蘭花闊麵同一個焗薯share食等緊時waiter俾左籃bread我地,個muffin幾好食,所以抱有期望之後上枱既都好食.首先黎個焗薯,似Delifrance咁，不過d配料分開上,ok.到個闊麵上場,原本食巳經覺得麻麻,點知食多兩啖唔止個咀成口油,仲要隻碟都漏哂油咁,真係好多油.個fd直頭食左兩啖巳經驚左唔再食.亦因為咁,個fd唔夠飽,咁啱三點幾可以叫佢地個tea set,個fd要左個potato skin,我要左個tiramisu,朋友話個potato skin幾好食,好芝士味,而我個tiramisu都唔差.係個意粉大失所望.…Read More

尋日放工有d肚餓，又想食ｄ甜野唔想食包，咁就叫左個朱古力蛋糕食．凡係朱古力我都會唔理好醜照擺入口既人黎，但係今次終於都食到難食既朱古力味．首先搵叉吉開時，巳經勁實，點知擺入口，好難食，無朱古力味不特止，仲要係食落好似擺左好耐既muffin咁，好難食．搞到有d唔敢再諗佢地其他既蛋糕．…Read More

還記得舊年買左一盒佢地出既朱古力咖啡月餅，可能本身係一個朱古力狂，所以覺得好好食，所以諗住今年再買．點知今年新出左兩款新口味係愛爾蘭咖啡味同柚子葡萄味；好彩佢地俾我試食，試左兩款都覺得舊年個隻味好食好多．愛爾蘭咖啡味，我淨係食到好重既酒味；柚子葡萄味就好怪，唔係難食，但係梗係唔知咩味，怪怪地咁．兩種味都食唔到咖啡味，所以唔打算今年再買．雖則月餅令我失望，但係呢間分店既員工服務態度非常好，永遠都係笑容滿面．…Read More