kinki chan's Profile

早兩日放工返屋企經過樓下，發現開左間牛腩麵店，見佢乾乾淨淨，企企理理，都幾多客仔，忍唔住入去試試佢，叫左佢個牛筋墨丸米，牛筋超淋超入味，個墨丸係有墨魚粒喺入邊，足料又爽口，最正係佢個湯底係純正牛骨湯 完全冇味精，飲晒成碗都唔口渴，超正🤤🤤仲有佢個超甜蘿白，真係超甜又好味，而且冇渣，一碗滿滿既，全部比我食哂🤭高手在民間，估唔到小小一個土瓜灣都有甘高質既牛腩麵店，唯一可惜既係店面細細，繁忙嘅時間可能要搭枱，不過甘好食 咩都值得啦 ！推介🤓🤓…Read More

又係食美食既時候，等等等，我終於都等到鐵牛分店開到去旺角，第一次食係尖沙咀食佢既牛肉麵，已經覺得好正，之後再食佢個紅燒牛肉既番薯飯佢有3小碟跟埋，價錢$6x唔包野飲唔算特別平，但我今日食吸引我既係佢地兩點半既下午茶，可以選主食一個，小食三個同一杯飲品，價錢都係$34，雖然係下午茶，但份量都唔少，同大家介紹下我的最愛先：主食（四款）：肉燥飯，麻辣乾麵肉燥飯油香十足，麻辣麵帶點肉碎，麻味剛好，係麵身略嫌太淋小食（十款）：小香腸，梅粉炸番薯，台式豆腐，鹽酥雞，麻辣牛肚小香腸皮脆帶甜，梅粉炸番薯係條狀皮脆內軟，梅粉小酸解膩，台式豆腐係軟身既炸豆腐，有類似蚵仔煎既醬汁上面再有青瓜絲，鹽酥雞有三粒同樣香脆，麻辣牛肚麻辣香味十足，切絲所以唔會變香口膠。鐘意食台灣野一定要試下。…Read More

又係食美食既時候，今日試既係由西環黎到觀塘既台灣美食。最初見到地址都知係牛頭角地鐵站嘅附近，但要搵一啲都唔容易，因為佢個入口喺後巷，只要你認到人龍，就會搵到佢既入口處。地球已經阻止唔到香港人食美食嘅熱誠，即使條街好熱，排隊人數好多，大家都好樂意繼續排，但都有人因為長長的人龍而放棄，係我前面起碼有50人，今日只係星期二既夜晚。結果，我排左大約半個鐘就入到，出奇地快，大概都係因為呢間野番枱能力好高。入到去最吸引我嘅就係呢度嘅裝修，會令你感受到呢度有大笪地既氣氛，好有台灣氣息，侍應們都係講普通話。事不宜遲，拿拿聲介紹一下呢度既野食，由於佢每款野食大概都係$25-40不等。眼闊肚窄既我，叫左差不多成十樣野食，依家就為你地續一介紹；鹽酥雞：香脆，好味，份量較多涼拌白筍：白筍清甜，配合沙律醬都幾特別焢肉飯：其實係魯肉加焢肉，焢肉雖然肥，但入口即溶，堅好味蚵仔麵線：面唔多，蚵仔新鮮，但湯略為過酸頁丸湯：普通至極，頁丸得兩粒，要廿幾蚊，個湯又係味精，可以不叫魯肉飯：肥瘦得宜，味道又好蚵仔煎：呢個都好一般，佢個底全部都係薯粉，上面係蛋餅，好漏，如果人少千萬唔好叫皮蛋豆腐：有別於外面，佢係杯裝，張材料打碎，鹹鹹香香，好正總括，呢間野係值得推介，不論環境味道都吸引，心大心細既你，一於黎試試。留意留意：呢度枱真係好細，而且經常要搭枱，建議大家唔好一次過叫甘多野食哦…Read More

返左成個星期工，有時真係想搵個清清靜靜既地方透下氣，走走逛逛，就比呢間小店吸引住，最初睇外表，似係一間gallery，兩邊牆上都掛住唔同既黑白相，有政治既，有偏遠地區既，除左牆上面，餐桌上都有唔同既影冊，仿佛都好似想同大家分享攝影冊上經歷既故事，小店餐桌唔多，只有數張枱，走到盡頭有一個好吸引既甜品櫃，但我地都係決定先食正餐再吃甜點。正餐選擇唔多，只有三種，我揀左店主推介既Panini 味道選擇係牛油果蝦，老公就揀左個All day breakfast ，黎到後我發現個 All day breakfast大份好多個蛋，蘑菇同腸都好好味，我個Panini雖然細份啲，但味道更好，外脆內軟，蝦好爽不過salad 就不是我喜歡的，其實食完個正餐都飽左9成，但女人食甜品永遠都有另一個胃，我最初真係比佢個棉花糖吸引住，最後都忍唔住叫左棉花糖同蘋果批，老老實實，個棉花糖堅正，拉絲棉花糖拼朱古力榛子醬，超有罪惡感，同食得多真係有d漏，反而個蘋果批，甜酸剛剛好，仲有小小果肉，值得推介！！以攝影為主題既餐廳香港唔算多，聽講呢度定期仲有攝影展，愛好攝影又或者鐘意寧靜既又多一個好去處。…Read More

朋友仔生日，知道佢一向鐘情愛麗斯，所以專登book左呢間餐廳同佢慶祝，呢間以愛麗斯為主題既餐廳，聽講開業時好full，好難book位，但近排熱情減退，如果人少即日book位都不成問題，一入門口會經常一條巷仔，設計模仿森林，頂上面掛住古怪嘅時鐘，經過巷仔入到裏面之後，就會見到餐廳嘅裏面，但其實裏面係好細只係得幾張枱，我地坐係餐廳正中間嘅2人枱，雖然細，但每個小細節，都有愛麗斯影子，亦會有一個好大嘅佈置可以俾你一班朋友影下相，黎到食物方面，其實呢度都算係一間高價嘅餐廳，嘢食都算大份，我地叫個二人餐，雞翼係好味既，但其他食物都一般，我叫左杯玫瑰咖啡，外貌都好吸引，若果你係愛麗絲迷，都建議黎下，如果識影，可以影到好多靚景，但若果追求環境，味道，就不太適合…Read More

前個幾日拎車去洗，襯仲有時間，搵間靚靚既cafe坐下，由於之前食無印都食到飽飽，所諗住求其去食塊cake ,飲杯啡，個玫瑰千層蛋糕真係玫瑰味好重，cream都好滑好滑，只係個蛋皮厚左少少，而咖啡就叫左玫瑰同焦糖脆脆咖啡，雖然啡味唔夠重，但玫瑰味同焦糖味，特別係個脆脆，都好有效果，係略甜，想試新口味都可以考慮下。…Read More