squiffy's Profile

今日唔行經棉登徑，發現橫街有間唔多起眼，開頭唔知係食乜，店員好熱心拎出餐牌介紹，哦「拉麵」即管入去試試啦，見佢得三款拉麵三款小食，都應該係新開張㗎啦，我同太太各叫了一個醬油拉麵和雞湯拉麵，煎餃子。食拉麵第一口我會飲湯先，兩款湯底之中，我本人覺得 「醬油湯底 」比較好味，但佢哋暫時得3款拉麵和3款小食，唔大食都夠，拉麵係自家製。整體來講係值得再返去食， 期待多啲小食。 多謝店家請我試食佢地新品「關東煮🍢」。…Read More

見到帝京酒店呢間日本餐廳有優惠，就book枱試吓佢個買一送一套餐，我就揀咗食牛呢個套餐，另外再加298就可以試晒唔同嘅酒類，每一道菜跟唔同嘅酒。跟住我見到枱面有軟件優惠，儲分之餘即時減$100，本來我訂枱冇講話係我生日，跟住見到佢官方網站有個優惠，生日消費滿$1800有一磅蛋糕送，跟住我口多多話「我唔記得訂呢個優惠添…點點點」跟住個經理送咗個拿破崙蛋糕俾我，佢地服務好細心，值得一讚。下次再試吓佢唔同嘅定食， 好似唔太貴🥰…Read More

今日收工同老婆去懷舊一下，開頭諗住去金鳳嘅，跟住我老婆話佢朋友講飛鷹好食啲喎，咁就試吓啦！喺門口望吓個鐵板晚餐牌$103都覺得唔算平㗎喇，不過算啦而家興懷舊，入到去非常侷促可能今日天氣凍閂左幾部冷氣掛，一坐低見隔離叫嗰幾個牛扒我心諗中伏啦🥲咁我梗係唔叫啦，我就叫個常餐會牛脷飯，諗住正常啲掛點知，一擺上台牛脷呢切到一條條好似火腿通粉嗰幾條火腿咁，都冇煎過求其隊埋一邊咁樣，大家樂好食好多，到我老婆嗰個鐵板牛柳嚟到，係幾熱嘅塊鐵板…啲牛柳呢用鬆肉粉整到鬆晒，叫五成熟確實係有五成熟，另外就再叫多個蝦多士，個塊多士真係蝦膠就得個少少…塊多士啦勁油…算啦諗住好唔好都係一餐姐，埋單嗰陣時發覺點解多咗成$20原來要加一服務費，我即時打咗個突，佢哋有咩服務？啲嘢都未食完已經想嗱嗱聲拎走佢，問都冇問你…諗吓諗吓佢哋今時今日仲生存到真係一個傳奇食咗個背脊骨落。…Read More

今日從屯門專登走去中環Hunger Piont食個Afternoon Tea🍵 ，千里迢迢過嚟試吓，唔好睇佢樣樣細細件，但都好飽下，整體感覺可以有80分，值得去hea 吓。🥰🥰…Read More

今日結婚10週年紀念，開開心心去食餐飯，之前係一篇文章介紹這餐廳🍴今晚就嚟試吓。可能早幾日預訂，餐廳就安排咗一張我覺得唔錯的位置，佢哋本身餐桌不算多，枱與枱之間有一定距離感，同三五知己黎食飯吹水真係唔錯。至於服務態度真係唔錯，個人覺得食物方面都一樣唔錯，整體起碼值80分，價錢方面唔貴，只係我地太大食，真心抱住個肚腩行山餐廳🤣其中Appetiser叫左個黑松露蟹餅，估唔到幾好味好耐冇飲洋蔥湯叫嚟試試，幾濃味。整體食物質素都很好，值得再次幫襯。🥰…Read More